Morgunblaðið - 31.01.2004, Blaðsíða 34
FERÐALÖG
34 LAUGARDAGUR 31. JANÚAR 2004 MORGUNBLAÐIÐ
Heimagisting á besta stað í bænum. Býður alla Íslendinga velkomna.
Geymið auglýsinguna.
www.lavilla16.dk
sími 004532975530 • gsm 004528488905
Kaupmannahöfn - La Villa
Ódýrari bílaleigubílar
fyrir Íslendinga.
Bílar frá dkr. 1.975,- pr. viku.
Innifalið í verði; ótakmarkaður akstur,
allar tryggingar.
(Afgr. gjöld á flugvöllum).
Aðrir litlir og stórir bílar 6-7 manna,
minibus og rútur.
Sumarhús og íbúðir.
Norðurlönd og Mið - Evrópa.
Hótel. Heimagisting. Bændagisting.
www.fylkir.is sími 456-3745
Bílaleigubílar
Sumarhús
DANMÖRKU
Það er af nógu að taka fyrirSigríði Brynjólfsdótturlandslagsarkitekt þegarhún er spurð um
eftirminnilega staði í útlöndum því
fyrir nokkrum árum var hún lang-
tímum saman í fjarlægum heims-
álfum. Eftir nokkra umhugsun
kemst hún þó að niðurstöðu. „Þegar
við vorum í Bólivíu leigðum við ára-
bát og rérum út á stærstu eyjuna á
Titicaca-vatninu sem er efsta sigl-
anlega stöðuvatn í heimi,“ segir hún.
„Það var mjög eftirminnilegt.“
Bólivíuævintýrið var hluti af sex
mánaða bakpokaferðalagi Sigríðar
og Tore Kvæven, um nokkur lönd
Afríku og Suður-Ameríku. Eftir að
hafa „þvælst um“ í Simbabwe og
Suður-Afríku á mótorhjóli í nokkrar
vikur flugu þau til Brasilíu, til Ríó de
Janeró þar sem þau gerðu stuttan
stans. „Við þurftum að hafa ákveð-
inn eyðsluramma sem var 2000
krónur á dag að meðaltali,“ út-
skýrir Sigríður. „Það átti
að dekka gistingu, mat
og ferðir fyrir utan flug-
ferðirnar. Í Ríó var hins
vegar allt rándýrt þannig
að við entumst þar í fjóra
daga og þá vorum við
líka búin að sjá
borgina.“
Frá Brasilíu
lá leiðin til
Bólivíu þar
sem þau
heim-
sóttu
m.a. námumannabæinn Potosi. Það
tók ferðalangana nokkurn tíma að
venjast loftslaginu enda var breyt-
ingin mikil frá því að hafa verið við
sjávarmál því Potosi er sögð vera
hæst liggjandi borg í heimi, 4090
metra yfir hafi. Í lok 19. aldar var hún
sú ríkasta og stærsta í Suður-
Ameríku. „Þegar Spánverjar námu
land í Bólivíu var mikið silfur tekið í
Potosi,“ segir Sigríður. „Námurnar
eru enn opnar en silfrið er löngu búið
og núna er tin numið þaðan. Við fór-
um inn í svona námur en áður þurft-
um við að kaupa ákveðnar gjafir
handa námumönnunum. Það voru
blöð cocaplöntunnar (sem kókaín er
unnið úr), sígarettur, sprengiefni og
spíri.“ Frá Potosi fóru þau til suðvest-
urhluta landsins sem einkennist af
mikilli auðn og
að mörgu leyti
minnti lands-
lagið
hana á Ísland. Það sem þó var ólíkt
voru heilu salteyðimerkurnar sem
stöfuðu af því að áður höfðu stór
stöðuvötn legið þar yfir og síðar guf-
að upp. Saltið varð svo eftir.
Neitaði að róa
Eftir að hafa dvalið í og ferðast um
nágrenni höfuðborgarinnar La Paz
var ferðinni heitið til Titicaca-
vatnsins. „Af einhverjum ástæðum
hefur mér alltaf þótt þetta vatn svo
heillandi,“ segir Sigríður en vatnið
liggur í 3.825 metra hæð. „Við gistum
á farfuglaheimili í litlum bæ sem heit-
ir Copacobana. Það var ekkert mál að
finna ódýra gistingu í Bólivíu og
tjaldið okkar, sem við notuðum mjög
mikið í Afríku, var bara einu sinni
tekið upp í Bólivíu. Það var einmitt
þegar við rérum frá Copacobana út í
Isla del Sol, sem er stærsta eyjan í
vatninu. Langflestir ganga út á tanga
sem liggur út í vatnið og leigja þaðan
bát með manni sem rær fyrir mann.
Tore vildi hins vegar endilega róa
sjálfur frá Copacobana, sem er mun
lengra en frá tanganum. Mér fannst
þetta mikil fásinna og sá fyrir mér að
við yrðum ár og daga í þessari för. Ég
sættist þó á það en neitaði róa. Þann-
ig að ég sat þarna í bátnum og hafði
það rosalega gott.“
Eftir bátsferðina tjölduðu þau á
eyjunni. „Hún er ákaflega falleg.
Hins vegar höfðum við ekki tekið með
okkur nægan mat enda hafði okkur
verið sagt að hann gætum við keypt í
eyjunni. Við komum alls staðar að
lokuðum dyrum þannig að á leiðinni
til baka stoppuðum við á fyrsta mögu-
lega stað og fengum okkur að borða.“
Sigríður segir þessa ferð ógleym-
anlega. „Að vera uppi í þessari svaka-
legu hæð með þetta tignarlega lands-
lag allt í kring var æðislegt,“ segir
hún. „Og sérstakt að vera komin á
þennan stað sem mig hafði alltaf
langað að koma til.“
Erfitt að hætta ferðalaginu
Eftir að hafa dvalið í Bólivíu fóru
þau Sigríður og Tore til Perú þar sem
þau skoðuðu sig um áður en flogið var
aftur á vit vestrænnar menningar.
Sigríður segir það hafa verið erfitt að
hætta ferðalaginu enda langaði hana
til að halda áfram til Ekvador og það-
an af lengra. Tíminn og peningarnir
hefðu þó ekki leyft það enda var hálft
ár að baki. „Það sem er skemmtileg-
ast við það að vera á svona bakpoka-
ferðalagi er að maður hittir svo margt
skemmtilegt fólk.“ Sigríður segir
ferðalagið í sjálfu sér ekki hafa kraf-
ist mikillar skipulagningar en þau
hafi þurft að spara fyrir því í svolítinn
tíma. Þetta hafi þau gert á sama tíma
og jafnaldrar þeirra voru kannski að
eignast sína fyrstu íbúð. Hún segist
þó ekki sjá eftir þeim tíma og pen-
ingum sem fóru í ferðalagið. „Þetta
var framandi og skemmtilegt. Maður
á bara eitt líf og verður að sjá eitt-
hvað á meðan það varir.“
EFTIRMINNILEG FERÐ|Bólivíuævintýri
Titicaca: Á Titicaca má sjá fjölda eyja sem fljóta á vatninu. Margar þeirra
eru byggðar og eru þessir strákofar híbýli þess fólks sem þar býr.
Sigríður: „Ég sat þarna í bátnum og hafði það rosalega gott,“ segir Sigríð-
ur um bátsferðina á Titicaca-vatninu en Tore sá alfarið um róðurinn. Þetta
var áður en maturinn kláraðist og hungrið fór að sverfa að.
Matarlaus á
efsta vatni heims
ben@mbl.is
Bláa lónið fær viðurkenningu
Spas.about.com hefur veitt heilsu-
lindinni Bláa lóninu Nice Touch-
viðurkenninguna. Heimsóttar voru
40 heilsulindir á árinu og fengu 10
þeirra viðurkenningu. Julie Reg-
ister, stofnandi og ritstjóri vefjarins,
kom þessari viðurkenningu á fót til
að vekja athygli á heilsulindum sem
bjóða gestum sínum eitthvað óvenju-
legt og framúrskarandi hvað varðar
meðferð, viðmót, þjónustu, staðsetn-
ingu eða aðstöðu. Viðskiptatímaritið
Forbes tilnefndi spas.about.com
besta ferðatengda vefinn árin 2000,
2001, 2002 og 2003.
Ferðaklúbbur eldri borgara
Sumarið 2004 hyggst Ferðaklúbb-
ur eldri borgara í samvinnu við Hóp-
ferðaþjónustu Reykjavíkur ehf. fara
að stað með nýjung í ferðalögum fyr-
ir eldri borgara. Mun klúbbur þessi
sérhæfa sig í ferðum fyrir eldri
borgara og fatlaða.
Hópferðaþjónusta Reykjavíkur
ehf. hefur meðal annars yfir að ráða
sérútbúinni hópbifreið fyrir ein-
staklinga sem eru í hjólastól.
Í byrjun júní verður boðið upp á
ferð til Færeyja með Norrænu og
dagana 21.–28 júní verður farið um
Norðausturland. Þá stendur til boða
ferð um Norðurland dagana 4.–8.
júlí. Frá 15.–19. júlí verður farið frá
Reykjavík og m.a. um Sprengisand,
farið í Eyjafjörð, til Húsavíkur, í
Mývatnssveit, Herðubreiðarlindir
og Vaglaskóg, til Akureyrar og
Blönduóss. Einnig verður boðið upp
á dagsferðir.
Gamalt hótel með sál
Skovshoved-hótel stendur við
Strandvejen í um 7 km fjarlægð frá
miðborg Kaupmannahafnar. Hótelið
á sér langa sögu og hefur boðið upp
á gistingu í 350 ár en síðastliðið vor
tóku nýir eigendur við því og gerðu
það upp. Þeir halda því fram að hót-
elið sé upplagður gististaður jafnt
fyrir brúðhjón, kröfuharða ferða-
menn. Á hótelinu eru 22 herbergi
innréttuð í skandinavískum stíl með
útsýni yfir Eyrarsund. Í hverju
þeirra er þráðlaus nettenging, sjón-
varp og myndbandstæki.
Þorraganga í miðborginni
Menningarfylgd Birnu ehf. bíður
nú fólki að fagna þorra með rísandi
sól í miðborg Reykjavíkur. Gengið
er um Heiðnahverfið þar sem spjall-
að er um það sem fyrir augu og eyru
ber. Lagt er upp frá Skólavörðuholti
og í göngulok verður boðið upp á
þorramat. Tvær þorragöngur eru í
viku: Föstudaga kl. 17.30 og laug-
ardaga kl. 17. Ferðin í heild tekur
tvo klukkutíma. Gangan kostar 4.500
krónur og þarf að panta fyrirfram.
VÍTT OG BREITT
Skovshoved hotel
Strandvejen 267
2920 Charlottenlund
Danmark
Sími: 0045 3964 0028
www.skovshovedhotel.dk
Ferðaklúbbur eldri borgara.
Skráning í ferðirnar er hafin í
síma 892 3011 hjá Hannesi Há-
konarsyni.
Nánari upplýsingar um þorra-
gönguna er að finna á: veffang-
inu: www.birna.is.
Netfang: birna@birna.is, gsm:
862 8031.
www.spas.about.com
NÝ ferðaskrifstofa, sem starfamun að sölu- og kynning-armálum fyrir Smyril Line á
Íslandi, verður formlega opnuð í dag,
laugardag, í Sætúni 8 í Reykjavík.
Nafn hennar Norræna ferðaskrif-
stofan – Smyril Line Ísland er í sam-
ræmi við nafn hinna söluskrifstof-
anna sem höfuðstöðvar Smyril Line í
Færeyjum reka bæði í Noregi og
Danmörku.
Að sögn Jónasar Hallgrímssonar,
framkvæmdastjóra Austfars og
stjórnarformanns Smyril Line, hefur söluumboð Smyril Line undanfarin
tvö ár verið í höndum ferðaskrifstof-
unnar Terra Nova og þar áður var
Norræna ferðaskrifstofan rekin í
nokkur ár á Laugavegi 3.
Í nýjum ferðabæklingi, sem kynnt-
ur verður á næstu dögum, kemur
fram að fjögurra manna fjölskylda
getur ferðast frá Seyðisfirði til
Hanstholm í Danmörku og aftur til
baka með bíl í farteskinu fyrir 27.650
kr. á mann á veturna í fjögurra
manna klefa með salerni og sturtu.
Sams konar pakki myndi kosta 34.890
kr. á mann vor og haust, en í júlí er
verðið komið í 58 þúsund kr. á mann-
inn. Auk ferðanna með Norrænu er
bókunar- og tryggingagjald innifalið.
Vikulega á Seyðisfirði
Sú nýbreytni varð í janúarbyrjun
að Ísland bættist í hóp þeirra áfanga-
staða sem ferjan siglir til yfir vetr-
artímann og mun skipið framvegis
hafa vikulega viðkomu á Seyðisfirði
árið um kring. Það er bylting frá því
sem var þegar gamla Norræna hafði
aðeins viðkomu hér yfir sumartím-
ann. „Segja má að vetrarferðirnar
séu liður í að auka þjónustu Smyril
Line á Norður-Atlantshafi. Mögu-
leikar opnast þar með yfir vetrartím-
ann fyrir ferðamenn og ekki má svo
gleyma þeim möguleikum, sem skap-
ast fyrir fyrirtæki, sem vilja koma
vörum sínum, á markað í Evrópu á
fljótan og þægilegan máta. Það er
hægt á tveimur sólarhringum.
Nýja Norrænan var tekin í notkun
í apríl 2003 og er rúntur Norrænu ei-
lítið mismunandi eftir því hvort um
sumar eða vetur er að ræða. Vonir
standa til að um 20. mars verði búið
að gera við skemmdir á ferjunni sem
urðu þegar skipið rakst á hafnarkant
í Færeyjum í fyrstu vetrarferð sinni
frá Íslandi. Áfangastaðir eru ávallt
þeir sömu, en siglingamynstrið er
annað yfir vetrartímann en sum-
artímann. Þá mun félagið einnig
bjóða upp á beinar siglingar milli
Hanstholm og Bergen og síðan þaðan
til Leirvíkur, Þórshafnar og Seyð-
isfjarðar og sömu leið til baka.
Fólk, bílar eða vörur
Norræna tekur 1.480 farþega, 700–
800 bíla eða allt að 119 vöruvagna,
sem samsvara 40 feta gámum, sem
hægt er að koma fyrir í vörurými.
Bókanir fyrir komandi sumar eru síst
minni nú en endranær og eru for-
svarsmenn fyrirtækisins því hæfilega
bjartsýnir fyrir komandi ferðavertíð,
en að sögn Jónasar hafa fargjöld ekki
hækkað milli ára. Auk skipareksturs-
ins, rekur Smyril Line Hótel Fær-
eyjar í Þórshöfn auk nýlegs farfugla-
heimilis, en Jónas segir að
skipareksturinn sé að sjálfsögðu for-
senda hótelrekstursins.
Nýja skrifstofan í Reykjavík, Nor-
ræna ferðaskrifstofan, er í 49% eigu
Smyril Line, 49% í eigu Austfars ehf.
á Seyðisfirði og í 2% eigu Jónasar
Hallgrímssonar, framkvæmdastjóra
Austfars og stjórnarformanns Smyril
Line.
SIGLINGAR| Með Norrænu til Íslands árið um kring
Ný söluskrifstofa opnuð
TENGLAR
..............................................
smyril-line@smyril-line.is
Norræna: Mun vikulega hafa við-
komu á Seyðisfirði, allt árið.
Morgunblaðið/Pétur Kristjánsson