Morgunblaðið - 10.07.2002, Síða 4
FRÉTTIR
4 MIÐVIKUDAGUR 10. JÚLÍ 2002 MORGUNBLAÐIÐ
Tvöfaldur hraði – lægra verð
H Á H R A Ð A S Í T E N G I N G V I Ð N E T I Ð
Lágmarkshraði 512 Kb/s.
Þú þolir enga bið: Hringdu strax í síma 800 1111.
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
IS
S
18
24
1
06
/2
00
2
ÚRSKURÐI Skipulagsstofnunar
vegna mats á umhverfisáhrifum fyr-
irhugaðrar Norðlingaölduveitu seink-
ar um mánuð. Búast má við honum 9.
eða 12. ágúst.
Ástæða seinkunarinnar er að
Landsvirkjun lagði fram ný gögn í
málinu. Þau lúta að mótvægisaðgerð-
um til að draga úr setmyndun í lóninu
með því að gera stíflu og setlón ofar á
vatnasviði Þjórsár.
Hugmyndirnar sem Landsvirkjun
hefur nú útfært frekar ganga út á
myndun setlóns þar sem fyrirhugað
var að gera 6. áfanga Kvíslaveitu. Í
matsskýrslunni kemur fram að í slíku
lóni mætti halda eftir aur án þess að
hafa áhrif á rennsli árinnar, þ.e. án
þess að veita vatninu til Kvíslavatns,
auk þess sem mun auðveldara yrði að
koma fyrir aur sem dælt yrði úr því
lóni og Þjórsárlóni en Norðlingaöldu-
lóni.
Í viðbótargögnum Landsvirkjunar
er útfærsla á myndun og rekstri set-
lóns auk þess sem gerð er grein fyrir
samspili mismunandi mótvægis-
aðgerða gagnvart setmyndun og aur-
burði við Norðlingaöldulón.
Nánari útfærsla mótvægisaðgerða
hefur leitt til þess að Norðlingaöldu-
lón í 575 metra hæð yfir sjávarmáli
endist verulega lengur. Það ástand
sem verður eftir 60 ár miðað við nú-
verandi aurburð án aðgerða mun,
með endurskoðaðri útfærslu mótvæg-
isaðgerða, frestast þar til eftir um
160–180 ár eftir myndun Norðlinga-
öldulóns. Í framlögðum gögnum er
auk þess greint lauslega frá áhrifum
slíkra aðgerða á umhverfið. Loks er
fjallað um þörf fyrir aðgerðir gagn-
vart setmyndun fyrir lón í 578 og 581
metra hæð yfir sjávarmáli.
Skipulagsstofnun hefur óskað eftir
áliti lögformlegra umsagnaraðila, þ.e.
Ásahrepps, Gnúpverjahrepps, iðnað-
ar- og viðskiptaráðuneytis, Náttúru-
verndar ríkisins og Orkustofnunar, á
því hvort viðbótargögn Landsvirkj-
unar hafi í för með sér breytingar á
umsögnum þessara aðila frá því í maí.
Hafa þeir frest til 17. júlí nk. til að
svara Skipulagsstofnun, jafnframt því
sem Landsvirkjun gefst kostur á að
koma að athugasemdum.
Af þessum sökum seinkar úrskurði
Skipulagsstofnunar um umhverfis-
áhrif Norðlingaölduveitu, sem stefnt
hafði verið að í gær, um mánuð og er
því ekki að vænta fyrr en 9. eða 12.
ágúst, samkvæmt bréfi Skipulags-
stofnunar til Landsvirkjunar.
Úrskurði um Norð-
lingaölduveitu seinkar
HOFFELL SU kom úr norsku síld-
arsmugunni með fullfermi af síld,
um 1.400 tonn, til Fáskrúðsfjarðar í
gær og þar af um 200 tonn af kældri
síld sem fóru í vinnslu, en 39 ár eru
síðan síld úr norsk-íslenska stofn-
inum var söltuð á Fáskrúðsfirði.
„Við söltum hana í edik og krydd og
þetta er eins og á síldarárunum,“
segir Grétar Arnþórsson, verkstjóri
hjá Loðnuvinnslunni, og bætir við
að lítil sem engin áta sé í síldinni.
Morgunblaðið/Albert Kemp
Margrét Káradóttir saltar síld
hjá Loðnuvinnslunni á Fá-
skrúðsfirði í gærkvöldi.
Eins og á
síldarárunum
ÚRELD grein almennra hegningar-
laga var notuð til að rökstyðja sýknu
eins sakborninga í dómi héraðsdóms
yfir Árna Johnsen nýverið.
Manninum hafði verið gefið að sök
að hafa lofað að greiða Árna 650.000
króna þóknun fyrir að samþykkja
greiðslu á reikningi Þjóðleikhúss-
kjallarans hf. á hendur byggingar-
nefndar Þjóðleikhússins. Þetta brot
var talið varða við 109. grein al-
mennra hegningarlaga.
Í dóminum segir: „Í 1. mgr. 109. gr.
almennra hegningarlaga segir að
hver sem gefi, lofi eða bjóði opinber-
um starfsmanni gjafir eða annan
ávinning til þess að fá hann til að gera
eitthvað eða láta eitthvað ógert, er
hann með því bryti gegn starfsskyldu
sinni [leturbr. Mbl.], skuli sæta fang-
elsi allt að 3 árum eða, séu málsbætur
fyrir hendi, fangelsi allt að 1 ári eða
sektum. Meðákærði Árni braut ekki
gegn starfsskyldum sínum með sam-
þykkt reikningsins.“ Því hafi ákærða
verið refsilaust að greiða Árna fjár-
munina, enda hafi hann tengt greiðsl-
una lögmætu embættisverki Árna.
Í desember 1998 var þessari grein
hegningarlaga hins vegar breytt. Í
stað orðanna „er hann með því bryti
gegn starfsskyldu sinni“ stendur nú
„sem tengist opinberum skyldum
hans“.
Ákvæðinu var breytt árið 1998 svo
unnt væri að fullgilda samning OECD
um baráttu gegn mútugreiðslum til
erlendra starfsmanna í alþjóðlegum
viðskiptum sem undirritaður var 17.
desember 1997.
Andri Árnason hrl., verjandi
ákærða, segir í tilefni fréttaflutnings í
sjónvarpi í gær, að alls ekki megi
skilja hlutina þannig að enginn,
hvorki dómari né sakflytjendur, hafi
áttað sig á því að ákvæðum í hegning-
arlögunum hafi verið breytt. Hann
segir ennfremur að umrædd laga-
breyting hefði ekki skipt máli við
sjálfa niðurstöðu dómsins, þ.e. sýknu
ákærða. „Mitt mat er að skjólstæð-
ingur minn hefði engu að síður verið
sýknaður, hvort sem vísað hefði verið
til gamla eða nýja ákvæðisins,“ segir
Andri. „Í vörninni var aðaláherslan
lögð á það að greiðsla eftir að tiltekið
verk er framkvæmt, er refsilaus fyrir
þann sem innir greiðsluna af hendi,
hvort sem um er að ræða brot á
starfsskyldum eða ekki.“
Sakborningur í máli Árna Johnsens
Sýknaður með
úreldu lagaákvæði
EDDA – miðlun og útgáfa hf. hefur
samþykkt kauptilboð Gunnars
Thoroddsens fyrir hönd fjárfesta í
dótturfyrirtæki sitt, Dreifingarmið-
stöðina hf., við Suðurhraun í Garða-
bæ.
Dreifingamiðstöðin hefur séð um
dreifingu á öllu útgáfuefni Eddu –
miðlunar og útgáfu og hyggst fyr-
irtækið gera dreifingarsamning við
kaupendur, en Dreifingarmiðstöðin
hefur auk þess annast dreifingu á
vörum fyrir ýmis önnur fyrirtæki.
Edda – miðl-
un selur
Dreifingar-
miðstöðina
FRJÓTALA grasa fór yfir 20 síðast-
liðinn sunnudag og gera má ráð fyrir
að um þessar mundir sé mikið af
frjókornum í loftinu þar sem veður
hefur verið gott og dálítill vindur en
þetta eru kjöraðstæður fyrir frjó-
korn grastegunda, hundasúru og
túnsúru, að sögn Margrétar Halls-
dóttur, jarðfræðings hjá Náttúru-
fræðistofnun Íslands.
„Þessar aðstæður hafa verið hér
um nokkurt skeið þar sem veðurfar
hefur verið hagstætt fyrir frjóin.
Mér skilst að fólk sem hefur ofnæmi
fyrir frjóunum finni strax fyrir
þessu, jafnvel þótt frjótalan sé ekki
nema rétt um 10,“ segir Margrét.
Margrét segir að langalgengast sé
að fólk hér á landi hafi ofnæmi fyrir
grasfrjói en annars staðar á Norð-
urlöndunum sé ofnæmi fyrir birki-
frjóum algengast. Sennilega sé gróð-
urfar landsins stærsta skýringin.
„Við erum ekki með svo margar teg-
undir af plöntum hér á landi. Grasið
er ein algengasta tegundin og það er
trúlega ástæðan,“ segir Margrét.
Mikið af
grasfrjói
í loftinu
FJÓRIR bílar lentu í árekstri á
Miklubraut í Reykjavík á móts við
göngubrúna við Rauðagerði um
hálfellefuleytið í gærkvöldi. Bíl-
arnir skemmdust mikið en ekki er
talið að fólk hafi slasast alvarlega.
Að sögn lögreglunnar í Reykja-
vík rákust saman tveir bílar, sem
voru á leið í austurátt, með þeim
afleiðingum að þeir köstuðust á
girðinguna, sem er á milli akbraut-
anna, rifu hana niður og lentu á
tveimur bílum, sem voru á leið í
vesturátt.
Morgunblaðið/Sverrir
Fjögurra bíla árekst-
ur á Miklubraut
♦ ♦ ♦
BJÖRGUNARSVEITAMENN frá
Slysavarnafélaginu Landsbjörgu
leituðu í gær að 34 ára gamalli
danskri konu í nágrenni Þorláks-
hafnar og Selfoss uns hún kom fram
heil á húfi við bæinn Hlíðarenda í
Ölfusi. Hennar hafði verið saknað
síðan aðfaranótt þriðjudags. Allt að
40 björgunarsveitamenn tóku þátt í
leitinni.
Dönsk kona
fannst
heil á húfi
♦ ♦ ♦
SKÖMMU fyrir miðnætti í gærkvöldi
kviknaði í Austurborg SH í Ólafsvík-
urhöfn. Ekki var búið að slökkva eld-
inn þegar blaðið fór í prentun en þá lá
fyrir að miklar skemmdir voru á bátn-
um og búið var að flytja einn úr áhöfn-
inni burtu með reykeitrun.
Austurborg er um 30 tonna bátur
og að sögn lögreglu í Ólafsvík var
áhöfnin nýfarin frá borði þegar elds-
ins varð vart. Einn úr áhöfninni fór
aftur um borð og er talið að hann hafi
fengið reykeitrun.
Mikill reykur var vegna eldsins en
slökkviliðið var fljótt á staðinn og kom
í veg fyrir frekara tjón.
Kviknaði í
Austurborg
♦ ♦ ♦