Fréttablaðið - 17.11.2005, Page 26

17. nóvember 2005 FIMMTUDAGUR26
hagur heimilanna
GÓÐ HÚSRÁÐ
LYKT Í FÖTUM
■ Hjördís Edda Broddadóttir, fram-
kvæmdastjóri Leiðbeiningarstöðvar
heimilanna, er hálfgerð alfræði-
orðabók í góðum
húsráðum. Hún
miðlar hér húsráði
sem tengist ólykt af
þvotti, því mikið er
spurt um það hjá
Leiðbeiningastöð
heimilanna. Sjálf hefur hún notað
það oft og hefur góða reynslu af því.
„Gott er að nota efni sem heitir Rodalon
og er sótthreinsandi og eyðir lykt, en hefur
engin áhrif á litina í flíkinni. Setjið vatn í stórt
ílát og blandið Rodaloni saman við. Setjið
illa lyktandi þvottinn út í og látið liggja góða
stund. Setjið síðan beint í þvottavél og þvoið
eins og venjulega. Rodalon fæst í flestum
lyfjaverslunum.“
Ef hringt er í símanúmerið 118 er yfirleitt kona sem svarar með orðunum „Já, 118“.
Í þessu símanúmeri er hægt að fá upplýsingar um síma- og faxnúmer,
nöfn, netföng, heimasíður og heimilisföng skráðra símnotenda.
Þegar símaskráin er ekki fyrir hendi getur verið hentugt að hringja í
þetta númer sem auðvelt er að muna. Ef aðstæður krefjast síma-
númera í útlöndum er svo hægt að hringja í 1811, þar sem allir
þjónustufulltrúar tala ensku og norðurlandamál, auk þess sem
þar er starfsfólk sem talar frönsku, þýsku, spænsku og ítölsku.
Kostnaður við að hringja í 118 er misjafn eftir því hvort hringt
sé úr farsíma, eða heimasíma. Þá er einnig dýrara að hringja á
kvöldin. Upphafsverð er alltaf 47 krónur. Dagtaxti, frá klukkan
08.00 til 19.00, er 49,90 krónur á mínútuna úr heimasíma en
59,90 úr farsíma. Kvöldtaxti er 69,90 á mínútuna ef hringt er
úr heimasíma, en 79,90 úr farsíma. Ef beðið er um áfram-
tengingu kostar það þrjár krónur ef svarað er og það kostar
níu krónur að fá símanúmer sent með smáskilaboðum.
■ Hvað kostar... að hringja í 118?
Dýrast úr gemsa á kvöldin
Allmargar verslanir við
Laugaveg verðmerkja ekki
vörur í gluggum sínum eins
og lög kveða á um. Ástæð-
urnar eru margvíslegar en
fyrst og fremst að skipt sé
svo oft um vörur í gluggum
þessa dagana að það sé ekki
heiglum hent.
Talsvert vantar upp á að verslanir
við Laugaveg í Reykjavík fari að
settum reglum hvað varðar verð-
merkingar í gluggum verslana.
Kveða reglurnar skýrt á um að
öllum söluaðilum sé skylt að verð-
merkja allar vörur og þjónustu
með söluverði. Á það ekki síst við
um vörur í verslunargluggum en
mikið vantar upp á að svo hafi
verið á Laugaveginum við úttekt
Fréttablaðsins.
Starfsfólk og eigendur versl-
ana bera því við að þessi árstími
sé sérstaklega slæmur hvað þetta
varðar. Margir eigendur skipti um
og breyti útstillingum sínum oftar
á þessum tíma og fram að jólum
en annars er eðlilegt og það geti
útskýrt af hverju verðmerkingum
sé áfátt. Aðrir seljendur smávöru
hvers konar bentu einnig á að ekki
væri auðvelt að verðmerkja marg-
ar slíkar vörur með góðu móti án
þess að skyggja á vöruna sjálfa.
Aðrir voru þó á því að verð-
merkingar í gluggum væru aðeins
enn einn hluti af sjálfsagðri þjón-
ustu. Góð tilboð í gluggum fengi
fólk frekar inn í verslunina en ella
og svöluðu forvitni allra þeirra
sem leið ættu um á lokunartíma.
Fréttablaðið gerði svipaða
könnun í Kringlunni fyrr í haust
og reyndust verslanir þar að
mestu hafa sitt á hreinu. Verið
getur að verð og vörur breytist
hraðar þegar líða fer að jólum og
það hafi áhrif á samanburð þarna
á milli. ■
Verðmerkingum á
Laugavegi ábótavant
Annir eru, sem aldrei fyrr, á
bókasöfnum landsins þegar
jólabókaflóðið hellist yfir með
öllum þeim reka sem því fylgir.
Nýjustu bækurnar eru keyptar inn
um leið og þær koma út, en örfáir
dagar líða þar til þær eru settar í
útlán því skráning og frágangur
taka sinn tíma.
Bókþyrstir þurfa annaðhvort
að stóla á heppnina eða sýna þraut-
seigju til að komast yfir nýjustu
bækurnar á næstu vikum því ekki
er hægt að leggja inn pöntun á
söfnunum. „Það verður ekki hægt
að panta nýjustu bækurnar fyrr en
eftir áramót,“ segir Erla Kristín
Jónasdóttir, safnstjóri aðalsafns
Borgarbókasafns Reykjavíkur.
Þannig gefast öllum jafnir mögu-
leikar á að sjá nýja bók á söfnun-
um, annars gengju þær
bara á milli
þeirra sem
hafa pant-
að og væru
aldrei inni.
Erla Krist-
ín segir þær
bækur sem eru
v i nsælasta r
af nýmetinu
vera í stöð-
ugu útláni
langt fram á nýtt ár. „Og sumar
stoppa aldrei á söfnum eins og til
dæmis Arnaldur. Gömlu bækurn-
ar hans sjást varla.“
Sumir þeirra sem
ekki hafa þolinmæði
til að bíða eftir nýj-
ustu bókunum
hafa komið sér
upp öðrum siðum
og eru ári á eftir
í lestrinum. „Ég
veit að margir kíkja
eftir bókunum frá
því í fyrra, nú eru
þær á lausu,“ segir
Erla Kristín. ■
Margir spara sér aurinn og bíða þess að nýjustu bækurnar komi á bókasöfnin:
Stoppa stutt á söfnunum
„Bestu kaupin sem ég geri reglulega er
þegar ég kaupi kryddsíld af Lionsklúbbn-
um á Hofsósi. Þetta er einhver bragðbesta
síld sem ég hef smakkað og ég kaupi
hana í stórum fötum,“ segir Gísli Einars-
son, blaðamaður á Skessuhorni og
umsjónarmaður sjónvarpsþáttarins
Út og suður í Ríkissjónvarpinu.
„En ef ég á að nefna bestu kaup
sem ég hef gert fram að þessu
á lífsleiðinni þá held ég að ég
verði að segja að það sé húsið
mitt í Borgarnesi. Þetta er efri
hæð í 100 ára gömlu húsi sem
var símstöð hér á árum áður
og talið er að fyrsti símstreng-
urinn hafi verið lagður úr því og
í pretssetrið á Borg á Mýrum. Ég
festi kaup á þessu húsi fyrir fimm
árum og fékk það á góðu verði, það hlýtur að hafa
tvöfaldast í verði síðan þá,“ segir Gísli. „Vissulega
hef ég lagt ýmislegt í húsið síðan ég keypti það
eins og gengur og gerist þegar maður kaupir
fullorðin hús.“
Þegar Gísli er spurður hver séu verstu
kaupin sem hann hafi gert stendur ekki á
svarinu.
„Ég hef gert mörg mjög vond kaup.
Verstu kaupin gerði ég samt þegar
var tvítugur. Þá keypti ég mér frekar
dýran bíl, Ford Sierra. Þetta var
kraftmikill og flottur bíll en það kom
eiginlega allt fyrir hann. Ég þurfti að
skipta tvisvar um vél og klessti hann
tvisvar. Þessi bíll kostaði mig aleiguna á
sínum tíma og þó að ég hafi náð að selja
hann fyrir rest þá fékk ég ekki nema brot af
því sem hann kostaði mig.
NEYTANDINN: GÍSLI EINARSSON BLAÐAMAÐUR Á SKESSUHORNI
Kryddsíldin og húsið í Borgarnesi
Neytendastofa hefur vísað frá kæru Harðviðar ehf. á hendur Sifjar ehf. vegna
notkunar þess síðarnefnda á léninu hardvidur.is.
Var kæran lögð fram þar sem fyrirtækið Harðviður taldi sig eiga tilkall til lénsins
á grundvelli þess að það heiti væri nátengt tilgangi félagsins. Á þessi rök féllst
Neytendastofa ekki þar sem Sif ehf. stundar sams konar innflutning og sölu og
Harðviður ehf.
■ Verslun og þjónusta
Neytendastofa vísar kæru frá
Neytendastofa hefur bannað frekari sölu á morgunkorninu Malt-O-Meal þar
sem innflutningsaðila hefur ekki tekist að sanna fullyrðingar þær er fram koma í
auglýsingum og á umbúðum vörunnar.
Varan er auglýst sem betri og ódýrari en
sambærilegar vörur aðrar og settar fram aðrar
fullyrðingar sem engin gögn styðja og því um
brot á lögum um óréttmæta viðskiptahætti
að ræða.
■ Verslun og þjónusta
Sala á Malt-O-Meal stöðvuð
VINNUFATABÚÐIN Engar vörur verðmerktar í gluggum en Hildur
Símonardóttir, annar eigenda verslunarinnar, sagði það eingöngu
af því að nýbúið væri að breyta útstillingum og eftir væri að verð-
merkja. Alla jafna væri það gert.
HJÁLMAR TORFASON
GULLSMIÐUR Vörur
eru merktar en ekki
þannig að viðskipta-
vinir sjái. Að sögn
starfsmanns reyndist
það ómögulegt.
Vörurnar væru svo
smáar að þær hyrfu
bak við verðmerking-
arnar og frá því hefði
verið horfið.
ALLT Í BLÓMA
Engar merkingar.
Eigandi staðarins
sagði fremur vilja
sýna fallega útstill-
ingu og í raun væri
ekki mögulegt að
verðmerkja
svo vel færi.
DIMMALIMM Allar
vörur í gluggum
verðmerktar og sagði
Þóra Björg Ágústs-
dóttir sem þar starfar
að það hefði verið
regla hjá versluninni
frá upphafi að hafa
slíkt því það væri
ekkert annað en
aukin þjónusta við
viðskiptavininn.
GLERAUGNASALAN Allt verðmerkt og svo hefur verið í 20 ár
meðan Helene Pálsdóttir hefur starfað þar. Um smávöru er að
ræða en verðmerkingar snyrtilega fram settar og skyggja ekki á
vöruna.
Ve
rð
í
kr
ón
um
21
1
14
2
14
5
20
3
11
9
2001
2003
2004
2002
2005
Heimild: Hagstofa Íslands
ÚTGJÖLDIN
> Verð á kíló á perum í ágúst
Miðað við verðlag á öllu landinu.