Morgunblaðið - 29.06.2002, Qupperneq 9

FRÉTTIR
MORGUNBLAÐIÐ LAUGARDAGUR 29. JÚNÍ 2002 9
Engjateigi 5, sími 581 2141.
Opið virka daga frá kl. 10.00–18.00, laugardaga frá kl. 10.00–15.00.
Útsala
Sumarútsala
Neðst við Dunhaga, sími 562 2230
Opið í dag kl. 10-14
4ra vikna uppbyggjandi námskeið fyrir þá, sem eiga við
streitu, kvíða og fælni að stríða og/eða eru að ganga í gegn-
um miklar breytingar í lífinu. Kenndar verða leiðir til þess að
að slaka á og öðlast aukið frelsi og lífsgleði. Ásmundur, sem
m.a. byggir námskeiðið á eigin reynslu af kvíða, tekur fyrir
þætti eins og jógastöður, öndunaræfingar, slökun og andleg
lögmál sem stuðla að velgengni, jafnvægi og heilsu. Ekki er krafist reynslu af
jóga. Yfirgripsmikið og traust námskeið frá árinu 1994.
Hefst þriðjudaginn 9. júlí – þri. og fim. kl. 20:00
Auðbrekku 14, Kópavogi.
Símar 544 5560 og 864 1445,
www.yogastudio.is
Jóga gegn kvíða
með Ásmundi Gunnlaugssyni
Opnuð hefur verið
LÍTIL GJAFABÚÐ
að Laugavegi 12a
Eigum gott úrval af fallegu styttunum frá
Candy Design ásamt fylgihlutum.
Handmálaðar smávörur úr tré, skemmtilegar
í sumarhúsin.
Póstsendum
MISJAFNT er eftir stærð kaffihúsa
hvernig gengur að framfylgja lög-
um um skiptingu veitingarýmis í
reyk- og reyklaus svæði. Þá benda
sumir kaffihúsaeigendur jafnframt
á að aðsókn í reykingasvæði sé ein-
faldlega meiri og brögð að því að
vísa þurfi reykingamönnum úr sæti
á reyklausum svæðum sem oft og
tíðum standa eftir auð. Í lögum,
sem samþykkt voru fyrir tæpu ári,
er kveðið á um að meirihluti veit-
ingarýmis skuli vera reyklaus.
Samtök ferðaþjónustunnar
leggja áherslu á það fyrir hönd
sinna félagsmanna að farið sé eftir
lögunum og framkvæmdastjóri
samtakanna segir að í raun ætti
meirihluti kaffihúsa að vera alveg
reyklaus í framtíðinni þótt ekki sé
tilefni til slíkra aðgerða nú.
Hulda Hákon, myndlistarkona og
eigandi Gráa kattarins við Hverf-
isgötu, segir að reynt sé eftir
fremsta megni að fara eftir lög-
unum og rýminu sé skipt í reyk- og
reyklaust svæði.
Hún segir að gerð hafi verið til-
raun með að hafa staðinn reyklaus-
an á sínum tíma en það hafi ekki
gengið upp og viðskiptin hafi
snarminnkað.
„Þessi lög eru þannig vaxin að ég
hefði farið á hausinn ef þetta hefði
haldið áfram,“ segir hún.
Hún segist ekki tilbúin að reyna
þá leið aftur og að jafnframt hafi
verið brugðið á það ráð að láta
gestum á reyklausu svæði eftir
hvort þeir reykja eða reykja ekki í
samráði við gesti á næstu borðum.
Hún segir að engin vandamál hafi
komið upp samfara þessu fyrir-
komulagi og einungis einu sinni eða
tvisvar hafi verið kvartað vegna
tóbaksreyks.
Hulda segir að það hljóti að koma
til álita að skipta kaffihúsum upp í
reyklaus kaffi-
hús og kaffihús
þar sem megi
reykja og bendir
á að minni staðir
eigi oft mun erf-
iðara með að
framfylgja
ákvæðum um
skiptingu sem
kveðið er á um í
lögunum. Á
Gráa kettinum
eru til að mynda
einungis sex
borð. „Ég er
mjög ósátt við að það sé dembt yfir
mann reglum sem ekki er hægt að
framfylgja,“ segir Hulda.
Sigurður Helgason, eigandi Húss
málarans í Bankastræti, segir
„betri helminginn“ af salnum í
kaffihúsinu reyklausan. Borðin eru
að vísu ekki merkt, að hans sögn,
en hann segir að strangt sé tekið á
því ef gestir eru staðnir að reyk-
ingum á reyklausu svæði. Rösklega
30 borð eru á kaffihúsinu og segir
hann að um helmingur þeirra sé
reyklaus alla virka daga og fram á
miðnætti á föstudagskvöldum. Eftir
þann tíma sé einfaldlega ekki hægt
að framfylgja reglunum.
Þegar hann er spurður um
ástæður þess að veitingahúsa-
eigendur fari sjaldnast eftir lögum
sem kveða á um að meirihluti veit-
ingarýmis eigi að vera reyklaus,
eins og haft var eftir framkvæmda-
stjóra tóbaksvarnarnefndar í
blaðinu í gær, segir Sigurður að að-
stæður hafi gjörbreyst til hins betra
á undanförnum árum.
Sigurður nefnir að hann hafi sem
fulltrúi veitingamanna átt setu í
nefnd sem framkvæmdastjóri
tóbaksvarnarnefndar setti á lagg-
irnar fyrir nokkrum árum og ætlað
var að finna leiðir til úrbóta.
Kveikir bara í og
drepur í á gólfinu
Að sögn Arthurs Péturssonar,
rekstrarstjóra Kaffibrennslunnar í
Pósthússtræti, er báðum hæðum
kaffihússins skipt til helminga.
Hann segir að um helgar sé hins
vegar með engu móti hægt að fram-
fylgja skiptingu í reyk- og reyklaus
svæði. „Oft er fólki alveg sama. Það
kveikir bara í og drepur í á gólf-
inu,“ segir Arthur.
Á Kaffibrennslunni eru 26 borð,
þar af eru 11 borð reyklaus, að
hans sögn. Aðspurður af hverju
reykingar séu leyfðar á meirihluta
borða þvert á það sem kveðið er á
um í lögum segir Arthur að reyndin
sé sú að enginn sitji á reyklausum
borðum sem standi auð allan dag-
inn. „Þetta er svolítið erfitt þar sem
maður er í rekstri með það fyrir
augum að láta hann ganga upp.“
Hann segir að starfsfólk kaffi-
hússins lendi ótt og títt í því að
biðja fólk sem kveiki sér í sígarettu
á reyklausu svæði að færa sig og að
kúnnarnir taki því misjafnlega vel.
Hann bendir á að í Noregi hafi á
sínum verið sett svipuð lög en að
þau hafi fljótlega verið afnumin
vegna þess að ekki tókst nægj-
anlega vel til með framkvæmd
þeirra.
Meirihluti kaffihúsa í
framtíðinni verði reyklaus
Erna Hauksdóttir, fram-
kvæmdastjóri Samtaka ferðaþjón-
ustunnar, sem byggð eru á grunni
Sambands veitinga- og gistihúsa-
eigenda og annarra hagsmuna-
samtaka í ferðaþjónustu, segir sam-
tökin leggja mikla áherslu á að
veitingamenn fari eftir lögum og
reglum hvað varðar skiptingu veit-
ingarýmis í reyk- og reyklaust
svæði.
„Við höfum alltaf sagt að við eig-
um að taka tillit til allra gesta, bæði
þeirra sem reykja og þeirra sem
vilja sitja í hreinu lofti. Mjög víða er
það auðvelt en annars staðar er það
mjög erfitt,“ segir Erna og á þar
við litlu kaffihúsin.
Erna segir að SAF hafi hafið her-
ferð fyrir nokkrum árum þar sem
aðbúnaður gesta með tilliti til reyk-
og reyklausra svæða var kannaður.
Þá hafi margir veitingastaðir og
kaffihús tekið vel við sér og útbúið
reyklaus svæði sem ekki höfðu ver-
ið áður.
Erna undirstrikar að lögin verði
að vera þannig úr garði gerð að
gerlegt sé að fara eftir þeim og að
greina þurfi í lögunum á milli
skemmtistaða og matsölustaða.
Mjög erfitt geti verið fyrir veit-
ingamenn á skemmtistöðum að
halda ákveðnu hlutfalli borða reyk-
lausu um helgar. Erna segist ekki
hafa heyrst annað en að ágætlega
hafi tekist að aðgreina á milli borða
á kaffihúsum. „Hvort sætin eru
akkúrat 51% af heildinni verður
auðvitað svolítið að fara eftir því
hvernig staðurinn lítur út.“
Erna segist sjá fyrir sér að þró-
unin verði á þá lund að meirihluti
kaffihúsa verði í framtíðinni alveg
reyklaus.
Misjafnt eftir stærð kaffihúsa hvernig gengur að skipta rými í reyk- og reyklaus svæði
Lögin illframkvæmanleg fyr-
ir lítil kaffihús og um helgar
Morgunblaðið/Ásdís