Morgunblaðið - 08.09.2002, Blaðsíða 56

FÓLK Í FRÉTTUM
56 SUNNUDAGUR 8. SEPTEMBER 2002 MORGUNBLAÐIÐ
Haustið í
Prag
frá kr. 25.450
með Heimsferðum
Verð kr. 29.950
Flug og hótel í 3 nætur, 11. nóv. M.v.
2 í herbergi á Quality Hotel. Með
8.000 kr. afslætti. Skattar innifaldir.
Gildir alla mánud. í okt./nóv. til Prag
og alla fimmtud. í okt./nóv. frá Prag.
Verð kr. 25.450
Flugsæti til Prag, 14. okt., með 8.000
kr. afslætti. Flug og skattar. Gildir
alla mánud. í okt./nóv. til Prag og
alla fimmtud. í okt./nóv. frá Prag.
Prag er nú orðinn einn vinsælasti áfangastaður Íslendinga til
að sækja heim, enda ein fegursta borg heimsins sem geymir
mörg hundruð ára sögu á hverju horni og mannlíf og and-
rúmsloft sem á ekki sinn líka í Evrópu. Gullna borgin, borg
hinna þúsund turna, gimsteinn Evrópu, borg töfranna, það er
ekki að undra að þessari stórkostlegu borg hafi verið gefin öll
þessi nöfn. Heimsferðir bjóða nú einstakt tækifæri til að
kynnast þessari ótrúlegu borg. Í boði eru góð 3 og 4 stjörnu
hótel og spennandi kynnisferðir um kastalann og gamla bæ-
inn, eða til hins einstaklega fagra heilsubæjar Karlovy Vary,
með íslenskum fararstjórum Heimsferða.
Flug fimmtud. og mánud. í okt. og nóv.
14. okt. – 33 sæti
17. okt. – uppselt
21. okt. – 37 sæti
24. okt. – uppselt
28. okt. – laus sæti
31. okt. – 26 sæti
4. nóv. – 42 sæti
7. nóv. – uppselt
Bókaðu meðan enn er laust. Sjá fleiri dags. í nóv. í bæklingi.
26. sept. – uppselt
30. sept. – 24 sæti
3. okt. – 11 sæti
10. okt. – uppselt
Skógarhlíð 18, sími 595 1000. www.heimsferdir.is
Ef þú bókar í ferð frá mánudegi til
fimmtudags í október eða nóvember,
getur þú tryggt þér 8.000 kr. afslátt.
Fyrstu 300 sætin.
8.000 kr. afsláttur.
ÞAÐ ER alltaf visst gaman aðfylgjast með umræðunni íbresku popppressunni; íharðri samkeppni keppast
menn við að finna upp nýjar og nýjar
stórkostlegar hljómsveitir og slá
þær síðan af jafnharðan. Dæmin eru
legíó og eyða mætti miklu bleki og
pappír í að telja upp allar þær sveitir
sem taldar hafa verið bjargvættir
rokksins einn daginn en horfið sjón-
um manna jafnharðan og búið var að
selja það sem þurfti af því mánaðar-
eða vikuriti. Ekki er því aftur á móti
að neita að iðulega eru blöðin að
hampa hljómsveitum sem standa
nánast eða að öllu leyti undir nafni.
Unglingar frá Leeds
The Music er hljómsveit gítarleik-
arans og söngvarans Roberts Harv-
eys, en aðrir í sveitinni eru Adam
Nutter, sem leikur einnig á gítar,
Stuart Coleman, sem leikur á bassa,
og Phil Jordan, sem leikur á tromm-
ur. Þeir félagar eru allir frá Leeds, á
nítjánda árinu, og segjast hafa hætt í
skóla til að snúa sér að tónlistinni,
enda ekkert framundan annað en
leiðindi að loknu námi. Það var í júní
2001, en þá hafði sveitin æft daglega
frá 1999 og leikið á tónleikum tvisvar
í viku hið minnsta.
The Music er skipuð unglingum
og hefur því náð einkar vel til ung-
linga, yrkisefnið og tónlistin virðast
falla yngri en átján ára einkar vel í
geð. Gagnrýnendur hafa líka margir
tekið sveitinni mjög vel, kallað hana
framtíð rokksins o.s.frv., en aðrir
hafa hakkað hana í sig fyrir að vera
barnaleg og leika frumstæða tónlist
með einföldu yrkisefni.
Víst er tónlist sveitarinnar frum-
stæð, hljómar eins og þeir félagar
hafi verið að uppgötva Led Zeppelin
um daginn og hræri þau áhrif saman
við dansrokk og nýbylgju. Sú blanda
hefur fallið mörgum vel í geð og
þannig hefur The Music verið á sam-
felldu tónleikaferðalagi að segja frá
því þeir piltar hættu í skólanum fyrir
fjórtán mánuðum og hitað upp fyrir
sveitir eins og New Order, The
Charlatans og Oasis.
Á tónleikaferðinni löngu hafa þeir
félagar hljóðritað þrjár smáskífur,
„Take The Long Road And Walk
It“, „You Might As Well Try to Fuck
Me“ og „People“, og eina stóra plötu
sem ber einfaldlega nafn sveit-
arinnar. Fierce Panda, sem gaf
Bellatrix út á sínum tíma, gaf út
fyrstu smáskífuna, en síðan gerði
Hut-útgáfan samning við sveitina
um framhaldið. Breiðskífan kom út í
vikunni.
Liverpoolsveit … eða hvað
Önnur hljómsveit sem mikið hefur
verið látið með í Bretlandi er Liver-
poolsveitin The Coral ( sem er
reyndar frá Holyoak). Liðsmenn
hennar eru á svipuðu reki og með-
limir The Music, en hljóma eins og
þeir séu miklu eldri, eða hafi í það
minnsta hlustað á tónlist miklu leng-
ur. Fyrsta smáskífa sveitarinnar,
„Skeleton Key“, kom út snemma á
árinu og fyrsta breiðskífan, sam-
nefnd sveitinni, í sumar ytra og kem-
ur víst hingað til lands í vikunni.
Á skífum The Coral ægir öllu
saman, breskri sýru, léttu Mersey-
poppi, gítarrokki og duggara-
söngvum svo dæmi séu tekin; það er
því líkast sem sveitin hafi rótað í
hugmyndakistunni hjá helstu furðu-
fuglum rokksins, valið úr það sem
var nýti- og skemmtilegast og gert
úr bráðfyndna og skemmtilega
rokkskífu. Kímnin er aldrei langt
undan, hugsanlega eru þeir félagar
ekki síst að gera grín að tónlistinni
sem þeir eru að spila, sjá til að
mynda sýrðar gítarlínur í ballöðunni
„Waiting for the Heartaces“, geggj-
aða útsetninguna á titillagi plöt-
unnar, Beefheart-blúsinn í „Bad
Man“ eða techno-lagið sem lokar
plötunni; hláturinn sem kraumar
þar undir bendir til þess að ekki séu
menn að taka sig ýkja alvarlega.
Hljómsveitina skipa þeir James
Skelley, gítarleikari og söngvari, Ian
Skelley trommuleikari, Nick Powell,
orgelleikari, Bill Ryder-Jones gít-
arleikari, Lee Southall gítarleikari
og Paul Duffy bassaleikari. Þeir eru
allir ungir að árum, Ian Skelley elst-
ur, 21 árs, en hinir ýmist átján eða
nítján ára. The Coral var víst stofn-
uð fyrir sex árum þegar þeir félagar
voru allir vart af barnsaldri og eins
og getið er byrjuðu þeir á að spila
Oasis-lög, sem vonlegt er, en ekki
segjast þeir hafa kunnað að meta
Brit-poppið sem tröllreið öllu um
þær mundir, það náði víst aldrei
neinni fótfestu í Liverpool og ná-
grenni.
Leit að áhrifavöldum Oasis
Fjölbreytnina í tónlistinni segjast
þeir félagar hafa tínt upp í leit sinni
að áhrifavöldum Oasis. Höfuðpaur
sveitarinnar segist hafa lært að spila
Wonderwall á kassagítar og fundist
það svo frábært lag að hann fór að
leita að meiru, fékk Bítlaplötur hjá
pabba sínum og þaðan lá leiðin í Bob
Marley, Chuck Berry, Doors og
Dusty Springfield, en mest áhrif
segir hann sveitina hafa frá Love og
Captain Beefheart.
Sumir hafa gert því skóna að ekki
þurfi að koma á óvart að frá Liver-
pool komi svo sérstök sveit, þar þríf-
ist annar húmor og hugsunarháttur
en annars staðar á Bretlandseyjum
eins og dæmin sanna.
Tónlist á sunnudegi
Árni Matthíasson
Framtíð rokks-
ins … aftur
Bretar hafa löngum verið naskir á að endurnýta
hugmyndir. Tvær forvitnilegar sveitir sem nálgast
arfinn á ólíkan hátt eru The Music og The Coral.
Alvarleg ungmenni; The Music. Unglingarnir í The Coral.