Morgunblaðið - 23.02.2003, Blaðsíða 27

LISTIR
MORGUNBLAÐIÐ SUNNUDAGUR 23. FEBRÚAR 2003 27
FIMMTU tónleikar starfsársins hjá
Kammermúsíkklúbbnum verða
haldnir í kvöld kl. 20 í Bústaða-
kirkju. Það er Tríó Reykjavíkur
ásamt tveimur gestum sem leikur,
en á efnisskránni eru tveir píanó-
kvintettar. Fyrir hlé verður fluttur
kvintett op. 57 í g-moll eftir Dmitri
Shostakovits, en eftir hlé er á dag-
skrá f-moll kvintett Césars Franck.
Tríó Reykjavíkur, sem skipað er
Guðnýju Guðmundsdóttur fiðluleik-
ara, Gunnari Kvaran sellóleikara
og Peter Maté, píanóleikara, fær til
liðs við sig á tónleikunum þær Unni
Sveinbjarnardóttur víóluleikara og
Sun Na fiðluleikara, en hún er ný-
flutt hingað frá Peking og er við
nám við Listaháskóla Íslands hjá
Guðnýju Guðmundsdóttur.
„Shostakovits lagði stóran skerf
til sinfónískra verka og til kamm-
ertónlistar á 20. öld. Verk hans eru
mikið spiluð og hann hefur mikið
að segja okkar – það er þrumandi
boðskapur sem hann býður okkur
upp á,“ sagði Gunnar Kvaran í sam-
tali við Morgunblaðið. Hann segir
Shostakovits-kvintettinn bera því
vitni að tónskáldið hafi verið að
hverfa aftur til íhaldssamari forma
og að í köflum kvintettsins megi
greina áhrif eldri tónskálda eins og
Bachs og Beethovens. „Hann samdi
þennan kvintett árið 1940, nokkr-
um mánuðum áður en Hitler braut
samning sinn við Stalín og gerði
innrás í Rússland. Verkið var frum-
flutt af Shostakovits sjálfum á pí-
anó og kvintettinn vakti svo mikla
hrifingu strax á þessum fyrstu tón-
leikum að það þurfti að endurtaka
tvo kafla. Síðan þá hefur oft verið
talað um að þetta sé verk í sjö þátt-
um,“ segir Gunnar, en bætir við að
á tónleikunum í kvöld leiki þau lík-
lega einungis hvern kafla einu
sinni. „Eins og alltaf þegar um verk
eftir Shostakovits er að ræða,
spanna kaflarnir breitt svið tilfinn-
inga. Þetta er geysilega fallegt
verk, en um leið gefur það nokkuð
glögga mynd af ástandi mála í landi
hans á þessum ógnartíma. Maður
skynjar það í þessu verki.“
Að sögn Gunnars er kvintett Cés-
ars Franck sjaldan leikinn, þó hann
viti til þess að Kammersveit
Reykjavíkur hafi flutt hann hér-
lendis fyrir nokkrum árum. „Okkur
fannst því gaman að geta kynnt
hann fyrir áheyrendum. César
Franck hlaut lítið lof fyrir verk sín
lengi framan af, en það var ekki
fyrr á síðustu tíu árum lífs hans
sem verkin tóku að vekja athygli.
Það má að vissu leyti segja að það
hafi gerst með þessum kvintett,
sem er saminn 1879,“ segir hann.
„Verkið sem er tileinkað Saint-
Saëns, sem sjálfur lék á píanóið við
frumflutninginn, átti eftir að eftir
að ná miklum vinsældum. Sagan
segir að þegar Franck samdi kvint-
ettinn hafi hann orðið geysilega
ástfanginn af einum nemanda sín-
um. En hann var nú mjög vandaður
maður og þetta hefur örugglega
verið hrein platónsk ást. Sumir
þykjast finna í þessu verki ástar-
sorg eða mikinn trega. Sjálfum
finnst mér þetta verk vera lofgjörð
til fegurðarinnar og ástarinnar, en
þó blandið bæði dramatík og trega.
Þetta er stórbrotið verk.“
Morgunblaðið/Jim Smart
Flytjendur á tónleikum Kammermúsíkklúbbsins á tónleikum í Bústaðakirkju í kvöld eru Tríó Reykjavíkur ásamt
gestum: Peter Maté, Sun Na, Guðný Guðmundsdóttir, Unnur Sveinbjarnardóttir og Gunnar Kvaran.
„Þrumandi
boðskapur
Shostakovits“
Listasafn Reykjavíkur
– Hafnarhús
Sýningarlok á margmiðlunarverk-
inu Loud & Clear er á mánudag, en
verkið er eitt þriggja þátta í sýning-
arröðinni, Myndbönd og gjörningar.
Sýningin er opið alla daga kl. 10–17.
Hallgrímskirkja
Sýningu Aðalheiðar Valgeirsdótt-
ur lýkur á þriðjudag. Viðfangsefni
verkanna er lífið, tíminn og eilífðin.
Nýlistasafnið
Sýningum Finns Arnars Arnar-
sonar, Hlyns Hallssonar og Jessicu
Jackson Hutchins lýkur á sunnudag-
inn.
Sýningum
lýkur