Morgunblaðið - 13.12.2002, Blaðsíða 39

LISTIR
MORGUNBLAÐIÐ FÖSTUDAGUR 13. DESEMBER 2002 39
Mörkinni 3, sími 588 0640
Glæsilegar
jólagjafir
ÞRIÐJA gamanmyndin um gaurana
Craig (Ice Cube) og Day Day (Mike
Epps) hefst á því er þeir verða að
taka á honum stóra sínum og fara út í
framkvæmdir, sem eru þeim félögun-
um nánast ofviða. Nú er nefnilega
komið að því að flytja að heiman og
koma sér fyrir úti í hinum harða
heimi þar sem engin elsku mamma er
til aðstoðar. Tilhugsunin ein veldur
þeim hreinni skelfingu. Það er vita-
skuld kominn föstudagur og fjöl-
skyldan og vinirnir hjálpa til við flutn-
ingana. Allt gengur að óskum til að
byrja með og jólin nálgast. En á að-
fangadagskvöld fer allt á annan end-
ann. Frændurnir eru nýbúnir að taka
upp gjafirnar þegar þeim er stolið
ásamt því litla sem talist getur fé-
mætt í kofanum. Meðal þess, sem
hverfur, eru peningarnir, sem eiga að
fara í að borga húsaleiguna. Til að
bæta gráu ofan á svart, hefur þjóf-
urinn verið svo óforskammaður að
dulbúast sem jólasveinn.
Tvær fyrri myndirnar um þá Craig
og Day Day eru einnig kenndar við
föstudaga. Þær nutu þó nokkurra
vinsælda og komu þeim Ice Cube og
Chris Tucker á blað í bíóborginni
Hollywood. Ice Cube er, auk þess að
leika aðalhlutverkið, handritshöf-
undur að myndinni, en leikstjórinn er
hinn 37 ára gamli Marcus Raboy.
Allt fer á annan endann á að-
fangadagskvöld og þjófurinn, John
Witherspoon, er svo óforskamm-
aður að dulbúast sem jólasveinn.
Á eigin fót-
um í hörð-
um heimi
Laugarásbíó frumsýnir Friday After
Next.
Leikarar: Ice Cube, Mike Epps, John
Witherspoon, Don D.C. Curry og Anna
Maria Horsford.
Í BÍÓMYNDINNI Ghostship eða
Draugaskipið, sem frumsýnd verður
í dag, finnur hópur fólks farþega-
skip, sem byggt hafði verið árið 1954
og horfið átta árum síðar á leið frá
Ítalíu til Bandaríkjanna. Skipið er á
reki um Beringshafið og ákveður
fólkið að eigna sér skipið. Þegar svo
farið er að draga skipið til næstu
hafnar, fara undarlegir hlutir að ger-
ast og fólkið er lokað inni í skipinu.
Það kemst fljótt að því að einhver
mjög ill vera á þar heima. Leikstjóri
Ghostship er Steve Beck, sem leik-
stýrði einnig draugamyndinni Thir-
teen Ghosts og frumsýnd var í fyrra.
Þetta listilega vel gerða skemmti-
ferðaskip, sem þótti vera listaverk í
sjálfu sér og stolt ítalska flotans þeg-
ar það var byggt, var í einni glæsi-
ferðinni þegar það virtist hafa horfið
nánast af yfirborði jarðar. Gestir
nutu alls þess besta, sem hugsast gat
í þægindum og munaði um borð,
hvort sem litið var til aðstöðu og
veitinga innan dyra eða aðstöðu til
afslöppunar og íþróttaiðkunar á
dekki. Miðpunktur skipsins, sem bar
heitið Antonia Graza, var svo hinn
ríkmannlegi og íburðarmikli dans-
staður þar sem gestir gátu dansað
fram á rauða nótt við rómantík og
undirleik strengjahljómsveitar á
sviði. Umgjörðin var svo sannarlega
glæsileg og gestirnir litu svo á að hér
væri um einstaka ferð að ræða sem
varla yrði endurtekin á lífsleiðinni.
Björgunarsveitin um borð í drátt-
arbátnum Arctic Warrior kann vel
til verka og þegar kanadíski flug-
stjórinn Jack Ferriman finnur tor-
kennilegt fley á floti skammt undan
ströndum Alaska, fær hann sveitina
í lið með sér til að rannsaka hið
leyndardómsfulla skip, Antonia
Graza, sem hefur verið týnt í meira
en 40 ár. Björgunarsveitin ákveður
að slá til þar sem björgunarlaunin
ein og sér gætu numið umtals-
verðum upphæðum. En það er ým-
islegt fleira sem björgunarmenn-
irnir þurfa að takast á við en að
koma skipinu til hafnar. Það ríður á
að leysa ráðgátuna um fortíð skips-
ins og ljóstra upp leyndarmálinu,
sem ógnar nú þeirra eigin tilvist.
Það ríður á að leysa ráðgátuna um
fortíð skipsins Antonia Graza og
ljóstra upp leyndarmáli. Gabriel
Byrne í myndinni Ghost Ship.
Torkennilegt draugaskip
Sambíóin frumsýna Ghost Ship.
Leikarar: Julianna Margulies, Gabriel
Byrne, Ron Eldard, Isaiah Washington,
Desmond Harrington, Alex Dimitriades,
Karl Urban, Emily Browning og Franc-
esca Rettondini.
Framleiðendur myndarinnar eru
Barry Josephson (Wild Wild West,
The Tick) og Peter Heller (Bones,
Brown Sugar). Höfundar handritsins
eru Michael Elliot og Jordan Moffet
og leikstjóri myndarinnar er John
Schultz, sem leikstýrði m.a. Drive Me
Crazy og Bandwagon.
Fjöldi NBA-stórstjarna kemur
fram í myndinni. Þar á meðal má
nefna Chris Webber, Vince Carter,
Allen Iverson, Jason Kidd, Alonzo
Mourning, David Robinson, Tracy
McGrady og Gary Payton.
Rapparinn Lil Bow Wow er að
þreyta frumraun sína í heimi kvik-
BARNA- og unglingamyndin Like
Mike fjallar um fjórtán ára gamlan
munaðarlausan strákgutta, Calvin
Cambridge, sem á sér þann draum að
verða fræg körfuboltastjarna.
Draumur hans rætist og hann verður
súperstjarna í NBA-körfuboltadeild-
inni eftir að hafa fundið strigaskós-
ræksni með upphafsstöfum Michaels
Jordans (MJ). En það eru fleiri sem
vilja komast yfir þessa töfraskó og
ekki eru þeir allir með góðan ásetn-
ing í huga. Upphefst nú mikið æv-
intýri og kapphlaup með skondnum
uppákomum. Með aðalhlutverkið fer
rapparinn Lil Bow Wow og Jonathan
Lipnicki sem lék litla strákinn í Jerry
McGuire.
myndanna í þessari mynd. Fyrsta
breiðskífa hans, Beware of Dog, seld-
ist í yfir tveimur milljónum eintaka í
Bandaríkjunum og þaut lagið Bounce
With Me rakleiðis upp rapp-
vinsældarlistana. Aðra plötuna sína,
Doggy Bag, vann hann í samvinnu við
lærimeistara sinn, Jermaine Dupri,
en lagið Thank You af þeim diski til-
einkar hann fjölmörgum aðdáendum
sínum. Hann hélt í tónleikaferðalag á
síðasta ári þar sem færri komust að
en vildu og hefur verið skráður í
heimsmetabók Guinness fyrir að vera
yngsti rapparinn til að verma topp-
sæti bandarísku vinsældarlistanna.
Like Mike fjallar um fjórtán ára gamlan munaðarlausan strák, sem fær
þann draum sinn uppfylltan að verða stjarna í NBA-körfuboltadeildinni.
Súper-
stjarna
á töfra-
skóm
Smárabíó frumsýnir Like Mike.
Leikarar: Lil Bow Wow, Morris Chest-
nut, Jonathan Lipnicki, Brenda Song,
Jesse Plemons og Julius Charles Ritter.
ÞAÐ lögðu ótrúlega margir
leið sína í sal tónlistarskólans í
Kópavogi þennan eftirmiðdag,
sérstaklega þar
sem svo mikið
var um að vera í
menningarlífi
höfuðborgar-
svæðisins. En í
Salnum voru
einsöngtón-
leikar ungrar
söngkonu, Eddu
Hrundar Harð-
ardóttur sem
stundar fram-
haldsnám við Royal Academy of
Music í London, en þaðan lauk
hún B.Mus.-gráðu vorið 2002 og
stefnir á að ljúka þaðan diploma-
prófi vorið 2003.
Tónleikarnir hófust með tónlesi
og aríunni O that I on wings co-
uld rise úr óratóríunni Theodoru
eftir George Friedrich Handel.
Þá komu fimm lög eftir Gustav
Mahler, Frühlinsmorgen, Erinn-
erung, Das irdische Leben,
Liebst du um Schönheit og Wer
hat dies Liedlein erdacht? Eftir
Jón Ásgeirsson söng Edda lögin
Hjá lygnri móðu, Þótt form þín
hjúpi graflín og Haldiðún Gróa
hafi skó, öll við texta Halldórs
Kiljan Laxness, og síðast fyrir
hlé voru Fimm vinsæl grísk lög
eftir Maurice Ravel. Eftir hlé
söng Edda aríu Músettu úr La
Bohème, Quando men vó eftir
Puccini. Eftir Francis Poulenc
voru flutt ljóð eftir Louse de
Vilmorin, Métamorphoses. Pyotr
Tchaikovsky átti síðan tvö lög,
My Friend, Not a Word Now Op.
6 nr. 2 og None But the Lonely
Heart, Op. 6 nr. 6. Síðast á efnis-
skránni var aría Júlíu, Eccomi...
Oh quante volte, oh quante! úr
óperunni I Capuleti ed i Mont-
ecchi eftir Vincenzo Bellini. Sem
aukalag valdi hún söngleikjalag
sem ég náði því miður ekki nafn-
inu á.
Efnisskráin er kannski aðeins
of einhæf til að segja mikið um
hæfileika Eddu Hrundar þar sem
flest sönglögin eru samin seint á
19. öld eða á fyrstu árum 20. ald-
ar, nema aría Handels sem er
samin 1750 og söngvar Poulencs
frá 20. öldinni. Eina núlifandi tón-
skáldið sem átti lög á efnis-
skránni er Jón Ásgeirsson. En
efnisskráin féll mjög vel að rödd
Eddu og var skynsamlega valin.
Edda söng af miklu öryggi og
vandvirkni og var margt virkilega
vel flutt, má þar sem dæmi nefna
lög Jóns Ásgeirssonar og
Poulencs, sönglög Tchaikovskys
sem sungin voru á rússnesku og
aríu Júlíu eftir Bellini, sem var
sérlega fallega flutt. Framburð-
urinn var yfirleitt mjög skýr og
góður og framkoman glæsileg og
fumlaus.
Edda hefur unga og gullfallega
rödd sem á eftir að þroskast mik-
ið, en virðist frekar stefna í átt að
óperusöng en óratóríum og það
tímabil sem Edda valdi sér úr
sögu tónbókmenntanna hæfir
rödd hennar mjög vel að und-
antekinni aríu Handels, en flutn-
ingur hennar minnti meira á róm-
antíska óperu en óratóríu frá
lokum barokktímans. Að mati
undirritaðs er aðeins of mikið
víbrató á röddinni, sérstaklega
þar sem um svo kornunga rödd
er að ræða, en slíkt er alltaf
matsatriði. Einnig á Edda eftir
að vinna betur með háu tónana
sem stundum voru ekki alveg í
samræmi við annan flutning og
þá sérstaklega í aríu Músettu og í
næstsíðasta lagi Mahlers, einnig
á kóleratúrsöngurinn eftir að
þroskast aðeins betur. En sem
fyrr segir, Edda Hrund er mjög
ung og ætti með auknum þroska
að eiga glæsilega framtíð fyrir
sér og verður gaman að fylgjast
með henni í framtíðinni.
Með Eddu lék Richard Simm á
flygilinn af miklu öryggi og
studdi vel við bakið á söngkon-
unni.
Tónar Evrópu
TÓNLIST
Salurinn í Kópavogi
Edda Hrund Harðardóttir sópran og
Richard Simm píanóleikari. Laug-
ardagurinn 7. desember kl. 16.00.
EINSÖNGSTÓNLEIKAR
Jón Ólafur Sigurðsson
Edda Hrund
Harðardóttir
NOKKRAR upprennandi stjörnur
fara með aðalhlutverkin í töff-
aragamanmyndinni Knockaround
Guys, sem er í anda Soprano-
þáttanna vinsælu. Myndin segir af
hrakförum fjórmenninganna
Matty Demaret (Barry Pepper),
Taylor Reese (Vin Diesel), Johnny
Marbles (Seth Green) og Chris
Scarpa (Andrew Davioli), sem allir
eru synir landsþekktra glæpa-
manna. Þeir halda á afskekktan
stað í miðvesturríkjum Bandaríkj-
anna í vafasömum erindagjörðum.
Þeir lenda í meiri vandræðum en
þá hefði nokkurn tíma getað grun-
að og gæti vinátta þeirra átt eftir
að skipta þá meginmáli í að halda
lífi.
Fjórmenningarnir eru sendir út
af örkinni frá Brooklyn til Spok-
ane til að sækja skjóðu fulla af
peningum. Ekki tekst betur til en
svo að auðæfin týnast í smábæ í
Montana og þangað verða fjór-
menningarnir að halda á nýjan
leik. Þeir komast að því að bæj-
arfélaginu stjórnar harðsvíraður
og gjörspilltur lögreglustjóri, en
piltarnir eru staðráðnir í því að
standa sig í stykkinu, hvað sem
tautar og raular.
Hér er á ferðinni nokkuð
óvenjulegur gamankrimmi, sem
tekur meðal annars á kynslóðabili
í mafíufjölskyldum. Myndina
prýða einnig vanir menn á borð
við Dennis Hopper og John
Malkovich, sem báðir leika ein-
staklinga í röðum eldri mafíós-
anna.
Mennirnir á bak við Knock-
around Guys eru Brian Koppel-
man og David Levien, sem báðir
eru handritshöfundar og leik-
stjórar myndarinnar, en þeir
skrifuðu einnig kvikmynda-
handritið að Rounders, sem var
kvikmynduð með góðum árangri
af John Dahl (Joy Ride, The Last
Seduction) árið 1998.
Nokkrar upprennandi stjörnur fara
með aðalhlutverkin í töffaragam-
anmyndinni Knockaround Guys,
sem er í anda Soprano-þáttanna.
Hrakfarir mafíósa
í gamankrimma
Smárabíó frumsýnir Knockaround
Guys.
Leikarar: Barry Pepper, Vin Diesel,
Dennis Hopper, Seth Green, Andrew
Davioli og John Malkovich.
MOGGABÚÐIN
mbl.is
www.avon.is
Snyrtivöruverslun
opin allan sólarhringinn