Morgunblaðið - 23.05.2004, Blaðsíða 2

FRÉTTIR
2 SUNNUDAGUR 23. MAÍ 2004 MORGUNBLAÐIÐ
Y f i r l i t
Í dag
Skissa 6 Bréf 58
Sigmund 8 Myndasögur 58
Ummælin 11 Þjónusta 59
Listir 31/39 Dagbók 60/61
Af listum 38 Leikhús 64
Forystugrein 36 Hugvekja 63
Reykjavíkurbréf 32 Fólk 66/69
Minningar 40/44 Bíó 58/69
Skoðun 45/47 Sjónvarp 70
Umræðan 48/55 Veður 71
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Ólafur Stephensen, aðstoðarritstjóri, olafur@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Listir menning@mbl.is Orri Páll Ormarsson, ritstjórnarfulltrúi,
orri@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkjustarf Ellý H. Gunnarsdóttir, elly@mbl.is Íþróttir
sport@mbl.is Sigmundur Ó. Steinarsson, fréttastjóri, sos@mbl.is Fólk í fréttum Skarphéðinn Guðmundsson, skarpi@mbl.is Útvarp|Sjónvarp Andrea Guðmundsdóttir, andrea@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
SJÓMÆLINGABÁTUR Landhelg-
isgæslunnar, Baldur, náði skýrum
myndum með fjölgeislamæli af olíu-
skipinu El Grillo sem liggur á 50
metra dýpi utan við bryggjurnar á
Seyðisfirði. Baldur er nú kominn á
Austfjarðasvæðið annað árið í röð til
að ljúka við dýptarmælingar á haf-
svæðinu frá Glettinganesi að Hlöðu
vegna endurútgáfu á sjókorti sem
nær yfir firðina og hafsvæðið austur
af þeim.
Þegar báturinn kom við á Seyð-
isfirði í vikunni var rennt yfir flakið
af El Grillo og var fjölgeislamælirinn
látinn ganga og náðust myndir af
flakinu á botni fjarðarins. Sam-
kvæmt upplýsingum frá Landhelg-
isgæslunni var þetta í fyrsta skipti í
þrettán ár sem Baldur vitjaði heima-
haganna en skipið var smíðað í Vél-
smiðju Seyðisfjarðar á árunum
Áætlað er að ljúka dýptarmælingun-
um síðsumars en þá tekur við úr-
vinnsla mælingagagna og síðan end-
urútgáfa kortsins á næsta ári.
El Grillo myndaður á
botni Seyðisfjarðar
HAFRANNSÓKNASTOFNUN hyggst kynna
bráðabirgðaniðurstöður úr hvalarannsóknum frá
síðasta ári á ársfundi Alþjóðahvalveiðiráðsins í
júlí í sumar. Gísli Víkingsson, hvalasérfræðingur
stofnunarinnar, segir að reyndar telji stofnunin
ekki rétt að kynna útkomuna frá því síðastliðið
haust mikið, þar sem rannsóknin þá hafi náð til
svo takmarkaðs hluta verkefnisins.
Þó hefur niðurstaða á innihaldi eiturefna og
þungmálma eins og PCB, dísoxíni og kvikasilfri
verið kynnt, en hún sýndi fram á að innihald
þessara efna væri vel undir þeim mörkum sem
talin eru hættuleg heilsu fólks. Jafnframt kom
fram að innihald þessara efna var mun minna en
í hrefnu við Noreg.
Gísli segir að rannsóknaráætlunin miðist við að
200 dýr séu veidd og að veiðin dreifist á ákveðna
árstíma. Því sé lítið að byggja á veiði á 36 dýrum
að hausti til. Veiða þurfi mun fleiri dýr og dreifa
veiðinni yfir tímabilið frá vori til hausts. Sam-
kvæmt rannsóknaáætluninni hefur verið ákveðið
að auka talningu. Til þess hefur hrefnan fyrst og
fremst verið talin á sumrin, en nú verður hún tal-
in að vori, sumri og hausti og þær upplýsingar
síðan teknar inn í aðrar rannsóknir. Því var farið
í talningu í lok apríl og segir Gísli að lítið hafi
sézt af hrefnu, eins og við hefði verið búizt því
hrefnan byrji ekki að ganga upp að landinu fyrr
en í maí.
Sáu mikið af langreyði í leiðangri
„Við sáum aðeins um 10% af því sem við höfum
séð í sumartalningunni. Hins vegar sáum við
mikið af öðrum hvölum, til dæmis langreyði sem
virðist því vera fyrr á ferðinni en áður var talið,“
segir Gísli.
Gísli segir að honum sé ekki kunnugt um að
veiðar í sumar hafi verið ákveðnar. Það sé gert í
sjávarútvegsráðuneytinu og þaðan hafi engar
fregnir borizt. „Við erum hins vegar tilbúnir,
þegar kallið kemur,“ segir Gísli Víkingsson.
„Tilbúnir þegar kallið kemur“
Hafrannsóknastofnun hefur enn ekki fengið fyrirmæli um hrefnuveiðar í sumar
Morgunblaðið/Jenný Jensdóttir
MINJAGARÐUR í landi hins forna
höfuðbóls Hofsstaða í Garðabæ var
opnaður við hátíðlega athöfn á
föstudag. Í garðinum eru varð-
veittar merkar minjar frá land-
námsöld, og er nú búið að koma fyr-
ir margmiðlunarefni sem lýsir lífi
fólksins sem bjó á Hofsstöðum á
fyrri tíð.
Að sögn Guðfinnu B. Kristjáns-
dóttur, upplýsingastjóra Garða-
bæjar, hefur hugmyndin að minja-
garðinum verið í þróun undanfarin
ár, en minjarnar fundust árið 1994.
„Fyrst og fremst þurfti að ganga
tryggilega frá minjunum svo þær
skemmdust ekki, og í kjölfarið var
farið í hugmyndavinnu um hvað
gera mætti hér á svæðinu. Loks var
ákveðið að hafa margmiðlunarefni
aðgengilegt utandyra eins og nú
má sjá. Þannig má skoða minjarnar
og fræðast um leið. Svæðið er því
öllum opið sem vilja koma og kynna
sér sögu staðarins,“ sagði Guðfinna
í samtali við Morgunblaðið.
Laufey Jóhannsdóttir, forseti
bæjarstjórnar Garðabæjar, sagði
frá tilurð garðsins við athöfnina, og
menntamálaráðherra, Þorgerður
Katrín Gunnarsdóttir, setti marg-
miðlunarefnið formlega af stað. Að
vígslu lokinni var boðið upp á veit-
ingar í anda landnámsmanna, og
víkingaklætt fólk bar fram trog
með ýmsu góðgæti.
Morgunblaðið/Golli
Boðið var upp á krásir að hætti víkinga við vígslu Minjagarðsins á Hofsstöðum.
Miðaldastemning í minjagarði
BÚIÐ var að ræða fjölmiðla-
frumvarpið í 80 klukkustundir
á Alþingi í gærmorgun. Hefur
ekkert mál fengið jafnmikla
umfjöllun á Alþingi frá árinu
1991 að undanskildum um-
ræðum um Evrópska efnahags-
svæðið 1992–1993. Það þingmál
var rætt í 100 klukkustundir og
36 mínútur. Þá stóðu umræður
um sveitarstjórnarlög 1997–
1998 í tæpar 74 klukkustundir
og um gagnagrunn á heilbrigð-
issviði 1998–1999 í tæpar 53
klukkustundir.
Þingfundur, þar sem fjöl-
miðlafrumvarpið var rætt, stóð
yfir til klukkan fjögur í fyrri-
nótt og eyddu stjórnarliðar síð-
ustu klukkustundunum til að
ræða fundarstjórn forseta Al-
þingis.
Gert var ráð fyrir að þriðju
umræðu lyki í gærdag og var
fjölmiðlafrumvarpið eina þing-
málið á dagskrá. Enginn þing-
fundur er í dag og er gert ráð
fyrir að lokaatkvæðagreiðsla
um frumvarpið fari fram á
morgun, mánudag.
Fjölmiðlafrumvarpið
Umræða
staðið
yfir í 80
klukku-
stundir
SÁ einstaklingur sem þáði hæstu
þóknunina fyrir nefndarsetu á veg-
um ríkisins árin 2001–2003 fékk
rúmar 9,5 milljónir króna. Sá sat í
sjö nefndum á þessu tímabili. Sá
sem fékk næsthæstu þóknunina
fékk rúmlega 7 milljónir króna fyrir
setu í fimm nefndum og einn fékk
5,8 milljónir fyrir setu í tveimur
nefndum. Hinir sjö einstaklingarnir
þáðu á bilinu 4,5–3,3 milljónir króna
fyrir sína nefndarsetu.
4.496 störfuðu í nefndum
Þetta kemur fram í svari Davíðs
Oddssonar forsætisráðherra við fyr-
irspurn Jóhönnu Sigurðardóttur um
nefndir, ráð og stjórnir á vegum rík-
isins, sem dreift var á Alþingi í gær.
Á árunum 2001–2003 störfuðu
4.496 manns í verkefnanefndum á
vegum ráðuneyta, þar af 2.897 karl-
ar og 1.599 konur. Opinberir starfs-
menn úr hópi nefndarmanna voru
alls 2.126. Aðeins eru taldir upp
nefndarmenn almennra nefnda. Alls
sátu 706 manns í fleiri en einni
nefnd á umræddu tímabili, þar af
176 í fleiri en þremur nefndum.
Einn einstaklingur sat í 21 nefnd
þessi ár.
Alls fengu 1.185 nefndarmenn
greidda nefndarþóknun samkvæmt
úrskurði þóknananefndar þessi ár.
Nefndarmenn er fengu laun, sem
ekki tóku mið af ákvörðun þeirrar
nefndar, voru 108.
Hæstu heildarþóknunina greiddi
heilbrigðis- og tryggingamálaráðu-
neytið tæpar 90 milljónir á árunum
2001–2003. Þó er tekið fram í
svarinu að upplýsingar um ákvörðun
nefndarlauna hjá því ráðuneyti eru
ekki fyrirliggjandi. Næsthæstu
þóknunina greiðir landbúnaðarráðu-
neytið, tæpar 42 milljónir króna.
Þáði tæpar 10 millj-
ónir fyrir nefndarsetu
NÓG AF NOTUÐUM BÍLUM
Mikið framboð er af notuðum bíl-
um með ríflegum afslætti og keppast
bílaumboðin og bílasölur um að aug-
lýsa bíla á niðursettu verði. Segja
menn að það stafi af góðri sölu á nýj-
um bílum að undanförnu og þeirri
staðreynd að æ fleiri einstaklingar
velji að flytja inn nýja og notaða bíla
milliliðalaust frá Evrópu og Banda-
ríkjunum með aðstoð Netsins.
Banna lausagöngu búfjár
Sveitarstjórn Mýrdalshrepps hef-
ur bannað lausagöngu búfjár við
þjóðveg númer eitt. Er með þessu
verið að efna samkomulag sem gert
var við Vegagerð ríkisins en það felur
í sér að hún sjái um viðhald girðing-
anna en á móti tekur sveitarfélagið
að sér að koma búfé sem sleppur inn
fyrir girðinguna burtu aftur.
Brýtur ekki siðareglur HÍ
Siðanefnd Háskóla Íslands hefur
sent frá sér álitsgerð um kæru vegna
vefsetursins Kvennaslóða frá dr. Jó-
hanni M. Haukssyni stjórnmálafræð-
ingi en á vefsetrinu er að finna upp-
lýsingar um konur sem unnið hafa
rannsóknir í HÍ og verkefni þeirra.
Helsta niðurstaða siðanefndarinnar
er sú að tímabundin og málefnaleg
starfræksla vefsetursins og aðild Há-
skólans að því, brjóti ekki í bága við
siðareglur HÍ.
Konunglegt brúðkaup
Felipe, krónprins Spánar, gekk að
eiga sjónvarpsfréttakonuna Letiziu
Ortiz, í Madríd í gær. Mikið var um
dýrðir í borginni og fóru þúsundir
manna út á götur til að samfagna
brúðhjónunum þrátt fyrir hellirign-
ingu.
Sjálfsmorðsárás í Bagdad
Fimm menn fórust í sprengju-
tilræði í Bagdad, höfuðborg Íraks í
gærmorgun. Þá viðurkenndi tals-
maður Bandaríkjahers að fjórar eða
sex konur hefðu týnt lífi í loftárás í
vesturhluta Íraks á miðvikudag sem
sagt var að beinst hefði gegn erlend-
um skæruliðum.
Konum verði ekki fækkað
Landssamband framsókn-
arkvenna gerir kröfu um að við vænt-
anlegar breytingar á ríkisstjórn Ís-
lands í haust verði konum ekki
fækkað í ráðherraliði Framsókn-
arflokksins. Þær segja það myndu
vera mikla afturför og stríða gegn
jafnréttisáætlun flokksins.