Morgunblaðið - 15.12.2004, Síða 12

12 MIÐVIKUDAGUR 15. DESEMBER 2004 MORGUNBLAÐIÐ
FRÉTTIR

Þriggja ára
þrotlaus þróunarvinna skilar
sér í byltingarkenndri
tækni við sorphirðu.
Soffía
Haraldsdóttir
ræðir við
höfuðpaurinn.
Íslenskir
bræður í rusli
í Evrópu
á morgun
ÍSLANDSFLUG var fyrst ís-
lenskra flugfélaga til að taka í notk-
un Airbus-þotur sem skráðar eru á
íslenska einkennisstafi og er fyr-
irtækið nú í vikunni að fá skráða
Airbus-þotu til farþegaflugs. Verð-
ur þotan í leiguflugi fyrir Corsair
milli Lyon í Frakklandi og Karab-
íska hafsins. Íslandsflug verður
með sautján þotur í rekstri nú um
áramótin þegar það verður hluti af
Avion Group, samsteypu Atlanta og
fleiri fyrirtækja í flugrekstri og
þjónustu.
Ómar Benediktsson, sem var
fyrsti stjórnarformaður Íslands-
flugs, og Gunnar Þorvaldsson flug-
stjóri stofnuðu félagið árið 1991
ásamt Höldi á Akureyri. Þeir sam-
einuðu Arnarflug innanlands sem
sinnti leiguflugi og áætlunarflugi
innanlands og Flugtak sem rak
bæði flugskóla og leiguflug. Gunnar
var framkvæmdastjóri fyrirtækisins
til 1997 þegar Ómar tók við og síð-
an stjórnarformaður. Magnús Þor-
steinsson, aðaleigandi Atlanta,
keypti stóran hlut í Íslandsflugi í
fyrra og þeir Ómar eignuðust smám
saman um 80% hlutafjár en Gunnar
Björgvinsson í Liechtenstein á um
20%.
Úr 172 milljóna króna
veltu í 8,5 milljarða
„Íslandsflug velti fyrsta árið 172
milljónum króna en í ár gerum við
ráð fyrir að hún verði nærri 8,5
milljarðar og við áætlum hagnaðinn
kringum 300 milljónir króna,“ segir
Ómar Benediktsson þegar hann er
beðinn að rifja upp nokkur atriði í
sögu félagsins. Ómar segir að árið
2001 hafi flugstundir á vegum fé-
lagsins verið 4.324 og ferðir tæp-
lega þrjú þúsund, 2003 hafi flug-
stundirnar verið orðnar 18.300 og í
ár verði þær um 28.500 og ferðirnar
13.135. Á næsta ári er síðan gert
ráð fyrir að floti véla Íslandsflugs í
Avion Group muni fljúga vel yfir 43
þúsund flugstundir í 19 þúsund
ferðum sem skiptist jafnt á milli
farþega- og fraktflugs.
Í ár eru t.d. liðin 10 ár frá því fé-
lagið tók að sinna reglubundnu
fraktflugi í samvinnu við DHL milli
Íslands og Englands. „Við byrjuð-
um árið 1994 á Metró-vél og fannst
sumum þetta ekki björguleg hug-
mynd,“ segir Ómar, „en þetta vatt
upp á sig og nú erum við með þrjár
þotur sem sinna fraktflugi milli Ís-
lands og Evrópu fimm sinnum í
viku. Það sýnir að fraktþjónusta 24
tíma á sólarhring er nauðsynleg í
nútímaþjóðfélagi og við hittum á að
byrja þessa þjónustu á réttum tíma
sem hefur vaxið jafnt og þétt síðan
og er DHL með um það bil 75%
markaðshlutdeild í þessum mark-
aði.“
Röng ákvörðun
Þegar innanlandsflug hérlendis
var gefið frjálst árið 1997 ætluðu
forráðamenn Íslandsflugs sér
ákveðinn hlut í þeirri köku en Ómar
segir það hafa verið ranga ákvörð-
un eins og málin þróuðust. „Þegar
flug sem þetta hefur verið gefið
frjálst í öðrum löndum hefur það
fylgt að félag sem hefur nánast ein-
okað slíkan markað hefur orðið að
sæta nokkrum hömlum og ekki t.d.
mátt lækka verð til að mæta sam-
keppni meðan nýr aðili væri að
hasla sér völl. Það var hins vegar
ekki gert hér og því varð sam-
keppnin mjög blóðug og við sáum
að við myndum ekki hafa úthald í
slíka baráttu þrátt fyrir vaxandi
markaðshlutdeild. Við buðum far-
gjöld sem stóðu undir rekstri okkar
en keppinauturinn tapaði greinilega
á sínum rekstri og við töpuðum líka
þegar á leið. Þó að það kunni að
hljóma undarlega þá hefði takmörk-
un á samkeppni í skamman tíma
líklega leitt til þess að enn væri
samkeppni í innanlandsfluginu.
Þess vegna varð það ofan á að
hætta árið 2000 og þá snerum við
okkur eingöngu að svokallaðri þjón-
ustuleigu, þ.e. að bjóða flugvélar
með áhöfn og viðhaldi í verkefni
fyrir önnur félög, og það hefur ver-
ið lifibrauð okkar síðan fyrir utan
að við buðum í þjónustuflug á litlum
vélum hér innalands. Við seldum
síðan innanlandsdeildina frá okkur
1. október síðastliðinn.“
Airbus-þotur áhugaverðar
Floti Íslandsflugs stækkaði
smám saman og voru notaðar
Boeing 737-þotur í fraktflug og far-
þegaflug og í nóvember 2001 tók fé-
lagið Airbus 310-300-þotu í notkun í
fraktflugið. Verður félagið með tíu
Airbus-þotur og ellefu B737 í þjón-
ustu sinni fljótlega á næsta ári. Óm-
ar segir það hafa verið nokkurt
skref að hefja rekstur á Airbus-
þotum. „Okkur fannst það áhuga-
vert viðfangsefni að taka í notkun
þotu sem aldrei hafði verið skráð á
Íslandi og fyrsta Airbus-þotan okk-
ar var skráð 14. nóvember 2001,
TF-ELS. Við þurftum að þjálfa
okkar fólk, flugmenn og tækni-
menn, og Flugmálastjórn Íslands
þurfti að fara yfir allar handbækur
og kynna sér vélina til að unnt væri
að skrá hana hér og þetta var því
dálítið mál að koma þessu öllu í
kring. Okkur finnst það líka mikill
áfangi að skrá sl. föstudag fyrstu
Airbus-farþegavélina en hún fer
fyrstu ferð sína í vikunni.
Við höfum séð mikil sóknarfæri í
Airbus-vélunum og því lagt okkur
fram um að fá verkefni sem henta
þeim og það hefur gengið mjög vel
sem sést af því að Airbus-vélunum
mun fjölga hraðar og verða fleiri í
þjónustu okkar en Boeing-vélar.“
Það er ekki stór hópur sem hefur
setið í stjórn Íslandsflugs og með
Ómari og Gunnari hafa lengst setið
þeir Gísli Baldur Garðarsson og
Birgir Ágústsson. Ómar segir að
lokum að nafn Íslandsflugs muni
víkja fyrir nafni Air Atlanta enda
það talið þjálla í því alþjóðastarfi
sem fyrirtækið sinnir. „En nafnið
lifir áfram með okkur sem höfum
starfað hjá fyrirtækinu og vélarnar
í rekstri Avion Group sem leigðar
eru héðan verða skráðar á kenni-
tölu Íslandsflugs.“
Airbus 300-600R-þota Íslandsflugs, TF-ELW, sem notuð verður í farþegaflug.
Íslandsflug kom
Airbus inn í íslensk-
an flugrekstur
Íslandsflug verður um áramótin hluti af Avion
Group, samsteypu Atlanta og fleiri félaga í flug-
rekstri og þjónustu við flugvélar. Jóhannes Tómas-
son fékk Ómar Benediktsson framkvæmdastjóra
til að rifja upp nokkur atriði úr sögu Íslandsflugs.
joto@mbl.is