Morgunblaðið - 31.01.2004, Blaðsíða 8

FRÉTTIR
8 LAUGARDAGUR 31. JANÚAR 2004 MORGUNBLAÐIÐ
Það hlaut að finnast eðlileg skýring á þessum ósköpum.
Streita – forvarnir og viðbrögð
Ekki skamm-
tímaverkefni
Streita – forvarnir ogviðbrögð er yfir-skrift morgunverð-
arfundar sem haldinn
verður nk. þriðjudag á
Grand hóteli. Fundurinn
stendur frá klukkan 8.30
til 10.30. Morgunblaðið
ræddi við Steinunni I.
Stefánsdóttur, sem rekur
fyrirtækið Starfsleikni.is
og stendur ásamt fleirum
fyrir fundinum. Svör
hennar við nokkrum
spurningum fara hér á
eftir.
– Hverjir eru það sem
standa að þessum morg-
unverðarfundi?
„Starfsleikni.is í sam-
vinnu við Vinnueftirlit rík-
isins.“
– Hvert er tilefni fund-
arins?
„Ég hafði milligöngu um komu
bresks vinnusálfræðings á sviði
streitustjórnunar, dr. Valerie J.
Sutherland, sem var leiðbeinandi
minn við University of Surrey
Roehampton og er í samstarfi við
mig og Starfsleikni.is. Hún hélt
erindi á ráðstefnu sem var á
föstudaginn á vegum Fræðslu-
miðstöðvar Reykjavíkur um
bætta líðan í grunnskónunum.
Mér fannst upplagt að nota tæki-
færið og fá hana til að miðla af
þekkingu sinni til annarra mark-
hópa og ræða og sitja fyrir svör-
um um áhrif, forvarnir og við-
brögð við streitu í fyrirtækjum í
leiðinni. Ég bar hugmyndina
undir Vinnueftirlitið og úr varð
samstarf við að skipuleggja
þennan fund.“
– Hver er tilgangur fundarins?
„Að viðhalda við þeirri vakn-
ingu sem verið hefur á undan-
förnum árum meðal vinnuveit-
anda og í atvinnulífinu almennt,
að streita er ekki bara vandamál
þess starfsmanns sem af henni
þjáist heldur fyrirtækja- og þjóð-
félagsvandamál þar sem kostn-
aður ómeðhöndlaðrar starfs-
streitu smitar út í allt
þjóðfélagið. Það er mikilvægt að
fyrirbyggja streitu eins og
framast er unnt í vinnuumhverf-
inu, þar sem fyrirtæki eða stjórn-
endur jafnt sem starfsmaðurinn
sjálfur hafa sameiginlegra hag-
muna að gæta að koma í veg fyrir
óþarfar og eyðileggjandi afleið-
ingar streitu, í stað þess að bara
bregðast við eftir að vandamálin
eru komin upp. Af algengum af-
leiðingum streitu fyrir fyrirtækin
má nefna lítinn sveigjanleika, lé-
legan starfsanda og óánægju,
lækkaða áhugahvöt, almennan
seinagang, skort á óformlegu
flæði upplýsinga, ómarkvissa og
stundum ranga ákvarðanatöku
vegna brenglaðrar dómgreindar,
og vantraust eða vanvirðingu við
samstarfsfólk og viðskiptavini.
Kostnaður sem smitar út í þjóð-
félagið er meðal annars vegna
fjarvista, slysa, veikinda og ör-
orku af völdum sjúkdóma sem
streita getur kynt undir, magnað,
eða hægt á bata á.
Megintilgangur fund-
arins er að minna á að
álags- eða streitu-
stjórnun er ekki
skammtímaverkefni,
heldur ferli sem byggja þarf inn í
fyrirtækja- og starfsmannastefn-
una og vinnubrögð sem tíðkast
frá degi til dags og mun dr. Suth-
erland kynna stefnumiðaða nálg-
un við streitustjórnun.“
– Hverjar verða helstu
áherslur fundarins?
„Að vara við því að líta á álags-
og streitustjórnun sem skamm-
tímaverkefni, heldur mun dr.
Sutherland leggja áherslu á að
streitustjórnun er langtímaferli
sem aldrei lýkur og þarf að inn-
leiða sem hluta af daglegum
vinnubrögðum og stjórnunar-
háttum.“
– Hverjir taka til máls á fund-
inum og um hvað munu þeir tala
hver um sig?
„Svava Jónsdóttir og Ása G.
Ásgeirsdóttir sérfræðingar hjá
Vinnueftirlitinu og munu þær
kynna lagalegar forsendur
heilsueflingar og heilsuverndar á
vinnustað og fyrirhugað for-
varna- og fræðslustarf. Einnig
munu þær fjalla um áhættumat
og áætlun um heilsuvernd sem
vinnustöðum er gert að fram-
kvæma.
Aðalfyrirlesari er dr. Valerie J.
Sutherland en erindi hennar ber
yfirskriftina: Hámörkun árang-
urs og vellíðunar á vinnustað:
stefnumiðuð nálgun við streitu-
stjórnun. Titill á ensku er Optim-
ising Performance and Well-
Being in the Workplace: A
Strategic Approach to the Man-
agement of Stress.“
– Verða einhverjar umræður
um málefnið við lok erinda?
„Það verða panelumræður með
þátttöku geðlæknis, starfs-
mannastjóra, fulltrúa frá Vinnu-
eftirlitinu, Sjúkrasjóði Eflingar
og Tryggingastofnunar ríkisins.“
– Hverjum er þessi fundur
helst ætlaður?
„Stjórnendum, milli-
stjórnendum, starfs-
manna- og starfsþró-
unarstjórum og öllum
þeim sem eru áhuga-
samir um heilbrigt starfsfólk og
starfsumhverfi og ekki síst þeim
sem til langtíma greiða kostnað
vegna ómeðhöndlaðrar streitu,
s.s. fulltrúum tryggingafélaga og
sjúkrasjóða. Einnig eru nemend-
ur sem áhuga hafa, til dæmis í
sálfræði, viðskiptafræðum,
mannauðsstjórnum og vinnu-
markaðsfræðum hvattir til að
mæta.“
Steinunn I. Stefánsdóttir

Steinunn I. Stefánsdóttir,
fædd á Selfossi 21. september
1966. Er stúdent úr Versló frá
1987, með B.A. í sálfræði frá HÍ
1994, M.Sc. í viðskiptasálfræði
frá University of Westminster í
London 2001, M.Sc. í streitufræð-
um frá University of Surrey Roe-
hampton, London 2003. Á dótt-
urina Andreu Jónu Eggerts-
dóttur fædda 25. febrúar 1994.
Rekur ráðgjöfina Starfsleikni.is
sem sinnir fræðslu, handleiðslu
og ráðgjöf í lífs- og starfsleikni
fyrir starfsmannahópa, stjórn-
endahópa og áhugahópa auk ein-
staklingsmiðaðrar starfsþróun-
arráðgjafar fyrir stjórnendur og
annað starfsfólk.
Einnig munu
þær fjalla um
áhættumat