Morgunblaðið - 29.11.2003, Blaðsíða 35

LISTIR
MORGUNBLAÐIÐ LAUGARDAGUR 29. NÓVEMBER 2003 35
NÆTURDROTTNINGAR troða
upp á jólatónleikum í Norræna hús-
inu í dag kl. 16.30 ásamt Vigni Þór
Stefánssyni djasspíanista. Nætur-
drottningar er heitið á nýju tríói sem
skipað er söngkonunum Dóru Stein-
unni Ármannsdóttur mezzósópran,
Hrafnhildi Björnsdóttur sópran og
Sibylle Koell mezzósópran. Spurðar
um stofnun tríósins segjast söngkon-
urnar ungu allar hafa langað til að
syngja skemmtileg lög með öðrum.
„Þegar við Hrafnhildur vorum að
syngja saman í Krýningu Poppeu í
sumar hjá Sumaróperunni nefndi ég
það við hana að gaman gæti verið fyr-
ir okkur að stofna dúett. Stuttu síðar
nefndi Sibylle það við mig hvort við
tvær ættum ekki að syngja eitthvað
saman, en við þekkjumst gegnum
Söngskólann í Reykjavík þar sem við
erum báðar í námi. Niðurstaðan varð
síðan sú að við ákváðum að stofna tríó
og svo fór boltinn bara að rúlla,“ segir
Dóra.
Hvaðan kemur nafnið?
„Það var systir Dóru sem stakk
upp á því og okkur leist strax vel á
það enda gaman að tengja okkur við
eitt frægasta sönghlutverk óperu-
bókmenntanna, þ.e. Næturdrottn-
inguna í Töfraflautunni eftir Mozart.
Það hlutverk er náttúrlega mjög
„grand“ og flott og okkur fannst það
því passa vel við okkur,“ segir Hrafn-
hildur og hlær. „Enda syngjum við
oftast á kvöldin, eða eftir að farið er
að rökkva,“ bætir Dóra Steinunn
kímin við. „Svo er Næturdrottningin
auðvitað eitt þekktasta klassíska
sönghlutverkið og við erum allar
klassískt þjálfaðar söngkonur, þó við
sem Næturdrottningarnar syngjum
mun léttara efni,“ segir Sibylle. „Það
má segja að við séum að sýna á okkur
aðra hlið í þessu tríói. Okkur finnst
gaman að leika okkur með aðra radd-
beitingu en óperutæknina og sýna að
við getum sungið margt annað líka,“
segir Hrafnhildur.
Ólíkar raddir sem
hljóma vel saman
Eruð þið þá búnar að vera að æfa
jólalög síðan snemma í haust?
„Nei, ekki alveg. Við fórum fremur
hægt af stað og vorum að þreifa fyrir
okkur með lagaval. Eftir því sem nær
fór að líða jólum fannst okkur tilvalið
að vera með jólaprógramm og fórum
þá að leita að jólalögum bæði á Net-
inu og í söngbókum sem við áttum,“
segir Sibylle. „Fyrst fannst okkur
svolítið asnalegt að vera að syngja
jólalög í byrjun október og til að
hjálpa okkur við að komast í rétta
stemningu keyptum við okkur
snemma jólasveinahúfur og pipar-
kökur,“ segir Hrafnhildur. „Svo
hjálpaði það okkur auðvitað mikið
þegar jólaljósin voru sett upp,“ segir
Dóra. „Auk þess var frábært að fá
snjóinn núna, svona rétt fyrir tón-
leika,“ segir Hrafnhildur. „En svo
þarf auðvitað líka að huga að ýmsu
öðru en bara að æfa lögin, því það er
mikil vinna að undirbúa tónleika,
bara það að búa til plakat og huga að
kynningarmálum sem dæmi,“ segir
Sibylle. „Og svo þarf auðvitað líka að
huga að sviðsframkomunni og fatn-
aðinum. Þannig sérsaumaði t.d.
mamma Sibylle afar fallega kjóla
handa okkur fyrir tónleikana í dag og
kunnum við henni bestu þakkir fyrir
það,“ segir Hrafnhildur.
En hvað stýrir lagavalinu á pró-
gramminu?
„Mörg laganna eru einfaldlega
uppáhaldsjólalögin okkar,“ segir
Hrafnhildur. „Við reyndum að hafa
ákveðinn fjölbreytileika og erum því
með hress lög á borð við Rockin’ aro-
und the Christmas tree í bland við
hátíðlegri lög eins og Heims um ból,“
segir Sibylle.
Nú er þetta kannski fremur
óvenjuleg samsetning á tríói, einn
sópran og tveir mezzósópranar,
hvernig hljómar það?
„Þær hljómar í raun mjög vel sam-
an,“ segir Sibylle. „Við erum með
ólíkar raddir og náum fyrir vikið að
skila okkar mjög vel. Segja má að við
skerum okkur úr á góðan hátt þannig
að hver og ein rödd fær að njóta sín
innan samhljómsins,“ segir Hrafn-
hildur.
Að sögn Næturdrottninga eru þær
nokkuð bókaðar í desember og munu
til dæmis syngja allar helgar í desem-
ber á jólahlaðborðinu á Grand hóteli,
auk þess sem þær troða upp í jóla-
glöggum og skötuveislum. Þær segj-
ast þó enn taka við bókunum ef ein-
hverja vantar skemmtiatriði á
jólauppákomum. Aðspurðar um
framhaldið segjast Næturdrottning-
ar munu undirbúa nýjar efnisskrár
strax upp úr áramótum, t.d. með
söngleikjalögum, sem henti vel fyrir
árshátíðir.
Gaman að geta sýnt á sér nýja hlið
Dóra Steinunn Ármannsdóttir, Sibylle Koell og Hrafnhildur Björnsdóttir
skipa tríóið Næturdrottningar.
silja@mbl.is
FREDIE Beckmans listamat-
argerðarmaður frá Hollandi
opnar sýningu í aðalsal Skaft-
fells, menningarmiðstöð Seyð-
isfirði, kl. 16 í dag, laugardag.
„„Woelkenwoelkenstad“ er
langtímaverkefni þar sem
Fredie Beckmans smíðar
fuglabúr sem vísa til leikrits
Aristófanesar um fuglana.
Þetta er saga um hvernig fólk í
fyrstu fórnar mat til guðanna,
en síðar þegar fuglarnir hafa
byggt borg í háloftunum fórna
mennirnir reyk handa fuglun-
um. Hann hefur þegar smíðað
um 300 fuglabúr og á þeim eru
nöfn allra fugla í heiminum.
Nöfnin eru þegar á hollensku,
frönsku, og þýsku. Fyrir ís-
lensku sýninguna gerir hann
50 fuglabúr með íslenskum
nöfnum,“ segir í fréttatilkynn-
ingu.
Sýningin stendur til 11. jan-
úar.
Fuglabúr
í Skaftfelli
Á MOKKA stendur ný yfir sýn-
ing Olgu Lúsíu Pálsdóttur. Þar
gefur að líta grafísk verk en
sýningin hefur yfirskriftina
„Stjörnuspeki í augum Olgu
Lúsíu“. Efnið er í tengslum við
skoðun Olgu Lúsíu á stjörnu-
merkjum og er niðurstaða
þeirrar viðamiklu vinnu og
rannsókna sem hún hefur unnið
að undanfarin ár.
Olga Lúsía fæddist 13. apríl
1962 í Norður-Rússlandi. Hún
hefur búið á Íslandi undanfarin
15 ár. Hún stundaði nám við
Listaháskóla Íslands og út-
skrifaðist þaðan með BA-gráðu
í myndlist árið 2001. Hún hefur
að auki lært myndlist og hönn-
un við Fjölbrautaskólann í
Breiðholti og Iðnskólann í
Reykjavík.
Olga Lúsía hefur áður haldið
sýningar. Sýningin í Mokka
stendur til 10. janúar.
Grafíkverk
á Mokka
BRIAN Pilkington er sjöundi í
röð níu barnabókahöfunda, sem
gefur út bók um jólin, og tekur
þátt í Sögustundum Gevalia í
Þjóðmenningarhúsi. Lesið
verður upp úr bók Brians Pilk-
ington, Mánasteinar í vasanum.
Samhliða upplestrinum verða
myndir úr bókinni sýndar og
allir spreyta sig á því að teikna
með aðstoð höfundarins.
Verndari Sögustunda er frú
Vigdís Finnbogadóttir.
Lesið og
teiknað
með Brian
Pilkington
ELÍSABET Waage hörpuleikari og
Ólöf Sesselja Óskarsdóttir selló-
leikari halda aðventutónleika í
Listasafni Einars Jónssonar á
morgun, sunnudag, kl. 16. Flutt
verður Sónata nr. 6 fyrir selló og
fylgirödd eftir Antonio Vivaldi, Int-
ermezzo úr Dimmalimm eftir Atla
Heimi Sveinsson, Adagio úr sónötu
op. 5 nr. 2 fyrir hörpu og selló eftir
B. Romberg og verkin Arioso og
Slá þú hjartans hörpustrengi úr
kantötu nr. 147 eftir Johann Seb-
astian Bach.
Elísabet og Ólöf Sesselja.
Hörpu- og
sellótónleikar
Áfram veginn nefnist ný geislaplata
sem hefur að geyma úrval vinsælla
laga með skagfirska karlakórnum
Heimi. Kórinn hef-
ur starfað sam-
fleytt í yfir 75 ár og
er þeim tímamót-
um fagnað með
þessari útgáfu. Á
disknum má finna
perlur eins og:
Undir bláhimni, Fram í heiðanna ró,
Erla, Sprettur og Ísland.
Einsöngvarar á diskinum eru Álfta-
gerðisbræðurnir Gísli, Pétur, Sigfús
og Óskar Péturssynir. Stjórnandi er
Stefán R. Gíslason og aðalundirleik-
ari er Thomas R. Higgerson.
Upptökustjórn var í höndum Gunn-
ars Smára Helgasonar. Sonet sér um
dreifingu.
Karlakór
Tvö verk á há-
tíðatónleikum
KÓR Háteigskirkju fagnar 50 ára
starfsmæli sínu með hátíðatónleik-
um kl. 20 annað kvöld, sunnudags-
kvöld. Flutt verða tvö verk, Te
Deum K141 eftir Mozart og Introdu-
zione e Gloria eftir Vivaldi. Verkið
hefur ekki verið flutt hér á landi áð-
ur. Með kórnum kemur fram kamm-
erhljómsveit og er Gréta
Guðnadóttir konsertmeistari. Þrír
söngvarar af yngri kynslóðinni, þau
Gyða Björgvinsdóttir, Jóhanna
Ósk Valsdóttir og Garðar Thór Cort-
es, syngja einsöng í verki Vivaldis.
Organisti og kórstjóri Háteigskirkju
er dr. Douglas A. Brotchie.
♦ ♦ ♦
FLUTNINGUR á tveimur aðventu-
kantötum eftir Johann Sebastian
Bach marka upphaf 22. starfsárs
Listvinafélags Hallgrímskirkju á
morgun, sunnudaginn 30. nóv-
ember. Verða kantöturnar fluttar í
guðsþjónustu klukkan 11.00 og á
tónleikum klukkan 17.00, þar sem
einnig verða fluttir þrír orgelfor-
leikir Bachs yfir aðventusálminn Nú
kemur heimsins hjálparráð. Flytj-
endur eru Scola Cantorum, ein-
söngvararnir Hallveig Rúnarsdóttir
og Þorbjörn Rúnarsson, sem eru
systkini, Guðrún Edda Gunn-
arsdóttir og Alex Ashworth. Stjórn-
andi er Hörður Áskelsson og Björn
Steinar Sólbergsson leikur einleik á
Klais-orgel kirkjunnar.
Kantöturnar tvær sem fluttar
verða á tónleikunum, Nun komm,
der Heiden Heiland, BWV 62 og
Schwingt freudig euch empor, BWV
36, eru meðal hinna vinsælustu í
kantötusafni Bachs. Báðar gera þær
miklar kröfur til flytjenda.
Systkinin Hallveig og Þorbjörn
syngja nú saman á stórtónleikum
hér sunnanlands í fyrsta sinn – en
áður hafa þau sungið saman í Cosi
van Tutti í uppfærslu óperunnar á
Egilsstöðum. Einnig er þetta í fyrsta
sinn sem Hallveig syngur einsöng
undir stjórn Harðar Áskelssonar,
þótt hún hafi áður sungið í kórnum
hjá honum.
Hallveig segir þau systkinin
syngja í báðum kantötunum en önn-
ur þeirra verður sungin við útvarps-
messu á sunnudag. „Í þeirri kantötu
sem ekki verður útvarpað er ég þó
með mun stærra einsöngshlutverk,“
segir hún.
Það er ekki langt síðan Hallveig
lauk söngnámi í London og þegar
hún er spurð hvernig leið hennar
hafi legið inn í Hallgrímskirkju, seg-
ir hún:
„Fyrir um níu eða tíu árum sung-
um við systkinin, ásamt Ólafi, bróð-
ur okkar, í World Youth Choir, eða
Heimskór æskunnar. Í þeim kór
sungum við Messu eftir Frank Mart-
in en veturinn á eftir flutti Hörður
það verk hér heima. Bræður mínir
voru báðir með í þeim flutningi og
ég bara hringdi í Hörð og spurði
hvort ég mætti líka vera með, vegna
þess að ég kunni verkið – sem er eitt
besta kórverk í heimi. Eftir það bað
Hörður mig að vera með í Óttu-
söngvum að vori, sem frumflutt var
í Skálholti. Verkið var flutt af litlum
kammerkór sem varð síðan uppi-
staðan í Schola cantorum, en þegar
sá kór fór af stað var ég erlendis í
söngnámi, þannig að ég hef ekki
sungið með þeim, þótt mig hafi oft
langað til þess.“
Þorbjörn Rúnarsson hefur tekið
þátt í ýmsum stórhátíðartónleikum í
Hallgrímskirkju og Langholts-
kirkju, auk þess að syngja í Rak-
aranum í Sevilla hjá Íslensku óp-
erunni í fyrrahaust. Það er ekki
laust við að hann veki forvitni blaða-
manns sem ákveður að slá á hann
austur og spyrja hvort hann hafi
sungið kantöturnar áður.
„Nei, ég hef aldrei sungið þær áð-
ur,“ svarar Þorbjörn, „en hef mjög
fína aðstöðu til þess að undirbúa
mig hér fyrir austan með raddþjálf-
ara.“
„Hvernig stendur á því að þú ert
kallaður suður til þess að syngja
þegar allt er fullt af tenórum hér í
bænum?
„Ég söng áður með Mót-
ettukórnum, auk þess sem ég tók
þátt í Kirkjulistahátíð Hallgríms-
kirkju í júní síðastliðnum. Þar fyrir
utan hef ég sérhæft mig í að syngja
Bach og er mjög hrifinn af honum.
Það eru ekkert mjög margir sem
sérhæfa sig í honum.“
Þú vilt sem sagt ekki bara syngja
óperuaríur.
„Nei, ekki eingöngu, þótt ég hafi
vissulega mjög gaman af því og hef
meðal annars þrisvar sungið með
Óperustúdíói Austurlands auk þess
að taka þátt í uppfærslunni á Rak-
aranum í Sevilla hjá Íslensku óp-
erunni í fyrrahaust.“
Systkini í einsöngshlutverkum
Hallveig og Þorbjörn
Rúnarsbörn syngja
einsöngshlutverk á
Bach-aðventutónleik-
um í Hallgrímskirkju
um helgina. Súsanna
Svavarsdóttir
spjallaði við þau.
Morgunblaðið/Árni Sæberg
Þorbjörn og Hallveig Rúnarsbörn syngja í aðventukantötum eftir Bach.