Morgunblaðið - 20.08.2002, Blaðsíða 14

HÖFUÐBORGARSVÆÐIÐ
14 ÞRIÐJUDAGUR 20. ÁGÚST 2002 MORGUNBLAÐIÐ
TENGIGRIND
Hentugt í sumarbústaðinn!
Fyrir 80m2 rými miðað við 75-35°c
hitaveitu 70-30°c hringrásarkerfi
og 30% frostlög.
Breiddin er 65cm og hæðin 75cm
Heildsala - Smásala
VATNSVIRKINN ehf
Ármúla 21 · Sími 533 2020
www.vatnsvirkinn.is
STEFNT verður að því að ljúka
þeim áfanga Klébergsskóla, sem átti
að vera lokið um miðjan mánuðinn,
um eða upp úr næstu mánaðamótum
samkvæmt nýrri verkáætlun sem
starfshópur verktaka, skólastjóra og
forstöðumanns Fasteignastofu
Reykjavíkurborgar gerði í gær-
morgun. Forstöðumaðurinn segir
ekki við eftirlitið að sakast að fram-
kvæmdir við skólann hafi dregist,
heldur verktakann.
Morgunblaðið greindi á laugardag
frá ástandinu í húsnæðismálum Klé-
bergsskóla en skólahúsnæðið er sem
stendur ónothæft þar sem fyrri
verktaki við nýbyggingu og endur-
bætur á eldra húsi skólans stóð ekki
við verkáætlun. Skólastjóri skólans
gagnrýndi þá meðal annars eftirlit
Fasteignastofu með framkvæmdun-
um og sagði að ef það hefði verið í
lagi hefði verkið verið tekið af verk-
takanum fyrr en raun bar vitni. Guð-
mundur Pálmi Kristinsson, forstöðu-
maður Fasteignastofu, segir ekki við
eftirlitið að sakast. „Verktakinn
efndi ekki sinn samning og eftirlitið
gat lítið gripið inn í það. Við höfum
passað okkur á að borga ekki nema
samkvæmt framvindu og verktakan-
um hefur ekkert verið ofgreitt.“
Gert í samkomulagi
við verktakann
Hann segir að vissulega hafi kom-
ið upp spurningar um hvort taka
hefði átt verkið af verktakanum fyrr.
„Ef við hefðum gert það strax í sum-
arbyrjun þá hefði þetta ekki verið
eins vel á veg komið eins og það er í
dag. Þá hefðum við þurft að bjóða
þetta aftur út og fá annan verktaka í
þetta og þá hefði það tekið einn til
tvo mánuði.“
Í síðustu viku var verkið afhent
nýjum verktaka án útboðs og að-
spurður hvort ekki hefði mátt gera
það fyrr segir Guðmundur Pálmi að
það hefði ekki verið hægt. „Þetta
kom ekki í ljós fyrr en í júlíbyrjun og
þá var þetta gert í fullu samkomulag
við verktakann sem við tókum verkið
af. Síðan tók það um mánuð áður en
farið var með þetta inn til samþykkt-
ar í borgarráði. Ef þetta hefði ekki
verið gert með samkomulagi hefði
þurft að rifta einhliða samningnum.
Þá hefði þurft að fara fram verk-
stöðumat og verktakinn hefði haft
alls kyns úrræði ef hann hefði ekki
verið sáttur við slíkt. Hann hefði
jafnvel getað látið setja á lögbann og
stöðvað verkið.“
Starfshópur skólastjóra, nýja
verktakans og Guðmundar Pálma
fundaði í gærmorgun um málið þar
sem gerð var ný aðgerðaáætlun
varðandi framhald framkvæmdanna.
„Við erum að tala um að fullljúka því,
sem átti að vera tilbúið um miðjan
ágúst, um næstu mánaðamót þannig
að menn verði sáttir. Þannig að þetta
er svona hálfs mánaðar til þriggja
vikna seinkun,“ segir hann.
Skólasetning á fimmtudag
Sigþór Magnússon, skólastjóri
Klébergsskóla, segir, aðspurður
hvernig skólabyrjun verði háttað, út-
lit fyrir að hægt verði að hefja skóla-
starf um mánaðamótin ef allt gangi
að óskum en það geti dregist um viku
komi eitthvað upp á. En verður þá
ekki tekið á móti börnunum í skóla á
tilskildum tíma?
„Börnin koma til skólasetningar
núna á fimmtudaginn og þá er ég að
vonast til að við verðum búin að setja
upp áætlun fyrir skólann,“ segir Sig-
þór. „Þá kemur í ljós hvort við getum
tekið á móti þeim eitthvað fyrr eða
ekki. Við höfum stundum farið með
þau í vettvangsferðir en það fer eftir
því hvenær við kennararnir kom-
umst inn til að undirbúa okkur. Þetta
ætti að vera orðið ljóst á skólasetn-
ingunni.“
Ný aðgerðaáætlun varðandi Klébergsskóla gerð á fundi málsaðila í gær
Verkinu verði lokið um
næstu mánaðamót
Kjalarnes
SKIPULAGSSTOFNUN hefur haf-
ið athugun á mati á umhverfisáhrif-
um vegna byggingar Skarfagarðs
og Skarfabakka í Sundahöfn í
Reykjavík. Fyrirhuguð hafnar-
mannvirki eru skjólgarður og hafn-
arbakki á svokölluðu Klettasvæði í
höfninni.
Eins og Morgunblaðið hefur
greint frá verður Skarfagarður um
320 metra langur grjótgarður þvert
á Viðeyjarsundið. Innan hans kemur
Skarfabakki sem er um 400 metra
langur viðlegubakki með 12 metra
aðdýpi. Segir í fréttatilkynningu
Skipulagsstofnunar að enn eigi eftir
að fylla allt að 10 hekturum til að
landaðstaðan verði samkvæmt útlín-
um í skipulagi. Reykjavíkurhöfn er
framkvæmdaraðili og í matsskýrslu
sem Verkfræðistofa Sigurðar Thor-
oddsen vann fyrir hana er fjallað um
framkvæmdina sjálfa og umhverfis-
áhrif hennar. Er það niðurstaða
skýrslunnar að bygging Skarfa-
garðs og Skarfabakka ásamt land-
fyllingu á Klettasvæði Sundahafnar
hafi ekki umtalsverð umhverfisáhrif
í för með sér. Matsskýrslan mun
liggja frammi hjá Skipulags- og
byggingasviði Reykjavíkurborgar til
kynningar frá 16. ágúst til 27. sept-
ember og hjá Þjóðarbókhlöðu og
Skipulagsstofnun. Þá er skýrslan
aðgengileg á heimasíðu Reykjavík-
urhafnar sem hefur slóðina
www.reykjavikurhofn.is. Athuga-
semdum vegna matsskýrslunnar
ber að skila skriflega inn til Skipu-
lagsstofnunar og rennur frestur til
þess út 27. september.
Umhverf-
ismat
Skarfagarðs
í kynningu
Sundahöfn
ÞAÐ vantaði ekki fjörið á lokahá-
tíð sumardvalarheimilisins í
Reykjadal sem haldin var síðast-
liðinn laugardag í boði Styrkt-
arfélags lamaðra og fatlaðra. Á
milli þrjú og fjögur hundruð
manns skemmtu sér þar kon-
unglega við fjölbreytta dagskrá.
Um er að ræða árlega upp-
skeruhátíð dvalargesta sum-
arheimilisins og fjölskyldna
þeirra. Stigu ýmsir skemmtikraft-
ar á stokk við góðan róm við-
staddra og má þar meðal annars
nefna sönghópinn Blikandi
stjörnur og starfsmenn Reykja-
dals. Þá má ekki gleyma glæsi-
legum veitingum sem gestir
kunnu vel að meta. Í lok hátíð-
arinnar lék hljómsveitin Flauel á
meðan dansinn var stiginn af
hjartans lyst.
Morgunblaðið/Jón Svavarsson
Sigríður Soffía Níelsdóttir, Unnur Ólafsdóttir, Gunnar Guðmundsson og Margrét Lilja Vilmundardóttir
skemmtu sér vel á ballinu þar sem hljómsveitin Flauel lék fyrir dansi við fögnuð viðstaddra.
Embla Ágústsdóttir og Sonja Sigurðardóttir voru ánægðar með daginn
og glöddust yfir litskrúðugum blöðrum sem honum fylgdu.
Konungleg skemmt-
un á lokahátíð
Mosfellsbær
EIGANDI gamla ullarþvottahúss-
ins í Mosfellsbæ segist ekki vilja
standa í vegi fyrir áformum bæj-
aryfirvalda um að framfylgja deili-
skipulagi Álafosskvosarinnar. Hins
vegar hafi honum verið boðið verð
sem sé undir lóðarmati eignarinnar
og það hafi honum þótt óviðunandi.
Morgunblaðið greindi á föstudag
frá áformum bæjaryfirvalda um að
taka húsið eignarnámi en það til-
heyrði áður Álafossverksmiðjunni.
Til stendur að rífa húsið til að opna
gönguleiðir að Álafossinum og
Varmánni samkvæmt samþykktu
deiliskipulagi svæðisins.
Að sögn Axels Blomsterberg, eig-
anda gamla ullarþvottahússins, er
hann ekki ósáttur við að farið verði
í eignarnám á húsinu. „Okkur hefur
ekki samist því þeir voru að bjóða
mér verð sem var undir lóðarmat-
inu. Þá óskaði ég eftir því að þeir
útveguðu mér annað hús. Þegar
þeir tjáðu mér að það gengi ekki
sagði ég að þá þyrfti að láta meta
það af einhverjum sem þekkja til.
Þannig lagað séð er samkomulag
um eignarnámið og ég er í sjálfu
sér ekkert að standa í vegi fyrir
þeim.“
Aðspurður segist hann leigja hús-
ið út og er það notað sem geymsla
undir leikmuni og aðra hluti.
Ullarþvottahúsið í Álafosskvosinni
Eigandinn sáttur
við eignarnám
Mosfellsbær
Morgunblaðið/Þorkell
Gamla ullarþvottahúsið er leigt út og notað sem geymsla fyrir leikmuni
og aðra hluti en eigandinn segist ósáttur við það verð sem bæjaryfirvöld
hafa boðið honum fyrir það. Um er að ræða rauða húsið við árbakkann.