Morgunblaðið - 04.04.2002, Blaðsíða 17

LANDIÐ
MORGUNBLAÐIÐ FIMMTUDAGUR 4. APRÍL 2002 17
Volkswagen Bora
Skráður: Júní 1999
Vél: 1600 cc
Ekinn: 73.000 km
Litur: Dökkgrár
Verð: 1.400.000 kr.
Toyota Yaris Luna
Skráður: Nóvember 2001
Vél: 1300 cc
Ekinn: 20 km
Litur: Gylltur
Verð: 1.300.000 kr.
Toyota Avensis Terra
Skráður: Ágúst 1998
Vél: 1800 cc
Ekinn: 95.000 km
Litur: Grænn
Verð: 1.070.000 kr.
Volkswagen Golf
Skráður: Október 2000
Vél: 1400 cc
Ekinn: 10.000 km
Litur: Grár
Verð: 1.450.000 kr.
Það er óþarfi að hafa líka áhyggjur af bílaviðskiptum
Við bjóðum áhyggjulaus og örugg bílaviðskipti. Allir notaðir bílar hjá okkur fara í gegnum strangt skoðunarferli. 14 daga skiptiréttur.
Ókeypis skoðun eftir fyrstu þúsund kílómetrana. Allt að eins árs ábyrgð á notuðum bílum.
Skoðaðu úrvalið á Nýbýlavegi 4, á www.toyota.is eða hringdu í síma 570 5070.
Traustir fjölskylduvinir
Daihatsu Terios
Skráður: Apríl 1999
Vél: 1300 cc
Ekinn: 26.000 km
Litur: Rauður
Verð: 990.000 kr.
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
T
O
Y
17
20
1
0
4/
20
02
NÝLOKIÐ er borun í Húsafelli í
Borgarfirði, þar sem kom upp
mikið af heitu vatni. Nýrri tækni
með sk. vatnshamri var beitt við
þessa borun og er þetta í þriðja
sinn sem aðferðin er notuð hér á
landi, en áður hefur verið borað í
Lundi í Fnjóskadal og á Hjalteyri.
Friðfinnur K. Daníelsson, verk-
fræðingur hjá fyrirtækinu Alvarr,
segir að í fyrsta hluta holunnar,
hafi verið borað með lofthamri og
síðan skipt yfir í að nota háþrýst
vatn til að mynda höggið. Þessi að-
ferð kemur í stað hjólakrónu sem
eingöngu hefur verið notuð hingað
til við dýpri boranir. Með þessari
nýju tækni verður borhraði allt að
10 sinnum meiri en áður og segir
Friðfinnur þetta vera byltingu.
Þegar fram í sækir verði hægt að
bora dýpri holur mun ódýrar en
áður var, þar sem bæði sparist
tími, mannafli og orka.
Þetta verkefni er brautryðj-
endastarf sem unnið er í samstarfi
við fyrirtækið Geovarme í Noregi
og er verið að kynna það í fleiri
löndum segir Friðfinnur. Tæknin
sé reyndar upprunnin í Svíþjóð
þar sem þessum hömrum sé að-
allega beitt við námuvinnslu í
Norður-Svíþjóð.
Borað var í landi Ferðaþjónust-
unnar í Húsafelli, rétt fyrir ofan
gamla bæinn, vestanvert við gilið.
Samkvæmt uppýsingum Bergþórs
Kristleifssonar hjá Ferðaþjónust-
unni Húsafelli koma nú úr holunni
26 sekúndulítrar af 62 °C heitu
vatni, en borað var niður á 606 m
dýpi. Þarna í gilinu eru fyrir heit-
ar lindir sem nýttar voru frá því
fyrir miðja síðustu öld til upphit-
unar í gamla bænum í Húsafelli.
Hingað til hefur Ferðaþjónustan
notað heitt vatn úr borholu í Sel-
gili sem er nokkru austar, og
koma þar upp 21 sekúndulítrar af
76 °C heitu vatni sem notað er við
fiskeldi í Húsafelli, og einnig eru
106 hús hituð með hitaveitu. Þessi
nýja borhola er gerð til að geta
skipulagt framtíðina, að vita hvað
við höfum, segir Bergþór.
Vatnið kemur til með að nýtast
ferðaþjónustunni og dugar fyrir
500 hús.
Frá boruninni í Húsafelli.
Ný tækni við borun
eftir heitu vatni
Reykholt
ÁBÓTINN ehf. í Tröð í Gnúpverja-
hreppi hefur lokið því verki að
koma á ljósleiðaratenginu í Gnúp-
verjahreppi. Þar með er framsýnum
og merkum áfanga náð í að ljósleið-
aravæða landsbyggðina í samstarfi
við Fjarska ehf., dótturfyrirtæki
Landsvirkjunar og Línu.nets. Sam-
bandi var komið á 23. febrúar sl.
Haustið 2000 réðst Ábótinn ehf. í
það verk að tengja saman fjögur
hús með ljósleiðara sem var að
finna við félagsheimilið Árnes í
Gnúpverjahreppi og prestssetrið í
Tröð, samtals 900 metra.
Sumarið 2002 var síðan ráðist í að
leggja ljósleiðara um 2 km leið frá
háspennumastri númer 67 í Búr-
fellslínu 3 að Gnúpverjaskóla.
Samningar voru gerðir við Línu.net
þar að lútandi 12. júlí 2002. Fjarski
ehf. yfirtók samninginn við Línu.net
og nýr samningur var gerður í febr-
úar 2002.
Með ljósleiðaratengingunni opn-
ast nýir möguleikar fyrir íbúa í
Gnúpverjahreppi þar sem þeim
gefst nú í fyrsta sinn kostur á al-
mennri netþjónustu með háhraða-
tengingu eins og best þekkist.
Ljósleiðaratengingin þúsundfald-
ar netsambandið sem sveitafólk hef-
ur getað notað og gjörbreytir allri
netnotkun. Til boða stendur að nýta
sér 50 rása sjónvarp, fjarfundi og
fjarkennslu og IP-símaþjónustu.
Tækifæri skapast til atvinnu og til
tekna með stafrænni tækni og ljós-
leiðarinn opnar fyrir þjónustu sem
þarf mikla bandvídd.
Gnúpverjahreppur er því orðinn
ákjósanlegri staður fyrir einstak-
linga og fyrirtæki til að koma sér
upp vinnuaðstöðu í faðmi sveitar-
innar og virkja þar þekkingu sína
og hugmyndaflug.
Kynning fyrir íbúa uppsveita Ár-
nessýslu og íbúa í vestanverðri
Rangárvallasýslu verður laugardag-
inn 6. apríl í félagsheimilinu Árnesi
í Gnúpverjahreppi frá klukkan 14–
17. Þar gefst fólki tækifæri að vafra
um Netið á háhraðatengingu og
hringja frítt úr IP-síma um víða
veröld.
Ljósleiðaratengingu kom-
ið á í Gnúpverjahreppi
Gnúpverjahreppur
ÁSTRÍÐUR Grímsdóttir, sýslu-
maður í Ólafsfirði, fór á dögunum
með krakka í 10. bekk Gagnfræða-
skólans í Ólafsfirði í heimsókn í
Héraðsdóm Norðurlands eystra á
Akureyri þar sem hlýtt var á mál-
flutning í opinberu máli. Tók hann
sem og yfirheyrslur um tvo og
hálfan tíma. Þá var haldið á lög-
reglustöðina þar sem fangaklefar
voru skoðaðir og eftir hádegisverð
var haldið í Kristnes þar sem end-
urhæfingarstöðin var skoðuð.
Ástríður hefur í vetur kennt 9.
og 10. bekk í GÓ m.a. um afleið-
ingar afbrota og var ferðin liður í
þeirri kennslu. Síðar er ætlunin að
setja upp lítinn leikþátt sem felst í
því að einhver verður tekinn fyrir
umferðarlagabrot, hann ákærður,
málið flutt, sótt og varið og loks
dæmt. Ástríður sagði að hugsunin
á bak við þetta væri sú að krakk-
arnir sæju sjálfir um að ákvarða
refsingu fyrir þann brotlega eins
og þeim þætti hæfilegt. „Tilgang-
urinn með þessu öllu saman er að
ef til þess kemur að krakkarnir
ætla að leiðist út í einhvers konar
brot þá minnist þau þessa og hugsi
sig um tvisvar áður en þau taka
ákvörðun. Þannig að þetta er liður
í forvörnum,“ sagði Ástríður
Grímsdóttir sýslumaður.
Fylgdust með málflutningi
Morgunblaðið/Helgi Jónsson
Krakkar í 10. bekk í Gagnfræðaskóla Ólafsfjarðar heimsóttu Héraðsdóm Norðurlands eystra og hlýddu þar á
réttarhöld yfir 18 ára dreng vegna ölvunaraksturs, hraðaksturs, vörslu fíkniefna o.fl.
Ólafsfjörður