Morgunblaðið - 20.08.2002, Blaðsíða 2

FRÉTTIR
2 ÞRIÐJUDAGUR 20. ÁGÚST 2002 MORGUNBLAÐIÐ
Fylgstu
með
nýjustu
fréttum
www.mbl.isGuðmundur Torfason hættur
störfum hjá ÍR / B8
Þórsarinn Orri Freyr Óskarsson
á förum til Tromsö / B1
16 SÍÐUR48 SÍÐUR
Sérblöð í dag
Á ÞRIÐJUDÖGUM
ALLS eiga hundrað og fjörutíu
manns bókað flug til Prag með ferða-
skrifstofunni Heimsferðum í dag. Að
sögn Andra Más Ingólfssonar, for-
stjóra Heimsferða, hættu átta far-
þegar við förina og var þeim boðið að
bóka sig í aðrar ferðir á vegum
ferðaskrifstofunnar.
Andri segir ástandið í borginni
mun betra en menn höfðu þorað að
vona. Á föstudag var tekin ákvörðun
um að ferðin yrði farin og segir hann
að samstarfsaðilar ferðaskrifstof-
unnar í Prag, ræðismaður Íslands og
fararstjórar hafi skannað svæðið á
hverjum degi að undanförnu. Hann
bendir á að búið sé að opna aftur
megnið af bænum og allt í kringum
Wenceslas-torg, gamla bæjartorgið
og kastalahverfið.
Ekki sé þó búið að opna hina fornu
Karlsbrú að nýju en gert er ráð fyrir
að hún verði opnuð þegar búið er að
ganga úr skugga um að öll burðar-
virki séu í lagi. Þær götur sem verst
urðu úti eru enn lokaðar og segir
Andri að gyðingahverfið sé að mestu
lokað.
Fyrsta ferð til Búdapest
í byrjun október
Fyrsta ferð Heimsferða til Búda-
pest verður farin 3. október nk. og
segir Andri að það sem aflaga hafi
farið þar vegna flóða á svæðinu verði
að öllum líkindum komið í lag fyrir
þann tíma. Þá er fyrirhuguð sigling á
Dóná í lok mánaðarins og segir
Andri að forsvarsmenn skipafélags-
ins sem sjái um siglinguna hafi sagt
að sú ferð muni ganga samkvæmt
áætlun.
Búist er við að um 5.000 manns
fari í ferðir til Prag á vegum Heims-
ferða á þessu ári og eru flestar ferðir
farnar á vorin og haustin.
Ferðir til Prag með Heimsferðum
140 manns eiga
bókað flug í dag
UNG kona leitaði til lögreglunnar í
Reykjavík um helgina og kærði
mann fyrir nauðgun sem hún sagðist
hafa orðið fyrir á Landakotstúni að-
faranótt sunnudags. Meintur árásar-
maður hefur verið yfirheyrður en
hann neitar sök. Ekki fengust frek-
ari upplýsingar um málið hjá lög-
reglu í gær.
Kærði
nauðgun
TOLLGÆSLAN á Keflavíkurflug-
velli lagði á föstudagskvöld hald á
um hálft kíló af hassi sem danskur
karlmaður reyndi að smygla til
landsins í skóm sem hann var í.
Að sögn Kára Gunnlaugssonar,
aðaldeildarstjóra Tollgæslunnar,
fannst efnið við reglubundið eftirlit.
Maðurinn var í framhaldinu úr-
skurðaður í vikugæsluvarðhald.
Að sögn Kára var maðurinn, sem
er 18 ára gamall, einn á ferð en lög-
reglan í Reykjavík, sem fer með
rannsókn málsins, kannar nú hvort
hann hafi haft tengsl við einhverja
hér á landi.
Frá áramótum hefur Tollgæslan á
Keflavíkurflugvelli lagt hald á lið-
lega 15 kíló af hassi.
Dani handtekinn með
½ kíló af hassi
Faldi efnið í
íþróttaskóm
HÆSTIRÉTTUR hefur staðfest úr-
skurð Héraðsdóms Reykjavíkur um
gæsluvarðhald til 4. september
næstkomandi yfir tveimur karl-
mönnum sem grunaðir eru um að
hafa framið alvarlega líkamsárás við
Eiðistorg 2. ágúst sl. Um er að ræða
feðga en annar sonur til viðbótar er
grunaður um verknaðinn og kærði
hann einnig varðhaldsúrskurð til
Hæstaréttar. Niðurstöðu þess máls
er að vænta í dag eða á morgun.
Líka grunaðir um að hafa
barið mann við Eiðistorg
Í úrskurði Héraðsdóms Reykja-
víkur frá 14. ágúst má sjá um hve al-
varlega líkamsárás var að ræða.
Barst lögreglunni í Reykjavík til-
kynning að morgni föstudagsins 2.
ágúst sl. um blóðugan og ölvaðan
mann sem sagður var studdur af
tveimur bræðrum. Nokkrum mínút-
um síðar barst lögreglunni tilkynn-
ing um að tveir menn hefðu ýtt
manni yfir grindverk við leikskólann
Gullborg. Taldi sá er hringdi hugs-
anlegt að um lík hefði verið að ræða.
Er lögreglumenn komu á vettvang
fundu þeir mikið slasaðan mann sem
lá á leikskólalóðinni. Var hann flutt-
ur í skyndi á slysadeild Landspítal-
ans í Fossvogi. Voru bræðurnir
handteknir skömmu síðar við bens-
ínafgreiðslu við Austurströnd í kjöl-
far árásar á annan mann við versl-
unarmiðstöðina við Eiðistorg. Um
líkt leyti var faðirinn handtekinn,
með áverka í andliti og alblóðugur,
að því er fram kemur í úrskurði hér-
aðsdóms.
Skilríki fórnarlambsins
fundust í íbúðinni
Í máli vitna, sem lögregla ræddi
við, kom fram að mikill hávaði hefði
borist frá íbúð bræðranna skammt
frá Eiðistorgi aðfaranótt föstudags-
ins. Töldu vitni að hávaðinn hefði
líkst slagsmálum og húsgögn verið
færð til. Eitt vitnið sem fór úr húsinu
snemma morguns kvaðst hafa séð
blóð á svalagólfi fyrir framan íbúð-
ina. Fram kemur hjá Héraðsdómi
Reykjavíkur að við vettvangsrann-
sókn lögreglu hafi komið í ljós mikið
blóð, m.a. á veggjum og gólfum. Í
íbúðinni fann lögreglan skilríki þess
manns sem fannst á leikskólalóðinni.
Samkvæmt áverkavottorði hlaut
maðurinn alvarlega höfuðáverka og
var skorinn og stunginn víða um lík-
amann.
Faðirinn hefur neitað sök en ann-
ar sonurinn, sá er Hæstiréttur stað-
festi úrskurð yfir í gær, játar að hafa
slegið manninn nokkrum sinnum. Er
sú játning aðeins talin skýra að hluta
þá áverka sem maðurinn hlaut.
Gæsluvarðhald yfir feðgum sem grunaðir eru
um líkamsárás staðfest í Hæstarétti
Mikið blóð fannst í
íbúð hinna grunuðu
Í TENGSLUM við aðalfund Skóg-
ræktarfélags Íslands, sem haldinn
var í Logalandi um helgina, var
samstarfsverkefnið „Opinn skóg-
ur“ kynnt í Daníelslundi í Borg-
arfirði. Um er að ræða verkefni á
vegum skógræktarfélaganna í
landinu, Olís og Alcan á Íslandi, áð-
ur ÍSAL. Fjölmargir lögðu leið sína
í Daníelslund á laugardaginn í blíð-
viðri og meðal þeirra voru Guðni
Ágústsson landbúnaðarráðherra og
Vigdís Finnbogadóttir, fv. forseti.
Markmið verkefnisins er að opna
skóga fyrir almenning og auðvelda
aðkomu að þeim, auk víðtæks
fræðslustarfs um skógrækt og
merkingu skógræktarsvæða.
Daníelslundur er kenndur við
Daníel Kristjánsson frá Hreðavatni,
sem var frumkvöðull í skógrækt-
armálum á Vesturlandi.
Morgunblaðið/Guðrún Vala Elísdóttir
Heimsókn í Daníelslund
GRUNUR leikur á að skip-
stjóri hvalaskoðunarbátsins
Hauks hafi verið ölvaður þeg-
ar hann sigldi bátnum á smá-
bátabryggju á Húsavík á
laugardagsmorgun. Talsvert
högg kom á bátinn við árekst-
urinn en farþegarnir, sem
voru á fjórða tug, meiddust
ekki.
Akkerið liggur utan á
skutnum og gekk það nokkuð
inn við áreksturinn, talsvert
fyrir ofan sjólínu. Bráða-
birgðaviðgerð var gerð á
bátnum sem hefur verið í
notkun síðan.
Skv. upplýsingum frá lög-
reglunni á Húsavík vaknaði þegar
grunur um að skipstjórinn væri ölv-
aður og er málið rannsakað með til-
liti til þess. Eftir að bátnum hafði
verið siglt á bryggjusporð smábáta-
bryggjunnar bakkaði skipstjórinn
aftur upp að bryggjunni þaðan sem
lagt hafði verið upp. Ekki vildi þó
betur til en svo að lítill trébátur varð
á milli og sökk hann nær samstundis.
Bilun kom fram í stjórntækjum
hvalaskoðunarbátsins en að sögn
lögreglu þykir ljóst að áreksturinn
hafi ekki orðið vegna bilunarinnar.
Skv. siglingalögum varðar það
sektum eða fangelsi allt að tveimur
árum ef skipstjóri neytir áfengis eða
fíkniefna með þeim hætti að hann
reynist ófær um að gegna starfi sínu
á fullnægjandi hátt. Með dómi er
hægt að svipta viðkomandi skip-
stjórnarréttindum.
Skipstjóri hvala-
skoðunarbáts grun-
aður um ölvun
Morgunblaðið/Hafþór Hreiðarsson
Borð í stefninu skemmdust þegar Hauk-
ur sigldi á smábátabryggjuna á Húsavík.
♦ ♦ ♦