Morgunblaðið - 20.08.2002, Blaðsíða 20

VIÐSKIPTI/ATHAFNALÍF
20 ÞRIÐJUDAGUR 20. ÁGÚST 2002 MORGUNBLAÐIÐ
HLUTABRÉF í Arc-
adia, sem Baugur á 20%
hlut í, hækkuðu um 16%
eftir að viðskipti hófust í
kauphöllinni í Lundún-
um í gærmorgun, en um
helgina bárust fréttir af
því að gert hefði verið
yfirtökutilboð í fyrirtæk-
ið. Verðið hélst stöðugt
lengst af degi en þegar
leið undir lok viðskipta
lækkaði verðið lítillega
og hækkun dagsins var
rúmlega 13% og loka-
gildi 340,25 pens.
Sá sem gerir tilboðið
er Philip Green, sem á
einn af keppinautum
Arcadia, fataverslunina
Bhs. Tilboðið er gert í
nafni Taveta Invest-
ments, fyrirtækis í eigu
fjölskyldu Greens, og
samkvæmt fréttum
BBC styður Baugur
það. Stjórn Arcadia,
sem nýtur ráðgjafar
fjárfestingarbankans
Schroder Salomon
Smith Barney, hefur
þegar fjallað um tilboðið
og samkvæmt yfirlýs-
ingu sem hún sendi frá
sér er einróma álit
hennar að það sé of lágt
og geti ekki verið
grundvöllur viðræðna.
Tíu milljarða
viðbótarfjárfesting
BBC segir að Green hafi svarað
gagnrýni á tilboðið með því að
segja að verð hlutabréfa Arcadia
hafi aðeins einu sinni náð 400
pensum og að verð bréfanna hafi
ekki verið gott í gegnum tíðina.
Jafnframt er haft eftir honum að
verði tilboði hans tekið hafi Baug-
ur áhuga á að kaupa af honum þau
vörumerki Arcadia sem höfða til
yngri kynslóðarinnar, þ.e. Top
Man, Top Shop og Miss Selfridge.
Í Hálffimm-fréttum Búnaðarbank-
ans segir að miðað við veltu og
hagnaðarmyndun vörumerkja Arc-
adia megi gera ráð fyrir að þessi
vörumerki myndi um þriðjung
verðmæta Arcadia. Ætli Baugur
að kaupa þessi vörumerki geti því
verið að hann þurfi að leggja út í
um tíu milljarða fjárfestingu.
Tilboð Greens, sem nýtur að-
stoðar fjárfestingarbankans Merr-
ill Lynch, hljóðar upp á 365 pens á
hlut, eða 690 milljónir punda alls,
sem jafngildir rúmum 90 milljörð-
um íslenskra króna. Green hefur
sagt að tilboð sitt samsvari í raun
382 pensum sé gert ráð fyrir
kostnaði við kauprétt starfsmanna,
aðallega framkvæmdastjóra fyrir-
tækisins Stuart Rose. Kauprétt-
urinn, sem alls er að fjárhæð 30
milljónir punda eða nálægt fjórum
milljörðum króna, verður virkur ef
fyrirtækið er tekið yfir.
Verð hlutabréfa Arcadia hefur
undanfarið ár sveiflast á bilinu 230
til 417,75 pens og í síðustu viku
var lokaverðið á bilinu 267 til 300
pens og fór hækkandi eftir því sem
leið á vikuna. Tilboð
Greens, sem gert var á
þriðjudag fyrir réttri
viku, er 36% hærra en
lokaverð mánudagsins í
síðustu viku og 21% yfir
lokaverði síðasta föstu-
dags.
Virði hlutar Baugs
meira en 6 milljörðum
króna yfir bókfærðu
verði
Baugur reyndi í fyrra-
haust og fram á þetta ár
að taka Arcadia yfir og
þá voru verðhugmyndir
Baugs á bilinu 280 til
300 pens. Stjórn Arcadia
sleit hins vegar viðræð-
um í það skipti þar sem
hún taldi þær ganga of
hægt án þess að tilboð
væri sett fram.
Bókfært virði 20%
eignarhlutar Baugs í
Arcadia, sem er annar
stærsti fatasali Bret-
lands, er 11,7 milljarðar
króna, samkvæmt árs-
hlutauppgjöri frá því í
lok maí síðastliðins. Mið-
að við yfirtökutilboðið er
eignarhluturinn rúmlega
18 milljarða króna virði,
sem er meira en sex
milljörðum króna yfir
bókfærðu verði.
Philip Green er ekki ókunnugur
verslunarrekstri á borð við Arc-
adia eða tilboðum í slík fyrirtæki. Í
maí árið 2000 keypti hann Bhs,
sem áður hét British Home Stores.
Hefur það verið í eigu hans síðan
og rekstur þess færst til betri veg-
ar, en velta 165 verslana Bhs er
um einn milljarður punda, eða um
130 milljarðar íslenskra króna.
Eftir að hann keypti Bhs gerði
hann árangurslaust tilboð í Marks
& Spencer og í júní á þessu ári átti
hann í viðræðum við Woolworths
án árangurs. BBC segir að talið sé
að hann sé að velta fyrir sér að
gera tilboð í Littlewood’s-fata-
verslanirnar.
Baugur hækkaði um 2,9% í 57
milljóna króna viðskiptum í Kaup-
höll Íslands í gær. Gengi bréfa fé-
lagsins er nú 8,85.
Baugur styður yfir-
tökutilboð í Arcadia

 









 

   
    
 
   
 
 
 
 


 
   







 



 






   
  
   


 















!"#"
$!$"%

$"#
&!'#

&("

$



&&!#")
%!'&"

&!& (
)$*(+
&* (
 !
"!
#!
#!
"!
!
# !
"!
!
 !
!



 
 

 $ % &'  % &'  % &'  

 
 $  

  
  $ 


REKSTUR Samherja hf. og dóttur-
félaga skilaði 1.755 milljóna króna
hagnaði á fyrstu sex mánuðum árs-
ins. Á sama tímabili í fyrra varð 345
milljóna króna tap af rekstrinum.
Batinn nemur 2,1 milljarði króna.
Hagnaður fyrir afskriftir og fjár-
magnsliði, EBITDA, var rúmir 2
milljarðar króna eða ríflega 28% af
rekstrartekjum samanborið við
tæpa 1,5 milljarða í fyrra eða 25%.
Rekstrartekjur samstæðunnar
námu 7,2 milljörðum króna á fyrri
hluta ársins og er það nær 20%
aukning frá sama tímabili í fyrra,
rekstrargjöldin jukust um tæp 15%
og voru 5,2 milljarðar króna. Fjár-
magnsliðir voru jákvæðir í ár um 614
milljónir króna og munar þar mestu
um gengishagnað upp á 762 milljónir
króna sem rekja má til styrkingar ís-
lensku krónunar á tímabilinu. Bati
fjármagnsliða á milli ára nemur
rúmum 1,8 milljörðum króna.
Eigið fé Samherja nam í lok júní
rúmum 7,8 milljörðum króna en var
um sl. áramót 6,2 milljarðar. Eigin-
fjárhlutfall er 37,1% en var 34% um
áramót. Veltufé frá rekstri fyrstu
sex mánuði ársins var rúmir 1,6
milljarðar króna miðað við tæpa 1,2
milljarða í fyrra.
Samstæðan hefur hætt að beita
verðleiðréttum reikningsskilum en
hefði sömu reikningsskilaaðferðum
verið beitt og árið áður hefði hagn-
aður félagsins verið 58 milljónum
króna hærri auk þess sem eigið fé fé-
lagsins væri 175 milljónum króna
hærra.
Í tilkynningu frá félaginu segir að
miðað við óbreyttar forsendur, verði
framlegð seinni hluta ársins lakari
en gert var ráð fyrir í upphafi.
Brugðist hefur verið við þróun á
gengi krónunnar og ýmsar ráðstaf-
anir verða gerðar í rekstri til að
mæta tekjusamdrætti. Áætlanir
gera ráð fyrir að hagnaður félagsins
á árinu verði um 2,2 milljarðar króna
miðað við óbreyttar forsendur, að
því er segir í tilkynningu.
Afkoma Sam-
herja batnar um
rúma 2 milljarða
KAUPHÖLLIN í New York ætlar
að opna fyrir viðskipti einni og hálfri
klukkustund síðar 11.september nk.
Kauphöllin verður opnuð kl. 11:00 að
morgni þann dag í stað kl. 9:30 eins
og venja er.
Í yfirlýsingu frá NYSE er haft eft-
ir yfirmanni kauphallarinnar að
hann telji að það sé við hæfi að þögn
ríki í kauphöllinni á meðan minning-
arathafnir um fórnarlömb hryðju-
verkaárásanna á New York og
Washington 11.september sl. fara
fram um öll Bandaríkin.
NYSE opnuð seinna
11. september
HEILDAREIGNIR sameinaðs fé-
lags Eignarhaldsfélagsins Alþýðu-
bankans hf. og Þróunarfélags Ís-
lands hf. nema ríflega 11,8
milljörðum króna, verð af samruna.
Stjórnir beggja félaga hafa sam-
þykkt samrunaáætlun sem lögð
verður fyrir á hluthafafundum á
næstunni.
Hlutafé sameinaðs félags verður
rúmir 2,4 milljarðar króna að nafn-
virði, þar af er hlutafé EFA um 1,3
milljarðar króna og hlutafé ÞFÍ tæp-
ur 1,1 milljarður að nafnvirði. Eigin
hlutabréf munu verða 214 milljónir
við samrunann. Í efnahagsreikningi
sameinaðs félags kemur fram að
heildareignir EFA nema nú tæplega
6,9 milljörðum króna en heildareign-
ir ÞFÍ um 5,3 milljörðum króna.
Samrunafærslur sem koma til frá-
dráttar eignum nema um 332 millj-
ónum króna.
Fram hefur komið að stjórnir fé-
laganna hafa komið sér saman um að
hluthafar í EFA verði eigendur 55%
hlutafjár og hluthafar í ÞFÍ eigi 45%
hutafjár. Við ákvörðun á skiptahlut-
falli var litið til markaðsverðs á
hlutabréfum í félögunum jafnframt
því sem lagt var mat á hreina eign
þeirra í júnílok 2002, að því er fram
kemur í samrunaáætlun félaganna.
Verð á hlut í ÞFÍ var 1,8 krónur í
júnílok og hafði lækkað um rúm 12%
frá áramótum. Gengi bréfa í EFA
var 1,86 krónur á hlut í júnílok og
hafði hækkað um 20% frá áramótum.
Tæplega 12 millj-
arða króna samruni
HINN nýi forstjóri frönsku fjölmiðla-
samsteypunnar Vivendi Universal,
Jene-Rene Fourtou, reynir nú allt
hvað hann getur til að sannfæra hlut-
hafa og starfsmenn fyrirtækisins um
að honum takist að leysa vanda þess.
Verð hlutabréfa í Vivendi féll um 45%
í síðustu viku eftir að slæm afkoma
fyrirtækisins á fyrri hluta árs var birt
og ekki tókst að ganga frá 3 milljarða
evra láni til greiðslu á skammtíma-
skuldum félagsins.
Vivendi tapaði 12,3 milljörðum evra
á fyrri hluta ársins eða sem svarar til
rúmlega 1.000 milljarða íslenskra
króna. Skuldir félagsins námu í júní-
lok 35 milljörðum evra, en tilkynnt
hefur verið að félagið muni selja eign-
ir að verðmæti um 10 milljarðar evra
til að grynnka á skuldunum.
Fourtou hefur sent hluthöfum og
starfsfólki Vivendi opið bréf þar sem
hann segir félagið ekki lengur á barmi
gjaldþrots, gengið hafi verið frá láni
upp á 1 milljarð evra og viðræður um
frekari lánafyrirgreiðslur fyrir sept-
emberlok standi yfir. Fourtou sagðist
hafa látið gera greiningu á félaginu
sem sýni að virði eigna þess sé tals-
vert hærra en skuldirnar. Hann bætti
við að með aðhaldssamri stjórnun
mætti enn auka á virði þessara eigna.
Reynt að róa hluthafa
í Vivendi Universal
Reuters
Jean-Rene Fourtou, forstjóri Vivendi.
FISKISTOFA svipti 19 skip leyfi
til veiða í atvinnuskyni í júlímánuði
síðastliðnum. Þar af voru 12 skip
svipt veiðileyfi vegna afla umfram
veiðiheimildir en sjö þeirra; Bliki
BA, Austurborg SH, Farsæll GK,
Garpur HU, Vestri BA, Ransý GK
og Óskar AK fengu leyfið að nýju
eftir að aflamarksstaða skipanna
var lagfærð. Leyfissvipting Hafarn-
ar VE gildir hinsvegar þangað til
aflamarksstaða skipsins verður lag-
færð. Þá gildir leyfissvipting fjög-
urra skipa áfram í tvær vikur eftir
að aflamarksstaða þeirra hefur ver-
ið lagfærð vegna ítrekaðra leyfis-
sviptinga en skipin eru Ver RE,
Sigurbjörg SH, Sæberg ÁR og
Jóka RE.
Þá hefur Fiskistofa svipt Aust-
urborg SH, Mugg EA, Kópanes,
Skjöld KE og Elínu GK veiðileyfi í
tvær vikur vegna vanskila á frum-
riti úr afladagbók vegna veiða í
júní. Ennfremur voru tvö skip svipt
veiðileyfi í tvær vikur vegna brott-
kasts á afla; Hafnarey SF vegna
brottkasts á hluta af humar- og
langflúruafla og Heimaey VE vegna
brottkasts á hluta af karfa-, sand-
kola-, og skrápflúruafla skipsins.
19 skip
svipt
veiðileyfi