Morgunblaðið - 31.01.2004, Blaðsíða 21
ERLENT
MORGUNBLAÐIÐ LAUGARDAGUR 31. JANÚAR 2004 21
Opið mán.-fim. frá kl. 9–18, fös. frá kl. 9-17
Ármúla 1, sími 588 2030 – fax 588 2033
Húseignin er 755 fm á 2 hektara eignarlandi ásamt 88 fm hesthúsi. Í hús-
inu eru 5 fullbúnar íbúðir og auk þess er sérálma með 6 herbergjum og 3
baðherbergjum og eldhúsi. Eignin hefur nýlega verið mikið endunýjuð og
er í góðu ásigkomulagi. Þar er í dag starfrækt útleiga íbúða og herbergja.
Gott hesthús er á lóðinni með gerði. Hentugt fyrir gistiheimili, stofnanir,
stórfjölskyldur og hestafólk. Rólegt umhverfi - glæsilegt útsýni.
Ýmis eignaskipti koma til greina
FITJAR - KJALARNESI
SKIPTU VIÐ FAGMENN – ÞAÐ BORGAR SIG
TALSMENN Bandaríkjastjórnar
eru nú í fyrsta sinn farnir að við-
urkenna, að leyniþjónustuupplýsing-
ar um Írak hafi hugsanlega verið
rangar. Hingað til hefur George W.
Bush forseti haldið því fram, að ger-
eyðingarvopnin, meginástæðan fyrir
innrásinni í Írak, myndu finnast.
Condoleezza Rice, ráðgjafi Bush í
þjóðaröryggismálum, hefur viður-
kennt í nokkrum viðtölum, að hugs-
anlega hafi upplýsingar leyniþjón-
ustustofnana um hættuna af íröskum
gereyðingarvopnum verið gallaðar.
Hefur hvorki fundist af þeim tangur
né tetur í þá níu mánuði, sem liðnir
eru frá því Bagdad féll Bandaríkja-
mönnum í hendur.
David Kay, yfirmaður vopnaleitar
Bandaríkjamanna í Írak, sagði af sér
í síðustu viku og lýsti þá yfir, að hann
teldi engin gereyðingarvopn að finna
í landinu. Hvatti hann jafnframt til
óháðrar rannsóknar á starfsháttum
leyniþjónustustofnananna.
Fréttaskýrendur í Washington
segja, að játningar Rice og málið allt
sé afar erfitt fyrir Bush og stjórn
hans en eftir yfirlýsingar Kays hafi
ekki lengur verið stætt á því að halda
því fram, að gereyðingarvopnin
myndu finnast.
Rice réttlætti samt innrásina í
Írak og sagði, að Saddam Hussein
hefði verið „vaxandi ógn“.
McCain vill óháða rannsókn
Rice vísaði á bug tillögu Kays um
óháða rannsókn á Íraksmálinu og
ljóst þykir, að Bush-stjórnin muni
gera hvað hún getur til að koma í veg
fyrir hana. Segir hún, að enn sé verið
að leita að gereyðingarvopnum í Írak
og auk þess hafi bandaríska leyni-
þjónustan, CIA, hafið sína eigin
rannsókn á málinu.
Þingmenn demókrata krefjast
óháðrar rannsóknar og nú hefur sá
kunni repúblikani og öldungadeild-
arþingmaður John McCain tekið
undir það. Segir hann, að óháð rann-
sókn á þessu alvarlega máli sé nauð-
synleg til að landsmenn fái að vita
hvað gerðist og til að þeir verði ekki
mataðir á röngum upplýsingum í
annað sinn.
Leyniþjónustuupplýsingar
hugsanlega rangar
Ekki lengur fullyrt að gereyðingarvopn muni fyrr eða síðar finnast í Írak
Washington. AP, AFP.
ÚTFÖR þeirra 10 manna, sem létu
lífið í sjálfsmorðsárás Palestínu-
manna í Jerúsalem í fyrradag, var
gerð í gær. Meðal þeirra var ungur
maður, Baruch Hondiashvili, og
hér er Ruthy, móðir hans, og aðrir
ættingjar yfirkomin af sorg. Ísrael-
ar réðust í gær inn í Betlehem og
sprengdu upp hús árásarmannsins.
Reuters
Móðirin yfirkomin af harmi
FIDEL Castro, forseti Kúbu, sakaði
í gær George W. Bush Bandaríkja-
forseta um að hafa lagt á ráðin um að
drepa hann.
Sagðist hann
reiðubúinn að
falla með vopn í
hönd reyndu
Bandaríkjamenn
að ráðast á Kúbu.
Kom þetta
fram á fundi, sem
andstæðingar
FTAA, Fríversl-
unarbandalags
Ameríkuríkja, efndu til í Havana.
„Við vitum, að Bush samdi um það
við mafíuna í Kúbversk-bandarísku
stofnuninni, að ég yrði drepinn. Ég
veit það og ber þær sakir á hann,“
sagði Castro en um 1.000 manns frá
32 ríkjum sóttu fundinn.
Talaði Castro stanslaust í fimm
klukkustundir og aðallega um
„stríðsæsingar“ Bandaríkjamanna.
Var ræðu hans fagnað með dúndr-
andi lófaklappi.
Segir
Bush vilja
sig feigan
Havana. AFP.
Fidel Castro
FRANSKUR dómstóll dæmdi í gær
Alain Juppe, fyrrverandi forsætis-
ráðherra og leiðtoga Lýðfylkingar-
innar, UMP,
flokks Jacques
Chiracs forseta, í
skilorðbundið
fangelsi í hálft
annað ár fyrir
brot á lögum um
fjármögnun
stjórnmálaflokka.
Juppe var
fundinn sekur um
að hafa tekið við
ólöglegum framlögum þegar Chirac
var borgarstjóri í París og Juppe
sjálfur sá um fjármál borgarinnar.
Dómnum fylgir, að Juppe er bannað
að gegna opinberu embætti en hann
áfrýjaði strax og getur því enn um
hríð að minnsta kosti gegnt starfi
sínu sem borgarstjóri í Bordeaux.
Dómurinn hefur hins vegar þær af-
leiðingar fyrir Juppe, að hann er nú í
eins konar pólitísku tómarúmi og
metnaðarfullir draumar hans um að
taka við af Jacques Chirac sem for-
seti Frakklands árið 2007 eru nú í
uppnámi.
Juppe fund-
inn sekur
París. AFP.
Alain Juppe
BÓK sem sögð er sú fyrsta sem
skrifuð er eingöngu með slangur-
yrðum sem algeng eru í smáskila-
boðum, eða sms, sem send eru milli
farsíma (gemsa), er nýkomin út í
Frakklandi. Fjallar hún um hættur
reykinga og er ætluð unglingum.
Segir höfundurinn að þótt unn-
endur frönskunnar verði ef til vill
ekki ánægðir með bókina geti hún
gegnt mikilvægu samfélags-
hlutverki, auk þess að vera af-
þreying. Það eru einkum krakkar á
aldrinum 12–15 ára sem nota sms,
og hjá þeim hefur orðið til sam-
þjappað og flókið ritmál sem miðar
að því að koma sem mestu til skila
með sem fæstum bókstöfum. Fyrir
þá sem ekki eru vel að sér í þessu
nýja mál fylgir bókinni orðasafn.
Bók á
sms-máli
París. AFP.
ÍSRAELSKI sagnfræðingurinn
Benny Morris hefur aukið og end-
urbætt kunna bók sína um upphaf
Palestínuvandamálsins og kemur
þar fram, að Ísraelar frömdu fleiri
hryðjuverk og fjöldamorð á Palest-
ínumönnum í sjálfstæðisstríðinu
1948 en áður var vitað. Segir hann,
að arabar eða Palestínumenn hafi
einnig átt meiri þátt í flóttamanna-
vandanum en talið var.
Nýja útgáfan, sem Cambridge
University Press gefur út, er 640
blaðsíður í stað 380 áður en fyrri
bókin kom út 1988. Byggist endur-
skoðunin á því, sem fram kemur í
skjalasafni Haganah, neðanjarðar-
hreyfingar gyðinga, en hún var und-
anfari ísraelska hersins. Var leynd á
þessum skjölum aflétt fyrir nokkru.
Morris segir, að Ísraelar hafi rek-
ið Palestínumenn frá miklu fleiri
þorpum en áður var talið og „fjölda-
morð og grimmdarverk“ Ísraela ver-
ið fleiri en komið hefur fram.
„Þetta þýðir einfaldlega, að hlutur
gyðinga í flóttamannavandamálinu
var meiri en fram kemur í fyrri bók-
inni,“ segir Morris en bendir jafn-
framt á, að algengt hafi verið, að Pal-
estínumenn sjálfir hafi sent burt
konur, börn og gamalt fólk og stund-
um skipað fyrir um allsherjarflótta
frá þorpunum.
Í bókinni virðist Morris reyna að
draga úr neikvæðum áhrifum þess-
ara nýju upplýsinga og segir, að
grimmdarverkin hafi verið „smá-
ræði“ miðað við ofbeldið og morðin í
þjóðaátökum eins og þeim á Balk-
anskaga. Segir hann, að færri en 800
óbreyttir Palestínumenn og fangar
hafi verið drepnir og fjöldamorðin
verið á bilinu 20 til 30. Hafi fimm til
100 manns verið skotnir í einu.
Ísraelar frömdu fleiri
fjöldamorð en talið var
Ísraelskur sagnfræðingur hefur endurskoðað kunna
bók sína um upphaf Palestínuvandamálsins
Jerúsalem. AFP.