Morgunblaðið - 25.04.2002, Qupperneq 28

ERLENT
28 FIMMTUDAGUR 25. APRÍL 2002 MORGUNBLAÐIÐ
FRAMKVÆMDASTJÓRN Evr-
ópusambandsins hefur frestað því
aftur að birta tillögur sínar um
breytingar á sameiginlegri sjávarút-
vegsstefnu sambandsins vegna and-
stöðu franskra og spænskra stjórn-
valda, að því er fram kom á
fréttavefnum fis.com í gær.
Upphaflega hugðist fram-
kvæmdastjórnin birta tillögurnar í
vikunni sem leið en því var frestað.
Þegar þær áttu að koma út í gær var
tilkynnt að því hefði verið frestað
aftur þar til eftir síðari umferð for-
setakosninganna í Frakklandi 5.
maí.
Norska dagblaðið Dagens Nær-
ingsliv sagði að framkvæmdastjórn-
in hefði orðið fyrir miklum þrýstingi
vegna málsins frá Jacques Chirac
Frakklandsforseta og José Maria
Aznar, forsætisráðherra Spánar.
Aznar hefði hringt í Romano Prodi,
forseta framkvæmdastjórnarinnar,
um helgina og krafist þess að útgáf-
unni yrði frestað. Fréttavefurinn eu-
observer.com sagði að talsmaður
Prodis hefði staðfest að þeir hefðu
rætt málið.
Fiskiskipum
fækki um 40%
Tillögur framkvæmdastjórnarinn-
ar eru mjög umdeildar í Frakklandi
og á Spáni. Framkvæmdastjórnin
vill að fiskiskipum verði fækkað um
40% og það gæti orðið til þess að
30.000 sjómenn misstu vinnuna.
Ennfremur er ráðgert að lækka
styrki til sjávarútvegsins, sem námu
tæpum þremur milljörðum evra,
andvirði 260 milljarða króna, á ár-
unum 1994–99, en þar af komu tveir
þriðju fjárhæðarinnar frá Evrópu-
sambandinu. Spánverjar fengu
helming styrkjanna, að sögn fis.com.
Útgáfu sjávarútvegs-
tillagna ESB frestað
ÍRSKI lýðveldisherinn (IRA) lýsti
því í gær yfir að hann hefði engin
tengsl haft við vinstri sinnaða
skæruliða í Kólombíu (FARC). Yf-
irlýsingin kom nokkrum klukku-
stundum áður en þingnefnd fulltrúa-
deildar Bandaríkjaþings hóf
yfirheyrslur vegna meintra tengsla
IRA og FARC.
Þrír Írar voru handteknir í Kól-
ombíu í ágúst sl. og voru þeir sakaðir
um að hafa um nokkurt skeið þjálfað
Kólombíumennina í skæruhernaði.
Grunur lék strax á að Írarnir væru
liðsmenn IRA en herinn hafnaði
þeim fullyrðingum í gær og sagðist
enga menn hafa sent til Kólombíu í
því skyni að eiga samstarf við þar-
lenda skæruliða. „IRA hefur ekki
hlutast til um kólombísk innanríkis-
mál að neinu leyti og hefur engin
áform um að gera slíkt,“ sagði í yf-
irlýsingu IRA.
IRA sagður tengjast alþjóð-
legum hryðjuverkahópum
Áður hafði Bandaríkjaþing gert
opinbera skýrslu þar sem staðhæft
er að IRA tengdist starfsemi alþjóð-
legra hryðjuverkahópa, sem aðsetur
hefðu í Kólombíu. Sagði í skýrslunni
að vegna umsvifa IRA í Kólombíu
hefði lífum bandarískra ríkisborgara
verið stefnt í voða og sömuleiðis lýð-
ræði í bæði Bandaríkjunum og Kól-
ombíu.
Í skýrslunni kom ennfremur fram,
skv. fréttasíðu BBC, að stjórnvöld í
Kólombíu teldu að ekki aðeins hefðu
erindrekar IRA þjálfað liðsmenn
FARC heldur hefðu þeir átt sam-
starf við íranska og kúbanska
hryðjuverkahópa í því tilliti, og að
öllum líkindum einnig Aðskilnaðar-
samtök Baska (ETA).
Farið hafði verið fram á að Gerry
Adams, leiðtogi Sinn Féin, stjórn-
málaarms IRA, bæri vitni fyrir þing-
nefndinni bandarísku en hann hafn-
aði beiðni Bandaríkjaþings fyrr í
vikunni.
Sagðist hann ekki telja að Sinn
Féin tengdist málinu að neinu leyti.
Sagði hann að verið væri að nota
málefni Íranna þriggja, sem hand-
teknir hefðu verið í Kólombíu, til að
valda friðarferlinu á Norður-Írlandi
skaða.
„Öryggishagsmunum Bandaríkj-
anna í Kólombíu stafar engin ógn af
írskum lýðveldissinnum,“ sagði
Adams.
IRA sver af
sér tengsl við
skæruliða
Belfast. AFP.
KIRKJUMÁLARÁÐUNEYTIÐ í
Danmörku neitaði því í gær að
það hefði hafnað umsókn danska
ásatrúarfélagsins Forn Sidr um að
það yrði skráð sem trúfélag. Ráðu-
neytið sagði að ráðgjafarnefnd um
starfsemi trúfélaga í landinu hefði
lagt til að ásatrúarfélagið yrði
ekki viðurkennt sem trúfélag en
ráðuneytið hefði ekki enn tekið
ákvörðun í málinu, að því er fram
kom á fréttavef danska dagblaðs-
ins Berlingske Tidende.
Ásatrúarfélög eru viðurkennd
sem trúfélög á Íslandi og í Noregi,
en fimm manna ráðgjafarnefnd
kirkjumálaráðuneytisins komst að
þeirri niðurstöðu að ásatrú ætti
ekki að fá sömu stöðu í Dan-
mörku. Ráðuneytið sagði þó í gær
að ákvörðun yrði ekki tekin í mál-
inu fyrr en Forn Sidr fengi tæki-
færi til að svara greinargerð
nefndarinnar.
Félagar í Forn Sidr í Danmörku
eru 170.
Enn von fyrir ása-
trúna í Danmörku
ÁSTRÖLSK kona, Maggie Park,
strýkur gæludýrinu sínu, Lucy, 200
kg gyltu, á heimili sínu í Gisborne,
50 km norðan við Melbourne. Park
og eiginmaður hennar eru með þrjú
gælusvín á heimili sínu og ástralsk-
ur dómstóll hefur úrskurðað að þau
þurfi ekki sérstakt leyfi til þess eft-
ir að nágrannar þeirra kvörtuðu yf-
ir hávaða og fnyk frá dýrunum.
Reuters
Mega halda
gæludýrunum