Morgunblaðið - 16.04.2002, Page 6

FRÉTTIR
6 ÞRIÐJUDAGUR 16. APRÍL 2002 MORGUNBLAÐIÐ
VEFUR tileinkaður sveitar-
stjórnarkosningunum 25. maí
næstkomandi hefur verið opn-
aður á Fréttavef Morgun-
blaðsins, mbl.is. Komast má
inn á hann með því að smella á
sérstakan hnapp á forsíðu
mbl.is en vefslóð vefjarins er
annars www.mbl.is/frettir/
kosningar/.
Auk frétta sem varða að-
draganda kosninganna verður
á vefnum að finna upplýsingar
um öll sveitarfélög sem kosið
er í. Á hægri jaðri vefjarins er
hægt að fara inn á sérsíðu um
hvert sveitarfélag fyrir sig,
þar sem er að finna úrslit síð-
ustu kosninga í því, tölfræði-
legar upplýsingar um sveitar-
félagið, íbúafjölda þess og
heildartekjur og gjöld og
skuldir á íbúa. Í stærstu sveit-
arfélögunum er einnig að finna
fréttir tengdar þeim.
Ennfremur er til gamans
efnt til könnunar á hverri
sveitarfélagssíðu um hvernig
gestir vefjarins ætli að kjósa.
Síðast en ekki síst geta gestir
kosningavefjar mbl.is lagt
spurningar fyrir einstaka
flokka, eða þá alla, og verður
lögð á það áhersla við flokkana
að svör birtist við þessum
spurningum sem skjótast. Sú
þjónusta verður virk frá 5. maí
nk. þegar framboð allra flokk-
anna liggja fyrir.
Kosn-
inga-
vefur á
mbl.is
Á LAUGARDAG gengu fé-
lagskonur í Hringnum ásamt gest-
um að grafhýsi Kristínar Vídalín
Jacobson í kirkjugarðinum við Suð-
urgötu og lögðu þar blómsveig.
Kristín var hvatamaður að stofnun
Hringsins árið 1904 og fyrsti for-
maður hans. Í tilefni þess að 60 ár
voru á laugardag liðin frá því
Hringurinn ákvað að beita sér fyrir
byggingu fullkomins barnaspítala á
Íslandi var Ásgeiri Haraldssyni,
forstöðulækni Barnaspítala Hrings-
ins, afhent gjafabréf að verðmæti
50 milljónir króna til kaupa á bún-
aði fyrir nýja spítalann sem til
stendur að taka í notkun í haust.
Afhenda 100 milljónir
á næstunni
Þá munu Hringskonur á næst-
unni afhenda forsvarsmönnum spít-
alans 100 milljónir til viðbótar til
sjálfrar byggingarinnar.
Athöfnin í kirkjugarðinum við
Suðurgötu hófst á því að Oddur
Björnsson básúnuleikari lék eitt
lag. Að því loknu setti Áslaug Björg
Viggósdóttir núverandi formaður
Hringsins athöfnina. Þá talaði séra
Ingileif Malmberg sjúkra-
húsprestur og tveir síðustu for-
menn Hringsins, Borghildur Fen-
ger og Elísabet Hermannsdóttir,
lögðu blómsveig að grafhýsi Krist-
ínar.
Forstöðulækni barnaspítalans afhentar 50 milljónir króna til kaupa á búnaði
Minning
fyrsta
formanns
Hringsins
heiðruð
Morgunblaðið/Jim Smart
Hringskonur lögðu á laugardag blómsveig að grafhýsi fyrsta formanns Hringsins, Kristínar Vídalín Jacobson, í
kirkjugarðinum við Suðurgötu í Reykjavík. Séra Ingileif Malmberg ávarpaði Hringskonur og gesti þeirra.
VÍSITALA neysluverðs stóð nánast
í stað í síðasta mánuði og eru nú góð-
ar líkur taldar á að rauða strikið svo-
nefnda, sem aðilar vinnumarkaðar-
ins sömdu um í maí, muni halda og
ekki komi til uppsagnar kjarasamn-
inga í næsta mánuði.
Skv. frétt Hagstofunnar í gær var
neysluverðsvísitalan 221,9 stig mið-
að við verðlag í aprílbyrjun 2002 og
hafði hækkað um 0,04% frá fyrra
mánuði. Vísitalan án húsnæðis var
220,8 stig og lækkaði um 0,2% milli
mánaða.
0,3% svigrúm til hækkunar í
apríl svo rauða strikið haldi
Hækkun vísitölunnar er talsvert
undir spám fjármálamarkaðarins, en
spádeildir fjármálastofnana höfðu að
meðaltali spáð því að vísitalan myndi
hækka um 0,2% á milli mánaða.
Rauða strikið er sett á 222,5 vísitölu-
stig í maí og má vísitalan því hækka
um 0,3% í aprílmánuði án þess að það
bresti.
Grænmeti lækkaði um 10,8%
Verð á mat- og drykkjarvörum
lækkaði um 1,7% í marsmánuði
(áhrif þess á vísitöluna eru 0,28%).
Verð á grænmeti, kartöflum o.fl.
lækkaði umtalsvert í mánuðinum eða
um 10,8% (0,13% vísitöluáhrif). Í
frétt frá Hagstofunni er bent á að
vetrarútsölum er nú lokið og leiddi
það til 2,6% verðhækkunar á fötum
og skóm (0,15% vísitöluáhrif). Hús-
næðisliður vísitölunnar hækkaði um
0,9% sem hafði í för með sér 0,17%
vísitöluhækkun.
Síðastliðna tólf mánuði hefur vísi-
tala neysluverðs hækkað um 7,5% og
vísitala neysluverðs án húsnæðis um
7,7%. Undanfarna þrjá mánuði hefur
vísitala neysluverðs hækkað um
0,2%, sem jafngildir 0,7% verðbólgu
á ári.
Endurskoðun á vísitölugrunni
leiddi til 0,15% lækkunar
Fram kemur í greinargerð Hag-
stofunnar að gerðar hafa verið
breytingar á útreikningi dagvöruliða
í vísitölunni í framhaldi af síðustu
endurskoðun á grunni vísitölunnar.
Þetta hefur leitt til um 0,1% lækk-
unar á neysluverðsvísitölunni í apríl
frá því sem verið hefði að óbreyttu.
Bensínkaup hafa einnig breyst mik-
ið, skv. upplýsingum Hagstofunnar,
þar sem fólk kaupir í auknum mæli
ódýrara bensín með því að dæla því
sjálft á bíla sína. Hefur Hagstofan
einnig tekið áhrif þessarar breyting-
ar inn í vísitölumælinguna sem leiddi
til um 0,05% lækkunar á vísitölunni í
apríl. Samtals leiðir endurskoðun á
grunni neysluverðsvísitölunnar því
til 0,15% lækkunar vísitölunnar á
milli mánaða.
Kemur á óvart að húsnæðislið-
urinn leiði enn til hækkunar
Geir H. Haarde fjármálaráðherra
sagði í gær að það væru mjög
ánægjuleg tíðindi að vísitala neyslu-
verðs hafi einungis hækkað um
0,04% frá fyrra mánuði og að það
staðfesti að raunhæft sé að búast við
því að rauðu strikin haldi í maí.
,,Hækkunin er nokkru minni en
markaðsaðilar höfðu spáð og ég tel
það gefa góða von um að rauðu strik-
in muni halda ef ekkert óvænt kemur
upp á,“ sagði hann í samtali við
fréttavef Morgunblaðsins í gær.
Geir sagði það þó koma nokkuð á
óvart að húsnæðisþátturinn skuli
enn leiða til hækkunar eins og sjá
megi af því að vísitala án húsnæðis
hafi lækkað.
Bjartsýnn á lækkandi verðlag á
næstu mánuðum
Grétar Þorsteinsson, forseti Al-
þýðusambands Íslands, segir það
hafa verið sannfæringu Alþýðusam-
bandsmanna að yfirgnæfandi líkur
væru á að takast myndi að halda
verðlagi innan rauða striksins. ,,Það
hafa þó verið brekkur í vegi okkar
frá því í desember, sem hefur leitt til
efasemda hjá sumum. Þetta eru
mjög ánægjuleg tíðindi,“ segir hann
um niðurstöður vísitölumælingar
Hagstofunnar.
,,Styrking krónunnar hlýtur að
fara að koma fram enn sterkar í
vöruverði. Vaxtalækkunin um síð-
ustu mánaðamót hlýtur líka að fara
að skila sér og kannski sjáum við
meiri vaxtalækkanir, ég er bjart-
sýnismaður. Þetta hvort tveggja
hlýtur að auka líkurnar á að okkur
takist að vera undir rauða strikinu í
maí og í öðru lagi að við munum
halda áfram á næstu mánuðum að
sigla inn í tímabil lækkandi verðlags
og lægri verðbólgu. Það er ekkert til-
efni til annars við þessar aðstæður.
Það er ekki annað að sjá en að krón-
an sé orðin nokkuð stöðug, þótt ég
vilji ekki gerast spámaður um hvar
hún endar en þróunin hefur öll verið
á einn veg síðan í desember. Hægt
og bítandi hefur hún þróast ótrúlega
vel. Ég tel því að allt mæli með því að
við séum að sigla áfram inn í lækk-
andi verðlag og verðbólgu á næstu
mánuðum,“ segir Grétar.
Hann bendir einnig á að með
styrkingu krónunnar hafi verðlag á
innfluttri vöru lækkað verulega.
,,Flutningar til landsins eru allir
tengdir gengi, þannig að flutnings-
kostnaðurinn lækkar líka. Það liggur
því í hlutarins eðli að verðlag hlýtur
að halda áfram að lækka,“ segir
hann.
Aukin trú á verðstöðugleikann
,,Ég tel að líkurnar á því að mark-
miðið náist hafi aukist verulega með
þessari mælingu,“ segir Ari Edwald,
framkvæmdastjóri Samtaka at-
vinnulífsins.
Aðspurður segist Ari telja að verð-
stöðugleikinn muni haldast til lengri
tíma litið. ,,Ég tel að meginástæðan
fyrir því að verðlagið er stöðugra, sé
vegna þróunar meginstærða í hag-
kerfinu en ekki vegna einhverra
tímabundinna aðgerða. Það er því
alls ekki rétt að það sé við því að bú-
ast að þegar komið er fram yfir maí
verði þróunin á allt annan veg en hún
hefur verið undanfarnar vikur. Þrátt
fyrir að ég telji að samkomulag okk-
ar á vinnumarkaðnum og aðgerðir
stjórnvalda hafi haft þau áhrif að
stuðla að þessari þróun þá held ég að
þau hafi ekki síst verið í þá átt að
stuðla að aukinni trú á verðstöðug-
leikann,“ segir Ari.
Vísitala neysluverðs hækkaði um 0,04% á milli mánaðanna mars og apríl

 


  





  



 

 


 





 



!"#$%&'


()*$%&'


+,%
#-.-$
%&'




   

 
!
 " # 

$%!&' (
)
 * " 

, /  $%
&'

"$%!

 ()+!%' ,+, * 

$+!
&!+  # 

# '
+
 " * 
+

#

" $+%
&'
+0 $%&'

*-!
!.) 


/0)!
)
   


 
$+

!' " " 
1'
2!  
 !"#"
$%&#'%()

*+, 3 #
4

3

1
%&
./
1+%&
4

1%
&
4

4 "
4
4 4

1
%
&
2%&
4
/
1
%&
Góðar líkur taldar á
að rauða strikið haldi
HÉRAÐSDÓMUR Norðurlands
eystra hefur dæmt Landssíma Ís-
lands til að greiða karlmanni rúmar
855 þúsund krónur í bætur en mað-
urinn slasaðist þegar snjór féll af
þaki húss í eigu Landssímans við
Hafnarstræti á Akureyri í janúar ár-
ið 1999 er hann átti leið þar um.
Í kjölfar slyssins fór maðurinn á
Fjórðungssjúkrahúsið á Akureyri til
skoðunar. Við skoðun kom í ljós, að
hann hafði fengið mar á hnakka og
heilahristing. Þá kenndi hann til
eymsla í hálsvöðvum. Var hann síðar
til meðferðar hjá sjúkraþjálfara
vegna slyssins. Maðurinn óskaði eft-
ir áliti örorkunefndar um varanlegar
afleiðingar slyssins 1999 á heilsu
sína. Niðurstaða nefndarinnar var
sú, að um væri að ræða 5% varanleg-
an miska og 5% varanlega örorku.
Landssíminn hafnaði hins vegar
bótaskyldu. Höfðaði maðurinn síðar
mál á hendur fyrirtækinu og hefur
nú sem fyrr segir fengið dæmdar
rúmar 855 þúsund krónur í bætur
vegna slyssins.
Dæmdar bætur fyrir
snjó sem féll af þaki