Fréttablaðið - 17.11.2005, Side 12

12 17. nóvember 2005 FIMMTUDAGUR
VERÐBÓLGU MÓTMÆLT Ungliðar demó-
krata í Serbíu mótmæla hér tuttugu
prósenta árlegri verðbólgu. Verðbólgan í
landinu er ein sú mesta í Evrópu.
FRÉTTABLAÐIÐ/AP
ÞÝSKALAND, AP Matthias Platzeck,
forsætisráðherra (fylkisstjóri)
austur-þýska sambandslands-
ins Brandenborgar, var nær
einróma kjörinn nýr formaður
þýska Jafnaðarmannaflokksins,
SPD, á flokksþingi á þriðjudag.
Þar með eru Austur-Þjóðverjar
komnir í formannsstól beggja
stóru flokkanna í þýskum stjórn-
málum, en þeir eru nú að hefja
stjórnarsamstarf í annað sinn í
sögu þýska sambandslýðveldis-
ins.
Platzeck fékk atkvæði 512
þingfulltrúa, tveir greiddu
atkvæði gegn honum og einn
sat hjá. „Ég mun gera allt til að
endurgjalda þessa gríðarmiklu
traustsyfirlýsingu,“ sagði Platz-
eck í þakkarræðu sinni.
Platzeck er 51 árs náttúru-
fræðingur sem ólst upp í austur-
þýska alþýðulýðveldinu, en þann
bakgrunn á hann sameiginlegan
með Angelu Merkel, formanni
Kristilegra demókrata og verð-
andi kanslara. Hann tekur við
flokksformennskunni af Franz
Müntefering, sem óvænt gaf
ekki kost á sér lengur í emb-
ættið. Platzeck verður áfram
forsætisráðherra Brandenborg-
ar en Müntefering verður vara-
kanslari í sambandsríkisstjórn-
inni. - aa
Þýski Jafnaðarmannaflokkurinn:
Austur-Þjóðverji í
formannsstólinn
TEKUR VIÐ STÝRINU Matthias Platzeck sest undir stýri á rækilega merktum Trabant á flokks-
þingi SPD í Karlsruhe. FRÉTTABLAÐIÐ/AP
DANMÖRK Jafnaðarmenn komust
í lykilstöðu í þremur af fjórum
stærstu borgunum í Danmörku
í sveitarstjórnarkosningunum í
fyrradag.
Í höfuðborginni fengu jafnað-
armenn um 35 prósent atkvæða
og er fastlega búist við að þeir
myndi meirihluta með sósíal-
istum og Radikale Venstre. Ritt
Bjerregaard verður næsti borg-
arstjóri, fyrst kvenna sem gegnir
því starfi.
Jafnaðarmenn töpuðu hins
vegar völdum í Óðinsvéum en þar
höfðu þeir setið á borgarstjórastóli
í 68 ár. Forystumaður þeirra,
Anker Boye, bauð Radikale
Venstre borgarstjórastólinn ef
þeir mynduðu meirihluta með
þeim en allt kom fyrir ekki.
Jafnaðarmenn eru ótvíræð-
ir sigurvegarar kosninganna en
fylgi þeirra jókst um tvö prósent
yfir landið. Radikale Venstre
eykur jafnframt fylgi sitt
umtalsvert. Íhalds-
flokkurinn tapar hins
vegar fylgi sem
nemur einu pró-
senti og Venstre,
flokkur Anders
Fogh Rasmus-
sen forsætis-
ráðherra, dal-
aði líka.
Kosið var
til 98 sveit-
arstjórna og í
fimm héraðs-
stjórnir. Ríflega
fjórar milljónir
manna voru á kjör-
skrá og greiddu um 70
prósent þeirra atkvæði.
- ghs
Ritt Bjerregaard orðin borgarstjóri í Kaupmannahöfn:
Jafnaðarmenn sigurvegarar
SVEITARSTJÓRNARMÁL Íbúaþing
verður haldið í Lindaskóla í
Kópavogi á laugardaginn kemur
en þá gefst íbúum tækifæri til
að tjá sig um það sem þeim ligg-
ur á hjarta varðandi málefni
bæjarins.
„Þetta fer þannig fram að
fundargestir skrifa á gulan miða
það sem þeir vilja koma á fram-
færi,“ segir Margrét Björns-
dóttir, formaður umhverfisráðs.
„Síðan er unnið úr hverjum ein-
asta miða og þessar upplýsingar
notaðar í okkar vinnu.“
Árið 2001 hélt Kópavogsbær
íbúaþing fyrst allra bæjarfélaga
og tókst afar vel til að sögn
Margrétar. „Eins og þá leggjum
við nú mikið upp úr því að heyra
skoðanir unga fólksins og hefur
sérstakur vinnuhópur verið
skipaður í þeim tilgangi.
Síðast komu margar góðar
hugmyndir frá unga fólkinu;
þau vildu til dæmis fá Smára-
lindina og það varð úr en svo
vildu þau líka ókeypis nammi en
það er kannski ekki alltaf hægt
að verða við öllu,“ segir Margrét
kankvís.
Hún vonast til þess að um
fimm hundruð manns mæti í
Lindaskóla til að láta skoðun
sína í ljós enda eru mörg mál og
stór í undirbúningi. - jse
Íbúaþing verður haldið í Kópavogi á morgun:
Krakkarnir vildu Smáralind
KÓPAVOGUR Kópavogsbúar geta komið
skoðunum sínum á framfæri við bæjaryfir-
völd á fundinum á laugardag. Unga fólkið
er ekki síður hvatt til að láta skoðun sína
í ljós.
������������
�����
�������
�����
�����
����
����������������
�����
���������������
����
�����������
����������������
����
����������������
����
����������������
����
MÁLÞING Hugvísindaþing 2005
verður haldið í sjö kennslustofum
í Aðalbyggingu Háskóla Íslands og
hefst klukkan hálfníu að morgni
föstudags.
Á þinginu verða fluttir um
áttatíu fyrirlestrar á sviði hug-
vísindanna, um guðfræði, mál-
vísindi, tungumál, sagnfræði og
heimspeki. Meðal annars verða
fyrirlestrar um píslarsöguna og
um stöðu þjóðkirkjunnar. Þá verð-
ur fjallað um máltöku barna og
talmein. Borin verða saman orða-
tiltæki ólíkra tungumála, fjallað
um karlmennskuna, fjölmiðla og
margt fleira.
Að þinginu standa hugvísinda-
deild Háskólans, auk guðfræði-
deildar, Hugvísindastofnunar og
Guðfræðistofnunar. Dagskráin er
á slóðinni www.hugvis.hi.is.
- óká
Heillandi heimur í HÍ:
80 fyrirlestrar
á einum degi
HJÁLPARSTARF Stjórn Bandalags
íslenskra skáta hefur ákveðið að
gefa andvirði fimmtán tjalda til
hjálparstarfsins í Pakistan samtals
að verðmæti 150 þúsund króna.
Stjórnin brást þar með skjótt
við neyðarkalli frá kvenskátum
þar í landi sem óskuðu eftir liðsinni
skáta allra landa. Sérstaklega var
óskað eftir tjöldum fyrir fólk til að
búa í. Vegna erfiðleika með flutn-
ing og verðs á tjöldum hér á landi
var ákveðið að senda þennan styrk
til Pakistans tjalda í stað.
Það kemur svo í hlut pakist-
önsku kvenskátanna að ráðstafa
fénu þar sem það kemur að mestu
notum. - jse
Bandalag íslenskra skáta:
Senda styrk til
Pakistan
ÚRSLIT SVEITARSTJÓRNARKOSNINGA Í
KAUPMANNAHÖFN
DEILUR Tryggvi Sigtryggsson, trún-
aðarmaður kennara við Mennta-
skólann á Ísafirði, er ósáttur við
það að Ólína Þorvarðardóttir
skólameistari skuli hafa óskað
eftir útskýringum á því hvers
vegna tilkynning
um veikindafor-
föll Ingibjargar
Ingadóttur kenn-
ara barst skólan-
um seint.
„Hið rétta
er að þann 23.
september fór
ég heim til Ólínu
með læknisvott-
orð og afhenti
henni það per-
sónulega,“ segir Tryggvi og telur
að starfsheiðri sínum vegið í við-
talsboðun sem Ólína sendi Ingi-
björgu fyrr í mánuðinum. - saj
Trúnaðarmaður kennara MÍ:
Tryggvi telur
að sér vegið
MENNTASKÓLINN
Á ÍSAFIRÐI Deilur
milli kennara og
skólastjóra dragast
nú á langinn.