Morgunblaðið - 15.12.2004, Blaðsíða 52

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MIÐVIKUDAGUR 15. DESEMBER 2004 VERÐ Í LAUSASÖLU 220 KR. MEÐ VSK.
Átta hæða
nýbygging og
bílastæðahús
við Glæsibæ
ÍSLENSKIR aðalverktakar hf. eiga bygg-
ingarrétt fyrir 8 hæða verslunar- og skrif-
stofuhús, vestast á bílastæði Glæsibæjar,
gegnt tennis- og badmintonhöll TBR. Auk
þess verður byggt bílastæðahús á milli nýja
hússins og Glæsibæjar. Þá verður bílaplanið
í sömu hæð og aðalhæð Glæsibæjar er í dag.
Að sögn Stefáns Friðfinnssonar, stjórnarfor-
manns ÍAV, verður að öllum líkindum hafist
handa við byggingu hússins á næsta ári. ÍAV
annaðist endurbyggingu Glæsibæjar fyrir
skömmu og mun byggja nýja heilsugæslu-
stöð ofan á eina álmu Glæsibæjar./27
NEMENDUR í 7. bekk í Kársnesskóla í Kópavogi léku
vígsluleik á nýjum sparkvelli við skólann eftir að hann var
vígður formlega í gær. Völlurinn er einn af fjölmörgum
sparkvöllum með gervigrasi sem hafa verið teknir í notkun
undanfarið, en vallargerðin er samstarfsverkefni Knatt-
spyrnusambands Íslands og Evrópska knattspyrnusambands-
ins, UEFA.
Völlurinn við Kársnesskóla er einn af þremur sams konar
sparkvöllum sem voru lagðir við skóla í Kópavogi í ár, og er
reiknað með að gera slíka velli við alla skóla í Kópavogi á
næstu tveimur árum, segir Jón Júlíusson, íþróttafulltrúi
Kópavogsbæjar.
Krakkarnir í Kársnesskóla kunnu greinilega að fara með
knöttinn, og ekki spillti að þau fengu tvo nýja bolta frá
UEFA í gær til að skora mörkin.
Morgunblaðið/RAX
Léku vígsluleikinn á sparkvellinum
SKORTUR er á eggjagjöfum til
tæknifrjóvgunar og hefur tækni-
frjóvgunarstofan Art Medica
ákveðið að óska eftir að fá egg úr
konum gegn greiðslu. Greiðsla
fyrir egg úr konum hefur tíðkast
hér á landi en með þessu verður
Art Medica milliliður milli kon-
unnar sem þarf á egginu að halda
og þeirrar sem lætur það af hendi
og er það nýbreytni. Ekki er búið
að ákveða hversu há upphæð verð-
ur greidd fyrir eggin, en hún verð-
ur hófleg að sögn forsvarsmanns
Art Medica og gæti orðið mishá í
hverju tilviki fyrir sig.
Aðeins heilbrigðar, ungar konur
koma til greina sem eggjagjafar.
Munu þær eftir ítarlega læknis-
skoðun og viðtöl fara á lista yfir
eggjagjafa sem þeir sem nýta sér
þjónustu stofunnar geta svo valið
úr.
Guðmundur Arason, kvensjúk-
dómalæknir og annar forsvars-
manna Art Medica, segir aðgerð-
ina við að taka egg úr konu hvorki
flókna né tímafreka en að konan
þurfi að ganga í gegnum ákveðið
undirbúningsferli áður en aðgerð-
in fer fram.
„Ástæðan fyrir því að við erum
að fara af stað með þetta er sú að
fólk vantar egg,“ segir Guðmund-
ur. Hann segir fáa gera sér grein
fyrir því að skortur er á eggjum.
„Margar konur bíða eftir eggjum.
Sumar konur reyna að auglýsa
sjálfar. Það var þannig áður að
slíkt skilaði árangri en nú er svo
komið að engin viðbrögð fást við
auglýsingunum. Okkar milliganga
og hófleg greiðslan er hugsuð til
að reyna að bæta úr þessu.“
Guðmundur segir sæðisgjöf
hafa tíðkast lengi hér á landi og
siðferðislega sé ekkert öðruvísi við
að fá egg til gjafar en sæði, þó að
ólíkt einfaldara sé að ná sáðfrum-
unum.
Hann telur margar ástæður
geta verið fyrir því að konur séu
tregar við að gefa egg. Ein sé sú
að þær einfaldlega geri sér ekki
grein fyrir vöntuninni. „Einnig
óttast konur að eggjagjöfin sé
mikið meira mál heldur en hún í
raun er,“ segir Guðmundur. „Svo
er sá misskilningur einnig út-
breiddur að konur séu bara með
ákveðinn fjölda af eggjum og ef
tekið sé af þeim forða eigi þær
ekki egg eftir fyrir sig, sem er
auðvitað alls ekki rétt. En þannig
er þetta með eggin, þau eru eins
og lind sem rennur úr, ef þú nærð
ekki vatninu í fötuna þá rennur
það framhjá þér.“
Bjóða greiðslu fyrir egg
til tæknifrjóvgunar
Einkarekna tæknifrjóvgunarstofan Art Medica í Kópavogi
Morgunblaðið/Kristinn
Læknarnir Guðmundur Arason
(t.h.) og Þórður Óskarsson eru í
forsvari fyrir tæknifrjóvgunar-
stofuna Art Medica.
Hópuppsagnir hjá
Ratsjárstofnun
FORSVARSMENN Ratsjár-
stofnunar héldu fund í gær með
trúnaðarmönnum starfsmanna
vegna fyrirhugaðrar hópupp-
sagnar hjá stofnuninni. Ekki
fengust upplýsingar um hversu
margir myndu missa vinnuna en
þar sem farið er eftir lögum um
hópuppsagnir er ljóst að þeir
verða ekki færri en tíu. Sam-
kvæmt heimildum Morgunblaðs-
ins verða þeir nokkuð fleiri.
Stofnunin rekur fjórar ratsjár-
stöðvar; á Miðnesheiði við Kefla-
víkurflugvöll, á Bolafjalli fyrir
ofan Bolungarvík, á Gunnólfs-
víkurfjalli á Langanesi og á
Stokksnesi við Höfn í Horna-
firði. Starfsmenn eru alls tæp-
lega 80.
Aukin sjálfvirkni
Ólafur Örn Haraldsson, sem
tekur við starfi forstjóra Rat-
sjárstofnunar um áramótin,
sagði í samtali við Morgunblaðið
að málið væri í raun enn trún-
aðarmál, og hann vildi helst að
svo yrði áfram, enda væri ekki
enn að fullu ljóst hverjum eða
hversu mörgum yrði sagt upp.
„En úr því að þetta er komið
fram þá er rétt að greina frá því
að á næstu árum er stefnt að því
að auka sjálfvirkni í ratsjár-
stöðvunum og það mun hafa
áhrif á rekstrarformið og mönn-
un þeirra. En þetta viljum við
fyrst fá að ræða við starfsmenn-
ina,“ sagði hann.
Þegar fleiri en 10 starfsmönn-
um er sagt upp í fyrirtæki sem
hefur milli 20 og 100 starfsmenn
er um að ræða hópuppsagnir
samkvæmt lögum.
FÆRST hefur mjög í
vöxt að leiknar erlendar
barna- og fjölskyldu-
myndir séu talsettar á
íslensku. Þykir það
enda orðin sjálfsögð
krafa hjá yngstu bíó-
gestunum að fá að sjá
hetjur hvíta tjaldsins
mæla á íslensku.
Er samdóma álit þeirra sem sinna kvik-
myndasýningum og annarri sölu á kvik-
myndum að tilkoma mynddiska hafi þar
haft mikil áhrif, en á þeim er hægt að velja
um hvort horft er á myndir með íslensku
tali eða því upprunalega og þá með ís-
lenskum texta. Mikil söluaukning hefur
orðið á kvikmyndum, ekki síst barna- og
fjölskyldumyndum og vegur þar þungt að
þær skuli vera talsettar á íslensku. Fjöldi
erlendra barnamynda hefur komið út á
mynddiskum undanfarið sem talsettar
hafa verið á íslensku og er talið að sú þjón-
usta við neytendur sé komin til að vera og
muni jafnvel aukast enn í framtíðinni./46
Leiknar erlendar
barnamyndir
Íslenskan
er málið
♦♦♦