Morgunblaðið - 15.12.2004, Blaðsíða 4

Morgunblaðið/Þorkell
Ásgeir Snær og Birgir Þór Helgasynir skoða ísbjörninn Lappa með Kristjáni Berg fisksala í Fiskbúðinni Vör.
„MIG hefur lengi langað í ísbjörn,
en það er nú þannig að maður getur
ekki alltaf fengið allt sem maður
vill,“ segir Kristján Berg, eigandi
Fiskbúðarinnar Varar í Reykjavík,
en hann hefur nú fengið aðstoð í
fiskbúðina við að laða að við-
skiptavini: 2,3 metra háan upp-
stoppaðan ísbjörn frá Grænlandi.
Kristján segist vel getað hugsað sér
að hafa dýrið heima hjá sér en vill
að fleiri njóti bjarnarins og því er
hann nú til sýnis í búðinni.
„Ég hefði viljað fá hval, en ég gat
það ekki því hann tekur svo mikið
pláss og það er svo hátt fermetra-
verð í Reykjavík,“ segir Kristján
hlæjandi. Hann segir viðskiptavini
ánægða með björninn, og dæmi séu
um að menn gleymi að versla þegar
þeir sjá ísbjörninn.
Vildi frekar
fá hval
4 MIÐVIKUDAGUR 15. DESEMBER 2004 MORGUNBLAÐIÐ
FRÉTTIR
TVEIR yfirmenn álframleiðslu
Alcan voru staddir hér á landi í gær
og áttu m.a. fundi með stjórnvöldum
og fulltrúum orkufyrirtækjanna þar
sem möguleg stækkun álversins í
Straumsvík var rædd. Hrannar Pét-
ursson, upplýsingafulltrúi Alcan á
Íslandi, staðfesti þetta í samtali við
Morgunblaðið. Hann sagði engar
ákvarðanir liggja fyrir hjá stjórn
Alcan, fundirnir hefðu fyrst og
fremst verið til upplýsingar fyrir yf-
irmenn Alcan um stöðu mála hér á
landi.
Sem kunnugt er liggur fyrir úr-
skurður um umhverfismat frá árinu
2002 um stækkað álver í Straumsvík
þar sem Skipulagsstofnun heimilaði
stækkun allt að 460 þúsund tonna
framleiðslu, með ákveðnum skilyrð-
um. Framleiðsla Alcan er nú um 178
þúsund tonn á ári. Fyrir um ári
tryggði fyrirtækið sér stærra land
sunnan og austan við álverslóðina,
þegar fest voru kaup á um 52 hekt-
urum af Hafnarfjarðarbæ fyrir 300
milljónir króna. Alls eru nú um 300
hektarar á þessu svæði í eigu Alcan.
Frá Alcan á þessum fundum í gær
voru Cynthia Carroll, yfirmaður ál-
framleiðslusviðs Alcan á heimsvísu,
og Wolfgang Stiller, yfirmaður ál-
framleiðslusviðs Alcan í Evrópu. Að
sögn Hrannars kom Carroll við hér á
landi á leið sinni til Kanada frá Evr-
ópu þar sem hún heimsótti nokkur
álver fyrirtækisins ásamt Stiller.
„Alcan hefur verið að skoða mögu-
leika á stækkun í Straumsvík en eng-
ar ákvarðanir verið teknar. Málið er
engu að síður lifandi en fyrirtækið
hefur verið að meta hagkvæmni
stækkunar og bera það við mögulega
kosti annars staðar,“ sagði Hrannar
en Alcan rekur í dag um 20 álver víða
um heim.
Yfirmenn frá Alcan funda á Íslandi
Möguleg stækk-
un rædd við
stjórnvöld
ÆTTINGJAR og vinir Þorkels
Sveinssonar frá Leirvogstungu í
Mosfellssveit samfögnuðu honum í
gær þegar hann varð 100 ára. Þor-
kell er við ágæta líkamlega heilsu og
mætti í jólastund sem efnt var til á
sal félags- og þjónustumiðstöðv-
arinnar í Hvassaleiti 58 í Reykjavík.
Þorkell starfaði um langt skeið hjá
Sláturfélagi Suðurlands en rak svo
til fjölda ára Vélsmiðjuna Steðja
ásamt bræðrum sínum. Kona Þor-
kels, Sigríður Bjarnadóttir, lést fyrir
tveimur árum.
Morgunblaðið/Golli
Þorkell hitti vini og vandamenn í gær og heilsar hér nágrannakonu sinni.
Lengst til vinstri er Barði Þorkelsson, einkasonur Þorkels.
Fagnaði 100 árum
TÍMARITIÐ Frjáls verslun hefur
útnefnt Sigurð Helgason, forstjóra
Flugleiða, sem mann ársins 2004 í
íslensku atvinnu-
lífi. Titilinn hlýt-
ur Sigurður fyrir
einstaka hæfni
við stjórnun fé-
lagsins, að því er
fram kemur í til-
kynningu frá
Frjálsri verslun.
„Sigurður hef-
ur verið forstjóri
Flugleiða frá því
í júní árið 1985, eða í tæp tuttugu
ár. Fyrstu níu mánuði þessa árs var
hagnaður félagsins um 3,3 millj-
arðar fyrir skatta og allt bendir til
að árið verði það annað besta í sögu
félagsins. Á sama tíma eru nánast
öll flugfélög erlendis rekin með
tapi.
Sigurður Helgason og Flugleiðir
hafa verið frumkvöðlar í títtnefndri
útrás íslenskra fyrirtækja og hafa
haft það að leiðarljósi að laða að
ferðamenn til Íslands. Undir hans
forystu hafa Flugleiðir breyst úr
flugfélagi í alhliða ferðaþjónustufyr-
irtæki,“ segir meðal annars í til-
kynningunni.
Sigurður
Helgason
maður ársins
Sigurður Helgason
SKÝRSLA Norðurskautsráðsins
um áhrif loftslagsbreytinga á norð-
urslóðum var kynnt á aðildarríkja-
þingi loftslagssamnings Sameinuðu
þjóðanna í Buenos Aires í Argent-
ínu á mánudagskvöld. Sigríður
Anna Þórðardóttir umhverfisráð-
herra, sem stödd er á þinginu, segir
mjög vel hafa verið mætt á kynning-
arfundinn og mikill áhugi hafi verið
sýndur á niðurstöðum skýrslunnar.
Niðurstöðurnar höfðu áður verið
kynntar á fundi Norðurskautsráðs-
ins hér á landi í nóvember.
„Það er greinilegt að það er mjög
mikill áhugi fyrir þessu máli og
mætingin á kynninguna sýndi það,“
sagði Sigríður Anna.
Á morgun, miðvikudag, og einnig
á fimmtudag verða ráðherrafundir
sem Sigríður Anna mun sitja. Hún
segir að búast megi við miklum um-
ræðum um Kyoto-bókunina sem á
að taka gildi í febrúar á næsta ári og
gerir það að hennar mati fundinn
mjög áhugaverðan. „Ég tel að nið-
urstöður skýrslunnar um loftslags-
breytingar á norðurslóðum sé líka
ákveðið innlegg í þessi mál.“
Í fréttatilkynn-
ingu frá Náttúru-
verndarsamtök-
um Íslands segir
að niðurstöður
skýrslu um lofts-
lagsbreytingar á
norðurslóðum
sýni með óyggj-
andi hætti að
verði ekki gripið
til róttækra að-
gerða nú þegar megi búast við stig-
mögnun loftslagsbreytinga sem
ekkert verður við ráðið.
„Náttúruverndarsamtök Íslands
telja brýnt að íslensk stjórnvöld
móti stefnu um að draga verulega
úr losun gróðurhúsalofttegunda
næstu áratugi. Niðurstöður vísinda-
manna benda eindregið til að draga
verði úr losun gróðurhúsaloftteg-
unda frá iðnríkum um 80% fyrir
miðja þessa öld til að takast megi að
forða hættulegum loftslagsbreyting-
um.“
Árni Finnsson, tekur þátt í Lofts-
lagsþingi SÞ fyrir hönd Náttúru-
verndarsamtakanna.
SÞ þinga um loftslagssamning
Mikill áhugi á
skýrslu um lofts-
lagsbreytingar
Sigríður Anna
Þórðardóttir
HÉRAÐSDÓMUR Reykjavíkur
dæmdi í gær fyrrum stjórnarformann
gjaldþrota fyrirtækis í 35 milljóna
króna sekt og 6 mánaða skilorðsbund-
ið fangelsi fyrir brot á lögum um virð-
isaukaskatt og staðgreiðslu opinberra
gjalda. Undanskotin námu rúmlega
17 milljónum króna og áttu sér stað á
árunum 2000 til 2002. Ákærði játaði
skýlaust og var talið sannað að hann
hefði framið þau brot sem hann var
ákærður fyrir. Hafði hann ekki sætt
refsingu áður svo vitað væri. Málið
dæmdi Arnfríður Einarsdóttir hér-
aðsdómari. Verjandi var Ásgeir Þór
Árnason hrl. og sækjandi Helgi
Magnús Gunnarsson, fulltrúi efna-
hagsbrotadeildar ríkislögreglustjóra.
35 milljóna
króna sekt
fyrir skattsvik
♦♦♦