Morgunblaðið - 31.01.2004, Blaðsíða 11
FRÉTTIR
MORGUNBLAÐIÐ LAUGARDAGUR 31. JANÚAR 2004 11
SÓLVEIG Pétursdóttir, formaður
Íslandsdeildar Evrópuráðsþingsins,
hélt ræðu á janúarfundi Evrópu-
ráðsþingsins í umræðum um
hryðjuverkastarfsemi og ógn
hryðjuverka við lýðræðissamfélög. Í
ræðu sinni sagði Sólveig, sem var
talsmaður flokkahóps hægrimanna,
að áhrifa hryðjuverkaárásanna á
Bandaríkin gætti enn og að umtals-
verður árangur hefði náðst að und-
anförnu í baráttunni gegn hryðju-
verkum. Hins vegar væru margar
hindranir á þeirri leið.
Sólveig sagði að þessi barátta
kallaði á nýjar og breyttar aðferðir
og að sumar þjóðir hefðu verið leng-
ur en aðrar að átta sig á hinni nýju
heimsmynd í kjölfar hryðjuverk-
anna 11. september 2001. Hins veg-
ar væri staðan nú um stundir sú að
allir ættu að geta talað sama máli
og því væri brýn þörf á því að frið-
elskandi þjóðir Evrópu sameinuð-
ust í þessari baráttu. Varaði Sólveig
jafnframt við áhrifum þess að grafa
undan farsælu öryggissamstarfi
Atlantshafsþjóða sem kynni að af-
vegaleiða hina afar knýjandi um-
ræðu um baráttuna gegn hryðju-
verkum. Þá sagði Sólveig að leiðir
til að stemma stigu við hryðju-
verkaógninni væru mun fleiri en
beiting hervalds sem
lokaúrræði. Sagði hún
t.a.m. ríka nauðsyn vera
á því aðalþjóðasamfélag-
ið almennt og Evrópu-
ráðið sérstaklega næðu
samstöðu um heildræn-
an alþjóðasáttmála um
baráttuna gegn hryðju-
verkum. Hryðjuverk
væru hrein ógn við lýð-
ræðið og að breytinga á
sviði alþjóðalaga væri
þörf til að uppræta þá
ógn.
Til grundvallar um-
ræðunum lá skýrsla
tyrkneska þingmannsins
Murat Mercan þar sem ráðherraráð
Evrópuráðsins var
m.a. hvatt til þess að
hafin yrði vinna við
leggja drög að sátt-
mála um baráttu
gegn hryðjuverkum
og að í þeim sáttmála
væri hryðjuverka-
starfsemi skilgreind.
Þá kom í skýrslunni
fram að örðugt hefði
verið fyrir Samein-
uðu þjóðirnar að
leggja slík drög þar
eð mikill ágreiningur
hefur verið uppi
meðal aðildarríkja
um skilgreiningu á
hryðjuverkum.
Árangur hefur náðst í bar-
áttu gegn hryðjuverkum
Sólveig Pétursdóttir
Sólveig Pétursdóttir alþingismaður í umræðum Evrópuráðsþingsins um hryðjuverkaógnina
FÉLAGAR í Falun Gong-hreyfing-
unni segjast hryggir yfir áliti um-
boðsmanns Alþingis frá 29. desem-
ber sl. þar sem komist var að þeirri
niðurstöðu að ekki væri ástæða til
að aðhafast vegna kvörtunar Falun
Gong-iðkenda til umboðsmanns.
Kvörtunin var send umboðsmanni í
átta liðum á seinasta ári vegna að-
gerða íslenskra stjórnvalda gegn
Falun Gong-iðkendum í tengslum
við komu Jiang Zemins, fyrrver-
andi forseta Kína, til landsins í júní
2002.
Nokkrir erlendir Falun Gong-lið-
ar komu nýverið til landsins og
héldu blaðamannafund á hótel
Skjaldbreið í gær þar sem þeir
tjáðu sig um álit umboðsmanns og
fjölluðu um stöðu Falun Gong-iðk-
enda. Þeir greindu frá því að þeir
hygðust senda Davíð Oddssyni for-
sætisráðherra bréf með áskorun til
íslenskra stjórnvalda um að styðja
með einhverjum hætti fórnarlömb
mannréttindabrota sem framin eru
af kínverskum stjórnvöldum.
„Í grundvallaratriðum erum við
mjög hrygg yfir áliti umboðsmanns
og þurfum að líta á ofsóknir gegn
Faul Gong í víðu samhengi. Við er-
um í rauninni hingað komin því við
viljum að þeim linni. Þetta fólk er
vinir okkar og er heilaþvegið og
pyntað til dauða dag hvern, hverja
mínútu. Við höfum skjalfest dæmi
um 900 slík tilfelli og vitum að þau
eru margfalt fleiri,“ sagði Peder
Giertsen frá Noregi.
Fram kom í máli þeirra að tólfti
hver Kínverji er í Falun Gong og
sæta iðkendur hreyfingarinnar
grófum pyntingum. Þau sögðu
dæmi um að kínverskir lögreglu-
menn nauðguðu Falun Gong-iðk-
endum eða misþyrmdu þeim kyn-
ferðislega í fangelsum með því að
afklæða þá og varpa þeim inn í
klefa með ofbeldisföngum þar sem
þeim væri nauðgað.
Í máli þeirra kom fram að að-
gerðir íslenskra stjórnvalda gegn
Falun Gong sumarið 2002 hefðu
einkum stafað af þekkingarleysi á
samtökunum. Einkum hefði verið
slæmt að stjórnvöld skyldu hafa
tekið aðgerðir þýskra yfirvalda sér
til fyrirmyndar, en þarlend yfirvöld
hófu aðgerðir gegn Falun Gong
tveim mánuðum áður en Kínafor-
seti kom í heimsókn til Íslands. Síð-
ar hefðu þýsk yfirvöld beðið Falun
Gong afsökunar, og hefði verið
mjög miður að hún hefði ekki legið
fyrir áður en íslensk yfirvöld gripu
til sinna aðgerða gegn Falun Gong.
Falun Gong-iðkendur segja pyntingar daglegt brauð í Kína. Frá vinstri er
Peder Giertsen, Lillian Staff og John Nania.
Falun Gong-liðar
hryggir yfir áliti
umboðsmanns
Morgunblaðið/Golli
DÓMSMÁLARÁÐHERRA hef-
ur skipað Skúla Magnússon,
dósent við lagadeild Háskóla Ís-
lands, í embætti héraðsdómara í
Reykjavík og Símon Sigvalda-
son, skrifstofustjóra Hæstarétt-
ar Íslands, í embætti héraðs-
dómara sem fyrst um sinn mun
ekki eiga fast sæti við tiltekinn
dómstól samkvæmt heimild í
lögum um dómstóla. Skipað er í
stöðurnar frá 1. febrúar.
Aðrir umsækjendur um stöð-
urnar voru Arnfríður Einars-
dóttir, settur héraðsdómari, Ás-
geir Magnússon hæstaréttar-
lögmaður, Friðjón Örn
Friðjónsson hæstaréttarlögmað-
ur, Indriði Þorkelsson héraðs-
dómslögmaður og Sigrún Guð-
mundsdóttir hæstaréttarlög-
maður.
Skipað í tvö emb-
ætti héraðsdómara