Morgunblaðið - 10.05.2003, Qupperneq 61

UMRÆÐAN
MORGUNBLAÐIÐ LAUGARDAGUR 10. MAÍ 2003 61
Laugardag: 11.00-16.00 Sunnudag:13.00-17.00
UNGT fólk í þúsundatali hefur
á undanförnum fjórum árum
eignast eigið húsnæði fyrir til-
stuðlan viðbótar-
lánakerfisins sem
Framsóknarflokk-
urinn hafði for-
göngu um að koma
á fót. 90% lán til
fólks undir tekju
og eignamörkum
hefur verið bylting fyrir þennan
aldurshóp. Af þeim tæpu 8 þús-
und fjölskyldum sem notið hafa
viðbótarlánanna er um það bil
helmingur undir 35 ára aldri. Til
samanburðar voru félagslegar
íbúðir alls um 9.000 þegar Fram-
sóknarflokkurinn hóf grettistak
sitt í húsnæðismálum með stofn-
un Íbúðalánasjóðs.
Biðraðir hurfu
Með viðbótarlánunum gat þetta
unga fólk valið sér búsetu í stað
þess að bíða í áraraðir í biðröð-
inni eftir félagslegri eignaríbúð í
gamla félagslega kerfinu. Þær
biðraðir hurfu eins og dögg fyrir
sólu með tilkomu viðbótarlána.
Þá hefði stór hlut þessa unga
fólks yfir höfuð ekki átt kost á að
eignast eigið húsnæði í fyrra
kerfi.
Þá má ekki gleyma þeim
hundruðum námsmannaíbúða
sem lánað hefur verið til að und-
anförnu. Nægir að benda á upp-
byggingu háskólaþorpsins á Bif-
röst og núverandi framkvæmdir
á Hólum í Hjaltadal.
90% lán fyrir alla
Nú ætlar Framsóknarflokk-
urinn að halda áfram uppbygg-
ingu húsnæðismála með því að
veita öllum 90% lán til kaupa eða
byggingar á íbúðarhúsnæði.
Slík kerfisbreyting verður bylt-
ing í húsnæðismálum heimilanna
um allt land, ekki síst fyrir ungt
fólk á Austurlandi sem nú sér
loks bjarta framtíð í atvinnu-
málum, vegna tilstuðlan Fram-
sóknarflokksins.
Það skiptir
máli hver stjórnar
Framsóknarflokkurinn hafði
forgöngu um að útvíkka húsa-
leigubótakerfið þannig að náms-
menn sem leigja herbergi á nem-
endagörðum njóta nú
húsaleigubóta. Það ætti því ekki
að koma á óvart að Framsókn-
arflokkurinn muni áfram leggja
áherslu á að lána til uppbygg-
ingar námsmannaíbúða við fram-
haldsskóla og háskóla um allt
land.
Það skiptir máli hver stjórnar!
Framsókn í
húsnæðismálum
ungs fólks!
Eftir Dagnýju Jónsdóttur
Höfundur er formaður Sambands
ungra framsóknarmanna og skip-
ar 3. sæti Framsóknarflokksins í
Norðausturkjördæmi.