Morgunblaðið - 31.01.2004, Blaðsíða 6

FRÉTTIR
6 LAUGARDAGUR 31. JANÚAR 2004 MORGUNBLAÐIÐ
MIKILL meirihluti Íslendinga er
þeirrar skoðunar að staða karla sé
almennt betri en staða kvenna í ís-
lensku samfélagi í dag. 91%
kvenna og 76% karla eru þessarar
skoðunar samkvæmt niðurstöðum
viðhorfskönnunar um jafnréttis-
mál, sem kynntar voru á málþingi
um viðhorf til jafnréttismála sem
fram fór í Háskóla Íslands í gær.
Könnunin var unnin af Gallup fyrir
Rannsóknastofu í kvenna- og
kynjafræðum.
Meðal þess sem fram kemur í
niðurstöðunum er að 95%, eru
þeirrar skoðunar að feður eigi að
taka jafnan þátt og mæður í
umönnun og uppeldi barna sinna.
Hins vegar kemur fram í könn-
uninni að 27% þjóðarinnar halda
því fram að konur séu hæfari á
þessu sviði.
70% telja karla eiga meiri
möguleika á vinnumarkaði
Skv. niðurstöðum könnunarinnar
eru tæplega 85% aðspurðra þeirr-
ar skoðunar að karlar hafi hærri
laun en konur með sambærilega
menntun og tæplega 70% telja að
karlar hafi meiri möguleika á
vinnumarkaði en konur.
Tæplega 60% eru þeirrar skoð-
unar að karlar hafi betri aðgang að
fjármagni í tengslum við fyrir-
tækjarekstur. Þá telja konur í rík-
ara mæli en karlar að það halli á
þeirra hlut á vinnumarkaðinum.
Meirihluti þjóðarinnar eða 65%
telja þó að þróunin í jafnréttismál-
um almennt sé í rétta átt og að
jafnrétti muni aukast á næstu 10
árum.
80% telja gott ef fleiri konur
væru í stjórnunarstöðum
Þegar spurt var um viðhorf til
mikilvægis þess að jafna kynja-
hlutföll á ýmsum sviðum sam-
félagsins kemur í ljós að mikill
meirihluti þjóðarinnar, eða 80%, er
þeirrar skoðunnar að það væri til
góðs fyrir viðskipta- og efnahags-
lífið ef fleiri konur væru í stjórn-
unar- og ábyrgðarstöðum. Álíka
margir telja að það væri til góðs ef
fleiri konur væru þátttakendur í
stjórnmálum.
Í báðum tilfellum er marktækur
munur á viðhorfum kynjanna þar
sem konur telja í meira mæli en
karlar að fjölgun kvenna á þessum
sviðum væri til góðs.
Ef marka má niðurstöðurnar
telja 85%–90% þjóðarinnar kynin
jafnhæf til að gegna ábyrgðarstöð-
um í utanríkis- og varnarmálum, í
félags- og heilbrigðismálum og í
stjórnun fyrirtækja.
38% karla telja konur hæfari
til að annast uppeldi
Þegar spurt var um viðhorf til
barnauppeldis kom í ljós að lang-
flestir Íslendingar, eða um 95%,
eru þeirrar skoðunar að feður eigi
að taka jafnan þátt og mæður í
umönnun og uppeldi barna sinna.
Hins vegar kemur fram í könn-
uninni að 27% halda því fram að
konur séu hæfari á þessu sviði.
Marktækur munur er á viðhorfum
kynjanna hvað þetta varðar, en
38% karla telja að konur séu hæf-
ari til að annast umönnun og upp-
eldi barna, en mun færri konur eru
þeirrar skoðunar, eða 18%.
Í könnuninni voru þátttakendur
einnig spurðir um reynslu þeirra
og upplifun á eigin vinnustað.
Fram kemur m.a. að 81,5% eru
þeirrar skoðunar að jafnrétti ríki á
milli kynjanna á sínum vinnustað.
Mikill munur er á viðhorfum at-
vinnurekenda og launþega í þess-
um efnum, en avinnurekendur
taka mjög afdráttarlausa afstöðu
og eru 83% þeirra mjög sammála
því að jafnrétti sé til staðar á sín-
um vinnustað, en næstum helmingi
færri launþegar eða 48% eru þeirr-
ar skoðunar. Samkvæmt ákvæðum
jafnréttislaga er gert ráð fyrir því
að fyrirtæki og stofnanir þar sem
starfa fleiri en 25 aðilar fylgi sér-
stökum jafnréttisáætlunum. Skv.
könnuninni virðist mikill misbrest-
ur á að eftir þessu sé farið þar sem
35% kvenna og 26% karla telja að
unnið sé illa eða alls ekki að jafn-
réttismálum á vinnustað sínum.
Niðurstöður könnunarinnar
leiða einnig í ljós að 30% bæði
karla og kvenna hafa sóst eftir
aukinni ábyrgð og/eða stöðuhækk-
un á síðastliðnum 5 árum. Er ekki
marktækur munur á svörum
kynjanna hvað þetta varðar. Ekki
var heldur mikill munur á svörum
kynjanna þegar spurt var um
launahækkun. Rúmlega 36% Ís-
lendinga hafa sóst eftir launa-
hækkun á sl. 3 árum, karlar og
konur í nokkurn veginn jafnmikl-
um mæli.
12% kvenna sögðust með 250
þús. eða meira í mánaðarlaun
Karlar eru almennt mun sáttari
við laun sín heldur en konur eða
74% karla á móti 52% kvenna.
Enda kemur fram skýr launamun-
ur á milli kynjanna þegar laun að-
spurðra eru skoðuð en 45% karla
eru með 250 þúsund krónur eða
meira í mánaðarlaun en aðeins
12% kvenna.
88% kvenna telja að karlar hafi
hærri laun en konur með sambæri-
lega menntun. 19% kvenna telja
kynferði sitt vera hindrun í launa-
málum í núverandi starfi.
75% kvenna telja skv. könnun-
inni að karlar hafi meiri möguleika
á vinnumarkaði en konur, en að-
eins 4% kvenna telja kynferði sitt
vera hindrun varðandi starfsframa
í núverandi starfi.
Karlar telja að
heimilisstörf skiptist jafnt
Loks var í könnuninni spurt um
reynslu fólks og viðhorf til atriða
er varða samræmingu vinnu og
einkalífs. Af þeim sem búa með
maka telur 44% aðspurðra sig bera
jafnmikla ábyrgð á heimilisstörfum
og maki. Marktækur munur er á
viðhorfum kynjanna, en konur og
karlar virðast ekki vera sammála
um það hvernig ábyrgð á heim-
ilisstörfum dreifist skv. niðurstöð-
um könnunarinnar. Karlar telja í
meiri mæli en konur að ábyrgð á
heimilisstöfum dreifist jafnt milli
maka eða 58% karla en 30,8%
kvenna eru sömu skoðunar. Hins
vegar telur meirihluti kvenna
ábyrgðina vera meira á sínum
herðum en maka eða 68%.
2,5% karla telja sig bera meiri
ábyrgð á heimilisstörfum en maki.
Könnunin var símakönnun,
framkvæmd á tímabilinu 19.
sept.–12. okt. af Gallup. Tekið var
1.200 manna slembiúrtak á aldr-
inum 18–75 ára. Svarhlutfall var
62,9%.
Ný viðhorfskönnun á jafnrétti í íslensku samfélagi kynnt á málþingi í HÍ
27% telja konur hæfari við
umönnun og uppeldi barna
Morgunblaðið/Golli
Miklar umræður fóru fram um viðhorf til jafnréttismála á Íslandi á málþingi sem haldið var í Háskólanum í gær.


















 
 


  

 

   

 





VINNUHÓPUR innan borgarkerf-
isins hefur unnið drög að jafnrétt-
isvísitölu sem nýta megi sem mæli-
kvarða á árangur í
jafnréttismálum hjá Reykjavík-
urborg og hjá einstökum borg-
arstofnunum og fyrirtækjum borg-
arinna. Þetta kom fram í máli
Hildar Jónsdóttur, jafnréttisfull-
trúa Reykjavíkurborgar, á mál-
þingi um viðhorf til jafnréttismála
sem haldið var í Háskóla íslands í
gær.
Vísitalan er byggð upp á 12
mælikvörðum á ýmsa mælanlega
þætti sem varpa ljósi á hvernig
jafnræðis á milli kynjanna er gætt
innan stofnana og fyrirtækja borg-
arinnar m.a. varðandi laun,
ábyrgð, þátttöku í stjórnun og við-
horf meðal starfsmanna á stöðu
jafnréttismála.
Gerir vísitalan kleift að meta
hvernig ástand jafnréttismála er á
hverjum tíma innan einstakra
stofnana og fyrirtækja borg-
arinnar og hvernig miðar að því
markmiði að tryggja jafna stöðu
og jafnan rétt karla og kvenna hjá
Reykjavíkurborg.
Jafnréttisvísitala í smíðum
ÞEGAR spurt var í könnuninni um
fríðindi í tengslum við vinnu kom í
ljós að karlar njóta slíkra fríðinda í
mun meira mæli en konur.
 43% karla og 15% kvenna hafa
afnot af bíl á vegum vinnuveit-
anda.
 42% karla og 18% kvenna hafa
afnot af farsíma, þar sem reikn-
ingur er greiddur af vinnuveit-
anda.
 17% karla og 11% kvenna hafa
afnot af tölvutengingu heim sem
greidd er af vinnuveitanda.
Karlar njóta fríðinda
í meira mæli en konur
SKELJUNGUR mun í sumar flytja
aðalstöðvar sínar af Suðurlands-
braut, þar sem þær hafa verið í hátt
í 43 ár eða frá árinu 1961, og út í
Örfirisey en þar á félagið húsnæði
sem á næstu mánuðum verður inn-
réttað fyrir skrifstofur Skeljungs.
Í gær var gengið frá samningum
um sölu á liðlega fjórum og hálfri af
átta hæðum í skrifstofuhúsnæði fé-
lagsins að Suðurlandsbraut 4 og er
á næstunni stefnt að því að selja
þær hæðir sem enn eru í eigu fé-
lagsins að því er segir í frétt þess.
Kaupendur þess hluta sem nú hefur
verið seldur eru eignarhaldsfélög
sem standa að verkfræðistofunum
Fjarhitun og Rafteikningu.
Liður í að draga úr kostnaði
Í frétt Skeljungs segir Gunnar
Karl Guðmundsson forstjóri að sal-
an sé liður í endurskipulagningu fé-
lagsins sem nú standi og sem m.a.
miði að því að draga úr kostnaði og
treysta samkeppnisstöðu félagsins.
Gunnar Karl segir mörg rök hafa
hnigið til þess að að færa til skrif-
stofur Skeljungs; í fyrsta lagi sé
verið að losa um fjármuni sem hafi
verið bundnir í þessari eign. Þá hafi
starfsfólki á skrifstofu fækkað á
síðustu misserum og því hafi húsið
á Suðurlandsbraut verið orðið
óþarflega stórt fyrir starfsemi fé-
lagsins. Gunnar Karl segir að við
flutningana verði tækifærið notað
til að breyta uppsetningu á skrif-
stofunum og færa þær alfarið yfir í
opið rými.
Morgunblaðið/Ásdís
Höfuðstöðvar Skeljungs hafa verið
á Suðurlandsbraut frá árinu 1961.
Skeljungur
flytur af
Suðurlands-
brautinni
LEIKSKÓLARÁÐ Reykjavíkur-
borgar samþykkti einróma á fundi
sínum í gær að einkareknu leikskól-
arnir Korpukot og Fossakot í Graf-
arvogi fengju varanlegt rekstrarleyfi,
en eigendur þeirra höfðu fengið
bráðabirgðaleyfi fyrir viku. Af-
greiðslu umsóknar vegna leikskólans
Olgukots var frestað til næsta fundar
eða 13. febrúar og ekki hefur enn ver-
ið gerður þjónustusamningur við
þessa leikskóla.
Þorlákur Björnsson, formaður leik-
skólaráðs, segir að á síðasta fundi hafi
umræddir leikskólar fengið bráða-
birgðaleyfi þar sem fagráð leikskóla-
ráðs hafi átt eftir að taka út faglega
hluti eins og að fara yfir hverjir væru
starfsmenn, menntun þeirra og fleira,
fara yfir húsnæðismál, leikföng,
starfsmannastefnu og svo framvegis.
Í öðru lagi hafi borgarlögmaður verið
fenginn til þess að fara yfir málið og
kanna hvort lögum og reglugerðum
væri fylgt. Þessi atriði hefðu legið fyr-
ir fundi gærdagsins. Fagráðið hefði
veitt jákvæða umsókn og í áliti lög-
fræðings hjá embætti borgarlög-
manns kæmi fram að það væri vand-
séð hvernig hægt væri að komast hjá
því að gefa rekstrarleyfi.
„Því veittum við Fossa- og Korpu-
koti varanlegt rekstrarleyfi,“ segir
Þorlákur og bætir við að þar sem fag-
ráðið hafi ekki lokið umsókn um Olgu-
got hafi því máli verið frestað.
Einkareknir
leikskólar fá
rekstrarleyfi
♦♦♦