Morgunblaðið - 15.12.2004, Blaðsíða 2

2 MIÐVIKUDAGUR 15. DESEMBER 2004 MORGUNBLAÐIÐ
FRÉTTIR
SKORTUR Á EGGJUM
Tæknifrjóvgunarstofan Art Med-
ica ætlar að óska eftir eggjum gegn
greiðslu til tæknifrjóvgunar. Margar
konur vantar egg og erfitt reynist að
finna eggjagjafa.
Neyslan minnkar
Vímuefnaneysla íslenskra ung-
linga í 10. bekk hefur minnkað á
flestum sviðum en hún hefur aukist
eða staðið í stað í öðrum löndum
Evrópu. Vísbendingar eru þó um að
auka þurfi forvarnir til að draga úr
neyslu ólöglegra vímuefna.
Meiri óöld í Írak
Iyad Allawi, forsætisráðherra
Íraks, segir að ástandið í landinu
muni versna eftir kosningarnar í
janúar en ekki batna. Sagði hann
ástæðuna þá að stríðið stæði á milli
góðs og ills; þeirra sem vilja tortíma
landinu og þeirra sem vilja byggja
það upp. Gijs de Vries, sem sér um
að samræma baráttuna gegn
hryðjuverkum í ESB, sagði að ungir
múslímar frá Evrópu og arabalönd-
um væru nú í þjálfunarbúðum upp-
reisnarmanna í Írak.
Saltsýra til Siglufjarðar
Hættuleg saltsýra er flutt viku-
lega landleiðina frá Reykjavík til
Siglufjarðar eftir að strandsiglingar
Eimskips voru aflagðar. Slökkviliðs-
stjóri á Siglufirði hefur áhyggjur af
ástandinu og segir lítið fara fyrir
viðbragðsáætlunum vegna eitur-
efnaslysa.
Y f i r l i t
Kynningar – Morgunblaðinu í dag
fylgir auglýsingablað frá Leonard.
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Agnes Bragadóttir, fréttastjóri, agnes@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfulltrúi,
orri@mbl.is Skarphéðinn Guðmundsson, skarpi@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@ .is Minningar minning@mbl.is Hilmar P. Þormóðsson, Stefán Ólafsson Dagbók|Kirkjustarf
Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is

 

 

 


 
 



  

 

  

 


 


 !

"
# 

 



 

$ 

 
 

%&' (

 )***


 
  

 

  




Í dag
Sigmund 8 Umræðan 29/32
Viðskipti 14/15 Minningar 33/35
Erlent 16/17 Brids 38
Akureyri 19 Dagbók 40/42
Landið 20 Menning 43/44
Suðurnes 21 Fólk 46/49
Daglegt líf 22 Bíó 46/49
Listir 24/25 Ljósvakamiðlar 50
Forystugrein 26 Staksteinar 51
Viðhorf 28 Veður 51
* * *
LAUN forseta Íslands, ráðherra,
þingmanna, dómara og annarra
sem falla undir kjaradóm hækka
um 3% um áramótin samkvæmt
ákvörðun dómsins og tók hann í því
efni mið af hækkunum sem verða
um áramótin á almennum vinnu-
markaði.
Síðast hækkuðu laun þeirra sem
undir dóminn falla í maí í fyrra en
þá hækkuðu laun alþingismanna og
ráðherra um 18,4–19,3% og laun
dómara um 11,1–13,3% en laun ann-
arra embættismanna hækkuðu þá
minna og laun forsetans breyttust
ekki.
Miðað við ákvörðun kjaradóms
munu laun forseta Íslands hækka
um tæplega 50 þúsund, fara úr um
1.450 í um 1.500 þúsund krónur á
mánuði, laun forsætisráðherra
hækka um 26 þúsund krónur, fara
úr 871 þúsundi í liðlega 897 þúsund
og laun annarra ráðherra hækka
um 24 þúsund, fara úr liðlega 785
þúsundum í rúmar 809 þúsund
krónur en innifalið í launum ráð-
herra er þingfararkaup.
Þingfararkaup alþingismanna
hækkar úr tæplega 438 þúsund í
450 þúsund krónur. Heildarlaun
forseta hæstaréttar hækka úr um
833 þúsundum í um 858 þúsund
krónur á mánuði og laun biskups
Íslands fara úr rúmum 704 þús-
undum í 725 þúsund krónur.
Kjaradómur
hækkar laun æðstu
embættismanna
JÓN Kristjánsson, heilbrigðis- og tryggingamálaráð-
herra, tók nýtt segulómtæki formlega í notkun á röntgen-
deild Landspítala – háskólasjúkrahúss í Fossvogi í gær.
Tækið leysir af hólmi 13 ára gamalt tæki, sem orðið er úr-
elt, að því er fram kemur í tilkynningu frá LSH. Tækið er
framleitt af Siemens í Þýskalandi. Heildarkostnaðurinn,
með fylgibúnaði, nemur um 150 milljónum króna.
Pétur Hannesson, yfirlæknir á röntgendeild, segir nýja
tækið bjóða upp á nýja möguleika og nýjar greiningar-
aðferðir. „Þá verður hægt að nota það í stað annarra
greiningaraðferða, eins og röntgengeisla,“ útskýrir hann.
Hefðbundin segulómun hefur beinst að miðtauga- og
stoðkerfi, en með nýja tækinu verður hægt að rannsaka
önnur líffærakerfi, eins og t.d. hjarta í brjóstholi og gall-
vegi í kviðarholi. „Með nýja segulómtækinu stígur LSH
stórt skref sem hátæknispítali og háskólasjúkrahús,“ seg-
ir í tilkynningu LSH. „Væntingar innan spítalans eru
miklar og sýnilegt að spurn eftir þjónustu verður mikil. Í
útboði fyrir þessi tækjakaup er gert ráð fyrir kaupum á
öðru sambærilegu tæki sem ætlaður er staður á Landspít-
ala, Hringbraut. Rík þörf er á því tæki vegna þjónustu
LSH við börn, krabbameinssjúka og fleiri sjúklingahópa.“
Morgunblaðið/Þorkell
Nýtt segulómtæki skoðað: Ólafur Kjartansson yfirlæknir, í tækinu liggur Ásta Ástþórsdóttir yfirgeislafræðingur,
Halldóra Guðmundsdóttir og Guðrún Lilja Jónsdóttir yfirgeislafræðingar, Jón Kristjánsson heilbrigðisráðherra,
Jóhannes M. Gunnarsson forstjóri og Ásbjörn Jónsson, sviðsstjóri myndgreiningarþjónustu.
Nýtt segulómtæki tekið í notkun
HÉRAÐSDÓMUR Reykjavíkur hef-
ur dæmt karl á þrítugsaldri og
konu á fertugsaldri í 10 og 15 mán-
aða fangelsi fyrir smygl á 13,6 kg af
hassi frá Danmörku í febrúar sl.
Fíkniefnin komu í tveimur send-
ingum og voru falin í viðarhús-
gögnum. Karlmaðurinn játaði það
sem honum var gefið að sök, þ.e.
innflutning ásamt konunni á 8,6 kg
af hassi.
Framburður konunnar um þenn-
an hluta málsins var ótrúverðugur
að mati dómsins. Var það talið hafið
yfir skynsamlegan vafa að hún
hefði tekið þátt í smyglinu í ljósi
fyrsta framburðar hjá lögreglu þar
sem hún gaf upp efnismagn, efn-
istegund og kaupverð hassins auk
þess sem fingraför hennar fundust
á hassumbúðum.
Konan var þá ein ákærð og sak-
felld fyrir innflutning á 5 kg af
hassi frá Danmörku. Framburður
um þennan þátt málsins var reikull
og var talið sannað að hún hefði
flutt inn umrætt magn af hassi. Var
hún með hreint sakavottorð fyrir
brotin, en karlmaðurinn hafði einu
sinni áður framið fíkniefnabrot.
Gerð voru upptæk 12,3 kg af
hassi og smáræði af amfetamíni.
Málið dæmdi Ingveldur Einars-
dóttir héraðsdómari. Verjandi karl-
mannsins var Brynjar Níelsson hrl.
og konunnar Helga Leifsdóttir hdl.
Sækjandi var Kolbrún Sævars-
dóttir, fulltrúi ríkissaksóknara.
Dæmd í fangelsi
fyrir smygl á
13,6 kg af hassi
ÆTTINGJAR manns sem lést eftir
að hann hlaut höfuðhögg á dvalar-
heimili Hrafnistu í Reykjavík hafa
ritað lögreglunni í Reykjavík bréf og
óskað eftir að hún rannsaki andlátið.
Níu klukkustundir liðu frá því mað-
urinn féll og hlaut högg á höfuðið og
þar til hann var fluttur á sjúkrahús.
Maðurinn varð 85 ára gamall þennan
dag.
Jón Kristjánsson heilbrigðisráð-
herra beindi þeim tilmælum til land-
læknis í gær að embættið rannsakaði
málið og skilaði til hans skýrslu um
það. Landlæknir hafði þá þegar hafið
athugun á málinu en bíður enn
gagna um það frá Hrafnistu.
Að sögn sonar mannsins hlaut fað-
ir hans höfuðhögg þegar hann féll í
gólfið við matsal heimilisins milli
klukkan 8.30 og 9.00 hinn 7. nóvem-
ber sl. Honum var síðan ekið í hjóla-
stól í herbergi sitt og lagður þar í
rúmið. „Síðan vitum við í raun ekki
hvað gerðist frekar þennan dag fyrr
en klukkan þrjú þegar hann fær
heimsókn frá bróður sínum en þá er
hann meðvitundarlítill eða meðvit-
undarlaus.“ Bróðir hans vakti at-
hygli starfsfólks á líðan hans og
spurðist fyrir um hvort haft hefði
verið samband við ættingja en svo
var ekki. Þetta var sex tímum eftir
að maðurinn féll í gólfið.
Þegar hringt var í son hans um
klukkan 15.30 var búið að ákveða að
flytja manninn á Landspítalann í
Fossvogi. Sá flutningur fór þó ekki
fram fyrr en klukkan 18.30 þar sem
ekki var beðið um neyðarflutning
heldur eingöngu um flutning á sjúk-
lingi. Á spítalanum kom í ljós að
maðurinn var höfuðkúpubrotinn,
blætt hafði inn á heila og var hann
lamaður vinstra megin. Hann komst
aldrei til meðvitundar og lést sex
dögum síðar. Fram að þessu hafði
hann verið við góða heilsu.
Sonur mannsins segir að eftir tvo
fundi með lækninga- og hjúkrunar-
forstjóra Hrafnistu hafi ættingjar
ekki enn fengið fullnægjandi upplýs-
ingar um málið. Engar upplýsingar
virðist liggja fyrir um hvenær læknir
skoðaði föður hans og hvaða mat
hann lagði á ástand hans. Þá sé ekki
ljóst með hvaða hætti fylgst var með
líðan hans þennan dag og ekkert
virðist hafa verið skráð um það.
Eðlilegar spurningar
Sveinn H. Skúlason, forstjóri
Hrafnistu, segist lítið geta tjáð sig
um málið þar sem búið sé að biðja
um lögreglurannsókn á atvikinu.
Hún verði að leiða í ljós hvort farið
hafi verið eftir verklagsferlum en
miðað við lýsingu ættingja á máls-
atvikum sé eðlilegt að þeir veki
spurningar um málið. Í kjölfar máls-
ins hafi verið haft samband við land-
lækni og lögreglu og jafnframt farið
yfir þessi mál innanhúss. Ættingjum
hafi verið bent á að þau hefðu rétt á
að vísa málinu bæði til landlæknis og
lögreglu.
Óskar eftir lögreglurannsókn vegna mannsláts á öldrunarheimili
Fluttur á sjúkrahús níu klukku-
stundum eftir höfuðhögg