Morgunblaðið - 08.09.2002, Side 48

48 SUNNUDAGUR 8. SEPTEMBER 2002 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
MAÐUR á hreinlega ekki til auka-
tekið orð yfir fréttaflutningi fjöl-
miðla hvað rannsókn lögreglunnar á
Baugi varðar á undanförnum miss-
erum. Undirliggjandi boðskapur er
sá að lögreglan hafi skemmt fyrir
Baugi með áhlaupi sínu á aðalstöðv-
ar félagsins og eyðilagt kauptilboð
Baugs á Arcadia, en það kauptilboð
hafa fjölmiðlar mikið fjallað um á
undanförnum misserum.
Ég spyr nú bara svona: Er lög-
reglan vondu karlarnir í þessu máli?
Er enginn að spyrja sig hvað varð til
þess að lögreglan fékk áhuga á
Baugi svo úr varð sem varð? Er það
virkilega svo hér á Íslandi að hluta-
bréfamarkaðurinn gangi lögunum
framar hvað löglega viðskiptahætti
varðar? Á ég að túlka framgang fjöl-
miðla þannig að svo lengi sem gengi
hlutabréfa sé hátt, þá sé allt réttlæt-
anlegt sem innan fyrirtækjanna á
markaðnum gerist?
Ég held að menn verði nú aðeins
að fara að staldra við!
Sú peningageðsýki sem gripið hef-
ur um sig í íslensku þjóðfélagi eftir
að Verðbréfaþing Íslands tók að
skrá hlutabréf á opnum markaði í
kringum 1994 er fulllangt gengin.
Það var alveg fyrirsjáanlegt að
nokkur þensla yrði hérlendis í kjöl-
farið, enda fá fyrirtæki í fyrstu skráð
á markaðinn og til mikið sparifé til
að fjárfesta í þeim. Það þurfti því
ekkert að koma á óvart að gengi
hlutabréfa gerði lítið annað en að
hækka, enda eftirspurn mun meiri
en framboð sem ýtti genginu stöðugt
upp á við. Það sem kemur mér mest
á óvart er hvernig bankakerfið í
landinu gat leyft sér að lána fólki há-
ar upphæðir í þeim tilgangi einum að
fjárfesta í hlutabréfum. Maður hefur
heyrt ótrúlegustu sögur hvað þetta
varðar og eru dæmi þess að menn
séu enn að borga af slíkum offjár-
festingum, hálfu öðru ári eftir að ból-
an sprakk. Núna er hins vegar nær
ómögulegt að fá fyrirgreiðslu, sama
hversu skilvís skuldarinn er, einfald-
lega vegna gamalla synda lánara og
skuldara í „góðærinu“ svokallaða.
Það hlaut að koma að því að mark-
aðurinn yrði stöðugur eftir því sem
framboð bréfa mismunandi fyrir-
tækja jókst á meðan spariféð stóð í
stað. Svo fóru afkomutölur að berast,
afkomutölur sem enginn átti von á að
gætu staðist miðað við allt það fjár-
magn sem búið var að fjárfesta í við-
komandi fyrirtækjum, hlutabréf
féllu í verði og allir urðu brjálaðir.
En eins og máltækið segir: Margur
verður af aurum api. Ég ætla ekki að
segja að þessum fyrirtækjum hafi
endilega verið illa stjórnað, en þó
verður að teljast að það gríðarlega
aðgengi að peningum á ákveðnu
tímabili hafi gert menn kærulausari
en þeir ella hefðu verið hefðu að-
stæður verið krappar.
Man einhver eftir frasanum „Góð-
æri“ sem haldið var að landanum við
hvert tækifæri sem gafst? Það var
saman hvaða ávörp voru, alltaf var
góðærið í hávegum haft. Man ein-
hver hver það var sem notaði þennan
frasa meira en góðu hófi gegndi?
Finnst virkilega engum neitt at-
hugavert við það að forsvarsmenn
þjóðarinnar gefi falskar vonir sem af
sér leiða óábyrgar aðgerðir þeirra
sem trúa því sem sagt er? Eru allir
óábyrgir orða sinna á endanum hér-
lendis?
Svo ég hverfi aftur að upphafi
greinar þessarar vil ég bara á end-
anum biðla til fjölmiðla þessa lands
að passa sig á því að láta órökstudd-
an áróður flæða of frjálst um sig í
þeim tilgangi að beina athyglinni frá
kjarna málsins sem hlýtur að vera
spurningin: Hvernig byrjaði þetta
allt saman og af hverju?
KRISTJÁN RAGNAR
ÁSGEIRSSON,
viðskiptafræðingur, kra@isl.is.
Fjölmiðlafár
Frá Kristjáni Ragnari Ásgeirssyni:
ÉG VAR í hópi eldri flugvirkja sem
fór, í boði Flugvirkjafélags Íslands, í
frábæra tveggja daga ferð að Hnjóti
í Örlygshöfn þar sem hið merkilega
safn, sem Egill Ólafsson bóndi kom
upp, var skoðað. Kennir þar margra
grasa, en flugsafnið vakti hvað
mesta athygli hópsins. Gist var í
Breiðuvík sem er einkar aðlaðandi
staður, enda fjölsóttur. Leiðin vestur
lá um Búðardal, firðina, yfir Trölla-
háls til Bíldudals, um Hálfdán fyrir
Tálknafjörð og Patreksfjörð i Ör-
lygshöfn. Daginn eftir voru menn
ræstir snemma og eftir góðan morg-
unverð var ekið að Bjargtöngum í
ágætis veðri. Þar var gengið fram á
bjargbrún og hugað að fuglinum.
Lundinn virðist að mestu farinn út á
sjó.
Nú var haldið til baka og þar sem
leið liggur yfir Kleifaheiði eftir
Barðaströndinni í átt að Brjánslæk.
Þar ók rútan okkar um borð í ferjuna
og skartaði Breiðafjörðurinn sínu
fegursta á leið til Stykkishólms með
viðkomu í Flatey. Frá Stykkishólmi
var svo ekið í Bjarnarhöfn, en þar
var vel tekið á móti hópnum með há-
karli, harðfiski og rúgbrauði á borð-
um og fylgdu sögur af hákarlaveið-
um og verkun. Frá Bjarnarhöfn var
síðan ekið í einum áfanga til Reykja-
víkur og endaði þetta frábæra ferða-
lag þar sem það hófst, fyrir framan
félagsheimili FVFÍ í Borgartúni.
Rútan var vel birg af vistum, og af og
til var gerður stans á fallegum stöð-
um þar sem menn fengu hressingu!
Tengsl eldri flugvirkja við félagið
eru mjög náin, enda margir þeirra
stofnendur þess. Fyrsta miðvikudag
í hverjum mánuði hittast þeir í fé-
lagsheimilinu og ræða og rifja upp
gamalt og nýtt sem tengist fluginu.
Ávallt eru góðar veitingar á borð-
um. Þessi ferð verður vafalaust lengi
í minnum höfð og á stjórn FVFÍ, og
þeir aðrir meðlimir og starfsmenn
sem að henni stóðu, miklar þakkir
skildar.
STEFÁN VILHELMSSON,
Vesturtúni 27b, Álftanesi.
Frábær ferð eldri
flugvirkja að Hnjóti
Frá Stefáni Vilhelmssyni: