Morgunblaðið - 28.09.2002, Qupperneq 19

LANDIÐ
MORGUNBLAÐIÐ LAUGARDAGUR 28. SEPTEMBER 2002 19
RAFIÐNAÐARSAMBAND
ÍSLANDS
Rafiðnaðarsambandið er starfsgreinasamband 10 félaga rafiðnað-
armanna. Félagar eru þeir sem starfa í rafiðnaði hvort sem þeir hafa
sveinspróf eða ekki; rafiðnfræðingar, rafvirkjar, rafveituvirkjar, raf-
vélavirkjar, rafeindavirkjar, símsmiðir, símamenn, sýningarmenn,
tölvu- og kerfisumsjónarmenn og tæknifólk í mynd- og hljóðverum.
Rafiðnaðarskóli Íslands
Samtök rafiðnaðarmanna eiga og reka Rafiðnaðarskólann. Hann
býður upp á fjölbreytt starfsmenntunarnámskeið.
Kynntu þér málið: www.raf.is
Rafiðnaðarsamband Íslands gætir hagsmuna rafiðnaðarmanna um land allt
Hlutverk Rafiðnarsambands Íslands
Gerð kjarasamninga og túlkun þeirra, varsla starfsréttinda og vinnu-
vernd.
Að tryggja félagsmenn og fjölskyldur þeirra þegar áföll dynja á.
Að annast fræðslu- og útgáfustarfsemi.
Að gefa félagsmönnum og fjölskyldum þeirra kost á góðri orlofs-
aðstöðu.
Orlofsaðstaða fyrir félagsmenn
Rafiðnaðarsambandið á og rekur 39 orlofshús á 15 stöðum á land-
inu (auk 2 húsa á Spáni), 11 tjaldvagna, 2 fellihýsi og leigir nokkur
orlofshús.
Við sofum ekki á verðinum
P &
Ó
LEIKSKÓLINN Barnaból á Þórs-
höfn var löngu orðinn heldur lítill
fyrir barnafjöldann svo kærkomin
viðbót við hann var tekin formlega í
notkun og vígð fyrir skömmu við há-
tíðlega athöfn og barnafjöld. Viðbót-
arbyggingin er einbýlishús í eigu
Þórshafnarhrepps og stendur við lóð
Barnabóls svo ekki þurfti annað en
taka niður girðinguna og gera nýjan
inngang á bakhlið hússins til móts
við eldri leikskólann. Nú eru því
tvær deildir við Barnaból; eldri
byggingin hýsir yngri deildina og
nefnist Smábær en þau eldri eru í
nýja húsinu og þeirra deild heitir að
sjálfsögðu Stóribær. Bílskúrinn við
húsið verður nýttur sem málningar-
og fönduraðstaða fyrir börnin sem
eru hæstánægð með nýja leikskól-
ann. Að vígslu lokinni var tertuveisla
í boði og veitingar runnu ljúflega nið-
ur hjá stórum og smáum leikskóla-
gestum.
Morgunblaðið/Líney
Ungur leikskólamaður vill bjarga sér sjálfur á veisluborðinu en hjálpar-
hendur eru skammt undan og afstýra yfirvofandi tertuslysi.
Nýr leik-
skóli vígður
Þórshöfn
UNDIRBÚNINGUR fyrir Þjóðahá-
tíð Austfirðinga stendur nú sem hæst,
en hún verður haldin annað árið í röð
á laugardag. Það er Rauði kross Ís-
lands sem stendur fyrir hátíðinni sem
að þessu sinni verður á Seyðisfirði.
Mikið undirbúningsstarf hefur farið
fram allt síðan ákvörðun var tekin um
staðsetningu hátíðarinnar.
Að sögn Alberts Eiríkssonar, fram-
kvæmdastjóra hátíðarinnar, mæðir
starfið að mestu á miklum fjölda sjálf-
boðaliða víðs vegar um fjórðunginn.
Hátíðin verður fjölbreytt; hægt verð-
ur að bragða á þjóðlegum réttum víða
að úr heiminum og viðamikil
skemmtidagskrá verður á sviði. Félag
eldri borgara á Seyðisfirði mun bjóða
upp á íslenska rétti. Heiðursgestur
þjóðahátíðar er Vigdís Finnbogadótt-
ir, fyrrverandi forseti Íslands, og mun
hún flytja ávarp á hátíðinni.
Myndlist verður gert nokkuð hátt
undir höfði. Sýndar verða myndir úr
myndasamkeppni grunnskólabarna í
5.–9. bekk á Austurlandi með kjörorð-
unum Fjölmenning á Austurlandi og
vinátta ólíkra einstaklinga. Auk þess
hefur Skaftfell – menningarmiðstöð
tekið að sér að hengja upp samsýn-
ingu austfirskra listamanna með al-
þjóðlegu ívafi.
Unnið er að sjónvarpsmynd um há-
tíðina þar sem verður rætt við fjöl-
marga aðflutta Austfirðinga, fylgst
með daglegum stöfum þeirra og und-
irbúningi að þjóðahátíðinni. Undir-
búningshópurinn hefur hvatt alla þá,
sem eiga þjóðbúninga, til að klæðast
þeim og biður Seyðfirðinga sérstak-
lega að flagga þá um leið.
Þjóðahátíð
Austfirðinga í
undirbúningi
Seyðisfjörður
FEGRUNARNEFND Blönduós-
bæjar veitti á dögunum viðurkenn-
ingar fyrir virðingarvert framtak í
ræktun og umhirðu garða og um-
gengni við sitt nánasta umhverfi.
Að þessu sinni hlutu viðurkenningu
hjónin Kristín Guðjónsdóttir og
Snæbjörn Adolfsson, Smárabraut 2,
fyrir „lifandi og skemmtilegan
garð“, eins og segir í umsögn dóm-
nefndar. Fráveita Blönduósbæjar
fékk viðurkenningu „fyrir fallega
heildarmynd og aðlaðandi um-
hverfi við hreinsistöð og ós
Blöndu“, svo vitnað sé orðrétt í um-
sögn fegrunarnefndar. Guðmundur
Ingþórsson formaður skipulags- og
byggingarnefndar en sú nefnd er
jafnframt fegrunarnefnd bæjarins
veitti viðurkenningarnar. Húsráð-
endur á Smárabraut 2 og Rolf
Árnason bæjartæknifræðingur
veittu viðurkenningunum móttöku í
kaffisamsæti í upphafi bæjarstjórn-
arfundar síðastliðinn þriðjudag.
Fráveitan og
Smárabraut
2 hlutu við-
urkenningar
Morgunblaðið/Jón Sig.
Frá afhendingu viðurkenninga fegrunarnefndar Blönduósbæjar 2002.
Frá vinstri: Jóna bæjarstjóri, Rolf bæjartæknifræðingur, Kristín, Snæ-
björn og Guðmundur, formaður fegrunarnefndar.
Blönduós