Morgunblaðið - 20.08.2002, Blaðsíða 56

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 20. ÁGÚST 2002 VERÐ Í LAUSASÖLU 190 KR. MEÐ VSK.
VÍKINGASKIPIÐ Íslendingur kom til hafnar í
Reykjavík í gær með Lagarfossi, skipi Eim-
skipafélagsins, frá Shelburn í Nova Scotia.
Skipið var híft af þilfari skipsins og sjósett en
ráðgert er að sigla því til Keflavíkur þar sem
skipið og áhöfn þess taka þátt í hátíðahöldum
í tengslum við Ljósanótt sem haldin verður í
Reykjanesbæ 7. september nk. Að sögn Gunn-
ars Marels Eggertssonar, skipstjóra Íslend-
ings, er skipið í góðu ásigkomulagi að öðru
leyti en því að mengunarskítur og sót hefur
sest á bátinn.
Gunnar segir að hann muni á næstu dögum
vinna að því að þrífa Íslending áður en hon-
um verður siglt til Keflavíkur en þar verður
hann fljótlega tekinn upp aftur og tekinn í
gegn.
Að sögn Gunnars gekk siglingin frá
Westbrook í Connecticut til Shelburn mjög vel
en þaðan var skipið híft upp á lestarlúgu á
Lagarfossi og siglt með það til Íslands.
Morgunblaðið/Arnaldur
Íslendingur kominn heim og tekur þátt í Ljósanótt
Mynda
þarf þver-
pólitískt
samstarf
GUÐNI Ágústsson landbúnaðarráð-
herra fjallaði m.a. um stöðu Íslands í
alþjóðasamfélaginu í ávarpi sínu á
Hólahátíð sl. sunnudag. Sagði hann
fyrir bestu að stjórnmálaflokkar og
aðilar vinnumarkaðarins slíðruðu
sverðin og mynduðu þverpólitískt
samstarf um mótun áætlunar um
stöðu og framtíðarmarkmið Íslands í
alþjóðasamfélaginu.
Guðni vék í ávarpinu að Evrópu-
sambandsumræðunni og sagði ekki
hjá því komist að vigta kostina og
gallana í upplýstri umræðu. ,,Við
eigum viðskiptasamning og verðum
að standa vaktina um hann, um
þetta eru allir sammála. Hins vegar,
þegar stefnir í átök, má pólitíkin
ekki skorast undan ábyrgð. Ísland
þarf að eiga eina sál í málum sem
snúa að ákvarðanatöku um framtíð-
arhagsmuni landsins í samskiptum
við erlent vald. Ég tel fyrir bestu að
slíðra þessi sverð og að stjórnmála-
flokkarnir, stjórnmálamennirnir og
aðilar vinnumarkaðarins yrðu ásátt-
ir um að mynda þverpólitískt sam-
starf um að móta áætlun um stöðu
Íslands og framtíðarmarkmið í al-
þjóðasamfélaginu. Þannig gæfum
við okkur góðan tíma til að meta
þetta mál og móta stefnu þar sem
samstaða væri leiðarljósið og enginn
þyrfti að efast um upplýsta umræðu
þar sem hagsmunir þjóðarinnar
sætu í fyrirrúmi,“ sagði Guðni
Ágústsson.

Sjálftökulið/10
Guðni Ágústsson
á Hólahátíð
EIGNIR íslenskra lífeyrissjóða í
verðbréfum erlendis í lok júní sl.
voru tæpum 22 milljörðum króna
minni en um síðastliðin áramót; rúm-
ir 115 milljarðar eftir fyrri hluta árs-
ins en tæpir 137 milljarðar í árslok
2001. Þetta má sjá í nýju efnahags-
yfirliti lífeyrissjóðanna sem Seðla-
bankinn birtir mánaðarlega. Í júní-
mánuði einum saman minnkaði
erlend eign sjóðanna um 15 millj-
arða, en á þeim tíma átti sér stað
töluverð lækkun á verði hlutabréfa á
heimsmarkaði.
Frá áramótum hefur verðbréfa-
eign lífeyrissjóðanna innanlands
aukist og eru heildareignir þeirra
1,4% meiri en um áramót. Í lok júní
sl. námu heildareignirnar 657,2
milljörðum króna en voru 648,3
milljarðar síðastliðin áramót. Hlut-
fall erlendra eigna af heildareignum
sjóðanna hefur því minnkað úr rúmu
21% um áramótin í 17,5% miðað við
júnílok.
Í árslok 2001 áttu íslenskir lífeyr-
issjóðir erlend hlutabréf að andvirði
52,4 milljarða króna. Í lok maí sl.
nam sú eign 46,3 milljörðum og mán-
uði síðar 38,9 milljörðum króna.
Eign í erlendum hlutabréfasjóðum
hafði frá áramótum lækkað úr tæp-
um 65 milljörðum í 55,7 milljarða
króna. Á sama tíma stóð erlend
skuldabréfaeign lífeyrissjóða í stað.
Vonandi tímabundið ástand
Hrafn Magnússon, framkvæmda-
stjóri Landssamtaka lífeyrissjóða,
sagði við Morgunblaðið að vissulega
hefðu menn áhyggjur af þróun mála
á hlutabréfamörkuðum erlendis en
ekki væri talin ástæða til að örvænta.
Vonandi væri um tímabundið ástand
að ræða sem sjóðirnir myndu standa
af sér, enda væri verið að huga að
langtímafjárfestingum frekar en til
skamms tíma. Hrafn sagði þessa
minnkun erlendra eigna sjóðanna
einkum stafa af þrennu.
„Í fyrsta lagi hefur ástandið á er-
lendum mörkuðum verið afskaplega
dapurt, þó að það hafi batnað eilítið
síðustu vikurnar, í öðru lagi hefur
styrking íslensku krónunnar frá ára-
mótum haft veruleg áhrif á eigna-
stöðuna og í þriðja lagi hafa sumir
lífeyrissjóðir komið með fjármagn
inn í landið og einfaldlega selt sínar
eignir erlendis,“ sagði Hrafn og tók
Lífeyrissjóð Norðurlands þar sem
dæmi.
Hann sagði lífeyrissjóðina hafa
einbeitt sér að innlendum skulda-
bréfum á liðnum misserum til þess
að mæta niðursveiflu á erlendum
mörkuðum. Að því leyti mætti segja
að sjóðirnir hefðu skipt um stefnu í
fjárfestingum sínum. Einnig hefðu
sjóðirnir verið að færa til eignirnar
erlendis og farið meira úr hlutabréf-
um einstakra fyrirtækja yfir í
skuldabréf eða hlutabréfasjóði.
Erlend verðbréfaeign lífeyrissjóðanna á fyrri hluta ársins
Eignir minnkuðu um
tæpa 22 milljarða
ÞAU ellefu sjávarútvegsfyrirtæki
sem skráð eru í Kauphöll Íslands
og birt hafa milliuppgjör vegna
fyrri árshluta 2002 högnuðust öll á
tímabilinu, samanlagt um rúma 8,9
milljarða króna. Til samanburðar
varð tap af rekstri þeirra allra á
fyrri hluta síðasta árs sem nam
samanlagt 2,8 milljörðum króna.
Afkomubati fyrirtækjanna frá
sama tímabili í fyrra nemur því
röskum 11,7 milljörðum króna.
Mestur er afkomubati Samherja
(2,1 milljarður króna) og Síldar-
vinnslunnar (1,5 milljarðar).
Fjármagnsliðir
12 milljörðum betri
Áberandi er bati á fjármagns-
liðum sjávarútvegsfyrirtækjanna
og má að langmestu leyti rekja
hann til gengishagnaðar af erlend-
um skuldum fyrirtækjanna vegna
styrkingar íslensku krónunnar á
tímabilinu. Fjármagnsliðir fyrir-
tækjanna ellefu voru jákvæðir í öll-
um tilfellum í ár og námu sam-
anlagt rúmum 4,7 milljörðum
króna. Það er tæplega 12 milljarða
króna bati frá í fyrra en þá voru
samanlagðir fjármagnsliðir allra
þessara fyrirtækja neikvæðir, alls
um rúma 7,2 milljarða. Mestur bati
fjármagnsliða var hjá Samherja (2
milljarðar) og Síldarvinnslunni (1,8
milljarðar) en hafa ber í huga að
170 milljónir króna af hagnaði Síld-
arvinnslunnar í ár eru vegna hagn-
aðar af sölu hlutabréfa.
Bati fjármagnsliða nemur allt
frá 70% og fer í sumum tilvikum
vel yfir 100% afkomubata þessara
fyrirtækja. Vert er að benda á að
styrking krónunnar hefur jafn-
framt áhrif til lækkunar á erlend-
um skuldum fyrirtækjanna, lækkar
tekjur í erlendri mynt auk lækk-
unar á framlegð.
Fyrirtækin ellefu sem um ræðir
eru: Grandi, Haraldur Böðvarsson,
Hraðfrystihús Eskifjarðar, Hrað-
frystihúsið Gunnvör, Hraðfrysti-
stöð Þórshafnar, Samherji, Síldar-
vinnslan, SR-mjöl, Tangi,
Vinnslustöðin og Þormóður rammi-
Sæberg.
Þrjú félög hafa ekki birt afkomu
sína, það eru Fiskiðjusamlag Húsa-
víkur, Guðmundur Runólfsson og
Þorbjörn Fiskanes.
Þá hafa Skagstrendingur og Út-
gerðarfélag Akureyringa ekki birt
afkomutölur enda keypt af Eim-
skipafélaginu á tímabilinu og hið
síðarnefnda hefur verið afskráð í
Kauphöllinni.
Uppgjör 11 sjávarútvegsfyrirtækja
Samanlagður
afkomubati milli
ára 11,7 milljarðar
VÉSTEINN Hafsteinsson,
landsliðsþjálfari í frjálsíþrótt-
um, hefur sagt upp starfi sínu
og hættir eftir rúman mánuð.
Hann sagði að fjölskylduástæð-
ur hefðu vegið þyngst í ákvörð-
un sinni. Afar erfitt væri að
sinna krefjandi hlutastarfi hér
á landi og búa í öðru landi. Fyr-
ir vikið hefði hann þurft að
dvelja langdvölum frá fjöl-
skyldu sinni, en nú væri ein-
faldlega nóg komið.
Vésteinn
segir upp
störfum

Vésteinn hættir / B16