Fréttablaðið - 03.09.2005, Qupperneq 8

1Hvaða opinberu heimsókn þurftiDanadrotning, Margrét Þórhildur,
að fresta vegna slitgigtar?
2Hve mikið var tapið af rekstri SmyrilLine, sem rekur farþegaskipið Nor-
rænu, fyrstu fjóra mánuði ársins?
3Hvaða liði stjórnar Guðjón Þórðar-son í þriðju deild enska boltans?
Svörin eru á bls. 30
VEISTU SVARIÐ?
8 3. september 2005 LAUGARDAGUR
Rauði kross Íslands bendir áhugasömum á samtökin vestra:
Fjölmargir vilja gefa fé til Bandaríkjanna
KATRÍN Rauði kross Íslands hefur
fengið fjölmargar fyrirspurnir
frá fólki sem vill styrkja björg-
unarstarf í Bandaríkjunum
vegna hamfaranna sem fellibyl-
urinn Katrín olli.
Þórir Guðmundsson, sviðstjóri
útbreiðslusviðs hjá Rauða krossi
Íslands, segir að fólki sé beint inn
á vefsíðu bandaríska Rauða
krossins, www.redcross.org, þar
sem það geti skráð sitt framlag:
„Fólki er einnig velkomið að láta
féð í hendur Rauða krossinum
hér heima sem kemur því þá
áleiðis.“
Þórir segir að ekki hafi verið
óskað eftir alþjóðlegri aðstoð við
hjálparstarfið í Bandaríkjunum.
Það sé í höndum hvers ríkis sem
verði fyrir hörmungum sem
þessum að ákveða hvort hjálpar
sé þörf. Bandaríkin séu hins
vegar með ríkari þjóðum heims
og því ólíklegra að þau óski að-
stoðar. Hjálparsamtökin séu þó
reiðubúin til að veita hana verði
þess óskað.
Rauði kross Bandaríkjanna
hefur fengið þúsundir sjálfboða-
liða í lið með sér vegna afleið-
inga fellibylsins sem lagði hluta
af Louisiana-ríki í rúst. - gag
Ríkisstjórnin:
Vottar samú›
HAMFARIR Halldór Ásgrímsson for-
sætisráðherra hefur fyrir hönd
ríkisstjórnarinnar sent George W.
Bush, forseta Bandaríkjanna,
samúðarskeyti vegna manntjóns-
ins í kjölfar fellibylsins Katrínar.
Aðstoð við björgunarstörf eða
fjárframlög var ekki boðin, sam-
kvæmt upplýsingum forsætis-
ráðuneytisins, enda var ekki eftir
því óskað.
Forsætisráðherra ritaði í
skeytinu að íslenska þjóðin væri
harmi slegin vegna þess fjölda
sem lét lífið og þess tjóns sem
varð í þessum náttúruhamförum.
Óskar forsætisráðherra íbúum
Bandaríkjanna velfarnaðar í þeim
verkefnum sem fram undan eru.
- gag
HAMFARIRNAR
ÞJÓFNAÐUR Í NEYÐ Óprúttnir
þjófar hafa ekki skirrst við að fara
ránshendi um New Orleans. Neyðin
rekur þó marga til að taka vörur úr
búðum ófrjálsri hendi og var til
dæmis þröng á þingi í apóteki í
borginni. Maður nokkur sýndi
fréttamönnum ör eftir skurðaðgerð
og kvaðst verða að stela þvagleka-
bindum. „Ég er kristinn, ég er með
samviskubit.“
BORGARSTJÓRINN REIÐUR Emb-
ættismenn á hamfarasvæðunum
eru Almannavörnum Bandaríkj-
anna gramir fyrir seinagang í
hjálparstarfinu. Ray Nagin, borgar-
stjóri í New Orleans, var ómyrkur í
máli í sjónvarpsviðtali í fyrrakvöld
þar sem hann blótaði stjórnvöldum
og brast loks í grát. „Hunskist á
fætur og reynið að gera eitthvað,“
hrópaði hann.
ÞÓRIR GUÐMUNDSSON Þórir segir fjöl-
marga hafa haft samband við Rauða kross
Íslands. Fólkið vilji gefa fé til aðstoðar við
björgunarstarfið í Bandaríkjunum.
FR
ÉT
TA
B
LA
Ð
IÐ
/H
AR
I
HAMFARIR Ástandið eftir hamfar-
irnar er mjög slæmt að sögn Ólafs
Árna Ásgeirssonar, ræðismanns
Íslands í Houston í Texas. Hann
segir að um 30 til 40 Íslendingar
búi í Houston en líklega um tíu í
New Orleans og svæðunum þar í
kring.
„Mér er hvorki kunnugt um að
Íslendingar hafi orðið innlyksa í
New Orleans né að einhverjir séu
á leið hingað,“ segir Ólafur Árni,
en þúsundum fórnarlamba felli-
bylsins hefur verið ekið til Hou-
ston. Fréttablaðið reyndi án ár-
angurs í gær að ná í Greg J. Beu-
erman, ræðismann í New Orleans.
Ólafur Árni segist heldur ekkert
hafa heyrt í honum enda liggi allt
símasamband niðri. - th
Ræðismaðurinn í Houston:
Ástandi› er mjög slæmt
ÓLAFUR ÁRNI ÁSGEIRSSON
Houston er í um 400 kílómetra fjarlægð
frá New Orleans og segir Ólafur Árni íbúa
Houston prísa sig sæla að hafa sloppið við
fellibylinn.
HAMFARIR Glundroði og grip-
deildir hafa einkennt New Or-
leans-borg síðustu daga. Lög-
reglumenn hafa skilað inn
skjöldum sínum á meðan stiga-
menn fara um ruplandi og ræn-
andi.
Óveðrið á mánudaginn var að-
eins byrjunin á raunum þeirra
sem ekki náðu að flýja New
Orleans. Síðustu daga hefur
borgin orðið algjöru stjórnleysi
að bráð sem yfirvöld hafa átt
fullt í fangi með að ná tökum á.
Skotið hefur verið á hjálpar-
starfsmenn sem reynt hafa að
bjarga sjúkum og þjáðum.
Einna verst hefur ástandið
verið við Louisiana Superdome-
íþróttaleikvanginum og í ráð-
stefnumiðstöð New Orleans, þar
sem tugþúsundir strandaglópa
sitja fastar. Á síðarnefnda staðn-
um hafði fólkið beðið matar- og
drykkjarlaust dögum saman í
kæfandi hita innan um rotnandi
lík eftir aðstoð. „Hér er hvorki
matur né vatn. Þeir skjóta og
drepa fólk,“ sagði Tishia Walt-
ers, ein hinna bágstöddu, í sam-
tali við CNN. „Menn eru rændir
á klósettunum og konum nauðg-
að og því kýs fólk að gera þarfir
sínar á gólfið. Hér ríkir alger
upplausn.“ Þrátt fyrir að yfir-
völd hafi hvatt íbúa borgarinnar
til að halda þangað kvaðst tals-
maður Almannavarna Banda-
ríkjanna (FEMA) hafa fyrst frétt
af mannsöfnuðinum þar í gær.
Í dögun gærdagsins varð
mikil sprenging í efnageymum á
járnbrautarstöð borgarinnar.
Ekki er vitað um manntjón af
völdum sprengingarinnar en
talsverður eldur kviknaði í kjöl-
farið og logaði næturhimininn af
þeim völdum
Fjöldi lögreglumanna er sagð-
ur hafa lagt niður störf á svæð-
inu. Einn þeirra líkti ástandinu
við upplausnina í Sómalíu á
sínum tíma þar sem samfélagið
hrundi með öllu. Annar sagði
glæpamenn bæði fjölmennari og
betur vopnaða en lögregluna.
Í gær voru svo sjö þúsund
þjóðvarðliðar sendir til borgar-
innar til þess að stilla til friðar,
stöðva gripdeildir og dreifa
hjálpargögnum. Steven Blum
höfuðsmaður sagði helming
þeirra vera nýkominn frá Írak
og þeir væru því „mjög vanir í
að beita lífshættulegum krafti.“
sveinng@frettabladid.is
Helvíti á jör›u
Ástandi› í New Orleans er skelfilegt. Ribbaldar rá›a
flar ríkjum og hefur herli› veri› kvatt á vettvang til
a› koma á lögum og reglu – me› hör›u.
ALGER UPPLAUSN Hrikalegt ástand hefur verið í ráðstefnumiðstöð New Orleans þar sem
þúsundir biðu eftir vatni, mat og öðrum nauðþurftum, þar á meðal margir sjúklingar.
M
YN
D
/A
P