Morgunblaðið - 23.01.2003, Qupperneq 49

ÍÞRÓTTIR
MORGUNBLAÐIÐ FIMMTUDAGUR 23. JANÚAR 2003 A 49
SVÍAR hafa allt á hornum sér í
Portúgal og þykir lítt til skipulags
heimsmeistaramótsins koma, en
þeir héldu Evrópumeistaramót með
sóma fyrir ári síðan og hafa því
reynslu af því að halda stórmót í
handknattleik. P.O Söderblom,
stjórnarmaður í sænska handknatt-
leikssambandinu, sparar síst stóru
orðin í samtali við Aftonbladet og
líkir skipuleggjendum heimsmeist-
aramótsins við trúða þá sem
skemmta áhorfendum í leikhléum á
kappleikjum mótsins. Um leið og hlé
er gert á leikjum kemur hópur trúða
á hjólum inn á leikvellina og gera
ýmsar kúnstir. „Ég gæti best trúað
þessir sömu trúðar hefðu skipulagt
heimsmeistaramótið,“ segir Söder-
blom sem telur framkvæmd mótsins
síst vera handknattleiknum til fram-
dráttar. Nefnir hann sem dæmi frá
San Joao Madeira, bænum sem Sví-
arnir leika. Þar virki markatöflur
og leikklukkur ekki nema með
höppum og glöppum, íþróttahöllin
leki, engin þvottaþjónusta sé við lið-
in, þjónusta við fjölmiðlamenn sé í
molum og áhorfendur séu sárafáir.
„Það átti ekki að láta Portúgal
skipuleggja heimsmeistaramót. Al-
þjóðahandknattleikssambandið
[IHF] verður að taka málin í sínar
hendur. Það má ekki halda heims-
meistaramót í þeim löndum sem
ekki hafa til þess burði. Eins og stað-
ið er að málum í Portúgal getur
hver sem er skipulagt mót sem
þetta,“ segir Söderblom og óskar
eftir því að Alþjóða handknattleiks-
sambandið geri hér eftir mjög
ákveðnar kröfur til þeirra sem
halda heimsmeistaramótið. „Eins og
að málum er staðið nú tapa allir. Nú-
verandi staða er óþolandi.“
HM skipulagt af trúðum?
FÓLK

DANIR þykja líklegastir til að
hreppa heimsmeistaratitilinn í
handknattleik ef marka má skoð-
anakönnum sem er í gangi í Aft-
onbladet í Svíþjóð. Í gær höfðu ríf-
lega 12.000 manns tekið þátt
könunni á vefsíðu blaðsins. Danir
höfðu fengið 35,5% atkvæðanna,
Svíar voru í öðru sæti með 28,8%,
Þjóðverjar í þriðja sæti með 8,5%,
Frakkar í fjórða sæti með 8,3%,
Júgóslavar í fimmta sæti með 6,0%,
Spánverjar í sjötta sæti með 2,1%
og 3,4% þeirra nefndu aðrar þjóðir.

HANDBOLTASPEKINGARNIR
á Aftonbladet spá Þjóðverjum
heimsmeistaratitlinum í handknatt-
leik nú þegar tveimur umferðum er
lokið af riðlakeppni heimsmeistara-
mótsins í Portúgal. Þeir segja
þýska liðið vera í háum gæðaflokki
og sé vel mannað í öllum stöðum.

DANIR verða í öðru sæti á eftir
Þjóðverjunum ef marka má spá
Aftonbladet. Í umsögn um danska
liðið segir blaðið að helsti styrkur
Dana sé mikil breidd í þeirra liði,
það sé ungt og ferskt og búi yfir
miklum hraða.

HEIMSMEISTARAR Frakka fá
bronsverðlaunin gangi spá Afton-
bladet eftir, Spánverjar lenda í
fjórða sæti, Júgóslavar í fimmta,
Rússar í sjötta og Evrópumeistarar
Svía í sjöunda og skríða þar með
inn á Ólympíuleikana en sjö efstu
þjóðirnar á HM fá farseðil á ÓL í
Aþenu 2004.

GUÐMUNDUR Hrafnkelsson,
markvörður íslenska landsliðsins í
handknattleik, hélt upp á 38 ára af-
mælisdag sinn í Vesau í Portúgal í
gær. Guðmundur, sem er aldurs-
forsetinn í íslenska landsliðshópn-
um, fékk að hlýða á afmælissönginn
hjá félögum sínum í landsliðinu.

SUNNA Gestsdóttir, úr UMSS,
hjó nærri eigin Íslandsmeti í lang-
stökki innanhúss á stigamóti
Breiðabliks í Fífunni í Kópavogi í
fyrrakvöld. Sunna stökk 6 metra og
var aðeins þremur sentímetrum frá
metinu sem hún setti fyrir nærri
einu ári í Noregi. Sunna kom einn-
ig fyrst í 60 m hlaupi á 7,71 sek.,
sem er aðeins 4/100 úr sekúndu frá
hennar besta árangri.

ÞÓREY Edda Elísdóttir, stang-
arstökkvari úr FH, fór yfir 4,30 m á
mótinu í Fífunni og átti góðar til-
raunir við 4,45 sem ekki tókust.

IGOR Lavrov, félagi Einars Arn-
ar Jónssonar hjá Wallau-Massen-
heim í Þýskalandi, hefur ekkert
getað leikið með Rússum til þessa á
HM í Portúgal vegna meiðsla.
Óvíst er enn hvort hann verði eitt-
hvað með í keppninni.

BRIAN Kidd, fyrrverandi mið-
herji Man. Utd. og Arsenal, sem er
þjálfari hjá Leeds, hefur verið ráð-
inn einn aðstoðarþjálfara enska
landsliðsins í knattspyrnu, í staðinn
fyrir Steve McClaren, sem vill ein-
beita sér að því að stjórna Middles-
brough. Hann starfar með þeim
Tord Grip, Sammy Lee, Ray Clem-
ence og Dave Sexton, sem allir eru
Sven-Göran Eriksson landsliðs-
þjálfara til aðstoðar.
JALIESKY Garcia, hand-
knattleiksmaður úr HK, kom
í gær til landsins eftir að
hafa æft hjá þýska 1. deild-
arfélaginu HSV Hamburg frá
því á laugardag. Félagið hef-
ur sýnt áhuga á að fá hann
til liðs við sig fyrir næsta
tímabil. Garcia, sem er Kúbu-
maður og er að leika sitt
þriðja tímabil með HK, er
markahæsti leikmaður 1.
deildarinnar og varð marka-
kóngur hennar á síðasta
tímabili.
„Samningur Garcia við
okkur rennur út í vor og við
reiknum alfarið með því að
hann leiki ekki á Íslandi á
næsta tímabili. Það var alltaf
markmiðið hjá honum að
reyna fyrir sér annars staðar
í Evrópu að þessum þremur
árum liðnum og við erum við-
búnir því að hann fari,“ sagði
Hilmar Sigurgíslason, for-
maður handknattleiksdeildar
HK, við Morgunblaðið í gær.
HSV Hamburg, sem áður
hét Bad Schwartau, er nú í
11. sæti þýsku 1. deild-
arinnar, rétt fyrir ofan Ís-
lendingaliðin Wetzlar og
Minden, en sat á botninum
lengi vel í vetur. Liðinu hefur
gengið illa þrátt fyrir að vera
vel mannað en meiðsl lyk-
ilmanna hafa sett strik í
reikninginn hjá því á þessu
tímabili.
Þetta með markatöfluna og leik-klukkurnar er klárlega stærsta
vandamálið af mörgum sem ég hef
orðið að glíma við frá því að mótið
hófst,“ segir Cavaleiro. „Málið var
einfaldlega að útsendingartíðni sjón-
varpsins truflaði fjarstýringu
markatöflunnar. Það var ekki fyrr
en eftir töluverð heilabrot sem okkur
grunaði að þannig væri í pottinn bú-
ið. Síðan tók nokkurn tíma að leysa
vandamálið,“ segir Cavaleiro og
bætir við að fyrirfram hafi engum
dottið í hug að þetta gæti gerst.
Það að markatöfluna og leikklukk-
una hafi vantað í fyrstu leikina var til
mikilla óþæginda fyrir leikmenn,
þjálfara og áhorfendur eins og nærri
má geta. Þegar gengið var til bún-
ingsklefa í hálfleik í leik Svía og
Egypta vissu leikmenn ekki hver
staðan væri og Bengt Johansson,
sem marga fjöruna hefur sopið á sín-
um langa ferli með sænska landslið-
ið, þurfti að vera með sérstakan
mann með skeiðklukku á vara-
mannabekknum til þess að fylgjast
með tímanum.
Annað vandamál sem Cavaleiro
þurfti að takast á við var lýsingin í
íþróttahöllinni sem þótti alltof mikil,
bæði fyrir leikmenn og sjónvarps-
upptökumenn sem kvörtuðu sáran
áður en keppnin hófst. Ekki tókst að
leysa úr því máli fyrr en örfáum mín-
útum áður en fyrsti leikur keppninn-
ar hófst. Cavaleiro viðurkennir að
tími til undirbúnings hafi verið alltof
skammur. „Hvað átti ég að gera?
Íþróttahöllin er notuð undir æfingar
í fjölmörgum íþróttagreinum og hér
í bænum er engin önnur aðstaða inn-
anhúss fyrir hendi til að stunda þess-
ar íþróttagreinar. Ég gat ekki úthýst
þeim mörgum dögum áður en
keppnin hófst. Íþróttafólkið átti ekki
í önnur hús að venda.“
Þakið lekur í
íþróttahöllinni
Íþróttahöllin í Sao Joao da Mad-
eira var tekin í notkun 1996 eftir að
hafa verið sex ár í byggingu vegna
blankheita bæjarsjóðs. Vandinn við
höllina er sá að þakið lekur. Caval-
eiro segir að mikið hafi verið gert til
þess að bæta úr skák og m.a. voru
járnplötur settar á þakið á dögunum
en þær ná aðeins yfir 90% af þakinu.
Bær hans hefur lagt út um 85
milljónir króna í ýmsar framkvæmd-
ir vegna mótsins og segist Cavaleiro
ekki reikna með að þær skili sér til
baka. Meðal annars voru flest sæti í
íþróttahöllinni endurnýjuð. Sú stað-
reynd hefur hins vegar ekki breytt
því að áhorfendur láta varla sjá sig á
leikjunum og að jafnaði hafa verið
um 300 áhorfendur á leik til þessa.
Ekki er hægt að kenna Cavaleiro
um hversu fáir áhorfendur hafa lagt
leið sína á leikina, en Cavaleiro seg-
ist hafa skýringu á því af hverju svo
fáir hafi mætt á leikina. „Miðaverðið
er of hátt. Efnahagsástandið hér í
Portúgal er slæmt um þessar mund-
ir og fólk hefur ekki efni á því að
kaupa sig inn á leikina,“ segir Caval-
eiro. Þess má geta að það kostar frá
600 til 1.300 kr. inn á hvern leik en sé
keyptur aðgangur að fleiri en einni
viðureign má fá hlutfallslega lægra
verð fyrir miðann á hvern leik. „Síð-
an má ekki gleyma því að fólk er að
vinna á þeim tíma sem fyrsti leik-
urinn hefst,“ segir Cavaleiro og
bendir einnig á að Sao Joao da Mad-
eira sé svokallaður „svefnbær“,
margir íbúarnir vinni utan bæjarins.
Krakkarnir fóru
þegar gosið var búið
Nokkur hundruð krakkar mættu á
fyrsta leikinn sem fór fram í Sao
Joao da Madeira á milli Brasilíu og
Alsír. Þeim var boðið á leikinn og
létu vel í sér heyra til að byrja með
en eftir að þau höfðu fengið gos og
sælgæti í hálfleik rann þeim mesti
móðurinn og þegar kom að næstu
viðureign sem var á milli Svía og
Egypta voru börnin á bak og burt.
„Ég reikna með að fleiri áhorfend-
ur komi á leikina um helgina,“ segir
Cavaleiro bjartsýnn en saknar
þeirra 1.000 til 1.500 sem hann hafði
fengið upplýsingar um að myndu
mæta til leiks til þess að styðja við
bakið á sínum mönnum.
Það er hins vegar huggun harmi
gegn fyrir Cavaleiro að Svíar skuli
enn ekki hafa mætt á svæðið því að-
eins er eitt hótel í bænum. Öll her-
bergi á því eru fullbókuð blaðamönn-
um og leikmönnum á meðan keppnin
stendur yfir. Cavaleiro segist þakka
sínum sæla fyrir að leikir Portúgals
hafi ekki farið fram í hans bæ, þá
hefði ekki verið hótelrými til að taka
móti öllum þeim gestum sem lagt
hefðu leið sína í Sao Joao da Mad-
eira.
AP
Þýski leikmaðurinn Stefan Kretzschmar skorar mark gegn Áströlum á HM.
Cavaleiro hefur ekki
komið dúr á auga
PAULO Cavaleiro hefur haft í mörg horn að líta undanfarna daga og
verður eflaust fegnastur þeim degi þegar keppni lýkur í D-riðli
heimsmeistaramótsins í handknattleik. Cavaleiro er yfirmaður
framkvæmdanefndar heimsmeistaramótsins í Sao Joao da Madeira,
smábæ skammt fyrir sunnan Portó, og á honum hafa öll spjót staðið
þar sem margt hefur gengið á afturfótunum og honum vart komið
dúr á auga frá því fyrir síðustu helgi. Á Cavaleiro hafa dunið hin
ýmsu vandamál s.s. eins og að markatafla og leikklukka í íþrótta-
höllinni virkuðu ekki í fyrstu leikjum keppninnar og að þak íþrótta-
hallarinnar lekur sem aldrei fyrr í árlegri rigningatíð í N-Portúgal.
Garcia
var hjá
Hamburg