Morgunblaðið - 04.04.2002, Blaðsíða 23

LISTIR
MORGUNBLAÐIÐ FIMMTUDAGUR 4. APRÍL 2002 23
SAGA Breiðholtsins allt frá yfir-
lýsingu ríkisstjórnar um úrbætur í
húsnæðismálum um miðjan sjöunda
áratuginn að sögu um fæðingu á bíla-
plani í janúar á þessu ári, er reifuð á
sýningunni Byggt yfir hugsjónir,
Breiðholtið frá hugmynd að veru-
leika, sem nú stendur yfir í Listasafni
Reykjavíkur, Hafnarhúsinu.
Blaðaúrklippur, heimildamynd,
hverfaskipulag, loftmyndir, teikning-
ar og módel íbúðarhúsa eiga öll sinn
þátt sýningunni sem komið hefur
verið fyrir á efri hæð safnsins. Fyrst
segir frá Breiðholtinu 10. júlí 1965 – í
yfirlýsingu ríkisstjórnarinnar um úr-
bætur í húsnæðismálum. Þremur ár-
um síðar hafa fyrstu húsin síðan risið
og athygli fjölmiðla beinist að hverf-
inu fyrir alvöru. Fyrirsagnir á borð
við „Hvaða fólk flytur inn í Breið-
holtsíbúðirnar“ og „Við hefðum aldr-
ei getað eignast þessa íbúð með öðru
móti“ setja þar óneitanlega nokkuð
tóninn að því sem á eftir kemur.
Ófrágengnar lóðir, gölluð flísalögn og
hrunin eldhúsinnrétting verða fjöl-
miðlum þannig að fréttamat og ára-
tugum síðar eru íbúar Breiðholtsins
enn að útskýra hvort, og þá af hverju,
þeir kunni vel við sig í hverfinu.
Sýningin nær vel að kalla fram
þann neikvæða tón sem oft á tíðum,
sérstaklega á árum áður, hefur ein-
kennt frásagnir fjölmiðla af þessu út-
hverfi. En teikningarnar, hverfis-
skipulagið og myndir af íbúum og
byggingum bera vott umbjartsýni
sem einkenndi bæði uppbyggingu og
skipulag. Svipmyndir úr sýnisíbúð,
þar sem hreinar línur húsgagnatísku
sjöunda áratugarins eru alls ráðandi,
ítreka þessar vonir enn frekar.
Saga Breiðholtsins er vissulega
áhugavert sýningarefni og staðsetn-
ing loftmynda á gólfi er skemmtileg
lausn á notkun myndanna, sem fyrir
vikið birtast sýningargestum frá
„réttu“ sjónarhorni. Hið mikla upp-
lýsingamagn sem sýningin geymir,
jafnt í formi texta og mynda, nær
hins vegar ekki fyllilega að skila sér
til áhorfenda. Magnið eitt og sér get-
ur verið yfirþyrmandi og á köflum
bíður myndmálið lægri hlut fyrir
gagnrýnisröddum fjölmiðlanna. Auk-
in samtvinnun mynda og texta hefði
þannig veitt sögulegt samhengi þró-
unar hverfisins aukið vægi og
ómerktar ljósmyndir hefðu náð að
nota sjónrænan styrk sinn til fulls. Í
stað þess hættir ljósleitum teikning-
um til að hverfa í skugga fréttaskrifa.
Sú ákvörðun að birta allar fréttasíður
í réttri stærð eykur enn frekar á upp-
lýsingaflóðið, enda stærð fyrirsagn-
anna eina vísbendingin sem sýning-
argestir hafa um mikilvægi hvers
atviks.
Hugmyndirnar að baki Breiðholts-
sýningunni eru engu að síður góðar
og sögurnar sem hún geymir vel
heimsóknarinnar virði. Sú aðferð að
láta gögnin tala fyrir sig dregur hins
vegar nokkuð úr möguleikum áhorf-
enda að upplifa sýninguna á mark-
vissan hátt og hefðu aukin afskipti
stjórnenda af mikilvægi þeirra efn-
isþátta sem Hafnarhúsið geymir ver-
ið til bóta. Saga Breiðholtsins er
engu að síður um margt áhugaverð
og neikvæð fjölmiðlaumfjöllunin vel
til þess fallin að vekja fólk til um-
hugsunar um ástæður þessa nei-
kvæða stimpils sem hverfinu gjarnan
fylgir. Nýleg blaðaúrklippa er ágætis
dæmi um þetta, en fyrirsögnin
„Fæddist á bílaplani í Breiðholti“
læðir óneitanlega þeirri spurningu að
gestum hvort fyrirsögnin hefði verið
sú sama hefði bílaplanið verið í vest-
urbænum.
MYNDLIST
Listasafn Reykjavíkur,
Hafnarhúsinu
Sýningin er opin alla daga frá kl. 11–18,
nema fimmtudaga frá kl. 11–19. Sýning-
unni lýkur 5. maí.
BYGGT YFIR HUGSJÓNIR, BREIÐHOLTIÐ
FRÁ HUGMYND AÐ VERULEIKA
Saga
hverfis
Morgunblaðið/Ásdís
Anna Sigríður Einarsdóttir
UNNUR Fadila Vilhelmsdóttir pí-
anóleikari flytur verk eftir
Beethoven, Chopin og Prokofieff
í Salnum í kvöld, fimmtudags-
kvöld, kl. 20. Verkin á efnis-
skránni eru fulltrúar fyrir ólík
tímabil tónlistarsögunnar: Són-
atan ópus 31, nr. 3 eftir Beeth-
oven er verk fullt af gáska og
húmor. Ballaða nr. 4 í f-moll eftir
Chopin er rómantískt verk, þar
sem tvö andstæð stef ganga í
gegnum miklar breytingar. Pí-
anósónata nr. 8 eftir Prokofieff
er samin á tímum seinni heims-
styrjaldar og þykir bera því vitni.
Unnur Fadila lauk píanókenn-
araprófi árið 1990 frá Tónlistar-
skóla Reykjavíkur og einleik-
araprófi ári síðar. Þá hóf hún
framhaldsnám í Bandaríkjunum
undir handleiðslu dr. Williams
Black og lauk þaðan doktorsprófi
í píanóleik haustið 1997. Unnur
Fadila hefur verið virk í íslensku
tónlistarlífi undanfarin ár.
Píanótónleikar í Salnum
Morgunblaðið/Árni Sæberg
Unnur Fadila Vilhemsdóttir píanóleikari fyrir utan Salinn í Kópavogi.
TINDRANDI STJÖRNUR
THE STELLARS
GLITRANDI HÁMARKSGLJÁI
Stellars eru skrefinu framar hvað
varðar gljáa varanna vegna þúsunda
tindrandi ljósa. Silfurhúðaðar, glitrandi
agnir, létt áferð og glampandi gljái.
Ráðgjafi frá Helena Rubinstein
kynnir nýjungar í dag og á morgun.
Amazonia, vor- og sumarlitirnir eru komnir.
Prodigy, glænýtt krem sem uppfyllir allar þarfir húðarinnar.
Stellars, nýir, ómótstæðilegir varalitir.
Við gleðjum viðskiptavini Helena Rubinstein
með glæsilegum kaupaukum.
Strandgötu 32, sími 5552615
Ræktaðu
sjálfan þig
www.endurmenntun.is
Dagskrá:
1. Venjuleg aðalfundarstörf skv. 8. gr. samþykkta félagsins.
2. Tillaga stjórnar um að félaginu sé heimilt að kaupa eigin hluti samkvæmt 55. grein
laga nr. 2 frá 1995 um hlutafélög.
3. Önnur mál, löglega upp borin.
Aðalfundur Samskipa hf. verður haldinn
þann 11. apríl í Salnum, Kópavogi kl. 17.00.
Aðalfundur
Samskip Holtabakka við Holtaveg 104 Reykjavík Sími 569 8300 Fax 569 8327 samskip@samskip.is samskip.is
Tillögur frá hluthöfum, sem bera á fram á aðalfundi, þurfa að berast stjórn
eigi síðar en sjö dögum fyrir aðalfund.
Dagskrá, endanlegar tillögur og ársreikningur mun liggja frammi á skrifstofu
félagsins sjö dögum fyrir aðalfund.
Atkvæðaseðlar og önnur fundargögn verða afhent á fundarstað við upphaf
fundarins.
Stjórn Samskipa hf.
A
B
X
/S
ÍA
9
0
2
0
2
0
5