Morgunblaðið - 13.04.2002, Blaðsíða 2
FRÉTTIR
2 LAUGARDAGUR 13. APRÍL 2002 MORGUNBLAÐIÐ
Fylgstu
með
nýjustu
fréttum
www.mbl.isÞórður Guðjónsson
á leið til Bradford? / B3
Akureyringar Íslandsmeistarar
í íshokkí / B1
4 SÍÐUR16 SÍÐUR
Sérblöð í dag
Á LAUGARDÖGUM L a u g a r d a g u r13.
A p r i l ˜ 2 0 0 2
SAMKOMULAG hefur náðst milli
Búnaðarbanka Íslands hf. og Ís-
landsbanka hf. annars vegar og
áfengisheildsölunnar Lindar ehf.
hins vegar um kaup Lindar á Ölgerð
Egils Skallagrímssonar hf. Kaupin
eru gerð með fyrirvara um fjár-
mögnun og áreiðanleikakönnun og
er kaupverð trúnaðarmál, að því er
fram kemur í fréttatilkynningu frá
Búnaðarbankanum.
Lind er í eigu Einars Friðriks
Kristinssonar, framkvæmdastjóra
og eiganda Danól. Meðal vöru-
merkja sem Lind hefur umboð fyrir
eru: Budweiser- og Holsten-bjór,
léttvín frá Rosemount, Columbia
Crest og Mouton Cadet og líkjörinn
Grand Marnier og Larsen-koníak.
Að sögn Októs Einarssonar, sölu-
og markaðsstjóra Danól, verður Öl-
gerðin rekin áfram sem sjálfstætt
fyrirtæki og ekki séu fyrirhugaðar
miklar breytingar á rekstrinum.
Engar uppsagnir
Hann segir ástæðuna fyrir kaup-
unum vera meðal annars þá að þeir
sjái mörg spennandi tækifæri í Öl-
gerðinni og ætlunin sé að sameina
Lind við Ölgerðina. „Lind er eitt af
öflugustu innflutningsfyrirtækjun-
um í léttvíni og bjór. Á síðasta ári var
Lind með um þriðjungs markaðs-
hlutdeild í rauð- og hvítvíni og um
8% hlutdeild á bjórmarkaðnum. Öl-
gerðin er ekki mjög sterk í léttum
vínum og þessi félög fara vel saman,“
segir Októ.
Hann segir Ölgerðina vera traust
og gott fyrirtæki og þeir sjái mikla
möguleika við sameiningu félaganna.
Ekki komi til uppsagna starfsfólks
við sameiningu Lindar og Ölgerðar-
innar.
Áfengisheildsalan
Lind kaupir Ölgerðina
EIRÍKUR Tómasson, prófessor við lagadeild
Háskóla Íslands, sem átti sæti í auðlindanefnd
ríkisstjórnarinnar, telur að Landsvirkjun beri
að greiða ríkinu auðlindagjald fyrir þau vatns-
réttindi sem fyrirtækið nýti til orkuframleiðslu
innan þjóðlendunnar. Slík gjaldtaka sé í sam-
ræmi við þjóðlendulögin og tillögur auðlinda-
nefndarinnar.
Þetta kom m.a. fram í máli Eiríks á ráðstefnu
Lagastofnunar Háskóla Íslands á Hótel Sögu í
gær um nýlega úrskurði óbyggðanefndar í upp-
sveitum Árnessýslu. Nefndin komst m.a. að
þeirri niðurstöðu að ríkið væri eigandi vatns- og
landsréttinda á hálendinu, ekki Landsvirkjun.
Eiríkur ítrekaði að þetta væri sín persónulega
skoðun en erindi hans fjallaði aðallega um til-
lögu auðlindanefndar um eignarrétt þjóðarinnar
að náttúruauðlindum og landsréttindum. Hann
sagði ennfremur að Alþingi gæti tekið þá
ákvörðun að úthluta Landsvirkjun vatnsréttind-
unum á hálendinu án endurgjalds.
„Okkur finnst sjálfsagt að olíufyrirtæki, sem
fær leyfi til að leita eftir olíu í hafsbotni og nýta
hana, greiði fyrir þau not. Á sama hátt er sjálf-
sagt, að mínum dómi, að orkufyrirtæki sem nýt-
ir rétt í þjóðlendum greiði fyrir það, a.m.k. þeg-
ar litið er til framtíðar,“ sagði Eiríkur.
Hann sagði að mismunandi lög giltu hér á
landi um nýtingu auðlindanna, það væri að hans
mati óeðlilegt. Ekkert réttlætti t.d. að gera
greinarmun á auðlindum í jörðu og á hafsbotni.
Binda þyrfti enda á alla réttaróvissu og sam-
ræma lög um eignarhald yfir auðlindunum.
Eiríkur sagði ennfremur að áður en viðræður
hæfust mögulega við Evrópusambandið þyrfti
að vera búið að ganga frá eignarhaldi á fiski-
stofnum umhverfis landið og öðrum auðlindum.
Ef það væri í lausu lofti, væri voðinn vís. Fisk-
veiðar og -stofnar gætu runnið undir eigu og
stjórn útlendinga.
Hlutafélög um þjóðlendur
Ragnar Árnason, prófessor við viðskipta- og
hagfræðideild Háskólans, var einnig meðal
frummælenda á ráðstefnunni. Hann greindi frá
þeirri meginskoðun sinni að það væri ekki væn-
legur kostur að gera hálendi Íslands að þjóð-
lendum. Varpaði Ragnar fram þeirri hugmynd
að stofna hlutafélög um þjóðlendur með þátt-
töku alls almennings. Hlutafélögin gætu verið
landshlutatengd og þau skráð á markaði. Ragn-
ar sagði að með þessu fyrirkomulagi hyrfu
ókostir sameignar á hálendinu og ríkisrekstrar,
notendur yrðu að kaupa rétt af hlutafélögunum,
umhverfissamtök og aðrir hagsmunahópar gætu
safnað hlutum og nýting hálendisins væri í betra
samræmi við þjóðarhag.
Eiríkur Tómasson lagaprófessor á ráðstefnu um úrskurði óbyggðanefndar
Landsvirkjun ber að
greiða auðlindagjald
ÖKUMANN sakaði ekki þegar
gámaflutningabifreið frá Eimskip-
Flytjanda hf. hafnaði utan vegar á
móts við Neðri-Breiðadal í Önund-
arfirði á þriðja tímanum í gær.
Ökumaðurinn var einn á ferð en
hann var á leið til Flateyrar. Talið
er að snörp vindhviða hafi feykt
bílnum um koll. Að sögn lögreglu
slapp ökumaðurinn nánast með
skrekkinn en hann fékk far til Ísa-
fjarðar til nánari skoðunar. Hins
vegar er bifreiðin talsvert skemmd.
Veður lægði ekki á svæðinu fyrr
en í gærkvöldi, en þá var hafist
handa við að fjarlægja bifreiðina af
staðnum. Verkið gekk hægt, en
veginum var lokað á meðan.Morgunblaðið/Halldór Sveinbjörnsson
Gámaflutn-
ingabif-
reið fauk
á hliðina
VIÐ þingfestingu í gær játaði
Ásbjörn Leví Grétarsson að
hafa orðið rúmlega fertugum
manni að bana í íbúð sinni í
Breiðholti í október í fyrra.
Kvað hann lýsingu á morðinu í
ákæruskjalinu vera rétta en
þar segir að hann hafi banað
manninum með mörgum
hnífsstungum í brjóstkassa,
bak og háls, skorið hann og
slegið með hafnaboltakylfu í
höfuð og líkama.
Verjandi Ásbjarnar fór
fram á lokað þinghald en bæði
saksóknari og réttargæslu-
maður aðstandenda fórnar-
lambsins lýstu sig andvíga.
Vísuðu þær til þeirrar meg-
inreglu að þinghöld skyldu
fara fram í heyranda hljóði.
Pétur Guðgeirsson, héraðs-
dómari sagði að von væri á úr-
skurði um málið eftir helgi.
Ósk um lokað þinghald var
borin fram að ósk Ásbjarnar
og að ráði sálfræðings og yf-
irlæknis á réttargeðdeildinni
að Sogni en þar hefur Ásbjörn
verið vistaður mestallan
gæsluvarðhaldstímann. Í
fyrstu var hann í haldi á Litla-
Hrauni en fljótlega mun hafa
komið í ljós að það úrræði
hentaði alls ekki.
Segist ekki hafa
kært sig um myndirnar
Ásbjörn er einnig ákærður
fyrir að hafa haft í vörslu sinni
291 mynd sem sýnir börn á
kynferðislegan og klámfeng-
inn hátt. Þegar lögregla lagði
hald á tölvu hans var hann
þegar búinn að afmá 282 út úr
tölvunni. Ásbjörn sagði þenn-
an þátt ákærunnar réttan en
tók skýrt fram að þetta hefðu
verið myndir sem hann hefði
ekki kært sig um að eiga og
hefði hann eytt þeim um leið
og hann gerði sér grein fyrir
hvers eðlis þær voru.
Sakborn-
ingur vist-
aður á rétt-
argeðdeild
STARFANDI fólki fjölgaði um 2.600
eða 1,66% milli áranna 2000 og 2001
og var alls 159.000 talsins. Frá árinu
1991 til 2001 hefur starfandi fólki
fjölgað um 22.100 manns, þar af um
21.600 á höfuðborgarsvæðinu.
Þetta kemur fram í niðurstöðum
nýrrar vinnumarkaðskönnunar
Hagstofu Íslands.
Frá árinu 1991 hefur hlutfall starf-
andi af mannfjöldanum jafnan verið
hærra utan höfuðborgarsvæðisins
en frá árinu 2000 hefur hlutfallið
nánast verið jafnt. Í fyrra voru 81,9%
mannfjöldans á höfuðborgarsvæðinu
í starfi sem er örlítið hærra hlutfall
en utan þess. Starfandi fólki fjölgaði
mest í þjónustugreinum 1991–2001
eða um 23.300 manns, um 500 manns
í iðnaði en hins vegar fækkaði starf-
andi í landbúnaði og fiskveiðum um
1.500 manns.
Um 17,5% af starfandi fólki voru í
fleira en einu starfi í fyrra. Þeir sem
gegna aukastörfum unnu að jafnaði
um þrettán klukkustundir á viku við
þau störf.
Meðalfjöldi vikulegra vinnustunda
hjá körlum var 49,6 klukkustundir í
fyrra en 35,7 hjá konum. Á árinu
töldust 43,2% kvenna vera í hluta-
starfi en aðeins 11,6% karla.
Ný vinnumarkaðskönnun Hagstofu
Nær öll ný störf urðu til
á höfuðborgarsvæðinu