Morgunblaðið - 15.12.2004, Blaðsíða 18

H
rin
gb
ro
t
Akureyri | Suðurnes | Landið
Minnstaður
Höfuðborgarsvæðið Brjánn Jónasson, brjann@mbl.is, sími 569-1100. Suðurnes Helgi
Bjarnason, helgi@mbl.is, sími 569-1310 og 669-1310. Akureyri Margrét Þóra Þórsdóttir,
maggath@mbl.is og Kristján Kristjánson, krkr@mbl.is, sími 461-1600. Vesturland Ásdís
Haraldsdóttir, asdish@mbl.is, sími 898-5258. Austurland Steinunn Ásmundsdóttir, aust-
urland@mbl.is, sími 669-1115. Árborgarsvæðið og Landið Helgi Bjarnason, helgi@mbl.is,
sími 569-1310 og 669-1310 og Guðrún Aðalsteinsdóttir, frett@mbl.is, sími 569-1290.
Mínstund frett@mbl.is
Jólaútvarp í Borgarnesi | Hafnar eru
útsendingar á Jólaútvarpi unglinga í fé-
lagsmiðstöðinni Óðali í Borgarnesi og verð-
ur útvarpað næstu þrjá daga. Sent er út á
FM 101,3.
Fjölbreytt efni er í Jólaútvarpinu, meðal
annars bekkja- og unglingaþættir. Frétta-
stofa verður á sínum stað í hádeginu og sér-
stakur bæjarmálaþáttur kl. 12 á morgun.
Þá mætir Sturla Böðvarson samgöngu-
ráðherra í hljóðstofu ásamt fulltrúum bæj-
arstjórnar og fleiri gestum.
Stefnt er að því að lýsa leik í úrvalsdeild-
inni í körfuknattleik á fimmtudagskvöld og
rokktónleikar tónlistarklúbbs og fleiri
skemmtiatriði verða í beinni útsendingu á
lokahófinu að kvöldi föstudags, þar sem
Eðvar Ólafur Traustason, fyrrverandi
starfsmaður Óðals, verður heiðursgestur.
Þess er getið í frétt um Jólaútvarpið á vef
Borgarbyggðar að undirbúningur útvarps-
ins og handritagerð unglinga í 8. og 9. bekk
er liður í íslenskunámi og framsögn.
Úr
bæjarlífinu
HÉÐAN OG ÞAÐAN
Bestu teikningarnar | Bæjarbókasafn
Ölfuss efndi til teiknisamkeppni í nóv-
ember. Börn sem ekki voru komin yfir
grunnskólaaldur voru beðin um að senda
inn myndir sem tengdust ævintýrum. Úr-
slitin voru tilkynnt við athöfn um helgina.
Jóna Vigdís Gunnarsdóttir fékk verðlaun
í hópi listamanna undir átta ára en Ólafur
Ragnarsson fékk verðlaun í hópi lista-
manna eldri en 8 ára. Ólafur og Jóna Vigdís
fengu bókaverðlaun, úrval ævintýra H.C.
Andersen og myndir þeirra munu prýða
bókamerki bókasafnsins á næsta ári.
Unnt er að skoða myndirnar á vef Bóka-
safns Ölfuss, www. bokasafn.is. Í febrúar
verður haldin sýning á myndunum í bóka-
safninu í Þorlákshöfn.
Lausaganga katta | Kristján M. Önd-
unarson hefur lagt til í sveitarstjórn Rauf-
arhafnarhrepps að reynt verði að koma í
veg fyrir lausagöngu katta á staðnum. „Á
grundvelli þess að á Raufarhöfn búa börn
og fullorðnir sem óttast ketti og það sem
verra er að hér búa líka einstaklingar sem
eru með mjög alvarlegt ofnæmi fyrir kött-
um legg ég til að reglum um kattahald verði
breytt til samræmis við reglur um hunda-
hald og komið, eins og unnt er, í veg fyrir
lausagöngu katta,“ segir í bókun Kristjáns
á nýlegum fundi sveitarstjórnar.
Hin árlega rökk-urganga fórfram í gamla
bænum í Glaumbæ í
Skagafirði um síðustu
helgi. Sigríður Sigurð-
ardóttir safnstjóri leiddi
gesti um myrkvaða
ganga bæjarins með
kertaljós í hönd og í bað-
stofunni sagði hún gest-
um sögur af jólahaldi
fyrri tíma, eða í eld-
gamla daga eins og sum-
ir krakkarnir orðuðu
það.
Auk þess fengu gestir
að smakka jólahangikjöt
og laufabrauð og punkt-
urinn yfir i-ið voru síðan
rjómapönnukökur og
heitt súkkulaði í Áshús-
inu.
Gangan var mjög vel
sótt, bæði á laugardegi
og sunnudegi, en fyrir
marga er rökkurgangan
orðin ómissandi hluti af
aðventunni, að því er
fram kemur á vef Sveit-
arfélagsins Skagafjarðar.
Rökkurganga
Fimm ára börnum úrleikskólumReykjanesbæjar
hefur að undanförnu verið
boðið á jólastund í Duus-
húsum í Keflavík. Starfs-
fólk bókasafns Reykjanes-
bæjar, byggðasafns og
menningarfulltrúi bæjar-
ins hafa tekið þar á móti
krökkunum. Þeim er sýnt
gamaldags jólatré sem
smíðað er úr tré, sagt frá
íslensku jólasveinunum,
lesin jólasaga og sungin
jólalög. Börnin virðast
njóta jólastundarinnar.
Myndin var tekin þegar
Sigrún Ásta Jónsdóttir,
forstöðumaður Byggða-
safnsins, ræddi við börnin
af leikskólanum Gimli.
Ljósmynd/Svanhildur
Jólastund í Duushúsum
Gunnar Birgisson,þingmaður Sjálf-stæðisflokksins,
sakaði Mörð Árnason,
þingmann Samfylking-
arinnar, um dónaskap og
vildi senda hann á nám-
skeið í mannasiðum.
Hreiðar Karlsson yrkir:
Fróðir verða fávísum að liði,
feta báðir gullna meðalveginn.
Gunnar kennir Merði mannasiði,
Mörður virðist afskaplega feginn.
Hjálmar Freysteinsson
bætir við:
Það myndi eflaust greiða fyrir friði
og flesta þingmenn gera perluvini,
bara ef lærði Mörður mannasiði
og meira líktist Gunnari Birgissyni.
Sigrún Haraldsdóttir
frétti af fyrirhuguðum
flutningum Morgunblaðs-
ins í næsta nágrenni við
sig á „Rauðavatnshálend-
ið“. Hún telur víst að und-
irritaður fylgi með og
yrkir:
Senn ómar kliður af kvakandi
lóum,
kveðandi þröstum og vellandi
spóum.
Breytingar met,
og bráðum ég get,
hugsað til Péturs í Hádegismóum.
Af mannasiðum
pebl@mbl.is
Reykjavík | Börnin á leik-
skólum landsins hafa mikil
verkefni á aðventunni. Leikskól-
arnir eru skreyttir í samræmi
við árstíma og margt gert til að
undirbúa jólin.
Börnin þurfa eftir sem áður
sína hreyfingu og útiveru og
þótt dagurinn sé í stysta lagi um
þessar mundir er birtan notuð
þeim mun betur. Myndin var
tekin við þannig tækifæri.
Morgunblaðið/RAX
Úti að leika á aðventunni
Leikskóli
Hvanneyri | Ákveðið hefur verið að byggja
nýjan nemendagarð með tólf íbúðum við
Landbúnaðarháskólann á Hvanneyri.
Stjórn Nemendagarðanna samdi við PJ
byggingar ehf. um smíði hússins en fyr-
irtækið hefur smíðað fyrri hús Nemenda-
garðanna á Hvanneyri. Húsið kostar 160
milljónir kr.
Fram kemur á vef Landbúnaðarháskól-
ans að vegna þeirra breytinga sem verða
með tilkomu Landbúnaðarháskóla Íslands
var talið brýnt að auka verulega framboð á
leiguhúsnæði á Hvanneyri. Húsið sem nú
verður byggt er fjölbýlishús, eins að gerð
og það hús sem Nemendagarðarnir létu
byggja síðast. Það verður 1.190 fermetrar
að stærð, á tveimur hæðum. Í því verða
fjórar tveggja herbergja íbúðir og fjórar
þriggja herbergja og sex fjögurra her-
bergja íbúðir.
Samkvæmt samningnum verður húsið
afhent fullbúið og til útleigu föstudaginn
19. ágúst 2005. Með þessari viðbót munu
Nemendagarðarnir á Hvanneyri hafa yfir
að ráða 10 einstaklingsherbergjum með
aðgengi að sameign, 20 einstaklings-
íbúðum, 20 tveggja herbergja íbúðum, 20
þriggja herbergja íbúðum og 16 fjögurra
herbergja íbúðum eða samtals 86 leigu-
rýmum í 9 húsum.
Nýr tólf
íbúða nem-
endagarður á
Hvanneyri
Austur-Barðastrandarsýsla | Hrepps-
nefnd Reykhólahrepps hefur hafnað
hugmyndum Skotveiðifélags Íslands um
að flytja hreindýr frá Austurlandi á
Barðaströnd. Bókun þessa efnis var
samþykkt samhljóða í hreppsnefnd.
Áhugi Skotvís á því að finna ný heim-
kynni fyrir hluta hreindýrastofnsins
kom fram í bréfi til hreppsnefndar
Reykhólahrepps þar sem jafnframt var
óskað eftir skoðunum hreppsnefndar.
Fram kom í erindinu að áhugi væri á að
flytja hreindýrin á Barðaströnd en það
þýddi að þau myndu væntanlega einnig
ganga í Ísafjarðardjúp en hugsanlega
einnig í Steingrímsfjörð og Bitrufjörð á
Ströndum og Kollafjörð í Reykhóla-
hreppi.
Mótmæla flutn-
ingi hreindýra
♦♦♦