Morgunblaðið - 31.01.2004, Blaðsíða 28

ÁRBORGARSVÆÐIÐ
28 LAUGARDAGUR 31. JANÚAR 2004 MORGUNBLAÐIÐ
Selfoss | Bæjarstjórar í Árborg,
Hveragerði og Ölfusi undirrituðu
samning sveitarfélaganna og Byggða-
stofnunar um þriggja ára nýsköpunar-
verkefni við uppbyggingu og tilraunir
með rafrænt samfélag á svæðinu, sem
nefnt hefur verið Sunnan3. Undirrit-
unin fór fram miðvikudaginn 28. jan-
úar á veitingahúsinu Hafið bláa hafið
við Ölfusárósa. Verkefnið mun standa
yfir í þrjú ár og er gert ráð fyrir að
verkefniskostnaður nemi 130 milljón-
um. Sveitarfélögin greiða 55% og
framlag ríkisins er 45% af kostnaði.
Verkefnið Sunnan3 fékk bestu ein-
kunn í samkeppni sem iðnaðar- og við-
skiptaráðuneytið efndi til á síðasta ári.
Markmið þess er að treysta stöðu upp-
lýsingasamfélagsins á landsbyggðinni,
þannig að íbúar þar geti á sem bestan
og hagkvæmastan hátt nýtt sér þann
ávinning sem upplýsinga- og fjar-
skiptatæknin býður upp á.
Verkefnisaðilar telja að þau sveit-
arfélög sem tileinka sér rafræna
stjórnsýslu hafi í höndum lykil að
framtíðinni og að íbúar þeirra nái
einnig ákveðnu forskoti. Með verkefn-
inu er stefnt að því að bæta þjónustu
við almenning, efla nýsköpun í at-
vinnulífi og auðvelda aðgengi að
menntun á svæðinu. Ennfremur að
auka enn frekar skilvirkni stjórnsýsl-
unnar með aukinni samvinnu og sam-
rekstri milli sveitarfélaganna með
frekari notkun rafrænnar stjórnsýslu.
Gert er ráð fyrir að sú hagræðing skili
sér í bættri rekstrarafkomu sveitarfé-
laganna.
Verkefnið skiptist í fjögur undir-
verkefni sem ná eiga til allra íbúa
sveitarfélaganna þriggja en þeir eru
samtals um tíu þúsund. Um er að ræða
notendavænt þjónustutorg þar sem
íbúar geta fengið upplýsingar og sent
fyrirspurnir ásamt því að fá afgreiðslu
og svör með rafrænum hætti. Skrif-
stofuhóteli er ætlað að koma til móts
við þarfir íbúa svæðisins sem starfa ut-
an þess t.d. á höfuðborgarsvæðinu en
vilja vinna 2–3 daga í viku í heima-
byggð. Þar verður að finna fullkomna
vinnuaðstöðu með öflugu háhraða-
sambandi og hvetjandi umhverfi.
Sameining í netheimum og skilvirkari
stjórnsýsla nefnist einn verkefnisþátt-
urinn. Þar er á ferðinni heildstætt net-
kerfi sem gefur sveitarfélögunum m.a.
möguleika á sameiginlegum útboðum
og samvinnu. Fjórði þáttur verkefn-
isins nefnist: Ungir fræða hina eldri.
Markmiðið með þessum þætti er að
auka samkennd meðal barna og ung-
menna á svæðinu og styrkja forvarn-
arstarf með rafrænum lausnum. Þar
verður m.a. að finna rafræna fé-
lagsmiðstöð.
Upplýsinga- og fjarskiptatækni verður stórefld í Hveragerði, Ölfusi og Árborg
Ætla að nýta
möguleika raf-
ræns samfélags
Morgunblaðið/Sigurður Jónsson
Orri Hlöðversson bæjarstjóri Hveragerðis undirritar samninginn. Næstur honum er Einar Njálsson bæjarstjóri í Árborg.
Selfoss | „Það var gíf-
urleg framför þegar
tölvuvinnslan kom í
bankann þó svo hún
væri dálítið frumstæð
miðað við það sem nú
er en við karlarnir í
bankanum vorum
sendir með tölvuspjöld
í tölvuverið fyrir sunn-
an. Það þótti ekki til-
hlýðilegt að senda kon-
ur í þessar ferðir yfir
Hellisheiðina,“ segir
Gunnar Einarsson,
bankamaður í Lands-
banka Íslands á Sel-
fossi, en hann hætti
störfum í bankanum
um áramót eftir að hafa starfað þar
samfellt frá því í júní 1961. Gunnar er
vel þekktur af viðskiptavinum bank-
ans og vel kynntur í samfélaginu á
Selfossi, alinn upp á staðnum frá
tveggja ára aldri, er fæddur 1944 og
er því lýðveldisbarn. „Já, við vorum
ærslafullur bekkur í skólanum að
meirihluta strákar og kennararnir
fögnuðu þegar þeir losnuðu frá
kennslu í bekknum, segir Gunnar og
hlær við þegar hann rifjar upp
bernskuárin á Selfossi. „Einn
skemmtilegasti starfsdagurinn í
bankanum var kvennafrídagurinn en
þá sáum við karlarnir um starfsem-
ina. Þá kom ein starfsstúlka bankans
með sparibauk og vildi að við teldum
upp úr honum en við sögðum henni
með bros á vör að koma bara daginn
eftir því þá fengi hún hraðari þjón-
ustu,“ segir Gunnar og hlær að minn-
ingunni.
„Þegar ég kom fyrst í bankann var
ég settur í vinnu í kringum ávís-
anabækurnar, að bókfæra ávísanir.
Þá var hver ávísanareikningur með
sérstaka bók sem var handfærð. Það
var mikil vinna í kringum þetta og
allt varð að sjálfsögðu að passa upp á
eyri. Þetta var mikið flæði og alltaf
vaxandi með hverju árinu og segja
má að allt hafi verið komið á damp
þegar tölvuvinnslan kom til skjal-
anna. Fyrst kom vélabókhald á spari-
sjóðsbækurnar en tékkabókhaldið
var handfært. Þrátt fyrir að farið
væri með gataspjöldin til Reykjavík-
ur þurfti að handfæra vexti og reikna
út. Síðan kom meginbyltingin með
beinlínukerfi hjá gjaldkerunum,“
segir Gunnar.
Nálægðin við viðskiptavinina var
mikil í þessu handfærða
kerfi og einkennandi
fyrir þessi ár í starfsemi
Landsbankans. „Á þess-
um tíma voru bændur
með reikning í bank-
anum og mjólkurbíl-
stjórarnir þjónustuðu
bændurna og voru eins
konar milliliðir milli
bankans og bænda. Þeir
tóku út peninga fyrir
bændurna og keyptu
jafnvel inn fyrir þá og
fóru svo með peninga og
vörur til þeirra daginn
eftir. Þetta voru mjög
skemmtileg og lífleg
samskipti og það ríkti
mikill trúnaður milli bílstjóranna og
bændanna og svo við okkur í bank-
anum,“ segir Gunnar og telur að slík-
ar aðstæður séu nokkuð fjarlægar í
dag.
Allt gekk upp upp á einseyring
Gunnar hefur gegnt flestum störf-
um í bankanum. Hann hafði þann
starfa meðal annars á starfsárum sín-
um að þjónusta afurðalánin og að
uppfæra aðalbókhald bankans sem
fólst í því að láta daginn stemma.
„Það þurfti auðvitað allt að ganga
upp upp á einseyring og gat verið
virkilega gaman. Svo var líka gaman
að vinna í kringum atvinnulífið og
kynnast þeim hugsjónamönnum sem
þar stóðu í eldlínunni. Staðreyndin er
nú sú að það gerist ekkert í veröld-
inni ef engum dettur neitt í hug. Það
þurfti að fara yfir ýmis mál með
mönnum svo sem birgðahald og fleira
til að komast til botns í því hvernig
tryggingar væru fyrir lánunum. Á
þessum árum var mikið að gerast í
útgerð á Eyrarbakka, Stokkseyri og í
Þorlákshöfn og oft handagangur í
öskjunni í kringum athafnamenn
þessa tíma.“
Frumstæð starfsemi í byrjun
„Mér er minnisstæðast hvað
bankastarfsemin var frumstæð í
byrjun en tékki sem var gefinn út í
Reykjavík gat verið viku á leiðinni í
bankann hér. Miðað við stöðuna í dag
þá er þetta algjör bylting sem maður
hefur upplifað. Ég fullyrði að það
hafði enginn hugmyndaflug til að láta
sér detta þetta í hug, nema kannski
einn maður, Sveinbjörn Egilsson í
tölvudeild bankans í Reykjavík. Ég
var sendur til hans í einn dag til að
kynna mér tölvurnar sem ég rétt
kunni nafnið á. Sveinbjörn fór yfir
þetta fyrirbæri sem tölvurnar voru
og það er svo skrýtið að það sem
hann sagði þá, er allt að gerast í dag
gagnaflutningur um símalínur og
fleira. Hann var áreiðanlega langt á
undan sinni samtíð. Hann var með
svo yfirþyrmandi kunnáttu að maður
vissi varla hvað maður hét eftir að
hafa verið hjá honum og hlustað á
hann segja frá þessu. Það var ekki
fyrr en eftir á að maður fann út hvað
hann var að hugsa.“
Elstur á Selfossi
„Útibú Landsbankans á Selfossi er
elsta fyrirtækið á staðnum, stofnað
1918, starfrækt fyrstu árin í
Tryggvaskála undir stjórn Eiríks
Einarssonar frá Hæli. Hér er því
komin mikil saga en bankinn hefur
átt stóran þátt í þeirri miklu upp-
byggingu sem hér hefur orðið. Þáttur
bankans er ekki síður mikilvægur en
stóru fyrirtækin KÁ og MBF í upp-
byggingunni hér. Allir þessir þættir
eru ein keðja í samfélaginu. Bankinn
þjónustaði allar húsbyggingar sem
risu hér og allt svæðið. Með því sýndi
hann að stjórnendur hans trúðu á
uppbyggingu þess,“ segir Gunnar.
Gaman að greiða götu fólks
„Ég hef notið þess að vinna með
góðum húsbændum og tel mig lán-
saman að hafa fengið að starfa í
bankanum. Í gegnum þessi ár mín
finnst mér langskemmtilegast að
hafa getað greitt götu fólks með
starfi mínu og fundið leiðir með því til
að leysa mál sem upp komu. Það var
góð tilfinning að finna viðskiptavininn
fara ánægðan á brott. Svo er það auð-
vitað ákaflega dýrmætt að samstarfs-
fólkið í bankanum hefur alltaf verið
samstæður hópur og maður hefur
eignast marga góða vini á þessum
tíma. Landsbankinn hefur alltaf farið
vel með mig. Nú er ég að brjóta sjálf-
an mig til mergjar. Ég er opinn fyrir
öllu nýju og finnst gaman að hugsa
um nýja möguleika til að fást við. Það
var alfarið mín ákvörðun að hætta
bankastörfunum og ég tel að það sé
rétt að nýta sér það að hafa náð
hæstu eftirlaunum. Maður veit sem
betur fer ekkert um framtíðina en ég
horfi bjartsýnn framávið,“ segir Sel-
fyssingurinn Gunnar Einarsson
bankamaður.
Kveður ánægður eftir 42 ára starf í Landsbankanum
Góð tilfinning að finna við-
skiptavini fara ánægða á brott
Gunnar Einarsson
bankamaður á Selfossi.
Þorlákshöfn | Karen Ýr Sæmunds-
dóttir badmintonkona var valin
íþróttamaður Sveitarfélagsins
Ölfuss 2003. Það var íþrótta- og
æskulýðsráð bæjarfélagsins sem
valdi íþróttamann bæjarfélagsins
úr hópi íþróttamanna sem valdir
höfðu verið sem fulltrúar hver
fyrir sína íþróttagrein. Eftirtaldir
tíu íþróttamenn Ölfuss voru vald-
ir: Knattspyrnumaður Ingvar
Jónsson, fimleikamaður Angelía
Fjóla Vilhjálmsdóttir, frjáls-
íþróttamaður Elísabet Ásta
Bjarkardóttir, körfuknattleiks-
maður Grétar Ingi Erlendsson,
badmintonmaður Karen Ýr Sæ-
mundsdóttir, hestaíþróttamaður
Þorvaldur Árni Þorvaldsson,
hestamaður Arnar Ingi Magn-
ússon, golfmaður Hólmar Viðar
Gunnarsson, akstursíþróttamaður
Haraldur Pétursson, dansari Júlí
Heiðar Halldórsson. Ármann Ein-
arsson, formaður ráðsins, kynnti
keppendur og afhenti viðurkenn-
ingar ásamt Ragnari M. Sigurðs-
syni, íþrótta- og æskulýðsfulltrúa.
Íþróttamenn Sveitarfélagsins Ölfuss 2003, aftari röð frá vinstri: Arnar Ingi
Magnússon, Hólmar Víðir Gunnarsson, Haraldur Pétursson, Grétar Ingi
Erlendsson, Ingvar Jónsson, Þorvaldur Árni Þorvaldsson, fremri röð Júlí
Heiðar Hjörleifsson, Angelía Fjóla Vilhjálmsdóttir, Elísabet Ásta Bjarka-
dóttir og íþróttamaður Ölfuss 2003, Karen Ýr Sæmundsdóttir.
Morgunblaðið/ Jón H. Sigurmunds
Karen Ýr Sæmundsdóttir, íþróttamaður Ölfuss 2003, ásamt foreldrum sín-
um Sæmundi Steingrímssyni og Bryndísi Hafsteinsdóttur. Sæmundur er
formaður badmintondeildar Umf. Þórs.
Valinn íþrótta-
maður Ölfuss