Morgunblaðið - 08.09.2002, Blaðsíða 64

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 SUNNUDAGUR 8. SEPTEMBER 2002 VERÐ Í LAUSASÖLU 190 KR. MEÐ VSK.
www.namsmannalinan.is
NÚ virðist sjá fyrir endann á fram-
kvæmdum við Náttúrufræðahúsið í
Vatnsmýrinni í Reykjavík, en fyrsta
skóflustungan var tekin sumarið
1996. Stefnt er að því að húsið verði
opnað haustið 2003. Um 30 iðnaðar-
menn eru nú að störfum í húsinu.
Fjögur útboð vegna frágangs hússins
hafa farið fram á þessu ári, öll undir
kostnaðaráætlun, og eru nokkur í bí-
gerð. Nú virðist því kominn skriður á
málið en engar framkvæmdir höfðu
verið í húsinu í töluverðan tíma þegar
hafist var handa að nýju í vor.
Í kjölfar breytinga á stjórnsýslu
Háskóla Íslands, sem gerðar voru
haustið 2001, var Ingjaldur Hanni-
balsson ráðinn framkvæmdastjóri
rekstrar- og framkvæmdasviðs skól-
ans en undir það svið falla húsnæðis-
mál. „Kostnaður við bygginguna er
orðinn rúmlega milljarður á núver-
andi verðlagi og það lætur nærri að
við séum hálfnuð. Þetta er afar stór
og flókin bygging og hana er ekki
hægt að bera saman við almennt
skrifstofuhúsnæði. Húsið mun gjör-
breyta aðstöðu nemenda og kennara í
líffræði, jarðfræði og skyldum grein-
um. Ef við hefðum haft allt það fé sem
þurfti 1995 hefði þó verið tæknilega
mögulegt að byggja þetta hús á
tveimur árum.“ Ingjaldur segir
ástæður þess hve húsið hefur verið
lengi í byggingu einkum vera tvær.
„Annars vegar var ljóst frá upphafi að
fé frá happdrættinu dygði ekki til að
byggja húsið í einum áfanga. Hins
vegar hefur fjölgun nemenda verið
meiri en nokkurn grunaði og því hef-
ur þurft að leysa úr ýmsum brýnum
húsnæðismálum skólans til að bregð-
ast við því og þar með hefur verið
minna fé til framkvæmda,“ segir
Ingjaldur.
Kennsla hefst í síðasta
lagi í janúar 2004
Fyrirliggjandi er lánsfjárheimild
frá ríkinu og með því lánsfé auk þess
fjármagns sem kemur frá happdrætt-
inu á þessu og næsta ári má ljúka hús-
inu í einum áfanga. Stefnt er að því að
opna Náttúrufræðahúsið hinn 23.
ágúst 2003. „Það er keppt að því að
reyna að ljúka húsinu þannig að
kennsla geti hafist þar á haustmisseri
árið 2003. Við vitum að það er tæpt,
en kennsla mun hefjast þar í síðasta
lagi í janúar 2004,“ segir Ingjaldur.
„Það bendir allt til þess að okkur
eigi að takast að ljúka húsinu næsta
haust og það fé sem við höfum muni
duga til að ljúka við verkið. Ég veit að
bæði kennarar og nemendur eru
mjög spenntir að komast inn í húsið,“
segir Ingjaldur.
Langur byggingartími
bitnar á nemendum
Stúdentar við Háskóla Íslands hafa
beðið óþreyjufullir eftir byggingu
Náttúrufræðahúss. Nemendur í líf-
fræði þurfa t.d. að sækja tíma í leigu-
húsnæði við Grensásveg og víðar er
pottur brotinn í húsnæðismálum Há-
skóla Íslands.
„Stúdentum liggur mikið á að fá
þetta hús. Náttúrufræðahúsið er að
verða of dýrt af því það byggist upp á
of löngum tíma. Dýrast er að það hef-
ur ekkert nýst á hinum langa bygg-
ingartíma. Til að klára húsið fær Há-
skólinn lánsfjárheimild frá ríkinu og
hefur hún verið skilyrt þannig að hún
má ekki nýtast öll í einu. Þetta bitnar
á framkvæmdahraðanum og þar með
á nemendum Háskólans auk þess sem
húsið verður dýrara fyrir vikið,“ segir
Orri Gunnarsson, verkfræðinemi og
fulltrúi stúdenta í byggingarnefnd
Náttúrufræðahúss.
Brynjólfur Stefánsson, formaður
Stúdentaráðs, telur ótækt að fjár-
magna þurfi byggingar Háskólans
einungis með happdrættisfé. „Það
sem við höfum gagnrýnt mikið er að á
meðan húsnæðisvandi Háskóla Ís-
lands er svo mikill – á meðan 500–700
nemendur sitja í sal eitt í Háskólabíói
með krossviðarplötur á hnjánum að
taka niður glósur – þá skuli taka hátt í
áratug að byggja eitt hús.“
Náttúrufræðahúsið í
notkun næsta haust
STÖÐVA varð heimsfrumsýningu á
Hafinu á kvikmyndahátíðinni í Tor-
onto á föstudagskvöldið í miðjum
klíðum en eldur kom upp í bíóhúsinu
og var kvikmyndagestum gert að yf-
irgefa það. Ekkert fór hins vegar úr-
skeiðis við frumsýningu Fálka eftir
Friðrik Þór Friðriksson. Bæði Frið-
rik Þór og aðalleikari Fálka, Keith
Carradine, voru viðstaddir frumsýn-
ingu myndarinnar og fékk hún góðar
viðtökur áhorfenda að sögn Þorfinns
Ómarssonar, kynningarfulltrúa
framleiðendanna.
Vissulega eldfim kvikmynd
„Við sáum bara hálfa myndina, það
þurfti að rýma allt húsið og slökkvilið-
ið kom á staðinn,“ segir Þorfinnur.
„Fólkið var verulega óánægt með
þetta. Það var búið að sýna svona
helminginn af myndinni og það var al-
veg frábær stemmning í bíóinu og
mikið hlegið og fólkið ætlaði hreint
ekki að fara út þegar brunabjöllurnar
fóru í gang. Mikil vonbrigði komu síð-
an fram hjá áhorfendum þegar ljóst
var að rýma þyrfti húsið. Slökkvilið
Toronto-borgar kom á staðinn og
biðu hundruð áhorfenda úti á götu í
von um að sýningin gæti hafist á nýj-
an leik en það reyndist ekki hægt.“
Þorfinnur segir óvíst hvort þessi
uppákoma hafi jákvæð eða neikvæð
áhrif á gengi myndarinnar á hátíð-
inni. „Þó að margir hafi þurft frá að
hverfa ríkir nú jafnvel enn meiri eft-
irvænting eftir myndinni.
Jú, það hefur dálítill eldur fylgt
Hafinu, fyrst kom upp eldur við tökur
á henni í Neskaupstað og svo bætist
þetta við. Það er dálítið merkilegt að
nú hafi þurft að stöðva heimsfrum-
sýningu á henni vegna elds.
Ráðgerð var önnur sýning á Haf-
inu en nú verða sem sagt tvær sýn-
ingar til viðbótar á mánudaginn,“
segir Þorfinnur.
Heimsfrumsýning á Hafinu í Toronto
Eldur kom upp
í miðjum klíðum
Morgunblaðið/Jón E.G.
Slökkvilið Toronto var kallað til við heimsfrumsýningu á Hafinu og leik-
stjóranum og gestum skipað að yfirgefa sýningarsalinn.
FLUGVÉL Flugfélags Íslands, af
gerðinni Twin Otter, 19 sæta, lenti í
gær á Hafrahvammi, skammt frá
Kárahnjúkum, þar sem Kára-
hnjúkavirkjun er fyrirhuguð. Frið-
rik Adólfssson, sölustjóri Flug-
félags Íslands, segir að á Hafra-
hvammi sé prýðilegur lendingar-
staður fyrir vélar af gerðinni Twin
Otter, en þær eru sérstaklega gerð-
ar til að lenda á stuttum flug-
brautum. „Þetta er mjög fínn mel-
ur. Hann er um 600 metrar að
lengd,“ segir Friðrik. „Þessi lend-
ingarstaður getur nýst vel fyrir vél-
ar sem eru í sjúkraflugi og útsýn-
isflugi.“ Spurður hvort flugfélagið
ætli að bjóða verktökum, sem koma
til með að vinna að Kárahnjúka-
virkjun, að fljúga til Kárahnjúka
segir hann svo vera. Einnig segir
hann að verið sé að athuga hvort
flugfélagið geti boðið upp á útsýn-
isflug yfir svæðið. Umræddur mel-
ur muni þó fara undir vatn þegar
virkjunin verður tilbúin.
Áður en vél flugfélagsins lenti á
Hafrahvammi lentu þar tvær minni
vélar; vél Ómars Ragnarssonar og
vél Sverris Þóroddssonar.
Morgunblaðið/RAX
Þrjár flugvélar lentu á Hafrahvammi við Kárahnjúka í gær. Í flugvélunum voru (f.v.) Þóroddur Sverrisson, Helena Dejak, Sigurður Aðalsteinsson,
Ragnar Ólafsson, Bryndís Símonardóttir, Ómar Ragnarsson, Friðrik Adólfsson og Sverrir Þóroddsson. Notuðu þau tækifærið til að skoða sig um.
Íhuga út-
sýnisflug
yfir Kára-
hnjúka