Morgunblaðið - 20.08.2002, Blaðsíða 4

FRÉTTIR
4 ÞRIÐJUDAGUR 20. ÁGÚST 2002 MORGUNBLAÐIÐ
VW Passat 1800 Turbo
Trendline, f. skrd. 09.03.2001,
ek. 15 þús. km., 4ra dyra, bsk.
Aukahlutir: 17" álfelgur,
krómlistapakki, ljóskastarar,
samlitur, sóllúga, vindkljúfasett,
vindskeið, hiti í sætum o.fl.
Verð 2.540.000.
Opnunartímar:
Mánud.-föstud. frá kl. 10-18.
Laugavegi 170-174 • Sími 590 5000 • Heimasíða: www.bilathing.is
Netfang: bilathing@hekla.is
SEXTÁN kærur vegna líkams-
árásar á menningarnótt voru
komnar fram í gær og talið er að
fleiri eigi eftir berast lögreglu á
næstu dögum. Um nóttina voru 25
manns færðir á lögreglustöð og
tæplega þriðjungur var settur í
fangageymslu. 60 manns komu á
slysadeild Landspítalans og var
ástandið þar mjög slæmt.
Nýafstaðin menningarnótt er lík-
lega fjölmennasta útisamkoma sem
haldin hefur verið hérlendis og hef-
ur lögreglan í Reykjavík aldrei séð
annan eins mannfjölda og ofbauð
henni það sem blasti við augum um
nóttina. Um 100 verkefni voru færð
til bókar um að lokinni dagskrá
menningarnætur. Allt fór vel fram
að miðnætti, en þá gjörbreyttist
staða mála með því að ölvun varð
gríðarmikil og margir slösuðust í
slagsmálum.
Geir Jón Þórisson segir ekki vit-
að um alvarlega líkamsárás í mið-
bænum en þeim mun fleiri urðu fyr-
ir minniháttar árásum. Í einu tilviki
var þó maður stunginn hnífi í bakið
og ekki vitað um árásarmanninn.
Fórnarlambið var lagt inn á spítala
og er málið nú í rannsókn.
Geir Jón telur að 80 þúsund
manns hafi verið í bænum þegar
mest var um klukkan 23. „Síðan
fóru um 90% fólksins heim og voru
komin úr miðborginni á 45–60 mín-
útum sem var glæsilegt,“ segir Geir
Jón. Síðar um nóttina segir hann
mikinn leiðindabrag hafa verið á
miðborgarlífið áður en ró komst á
aftur um klukkan 5 á sunnudags-
morgun. Mikil ölvun og slagsmál og
slæm umgengni settu svip sinn á
næturlífið auk þess sem ungmenni
voru áberandi í bænum, sem Geir
Jón segir afar sjaldgæfa sjón nú-
orðið. Segir hann að um 7 þúsund
manns hafi orðið eftir í bænum og
allt of stór hluti þess hóps hafi hag-
að sér eins og villimenn. „Mönnum
hreinlega blöskraði umgengnin,“
segir hann. Ekki var þó um að ræða
að fólk hefði framið eignaspjöll í
miðbænum með rúðubrotum í versl-
unum og því um líkt, heldur var of-
beldið allsráðandi. Að sögn vegfar-
enda voru slagsmál á hverju
götuhorni. Rétt fyrir 23.30 kviknaði
í bifreið við Túngötu og var
Slökkvilið höfuðborgarsvæðisins
kallað á vettvang. Eldsupptök eru
ókunn.
Geir Jón segir lögregluna ekki
hafa átt von á því ástandi sem skap-
aðist um nóttina en segir lögregl-
una þó hafa ráðið vel við þau mál
sem upp komu. „Við áttum ekki von
á jafnstórum hópi fólks sem varð
mjög ölvað, en lögreglan gat sinnt
öllum sínum verkefnum með sóma,“
segir hann. Geir Jón segir að mikið
hafi borið á drukknum unglingum í
bænum en hinir eldri hafi ekki síð-
ur verið illa drukknir. „Þetta er
eitthvað sem við sjáum afar sjaldan
í miðborginni. Ástandið um helgar
hefur gjörbreyst frá sem áður var.“
Hann segir að hugsanlega hafi þess
misskilnings gætt meðal foreldra
að dagskrá yrði haldið áfram um
nóttina og því hafi svo mörg börn
verið eftirlitslaus í bænum.
Sparkað í sjúkraflutningamenn
Aðspurður segir hann að fólk
hafi ekki ráðist á lögreglumenn við
skyldustörf, en hins vegar var ráð-
ist tvisvar sinnum á sjúkraflutn-
ingamenn sem voru að sinna slös-
uðum eftir slagsmál. Segir hann að
þau mál verði rannsökuð og búast
megi við kærum frá sjúkraflutn-
ingamönnum. Í báðum tilvikum var
sparkað í sjúkraflutningamenn í
kjölfar slagsmála.
Ró var komin á um klukkan 5 á
sunnudagsmorgun og gekk fólki
ágætlega að koma sér heim að lok-
um og var ekki tilkynnt um árásir á
strætisvagnabílstjóra eða leigubíl-
stjóra.
Um klukkan fjögur um nóttina
varð uppi fótur og fit á Hverf-
isbarnum þegar einhver sprautaði
táragasi inn í troðfullan staðinn.
Gasið olli hósta og uppsölum hjá
fólki og var staðurinn tæmdur, loft-
ræstur en opnaður skömmu síðar
þegar öllu var óhætt. Kallað var á
lögregluna vegna málsins en ekki
er vitað hver notaði táragasið. Að-
standendur Hverfisbarsins segjast
hafa orðið fyrir ítrekuðum
skemmdarverkum og gasárásin sé
kornið sem fyllti mælinn. Vilja að-
standendur staðarins biðja alla þá
sem vita eitthvað um málið að hafa
samband við Hverfisbarinn eða lög-
regluna og hefur staðurinn lagt fé
til höfuðs hinum seka, sem fellur í
hlut þess sem getur komið upp um
hann.
Á laugardagskvöldið var líklega
fjölmennasta útisamkoma sem
haldin hefur verið hérlendis, en til
samburðar má nefna að 60 til 75
þúsund manns voru á Þingvöllum
17. júní 1994 á 50 ára afmæli lýð-
veldisins og 20 árum fyrr, eða hinn
28. júlí 1974 voru 55 til 60 þúsund
manns á Þingvöllum til að halda
upp á 1.100 ára afmæli Íslands
byggðar.
Komu blindfull og
barin á slysadeild
Jón Baldursson, yfirlæknir slysa-
deildar Landspítalans í Fossvogi,
segir 63 slasaða hafa komið á deild-
ina á frá miðnætti til klukkan 8 á
sunnudagsmorgun. Þegar mest var
að gera var 4 tíma bið eftir lækn-
isaðstoð. Jón segir að ekki hafi ver-
ið kallaður út aukamannskapur út
af „svona vitleysu“ eins og hann lýs-
ir þessari hlið næturlífsins sem
blasti við starfsfólki slysadeild-
arinnar. Hann segir lögreglumann-
inn sem var á vakt á slysadeildinni
hafa verið undir mesta álaginu, en
hann var á biðstofunni nánast allan
tímann að reyna stemma stigu við
ólátum í fólki, sem hafi verið óþol-
inmótt, ofbeldisfullt, kófdrukkið og
leiðinlegt. Jón er afar óhress með
hvernig mál þróuðust um nóttina
og segir vítaverðu kæruleysi al-
mennings og yfirvalda um að
kenna. „Þessa nótt komu börn nið-
ur í 15 ára, blindfull og barin.
Sennilega hafa foreldrar þeirra
ekki sagt þeim hvernig staður mið-
bærinn er um helgar. Það sem ein-
kennir þetta ástand er algert
ábyrgðarleysi af allra hálfu. Fólk
má kvarta yfir því að þurfa að bíða
á biðstofunni en það er ekkert við
því að gera. Við stóðum ekki fyrir
þessari menningarhátíð eða djöf-
ulgangi í miðbænum en við horfum
upp á afleiðingarnar sem eru ekki
fallegar.“
Morgunblaðið/Jón Svavarsson
Umferðin úr miðbænum gekk vel eftir að dagskrá menningarnætur
lauk um miðnætti. Á um klukkustund fóru tugir þúsunda manna heim til
sín. Ágúst Svansson aðalvarðstjóri sést hér við umferðarstjórnun.
Morgunblaðið/Árni Sæberg
Fjöldi fólks hlýddi á keppendur í karókíkeppni á svölum Húss málarans
og er þessi mynd lýsandi fyrir góða stemmningu á laugardagskvöldið.
Eftir að hefðbundinni dagskrá lauk fór hins vegar allt í bál og brand.
Vel heppnuð menningarnótt snerist upp í andhverfu sína að lokinni dagskrá
Mikil ölvun og tugir manna
slasaðir eftir slagsmál
Sækja um
hæli á
Íslandi
RÚSSNESK hjón og sautján ára
gamall sonur þeirra gáfu sig fram við
lögregluna á Akureyri fyrir helgi og
óskuðu eftir hæli á Íslandi.
Ástæðan fyrir hælisbeiðninni er
sú að sonurinn verður 18 ára í haust
og kemst þá á herskyldualdur. Segja
hjónin hann svo lasburða að herþjón-
usta myndi stefna heilsu hans í voða
en rússnesk yfirvöld hafi engan
skilning sýnt á því. Rauði krossinn á
Akureyri sér fólkinu fyrir gistingu á
meðan lögregla og Útlendingaeftir-
litið kanna mál þeirra. Hafsteinn
Jakobsson, framkvæmdastjóri Ak-
ureyrardeildar Rauða kross Íslands,
segir að fólkið hafi sagst hafa komið
til landsins með ferjunni Norrænu.
Það mun hafa dvalið á Akureyri í 2–3
daga áður en það gaf sig fram við
lögreglu og sótti um hæli.
Tvö gefa skýrslu í Reykjavík
Lögreglan í Reykjavík tók í gær
skýrslu af ungum manni og ungri
konu sem höfðu gefið sig fram við
lögreglu og óskað eftir hæli. Þau eru
bæði skilríkjalaus en talið er að þau
séu frá einhverju af fyrrum lýðveld-
um Sovétríkjanna. Líklegt er að þau
hafi komið til landsins með áætlun-
arflugi. Hælisleitendum hefur fjölg-
að mjög undanfarin ár. Frá 1. janúar
til 1. ágúst sl. höfðu 60 sótt um hæli,
sem eru fleiri en sóttu um hæli allt
árið í fyrra. Á tímabilinu frá 1998–
2000 sóttu ríflega 70 manns um hæli.
ENN eru afdrif Ítal-
ans Davides Paita
mönnum hulin ráð-
gáta, en hans hefur
verið saknað í nærri
hálfan mánuð og leitað
svo dögum skiptir í
Eyjafirði. Leit er í bið-
stöðu og verður ekki
fram haldið fyrr en
nýjar vísbendingar
koma fram um afdrif
hans. Málið sætir samt
áfram rannsókn lög-
reglunnar á Akureyri.
Paita kom hingað til
lands í maíbyrjun og
hefur ferðast víða um
landið milli þess sem hann hefur
framfleytt sér með sveitastörfum á
bóndabæ á Vesturlandi. Heimafólk
þar segir hann ljúfan
mann og lögreglan
segir hann vanan
ferðamann sem hafi
ferðast víða um lönd á
eigin vegum. Paita er
33 ára gamall og
verður í fáum drátt-
um lýst sem einræn-
um ævintýramanni.
Hann á foreldra og
systur á Ítalíu og hef-
ur móðir hans verið í
sambandi við ítalska
ræðismanninn á Ís-
landi auk lögreglu í
báðum ríkjum. Ekki
er vitað til þess að
Paita hafi komið hingað til lands
áður og þaðan af síður hversu lengi
hann ætlaði að dvelja hér. Leiðir
hans hafa verið raktar mjög vel hér
á landi en slóðin hverfur á Látra-
strönd. Á ferðalögum sínum um
landið hefur hann ekki átt vanda til
að hverfa svo dögum skiptir eins
og nú er. Þrátt fyrir að Paita sé
vanur ferðamaður var hann ekki
búinn neinum fjarskiptatækjum
þegar hann fór frá Grenivík út á
Látraströnd auk þess sem hann
hafði lítinn viðlegubúnað.
Lögreglan hefur ekki útilokað
þann möguleika að Paita sé á lífi
þótt hún telji óeðlilegt að hann sé
ekki búinn að vitja farangurs sem
hann skildi eftir á Grenivík þegar
hann lagði af stað í gönguferð um
Látraströnd hinn 8. ágúst.
Ætlaði hann að koma til baka 11.
ágúst eða í síðasta lagi hinn 13.
ágúst.
Afdrif Davides Paita mönnum hulin ráðgáta
Einrænn ævintýramaður
Davide Paita
ÁSATRÚARFÉLAGIÐ undirbýr
nú að skila inn greinargerð til dóms-
málaráðuneytisins vegna aukaalls-
herjarþings safnaðarins í Reykjavík
sem haldið var á laugardag þar sem
Jörmundi Inga var vikið úr embætti
allsherjargoða.
Að sögn Jónasar Þ. Sigurðssonar
lögsögumanns greiddu 84 atkvæði
með brottvikningunni og 48 gegn og
skilaði einn auðu.
Jónas segir að ekki hafi verið tekin
ákvörðun um hver taki við af Jör-
mundi en Jónína Kristín Berg Vest-
urlandsgoði hefur verið sett í emb-
ætti allsherjargoða á meðan. Í
undirbúningi er, að sögn Jónasar, að
auglýsa eftir umsóknum um embætti
allsherjargoða en kosið verður á
milli þeirra sem sækjast eftir emb-
ættinu.
Verður
auglýst eftir
umsóknum
Embætti
allsherjargoða laust
♦ ♦ ♦