Morgunblaðið - 15.12.2004, Blaðsíða 6
6 MIÐVIKUDAGUR 15. DESEMBER 2004 MORGUNBLAÐIÐ
FRÉTTIR
Kristín Marja Baldursdóttir 3. sæti
Skáldverk
Penninn Eymundsson
og Bókabú›ir MM
1. – 7. des.
1. prentun
uppseld
Frá höfundi
Mávahláturs
„Hún er mögnuð“
„Vel skrifuð saga ... um konu sem býr í holdgerðum
heimi togstreitunnar. Og hún er mögnuð.“
Melkorka Óskarsdóttir, Frbl.
„Geysilega vel heppnuð
skáldsaga, raunsæ og ljóðræn.
Áhrifarík, mikil og
þétt.“
Jón Yngvi Jóhannsson, Rúv.
„Kristín Marja fangar
lesandann með þeim
hætti að erfitt er að
leggja bókina frá sér
fyrr en að lestrinum
loknum.“
Fríða Björk Ingvarsdóttir, Mbl.
„Ógleymanlegar
mannlýsingar ...
átakanleg,
mögnuð, öflug.“
Sigríður Albertsdóttir, DV
2. prentun
á þrotum 3. prentun
væntanleg
ENN var unnið við að hreinsa út
úr verslun Nóatúns við Hringbraut
þegar ljósmyndari Morgunblaðsins
átti þar leið um í gær. Að sögn
Sigurðar Markússonar, rekstrar-
stjóra Nóatúns, hafa engar tíma-
setningar verið ákveðnar varðandi
hvenær verslunin verði opnuð á
nýjan leik. Hann segir það þó afar
ósennilegt að verslunin verði opn-
uð fyrir jól eins og staðan sé í
dag.
„Við erum ennþá að vinna í því
að skoða alla hluti og við erum
enn að afla gagna um hversu
langan tíma það tekur að fá öll
tæki og tól,“ segir Sigurður og
bætir því við að meðal verkefna sé
að endurvinna allar lagnir í hús-
næðinu. Hann segir að uppbygg-
ing verslunarinnar verði með al-
mennilegum hætti og hún opnuð
eins fljótt og mögulegt er.
Aðspurður segir Sigurður flesta
starfsmenn verslunarinnar hafa
verið færða yfir í aðrar búðir til
að aðstoða við ýmiskonar verkefni
þar, en nokkrir hafa svo tekið sér
frí. Nóg sé af verkefnum og vinnu
þrátt fyrir núverandi aðstæður í
versluninni við Hringbraut.
Að sögn Sigurðar er verslunin
ein af tveimur stærstu Nóatúns-
verslunum í veltu en samtals eru
reknar 12 Nóatúnsverslanir á höf-
uðborgarsvæðinu.
Morgunblaðið/Þorkell
Heldur tómlegt var um að litast í verslun Nóatúns í gær en búið er að rífa allar innréttingar út.
Ósennilegt að opnað verði fyrir jól
NÁTTÚRA Íslands og aðdráttarafl
hennar er ástæða langflestra er-
lendra ferðamanna fyrir því að þeir
sækja landið heim, samkvæmt niður-
stöðum sumarkönnunar Ferðamála-
ráðs, sem fram fór í Leifsstöð og á
Seyðisfirði frá júníbyrjun til ágúst-
loka í ár.
Næstflestir nefndu vini og ættinga
en aðrir þætti eins og ferðabæklinga,
blaðagreinar og fyrri heimsóknir.
Yfir 60% sögðu að náttúra landsins
og landið sjálft hefði vakið þá hug-
mynd að fara til Íslands. Rúmlega
30% nefndu til vini og ættingja. Innan
við 10% svarenda nefndu atriði á borð
við blaðagreinar, Netið eða auglýs-
ingar.
Þegar spurt var hvaða áhrifaþættir
hefðu svo ráðið ákvörðun um Íslands-
ferð nefndu yfir 70% náttúru lands-
ins. Næstflestir eða rúm 20% nefndu
menningu og sögu sem áhrifaþátt.
60% höfðu ekki séð neina
umfjöllun um Ísland
20% gestanna höfðu komið áður til
Íslands og 80% sögðust vilja koma
aftur.
Langflestir svarenda, eða um 60 af
hundraði, höfðu ekki séð neina um-
fjöllun um Ísland áður en haldið var í
ferðina en um fjórðungur hafði séð já-
kvæða umfjöllun.
Af niðurstöðum könnunarinnar má
ætla að Netið sé langöflugasti upplýs-
ingamiðill erlendra ferðamanna um
Ísland. Ríflega helmingur svarenda
sagðist nota það en í fyrstu könnun-
inni sem Ferðamálaráð lét gera árið
1997 var þetta hlutfall innan við 20 af
hundraði.
Bæklingar eða handbækur eru nú
næstmest notaði upplýsingamiðillinn
en álíka margir nefndu einnig ferða-
skrifstofur í eigin landi.
Af þeim erlendu gestum sem sóttu
upplýsingar á Netið voru Bandaríkja-
menn og Bretar duglegastir að nýta
þennan nýja upplýsingabrunn.
Dveljast að meðaltali
í rúmlega tíu daga hér á landi
Langflestir erlendu gestanna sögð-
ust vera á Íslandi í fríi og var með-
aldvalarlengd hér á landi um 10 og ½
dagur.
Þá kemur fram í könnuninni að al-
menn aukning er í nýtingu afþreying-
ar af ýmsu tagi en sem fyrr njóta
náttúruskoðun og sund mestra vin-
sælda.
Flestir erlendir ferðamenn gista í
Reykjavík en þar fækkar gistingum
þó frá fyrri könnun en þeim fjölgar í
öllum öðrum landshlutum, nema á
Norðurlandi þar sem fjöldi gistinátta
stendur nokkurn veginn í stað milli
kannana.
Geysir og Þingvellir eru eins og áð-
ur þau svæði eða staðir sem flestir
heimsóttu, skv. upplýsingum Ferða-
málaráðs.
Minnst ánægja með
verðlag og veðurfar
Einnig var spurt hvaða þætti er-
lendir ferðamenn voru ánægðastir
með og nefndu þá flestir náttúruna,
menningu og siði og afþreyingu en
neikvæðustu þættirnir eru veðrið og
verðlag í landinu.
Fram kom að vægi rútuferða, bæði
skipulagðra ferða og sérleyfisferða,
hefur minnkað frá síðustu könnun en
notkun einkabíla hefur vaxið töluvert
á meðan notkun bílaleigubíla er svip-
uð.
Í ljós kom að 72% svarenda ferð-
uðust með Flugleiðum, 12% flugu
með Iceland Express og 8% með öðr-
um flugfélögum eða notuðu annan
ferðamáta.
Kom í ljós greinilegur aldurs- og
tekjumunur á hinum erlendu ferða-
mönnum eftir því með hvaða flug-
félagi þeir ferðuðust. Meðalaldur
þeirra sem nýttu sér þjónustu Iceland
Express er töluvert lægri en þeirra
sem ferðuðust með Flugleiðum og
tekjur þeirra sem nýttu sér þjónustu
Flugleiða eru heldur hærri en hinna
sem flugu með Iceland Express.
Sumarkönnun Ferðamálaráðs 2004
fór fram í Leifsstöð og á Seyðisfirði
frá júníbyrjun til ágústloka. Á þessu
tímabili fóru um 175 þúsund erlendir
gestir úr landi og var spurningalist-
um dreift af handahófi til 3.139 gesta
og bárust 2.507 nothæfir svarlistar til
baka.
Meðalaldur svarenda var um 44 ár.
Jafnræði var milli kynja og ríflega
helmingur svarenda sagðist vera með
tekjur yfir meðallagi eða háar tekjur,
miðað við meðaltekjur í heimalandi.
Sumarkönnun Ferðamálaráðs meðal erlendra ferðamanna
Náttúra Íslands dregur flesta að
Ferðamenn sækjast fyrst og fremst eftir að upplifa íslenska náttúru og af-
þreyingu sem henni tengist. Hér má sjá franska ferðamenn á göngu á Kili.
„VEL menntað-
ur, vel stæður og
fyrst og fremst
með áhuga á
náttúru lands-
ins.“ Þannig lýsir
Magnús Oddsson
ferðamálastjóri
hinum dæmi-
gerða erlenda
ferðamanni sem
hingað kemur yfir sumartímann, að
því er lesa má út úr sumarkönnun
Ferðamálaráðs.
Könnunin leiðir í ljós að hinn
dæmigerði erlendi sumarferðamað-
ur og áherslur hans hafa lítið
breyst á undanförnum átta árum,
að sögn Magnúsar. Það vekur at-
hygli hans að þrátt fyrir tvöfalt
fleiri erlenda ferðamenn yfir sum-
artímann hefur hópurinn lítið
breyst á undanförnum árum.
Dvalartími lengist
„Okkur virðist hafa tekist að
höfða til þessa mikilvæga hóps, sem
fer stækkandi. Möguleikar okkar
virðast liggja að miklu leyti í því að
ná stærri hluta af þessum hópi.“
Það vekur einnig athygli að dval-
artími sumargestanna virðist vera
að lengjast, þeir fara líka meira um
landið og nota meira þá afþreyingu
sem er í boði. „Menn hafa rætt um
að það eigi að stíla afþreyinguna á
þennan náttúruáhuga. Það er alveg
ljóst að ferðamenn nýta sér sífellt
meira það sem kalla má náttúru-
afþreyingu, þ.e.a.s. gönguferðir,
sundlaugarnar, hvalaskoðun,
hestaferðir og fleira.“
Sækjast eftir náttúruafþreyingu
Magnús Oddsson
HALLDÓR Runólfsson yfir-
dýralæknir reiknar með að sótt
verði um fjármagn til að unnt
verði að ljúka skipulegri skrán-
ingu á þekktum miltisbrunagröf-
um hér á landi.
Fram kom í viðtali við Sigurð
Sigurðarson, dýralækni að Keld-
um, í Morgunblaðinu fyrir
skömmu, að mikil vinna væri fólg-
in í að skrásetja allar upplýsingar
um miltisbrunagrafir og ekki til
nægir fjármunir til að ljúka verk-
efninu sem stendur. Skráningin
útheimti ferðalög vítt og breitt um
landið, til að hægt væri að ræða
við einstaklinga sem margir hverj-
ir væru aldraðir og sumir á öldr-
unarstofnunum.
Sótt um fé til að
ljúka skráningu
miltisbrunagrafa
FRAMSÓKNARMENN og sjálfstæð-
ismenn í meirihluta bæjarstjórnar
Kópavogs hafa náð samkomulagi
um hvernig staða bæjarstjóra verði
mönnuð í kjölfar fráfalls Sigurðar
Geirdal. Verður þetta samkomulag
kynnt á félagsfundi framsóknar-
manna í Kópavogi í kvöld.
Framsóknarmenn munu ráðstafa
stöðu bæjarstjóra fram að 1. júní
næstkomandi, þegar Gunnar I. Birg-
isson, þingmaður og formaður bæj-
arráðs, tekur við. Er það í anda sam-
komulags sem flokkarnir gerðu eftir
síðustu sveitarstjórnarkosningar.
Undanfarið hefur Guðrún Pálsdóttir
bæjarritari verið starfandi bæjar-
stjóri í Kópavogi.
Samkomulag
um bæjarstjóra
FIMM milljónasta viðskiptavini
Kringlunnar í ár var vel fagnað þeg-
ar hann gekk inn um dyrnar og fékk
Ingunn Jónsdóttir vænan blómvönd
og inneign í verslunarmiðstöðinni
þegar hún kom þangað rétt fyrir kl.
15 í gær. Hermann Guðmundsson,
markaðsstjóri Kringlunnar, segir að
vonast sé til þess að gestir í Kringl-
unni fari yfir 5,5 milljónir á þessu
ári, sem jafngildir því að yfir 15 þús-
und gestir komi í húsið á hverjum
degi að meðaltali.
Fimm milljónir
gesta í Kringluna