Morgunblaðið - 31.01.2004, Síða 72

Morgunblaðið/Ásdís
Björgólfur Thor Björgólfsson hefur ásamt hópi fjárfesta eignast 65%
hlut í BTC. Árleg velta fyrirtækisins er áætluð nærri 46 milljarðar.
Kaupa 65% hlut á
24 milljarða króna
CARRERA, félag í meirihlutaeigu
Björgólfs Thors Björgólfssonar, og
fjárfestingarfélagið Advent Int-
ernational fara fyrir hópi fjárfesta
sem hafa náð samkomulagi um
kaup á 65% hlut í Bulgarian Tele-
communication Company, BTC, af
búlgarska ríkinu, samkvæmt
fréttatilkynningu frá Björgólfi
Thor. Stefnt er að undirritun
samnings hinn 20. febrúar nk.
Kaupverð 65% hlutar í BTC er
samtals um 24 milljarðar íslenskra
króna.
Fyrir utan Carrera og Advent
International eru Þróunarbanki
Evrópu, National Bank of Greece
og Swiss Life ásamt fjórum öðrum
meðal fjárfesta. Björgólfur Thor á
meirihluta í Carrera en þar eiga
einnig hlut nokkrir íslenskir fjár-
festar, þar á meðal Straumur, Sím-
inn og Burðarás.
BTC er öflugasta símafélag
Búlgaríu með grunnnet sem nær
til allra landsmanna. Árstekjur
fyrirtækisins eru nærri 46 millj-
arðar króna og starfa 24.800
manns hjá því. Markmið fjárfesta
er að BTC verði leiðandi í fjar-
skiptum í Suðaustur-Evrópu og að
félagið verði rekið samkvæmt vest-
rænum kröfum. Sérstök áhersla
verður lögð á að nýta þekkingu og
reynslu Íslendinga á sviði fjar-
skipta í verkefninu og er þátttaka
Símans mikilvægur þáttur í þeirri
viðleitni.
Félag í eigu Björgólfs Thors og fleiri eru að ganga
frá kaupum á meirihluta búlgarska landssímans
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 LAUGARDAGUR 31. JANÚAR 2004 VERÐ Í LAUSASÖLU 190 KR. MEÐ VSK.
ÓLAFUR Sveinn Jóhannesson elst-
ur fjögurra barna Kristínar Ólafs-
dóttur frá Tálknafirði, sem lést ný-
verið langt fyrir aldur fram úr
heilablóðfalli, hefur
tekið að sér for-
eldrahlutverkið eft-
ir fráfall móð-
urinnar en faðir
þeirra Stefán Jó-
hannes Sigurðsson
er einnig látinn, lést
í slysi fyrir fimm ár-
um. Ólafur er raf-
eindavirki og raf-
virki að mennt og
bjó í Reykjavík
ásamt konu sinni en
þau fluttust nýverið
til Tálknafjarðar til
að annast fjölskyld-
una. Tók Ólafur við
starfi móður sinnar
við Íþróttamiðstöð
Tálknafjarðar og
bíður ákvörðunar
barnaverndaryfirvalda varðandi
formlegt forræði yfir systkinum
sínum.
Ólafur er 24 ára og næstur kem-
ur bróðir hans Árni Grétar 21 árs
og síðan Eydís Huld 16 ára og
yngstur er Gunnar Smári 12 ára.
Öll búa nú á Tálknafirði nema Árni
Grétar sem er í námi í Reykjavík.
Ólafur segir íbúa á Tálknafirði
hafa sýnt þeim systkinum mikinn
stuðning eftir móðurmissinn og
þau hafi verið fljót að komast aftur
inn í hversdagslífið. „Þau fengu að
hitta móður sína á gjörgæsludeild-
inni og áttu þar sína kveðjustund
með henni,“ segir Ólaf-
ur.
„Það gaf þeim virki-
lega mikið að ég skyldi
taka þá ákvörðun að
gefa líffæri hennar, ann-
ars vegar konu sem lá á
banabeði í Danmörku
og beið eftir hjarta, og
sömuleiðis annarri konu
sem beið eftir nýrum.
Það var yndislegt að
geta bjargað manns-
lífum með líkama henn-
ar og systkini mín voru
virkilega þroskuð og
skildu málin vel.“
Foreldrar barnanna
fluttu til Tálknafjarðar
árið 1978 í upphafi þess
tíma sem Ólafur kallar
gullaldartíma bæjarins
sem stóð til 1983. „Þá var gífurleg
þensla hér á Tálknafirði og for-
eldrar okkar tóku mikinn þátt í
uppbyggingunni. Móðir mín var
verkalýðsforingi í 12 ár og var í
hreppsnefnd í 8 ár og pabbi var for-
maður Ungmennafélagsins og hér-
aðssambandsins í mörg ár. Miss-
irinn er því ekki eingöngu mikill
fyrir okkur heldur einnig fyrir
sveitarfélagið.“
Ólafur ólst upp með systkinum
sínum til 16 ára aldurs, eða allt þar
til hann fluttist að heiman og fór í
nám, en er nú kominn aftur á
heimaslóðir til að sinna Eydísi og
Gunnari Smára. „Þau eru dugleg
og klár þannig að ég get lítið kennt
þeim sem móðir mín er ekki þegar
búin að gera. Ég lít frekar á mig
sem leiðbeinanda og reyni að vera
til staðar og svara flestum spurn-
ingum og svo vinnum við úr hlut-
unum í sameiningu.
Mikið áfall
Maður verður að vera á heim-
ilinu og sýna ábyrgð og átta sig á
því að ekki þýðir að fara út hvenær
sem manni sýnist ætli maður að
sinna foreldrahlutverkinu af kost-
gæfni. Annars voru börnin fljót að
fara aftur í skólann enda kunna
þau vel við sig þar. Auk þess eru
þau á kafi í íþróttum og vilja vera á
fullu í þeim áfram. Eydís er mikil
frjálsíþróttadrottning og spilar
körfubolta og fótbolta. Gunnar er
mikið í skák og fótbolta, þannig að
þau halda sínu striki. Sömu sögu er
að segja um Árna Grétar sem fór
aftur til náms. Hlutirnir eru svip-
aðir og þeir voru, nema hvað hún
mamma er ekki lengur til staðar.
Móðurmissirinn var gífurlegt
áfall en það er ekkert sem við get-
um gert til að stöðva hlutina, held-
ur verðum við að reyna að takast á
við lífið og gera það besta úr því.
Það var auðvitað sárt að missa
móður sína, en okkur er ætlað að
ganga ákveðinn veg í þessu lífi og
hún var komin á leiðarenda á sín-
um vegi. Hún var búin að koma
mörgum góðum hlutum í verk og
það er gott að geta minnst hennar á
þann hátt.“
Kristín heitin var heilsuhraust
alla sína tíð og hafði aldrei lagst
inn á sjúkrahús utan einu sinni og
þegar hún fæddi börn sín. Ólafur
segir heilablóðfallið hafa komið
eins og þruma úr heiðskíru lofti og
öllum að óvörum. „Það bjóst eng-
inn við þessu en slíkt getur hent
hvern sem er.“
Ólafur segir að fyrir kaldhæðni
örlaganna hafi móðir þeirra sagt
upp líftryggingu sinni í september
og af þeim sökum hafi söfn-
unarreikningur fyrir börnin verið
stofnaður eftir andlátið. Reiknings-
númerið er á nafni Ólafs og er:
1118-18-645050, kennitala 300979-
4329.
Ólafur Sveinn Jóhannesson gengur systkinum sínum í foreldrastað eftir missi beggja foreldra
„Vinnum úr
hlutunum í
sameiningu“
Morgunblaðið/Finnur
Við Túngötu á Tálknafirði búa saman þrjú systkinanna, þau Eydís Hulda, Gunnar Smári og Ólafur Sveinn.
Árni Grétar er næst-
elstur systkinanna og
stundar nám í MS en er
á Tálknafirði á sumrin.
MIKIL kynjaskipting virðist vera á því
hvernig einstaka heimilisverkum er dreift á
milli karla og kvenna á íslenskum heimilum
ef marka má niðurstöður viðhorfskönnunar
á jafnrétti í samfélaginu sem kynnt var á
málþingi um jafnréttismál í gær.
Voru þátttakendur m.a. spurðir hvernig
ábyrgð á einstaka heimilisverkum hefði ver-
ið skipt á milli kynjanna á síðastliðnum sex
mánuðum.
Í ljós kom að 78% kvenna segjast oftast
hafa verið ábyrg fyrir því að sjá um þvottinn
en 8% karla.
68% kvenna segjast oftast hafa verið
ábyrg fyrir eldamennskunni en 16% karla.
62% kvenna segjast oftast hafa verið
ábyrg fyrir þrifum á heimilinu en 11% karla.
51% kvenna segist oftast hafa verið
ábyrgt fyrir innkaupunum en 16% karla.
47% kvenna segjast oftast hafa verið
ábyrg fyrir uppvaskinu en 22% karla.
Dæmið snýst svo við þegar kemur að við-
haldi ökutækja og annarri viðhalds- eða
smíðavinnu, en 81% karla segist hafa oftast
borið ábyrgð á því en 14% kvenna.
Þá kom í ljós að 45% svarenda telja
ábyrgð á umönnun og eftirliti barna
skiptast jafnt á milli maka. Marktækur
munur er á viðhorfum kynjanna hvað þetta
varðar, þar sem helmingur kvenna telur sig
bera meiri ábyrgð á þessu sviði, en aðeins
6% karla.
78% kvenna og
8% karla segjast
sjá um þvottinn
 27% telja konur/6
TALSVERÐAR líkur eru á að
knattspyrnulandslið Ítala komi
hingað til lands og leiki við íslenska
landsliðið á Laugardalsvelli 18.
ágúst. Eggert Magnússon, formað-
ur KSÍ, hefur rætt við forystu-
menn ítalska sambandsins og mun
hitta þá aftur í næstu viku. Í gær
var tilkynnt að íslenska landsliðið
tæki þátt í þriggja landa móti í
Manchester. Fyrst verður leikið
við Japan 30. maí og síðan við Eng-
land 5. júní. Íslenska liðið verður í
æfingabúðum við Manchester í tíu
daga fyrir og milli leikja.
Reuters
Ítalinn Christian Vieri fagnar
marki fyrir Ítalíu.
Ítalir koma
líklega
 Við erum í/60