Morgunblaðið - 13.04.2002, Blaðsíða 22

VIÐSKIPTI/ATHAFNALÍF
22 LAUGARDAGUR 13. APRÍL 2002 MORGUNBLAÐIÐ
ALMENNUR KYNNINGARFUNDUR
Alþjóðlega Sam-Frímúrarareglan „Le Droit Humain“ hef-
ur nýlega undirritað samvinnu- og samstarfssamning við
tvær aðrar frímúrarareglur, Grand Orient de France og
Grande Loge de France. Samtals telja þessar þrjár
reglur liðlega 100 þúsund meðlimi og starfa í meira en
70 löndum.
Af þessu tilefni efnir Sam-Frímúrarareglan til almenns
kynningarfundar í húsakynnum reglunnar á Skerjabraut
1, Seltjarnarnesi, sunnudaginn 14. apríl kl. 16.00.
Á fundinum mun dr. Njörður P. Njarðvík, stórmeistari
Sam-Frímúrarareglunnar, kynna störf frímúrara al-
mennt, sögu þeirra, táknfræði, hugsjónir og heimspeki
og Alþjóða Sam-Frímúrararegluna sérstaklega. Hann
mun einnig svara spurningum fundarmanna.
Öllum er heimill ókeypis aðgangur meðan húsrúm leyfir.
STJÓRN Olíufélagsins hf. leggur
áherslu á að rannsókn Samkeppn-
isstofnunar á meintu ólöglegu sam-
ráði olíufélaganna verði lokið á
sem skemmstum tíma svo að allri
óvissu verði eytt sem fyrst. Þetta
kom fram í máli Kristjáns Lofts-
sonar, stjórnarformanns Olíufé-
lagsins, á aðalfundi félagsins í gær.
Hann sagði nauðsynlegt að
tryggja fullan trúnað og traust á
milli félagsins, annars vegar, og
viðskiptavina og hluthafa, hins
vegar. Aðalatriðið sé að starfsemi
Olíufélagsins verði færð í lögmætt
horf, í því tilvikum sem hún verður
talin ganga gegn einstökum
ákvæðum samkeppnislaga. Þá
verði leikreglur um samskipti olíu-
félaganna skýrðar svo enginn þurfi
að velkjast í vafa um réttindi sín
og skyldur.
Samþykkt var á aðalfundinum
að breyta nafni Olíufélagsins hf. í
Ker hf. Kristján greindi frá því að
Ker hf. verði eignarhaldsfélag,
sem muni einbeita sér að rekstri
fasteigna og fjárfestingum í ýmissi
atvinnustarfsemi. Þetta sé niður-
staða stefnumótunar sem unnið
hafi verið að frá haustmánuðum
ársins 2000. Skýr skil hafi verið
mótuð milli aðalstarfsemi félagsins
og eignaumsýslunnar, en 1. janúar
síðastliðinn var stofnað nýtt fyr-
irtæki um olíuviðskiptin, Olíufélag-
ið ehf. Hann sagði að markmiðið
með þessum breytingum sé að ein-
falda reksturinn og gera stjórnun
markvissari og hagkvæmari en
verið hefur.
Samrekstur bensínstöðva
ekki vegna kærleika
Kristján sagði að rannsókn Sam-
keppnisstofnunar á meintu ólög-
legu samráði olíufélaganna taki
meðal annars til samrekinna bens-
ínstöðva félaganna vítt og breitt
um landið. Olíufélagið sé aðili að
13 slíkum stöðvum. Þessi sam-
rekstur eigi sér í flestum tilvikum
áratuga langa forsögu en sam-
keppnislög í núverandi horfi séu
um 9 ára gömul.
„Ástæða þessa samrekstrar með
hinum olíufélögunum er ekki til-
komin vegna sérstaks kærleika í
viðskiptum, heldur af illri nauðsyn
og jafnvel nauðung,“ sagði Krist-
ján. „Dæmi eru um að sveitar-
stjórnir hafi sett olíufélögunum þá
úrslitakosti að einungis yrði veitt
rekstrarleyfi fyrir einni bensínstöð
í sveitarfélaginu. Í öðrum tilvikum
er samstarfið grundvallað á hag-
kvæmnisástæðum þar sem sumir
byggðakjarnar bera ekki nema
eina bensínstöð og tæplega það í
sumum tilvikum. Þannig geta olíu-
félögin boðið íbúum landsbyggð-
arinnar svipað vöruúrval og íbúum
þéttbýlisins stendur til boða.“
Kristján sagði að Samkeppnis-
stofnun hafi verið sendar ítarlegar
upplýsingar um þennan samrekst-
ur samkvæmt beiðni stofnunarinn-
ar á árinu 1994 en frá þeim tíma
hafi ekki verið minnst á samrekst-
urinn fyrr en nú. Eftir meira en
hálfrar aldar starfsemi, lengst af í
viðjum opinberrar forsjár og hafta,
þá þurfi engum að koma á óvart
þótt ekki hafi tekist að öllu leyti að
aðlaga starfsemi félagsins, takti
tiltölulega nýlegra samkeppnis-
laga, enda hafi Samkeppnisstofnun
ekki sýnt neina tilburði í þá veru
að leiðbeina í þeim efnum.
„Samkvæmt upplýsingum sem
kynntar voru stjórn Olíufélagsins
hf. á fundi hennar 1. mars síðast-
liðinn, og byggðist á rannsókn
þeirra gagna sem Samkeppnis-
stofnun lagði hald á 18. desember,
þá eru komnar fram vísbendingar
um að ákveðnir þættir í starfsemi
Olíufélagsins hf. hafi á undanförn-
um árum að einhverju leyti stang-
ast á við ákvæði samkeppnislaga.
Olíufélagið hefur ekkert að fela í
þessum efnum, og því var tekin
ákvörðun í stjórn félagsins að
vinna með samkeppnisyfirvöldum
að upplýsa málavexti um meint
samráð milli olíufélaganna.“
Viðunandi hagnaður í fyrra
Kristján sagði að rekstraraf-
koma Olíufélagsins á árinu 2001
hafi verið lakari en á árinu 2000.
Óhagstæð gengisþróun, hátt verð-
bólgu- og vaxtastig og samdráttur
í efnhagslífinu almennt hafi sett
sitt mark á reksturinn. Aðrar ytri
aðstæður, svo sem sjómannaverk-
fall og minnkandi flugumferð,
hefðu einnig afgerandi áhrif á af-
komu ársins. Miðað við aðstæður í
efnahagsmálum og þróun í geng-
ismálum á árinu verði að telja að
hagnaður ársins upp á 378 millj-
ónir króna sé viðunandi. Hagnaður
Olíufélagsins árið áður var 429
milljónir.
Um rekstrarhorfur þessa árs
sagði Kristján að með stöðugleika í
gengismálum, stöðugleika í verði á
heimsmarkaði með olíuvörur,
ásamt jafnvægi í íslensku efna-
hagslífi, muni rekstur Olíufélagsins
og dótturfélaga ganga vel.
Geir Magnússon, forstjóri Olíu-
félagsins, sagði er hann gerði grein
fyrir ársreikningi félagsins á aðal-
fundinum, að gert væri ráð fyrir
batnandi afkomu á þessu ári. Af-
komandi á síðasta ári hafi ekki
verið í takt við áætlanir en við-
unandi þó. Fram kom í máli hans
að markaðshlutdeild Olíufélagsins í
sölu eldsneytis hér á landi væri
34,2%.
Þórður Már Jóhannesson var
kjörinn í stjórn félagsins á aðal-
fundinum í stað Frosta Bergsson-
ar, sem gaf ekki kost á sér til end-
urkjörs. Aðrir stjórnarmenn voru
endurkjörnir en þeir eru: Kristján
Loftsson, Gísli Jónatansson, Mar-
geir Daníelsson og Ólafur Ólafs-
son.
Samþykkt að breyta nafni Olíufélagsins í Ker hf.
Rannsókn Samkeppnis-
stofnunar ljúki sem fyrst
Morgunblaðið/Golli
Kristján Loftsson, stjórnarformaður Olíufélagsins hf., sagði á aðalfundi fé-
lagsins að skýra þyrfti leikreglur um samskipti olíufélaganna svo enginn
þyrfti að velkjast í vafa um réttindi sín og skyldur.
IÐNAÐUR á sviði upplýsingatækni
myndi eflast hér á landi ef sú hug-
búnaðarþjónusta sem starfrækt er
innan opinberra stofnana og fyrir-
tækja yrði færð út á markaðinn, að
sögn Ara Edwald, framkvæmda-
stjóra Samtaka atvinnulífsins. Hann
segir að það liggi fyrir að starfsemi á
þessu sviði innan stofnana ríkisins sé
umtalsverð.
Fram kom í máli Ara í setning-
arræðu sem hann flutti á ráðstefnu
TölvuMynda um ávinning upplýs-
ingatækninnar síðastliðinn fimmtu-
dag, að opinberir aðilar veiti fyrir-
tækjum í hugbúnaðargeira óeðlilega
samkeppni með því að starfrækja
sína eigin hugbúnaðarþjónustu.
Hann segir að virðisaukaskattur
leggist á þjónustu hugbúnaðarfyrir-
tækja, þegar hún sé útseld til rík-
isstofnana. Skatturinn sé hins vegar
ekki að sama skapi innheimtur af
starfsemi deildar innan ríkisstofnun-
ar sem sinnir þessum verkum. Þetta
stuðli að uppbyggingu slíkrar starf-
semi innan stofnana í stað þess að
hún flytjist út á markaðinn.
Virðisaukaskattsskyld starfsemi
Ari segir að að mati skattyfirvalda
eigi þessi starfsemi að bera virðis-
aukaskatt þó hún fari fram innan
stofnana ríkisins.
Erfiðleikar séu hins vegar við þá
framkvæmd að skilja að hvað sé eðli-
legur hluti af kjarnastarfsemi við-
komandi aðila og hvað ekki. Þetta
eigi ekki eingöngu við um ríkisstofn-
anir heldur einnig sveitarfélög og
aðra sem séu ekki virðisaukaskatts-
skyldir, s.s. fjármálageirann. Það
hljóti að standa upp á opinbera aðila
að marka sér þá stefnu að bjóða út
verkefni á sviði hugbúnaðar til
einkafyrirtækja, sem myndi tví-
mælalaust stuðla að æskilegri þróun
í greininni.
Ari Edwald, framkvæmdastjóri Samtaka atvinnulífsins
Upplýsingatæknin eflist
ef ríkið hættir á því sviði