Fréttablaðið - 17.11.2005, Qupperneq 31

FIMMTUDAGUR 17. nóvember 2005 31
BRÉF TIL BLAÐSINS
" Ég bor›a All-Bran á hverjum
degi og mér lí›ur betur."
fiorleifur F. Magnússon.
Prófa›u a› bor›a eina skál daglega af All-Bran Original í 10 daga og flú finnur muninn á heilsunni,
flví varla er völ á hollara morgunkorni. All-Bran Original inniheldur 50% af rá›lög›um dagskammti
af trefjum sem bæta meltingu og hla›a líkamann fullan af orku sem fleytir flér inn í daginn.
Fyrir um mánuði sendi Röskva
öllum alþingismönnum bréf þar
sem sýn Röskvu á háskólann og
málefni stúdenta var lýst. Auk þess
voru lagðar fyrir þingmennina
fimm spurningar. Þeir voru spurðir
um afstöðu þeirra til skólagjalda,
fjöldatakmarkana, námslána, stúd-
entakjara á heilbrigðisþjónustu og
hvort þeir hyggðjast beita sér fyrir
því að flokkur þeirra móti sér heild-
stæða stefnu um fyrrnefnd atriði.
Skemmst er frá því að segja að
aðeins einn þingmaður svaraði um
hæl, Ingibjörg Sólrún Gísladóttir,
formaður Samfylkingarinnar, og
var svar hennar birt á heimasíðu
Röskvu 13. október síðastliðinn. Þar
vísar Ingibjörg á mennta- og menn-
ingarmálahóp Samfylkingarinnar
og biður okkur að leita til þeirra með
einstök málefni en bætir við að jafn-
framt komi það „þó auðvitað ekki
í veg fyrir að einstakir þingmenn
svari ykkur ef þeim sýnist svo“.
Eftir að hafa ítrekað gengið eftir
svörum og boðið alþingismönnum til
fundar bárust loks svör frá tveimur
stjórnarandstöðuflokkanna, Sam-
fylkingu og vinstri grænum, fyrr í
vikunni. Þingmenn hinna flokkanna
hafa enn ekki svarað spurningum
Röskvu. Spurningarnar fjalla þó
einvörðungu um málefni sem skipta
stúdenta miklu máli. Má ótrúlegt
telja að þingmenn hafi ekki velt
þeim fyrir sér og sjái ekki ástæðu
til þess að svara þeim, jafnvel þó að
á eftir því sé gengið.
Tilgangur Röskvu með bréfs-
endingunni til þingmanna var ekki
að kynna sér stefnur flokkanna í
menntamálum. Þær þekkjum við
vel og auðvelt er að nálgast slíkar
almennar upplýsingar á heima-
síðum flokkanna. Við vildum hins
vegar vita hvort og hvernig þing-
mennirnir hugsa almennt um
Háskóla íslands og hvort þeir hafi
myndað sér skoðun á því hvernig
eigi að taka á málefnum hans. Það
dugir ekki að leggja til fína mennta-
stefnu ef enginn áhugi er á að
framkvæma hana. Eru stefnurnar
málamiðlunarsúpa matreidd fyrir
hvern sem vill smakka – eða er hún
vel ígrunduð á grunni þeirrar hug-
myndafræði sem flokksmenn og
þingmenn standa fyrir, með stúd-
enta og framtíðarsýn að leiðarljósi?
Stór meirihluti þingmanna
Alþingis er útskrifaður frá Háskóla
Íslands. Sumir eru þakklátir fyrir að
hafa fengið þetta einstaka tækifæri
til menntunar, aðrir segja að eftir
útskrift horfi hlutirnir öðruvísi við
og skólagjöld séu orðin fýsilegri.
Hvort heldur sem er telur Röskva að
alþingismenn eigi að sýna þjóðskól-
anum og stúdentum sem þar nema
áhuga og tilskylda virðingu með því
að gera grein fyrir afstöðu sinni.
Röskva stendur fyrir hádegisfundi
í dag þar sem þingmenn munu sitja
fyrir svörum um spurningar bréfs-
ins.Fundurinn fer fram í Lögbergi
og hefst klukkan 12.20.
Höfundur er formaður Röskvu,
samtaka félagshyggjufólks við HÍ.
Þegar stórt er spurt...
UMRÆÐAN
ALÞINGI OG HÁ-
SKÓLI ÍSLANDS
EVA BJARNADÓTTIR
Eru stefnurnar málamiðlunar-
súpa matreidd fyrir hvern sem vill
smakka – eða er hún vel ígrunduð
á grunni þeirrar hugmyndafræði
sem flokksmenn og þingmenn
standa fyrir, með stúdenta og
framtíðarsýn að leiðarljósi?
Athugasemd
Undirritaður vill leiðrétta þær rangfærsl-
ur sem hafðar eru eftir Ólínu Þorvarðar-
dóttur, skólameistara Menntaskólans á
Ísafirði, í Fréttablaðinu 11. nóvember en
hún segir að Ingibjörg Ingadóttir kennari
hafi ekki tilkynnt um veikindi fyrr en fjór-
um dögum eftir að veikindaleyfi hennar
hófst. Hið rétta er að föstudaginn 23.
september sl. fór trúnaðarmaður heim
til skólameistara með læknisvottorðið
og afhenti skólameistara það persónu-
lega. Veikindaleyfi Ingibjargar hófst síðan
mánudaginn 26. september.
Tryggvi Sigtryggsson, trúnaðarmaður
kennara í MÍ.
Halldór nýr Hermann
Það er kominn tími á að varnarliðið fari.
Halldór Ásgrímsson forsætisráðherra
hefur sagt síðustu daga að varnarliðið
megi fara. Við séum ekki að biðja það
að vera hér áfram, ef það vill fara. Hall-
dór gerist nú nýr Hermann Jónasson sem
áður leiddi Framsóknarflokkinn og hélt
virðingu Íslands í þorskastríðinu. Hall-
dór á að segja „herinn burt“. Þá verður
Framsókn aftur með meira fylgi og stærri
flokkur.
Hingað á í þess stað að bjóða fræði-
mönnum frá Bandaríkjunum á hverju ári
til að ræða um stjórnarskrá Bandaríkj-
anna og lýðræðisgrunn hennar. Anda
hennar þarf að kynna og breiða út um
heiminn allan Svo væri til bóta að
stofna hér víkingastofnun sem boðaði
trú og anda hins frjálsa manns í öðrum
löndum. Leifur Eiríksson steig sem land-
nemi og leiðtogi á land í Bandaríkjunum.
Heiðra hann.
Háttsettur bandarískur hermaður
svaraði aðspurður höfundi þessarar
greinar að hlutverk sitt í heiminum væri
að verja stjórnarskrá Bandaríkjanna og
lýðræði hennar. Það væri hægt á víkinga-
fundi á hverju sumri á Þingvöllum þar
sem boðaður væri friður án vopna og
fangabúða. Þingræði í raun.
Lúðvík Gizurarson hæstaréttarlögmað-
ur.