Morgunblaðið - 20.08.2002, Blaðsíða 24

ERLENT
24 ÞRIÐJUDAGUR 20. ÁGÚST 2002 MORGUNBLAÐIÐ
vinnuþreki sínu.Hét hann á heilaga
Guðsmóður að hann fengi „haldið
þreki, líkamlegu sem andlegu, til að
halda áfram að uppfylla köllunina
sem Hinn upprisni Drottinn fól
mér“.
Í þessum orðum páfa kemur það
fram með skýrari hætti en í nokkr-
um öðrum ummælum hans hingað
til að hann hyggist ekki segja af sér
páfadómi. Fordæmis fyrir því að
páfi hverfi af páfastóli í lifanda lífi
þarf að leita allt aftur til 13. aldar,
en þrálátur orðrómur hafði verið
uppi um að Jóhannes Páll II kynni
JÓHANNES Páll II páfi lauk í gær
tilfinningahlaðinni heimsókn til föð-
urlands síns, Póllands. Gaf hann við
þetta tækifæri skýrt til kynna að
hann hygðist gegna páfadómi allt
fram í andlátið. Vangaveltur hafa
verið uppi um að hann kunni að
segja af sér af heilsufarsástæðum.
Páfi, sem er 82 ár að aldri og tal-
inn þjást bæði af parkinsonsveiki
og gigt á háu stigi, lét þess sér-
staklega getið í messu sem hann
hélt við kapellu þar sem hann baðst
oft fyrir á sínum yngri árum að
hann bæði þess að fá að halda
engu að síður að bregða á það ráð.
Á síðasta degi hinnar fjögurra
daga heimsóknar hans á fornar
slóðir, þar sem hann átti allan sinn
feril sem kirkjunnar þjónn unz
hann var kjörinn páfi árið 1978, hélt
hann messu sem um 2,2 milljónir
manna hlýddu á. Áhuginn á heim-
sókninni meðal landsmanna páfa,
sem langflestir eru rómversk-kaþ-
ólskir og einlægir aðdáendur hans,
hefur verið þeim mun meiri fyrir
þær sakir, að við því er búizt að hún
sé sú síðasta sem honum auðnast að
fara til föðurlandsins.
Reuters
Jóhannes Páll II páfi blessar leiði foreldra sinna í kirkjugarði í Kraká í S-Póllandi í gær. Þótt honum hafi verið
gert kleift að krjúpa við leiðið kaus hann að yfirgefa ekki sérsmíðaða bifreið sína. Þótti þetta þreytumerki.
Hyggst sinna köllun
sinni fram í andlátið
Kalwaria Zebrzydowska. AFP.
EKKERT lát er miklum flóðum í
Kína en talið er, að þau hafi kostað um
250 manns lífið síðasta hálfa mánuð-
inn og að minnsta kosti 1.000 manns á
árinu. Í gær var spáð, að nýr fellibyl-
ur myndi ganga inn yfir kínverska
meginlandið og auka enn á hamfar-
irnar.
Veðurfræðingar spáðu því, að felli-
bylurinn Vongfong myndi koma inn
yfir landið er liði á daginn og voru þá
gefnar út nýjar viðvaranir um flóð.
Um nónbil í gær var stormmiðjan
austur af eyjunni Hainan og þá var
búist við, að vindstyrkurinn ætti eftir
að aukast mikið. Er Vongfong, sam-
nefndur skordýri, sem bítur illa, 14.
fellibylurinn í Kína á þessu ári.
Miklar rigningar hafa valdið flóð-
um víða um landið í sumar og einna
mestum í Hunan-héraði í landinu
miðju. Skriðuföll hafa einnig verið tíð
og er ástandið mjög alvarlegt víða,
ekki síst til fjalla þar sem heilu þorpin
hafa orðið illa úti og uppskeran
skolast burt.
Óttast flóðahamfarir í Yangtze
Í Norður-Hunan flæðir vatnið yfir
bakka Dongting-vatns, næststærsta
stöðuvatnsins í Kína, en það er rétt
við Yangtze-fljótið og gæti því valdið
auknum flóðum í því. Um 4.000
manns týndu lífi í vatnavöxtum í
fljótinu 1998 og óttast margir, að svip-
aðar hamfarir séu nú í uppsiglingu.
Í Víetnam hafa að minnsta kosti 26
manns farist í flóðum í þremur hér-
uðum landsins. Eru stór svæði á kafi í
vatni og hafa tugþúsundir manna orð-
ið að flýja heimili sín.
Hundruð
farast
Flóð í Kína
Peking. AFP.
JAWEED al-Ghussein, fyrrverandi
féhirðir PLO, Frelsisfylkingar Pal-
estínumanna, neitaði í gær þeim
fréttum í ísraelskum fjölmiðlum, að
hann hefði sakað Yasser Arafat, leið-
toga Palestínumanna, um mikla
spillingu og fjárdrátt.
Ísraelsku dagblöðin Haaretz og
Yediot Ahronot höfðu það eftir
Ghussein um helgina, að hann hefði
fært hálfan milljarð dollara, um 43
milljarða ísl. kr., inn á nokkra leyni-
reikninga Arafats. Hefði hann fært
allt að 680 millj. kr. mánaðarlega og
hefði þar verið um að ræða opinbert
fé, aðallega gjafafé, sem ýmis erlend
ríki hefðu sent Palestínumönnum.
Höfðu blöðin það eftir Ghussein, að
hann hefði undir höndum gögn, sem
sönnuðu þetta.
„Ég komst að því, að Arafat flutti
hjálparfé og peninga, sem ætlaðir
voru palestínsku þjóðinni, inn á sína
eigin reikninga. Ríkin, sem aðstoð-
ina veittu, spurðust fyrir um þetta fé
en ég gat ekki gefið nein svör.“
Ghussein vann ekki fyrir palest-
ínsku heimastjórnina, heldur var
hann framkvæmdastjóri Palestínska
þjóðarsjóðsins og var því vel kunn-
ugur fjárreiðum PLO. Hann hætti
1996 og segist hafa gert það vegna
spillingarinnar.
Flótti með hjálp Ísraela?
Í viðtalinu er haft eftir Ghussein,
að honum hafi verið rænt tvisvar síð-
asta árið en palestínskir embættis-
menn segja, að hann hafi aðeins ver-
ið færður til yfirheyrslu vegna
ásakana um, að hann hafi stolið
hundruðum milljóna króna. Yediot
Ahronot segir, að Ghussein, sem hef-
ur glímt við krabbamein í lifur, hafi
verið hafður í haldi á Gaza en vegna
áskorana frá Sameinuðu þjóðunum,
Bretlandi og mannréttindasamtök-
um hafi honum verið leyft að leita sér
lækninga í Austur-Jerúsalem í síð-
asta mánuði. Þá flýði hann með hjálp
Ísraela, fyrst til Jórdaníu og þaðan
til Bretlands.
Ghussein neitar því að hafa stolið
nokkru og segir, að umrætt fé, rúm-
lega 550 millj. kr., hafi verið hluti af
„mislukkaðri fjárfestingu“ og það
mál hafi verið útkljáð 1992.
Óánægja á Vesturlöndum
Ríkisstjórnir á Vesturlöndum hafa
lengi kvartað um spillingu í palest-
ínsku heimastjórninni enda vita þær
sjaldnast hvað verður um fé, sem
merkt er ákveðnum framkvæmdum.
Brást Arafat nýlega við þessari
gagnrýni með því að skipa Salam Fa-
yad, mann, sem nýtur virðingar og
starfaði áður hjá Alþjóðabankanum,
fjármálaráðherra heimastjórnarinn-
ar. Þá halda Ísraelar því fram, að
Arafat hafi sankað að sér miklu fé
eða um 110 milljörðum króna.
Neitar öllu
Í viðtali, sem al-Jazeera-sjón-
varpsstöðin í Qatar átti við Ghussein
í gær, neitaði hann að hafa sakað
Arafat um spillingu og einnig, að Ísr-
aelar hefðu hjálpað honum að flýja.
Sagði hann, að það, sem eftir honum
væri haft, væri tilhæfulaust og
hreinn tilbúningur.
Fyrrverandi féhirðir PLO sakar
ísraelska fjölmiðla um rangfærslur
Sagður hafa
sakað Arafat um
mikla spillingu
Doha, Jerúsalem. AP, AFP.
PALESTÍNSKI öfgamaðurinn Abu Nidal,
sem að sögn fannst látinn á heimili sínu í
Bagdad, höfuðborg Íraks, um helgina, var á
tímabili einn illræmdasti hryðjuverkamaður
heims, hataður jafnt af Ísraelum og Palest-
ínumönnum. Hann er talinn hafa borið ábyrgð
á meira en níu hundruð morðum á fjögurra
áratuga tímabili.
Maðurinn, sem hét réttu nafni Sabri al-
Banna, fæddist árið 1937 í Jaffa, sonur ríkra
foreldra. Fjölskyldan missti heimili sitt og
þurfti að flytja til Nablus á Vesturbakkanum,
sem þá var hluti Jórdaníu, þegar Ísraelsríki
var stofnað árið 1948. Á sjöunda áratugnum
vann Abu Nidal í olíufyrirtæki í Sádí-Arabíu.
Þar hóf hann þátttöku í palestínskum stjórn-
málum og gekk í Fatah-hreyfingu Yassers
Arafats. Árið 1973 var Abu Nidal hins vegar
kominn á þá skoðun að Arafat hefði villst af
braut vopnaðrar sjálfstæðisbaráttu og stofn-
aði, með stuðningi Íraksstjórnar, eigin klofn-
ingshóp, Byltingarráð Fatah, ári síðar. Hann
var þá staddur í Bagdad sem fulltrúi Fatah
þar í landi, og sama ár, 1974, dæmdi Fatah-
hreyfingin Abu Nidal til dauða fyrir fjárdrátt.
Á „blómaskeiði“ byltingarráðsins, á áttunda
og níunda áratugnum, stóð hópurinn fyrir
fjölda morðtilræða og flugrána sem gerðu
nafn Abu Nidals nánast samnefni fyrir al-
þjóðleg hryðjuverk. „Ég er Abu Nidal, svarið
við öllum þjáningum og ógæfu araba,“ sagði
hann í viðtali við þýska blaðið Der Spiegel ár-
ið 1985. „Ég er hinn illi andi leyniþjónust-
unnar. Ég er hinn illi andi
sem ferðast um að næt-
urlagi og veldur martröð-
um.“ Abu Nidal réðst jafnt
gegn Ísraelum og Palest-
ínumönnum sem honum
þótti of undirgefnir Ísr-
aelsríki og árið 1989 sagði
bandaríska leyniþjónustan
byltingarráð hans hættu-
legustu hryðjuverkasam-
tök í heimi.
Auk þess sem bylting-
arráðið stóð fyrir eigin að-
gerðum og hryðjuverka-
árásum er Abu Nidal
sagður hafa selt ríkis-
stjórnum Íraks, Sýrlands
og Líbýu þjónustu sína.
Sprengjuárásir
og flugrán
Nafnið Abu Nidal þýðir
á arabísku „Faðir barátt-
unnar“ og fullyrða má að
hann hafi gert sitt besta til
að standa undir því nafni. Hann var eftirlýst-
ur í fjölmörgum ríkjum og var talinn hafa bor-
ið ábyrgð á morðum á 900 manns í tuttugu
löndum frá árinu 1974. Flest fórnarlamba
hans voru Ísraelar og hófsamir Palestínu-
menn, en hann lét einnig til skarar skríða
gegn gyðingum í öðrum ríkjum og gegn hóf-
samari arabaríkjum. Árið 2001 dæmdi dóm-
stóll í Jórdaníu hann til hengingar fyrir morð
á jórdönskum erindreka, sem skotinn var til
bana fyrir utan heimili sitt í Beirút í Líbanon
árið 1994.
Meðal illræmdusta aðgerða byltingarráðs
Abu Nidals voru árásir á afgreiðsluborð El
Al-flugfélagsins ísraelska á flugvöllum í Róm
og Vínarborg árið 1985, en í þeim féllu átján
manns og 120 særðust. Hann er talinn hafa
borið ábyrgð á sprengjuárás
í gyðingahverfi í París árið
1982 þar sem sex létust og
22 særðust og árás á bæna-
hús gyðinga í Istanbúl þar
sem 22 létu lífið árið 1986.
Sama ár er hann talinn hafa
staðið fyrir ráni á banda-
rískri farþegaflugvél í Kar-
achi í Pakistan. Árið 1982
sagði Ísraelsstjórn innrás
sína í Líbanon svar við
morði Abu Nidals á sendi-
herra Ísraels í Bretlandi
það ár, en byltingarráðið
hélt þá til í fjallahéruðum
Líbanons. Þá er Abu Nidal
sagður hafa staðið fyrir
árásum á sendiráð Sýrlands
á Ítalíu og í Pakistan.
Abu Nidal átti í storma-
sömu sambandi við ríkis-
stjórnir nokkurra araba-
ríkja. Íraksstjórn hætti
stuðningi við hann árið 1983
og flutti hann þá höfuð-
stöðvar sínar til Damaskus, en þaðan flutti
hann tveimur árum síðar til Líbanons. Seinna
naut hann velvildar Moammars Gadhafi, leið-
toga Líbýu, en er sagður hafa verið handtek-
inn af egypsku lögreglunni árið 1998, eftir að
klofningshópur innan byltingarráðsins sveik
hann. Egypsk stjórnvöld neituðu ætíð fréttum
af handtöku hans, en eru sögð hafa leyft hon-
um að snúa aftur til Bagdad, þar sem hann á
að hafa lifað í vellystingum.
Abu Nidal er sagður hafa í gegnum tíðina
átt við margs konar heilbrigðisvanda að
stríða, allt frá hvítblæði til hjartveiki. Í ævi-
sögu hans, skrifaðri af blaðamanninum Pat-
rick Seale, er honum lýst sem tilkomulitlum
manni, þjáðum af slæmum magasárum, of-
sóknaróðum og með smekk fyrir viskí.
„Ég er hinn illi andi …“
Reuters
Abu Nidal árið 1982.
Hryðjuverkamaðurinn
Abu Nidal er sagður
allur en samtök hans
voru talin hættulegasti
öfgahópur heims
Níkosíu. AFP.
♦ ♦ ♦