Fréttablaðið - 17.11.2005, Page 80

56 17. nóvember 2005 FIMMTUDAGUR
FÓTBOLTI Það virðist ekki kunna
góðri lukku að stýra að fara í
MTV-þáttinn Cribs, en í þeim
þætti sýnir frægt fólk heimili sín.
Í tvígang hafa útbrunnar knatt-
spyrnustjörnur sem komu fram í
þættinum verið rændar.
Fyrst var það Ian Walker, fyrr-
um landsliðsmarkvörður Eng-
lands, og síðastliðinn föstudag var
komið að Suður-Afríkumanninum
Mark Fish, sem lék með Charlton
og Bolton. Báðir eiga það sameig-
inlegt að brotist var inn hjá þeim
innan við tveimur vikum eftir að
þeir komu fram í Cribs.
„Konan mín var í herbergi
strákanna okkar en ég einn í
hjónarúminu því ég átti að fara í
flug snemma um morguninn. Allt
í einu stekkur einhver á bakið á
mér og segir að mér sé hollast að
hlýða sér. Síðan tróð hann sokk
í munninn á mér og batt á mér
hendurnar,“ sagði Fish, sem á tvo
stráka. „Ég sagði hvar verðmætin
væru að finna, þeir tóku þau og
létu sig hverfa. Þetta var skelfileg
lífsreynsla.“
- hbg
Vinsælt að brjótast inn hjá útbrunnum knattspyrnumönnum:
Brotist inn hjá Fish og Walker
MARK FISH Hættur í boltanum en vinnur
fyrir knattspyrnusamband Suður-Afríku.
FRÉTTABLAÐIÐ/GETTY IMAGES
FÓTBOLTI Ástralía mun taka þátt í
HM í fyrsta skipti síðan 1974 eftir
að liðið tryggði sér farseðilinn til
Þýskalands eftir sigur á Úrúg-
væ í umspili. Úrúgvæ vann fyrri
leikinn á heimavelli, 1-0, og sömu
tölur voru eftir níutíu mínútna leik
hjá liðunum í Ástralíu í gær. Varð
því að grípa til framlengingar og
að lokum vítaspyrnukeppni til að
knýja fram úrslit.
Mark Schwarzer, markvörð-
ur Middlesbrough, varði tvær
spyrnur frá leikmönnum Úrúgvæ
og breytti engu fyrir Ástrala að
Mark Viduka skyldi klúðra einni
spyrnu. Það var að lokum John
Aloisi sem skoraði úr vítinu sem
skaut Áströlum til Þýskalands og
ætlaði allt um koll að keyra í land-
inu í kjölfarið.
Þetta er aðeins í annað sinn
sem Ástralir komast á HM en eins
og áður sagði gerðist það fyrst
árið 1974.
- hbg
Ástralía komst á HM í Þýskalandi:
Lagði Úrúgvæ eftir
vítaspyrnukeppni
HETJA ÁSTRALA John Aloisi skoraði úr vít-
inu sem kom Ástralíu á HM næsta sumar.
FRÉTTABLAÐIÐ/GETTY IMAGES
FÓTBOLTI Hin ótrúlega byrjun smá-
liðsins Osasuna í spænsku úrvals-
deildinni, sú besta hjá félaginu í
níutíu ára sögu þess, hefur vakið
óskipta athygli knattspyrnu-
áhugamanna um alla Evrópu. Osa-
suna trónir nú á toppi deildarinnar,
tveimur stigum á undan Barcelona
og þremur á undan Real Madrid,
og er ekkert að gefa eftir eins og
fjölmiðlar á Spáni hafa verið að
bíða eftir enda virðist sem árang-
ur liðsins í ár eigi ekkert skylt við
heppni.
Osasuna, sem var spáð falli
áður en tímabilið hófst, hefur lík-
lega átt erfiðustu leikjatörnina af
öllum liðum það sem af er og hefur
liðið lagt að velli Celta, Villarreal,
Sevilla og Deportivo sem raða sér
í 4.-7. sæti deildarinnar í dag.
Liðið tapaði fyrir Barcelona en í
síðustu umferð vann liðið útisigur
á Real Sociedad, í fyrsta skipti í
sögunni. „Þetta er besta liðið sem
við höfum mætt í ár,“ sagði Jose
María Amorrortu, þjálfari Socied-
ad, eftir leikinn. „Osasuna leyfði
okkur ekki að spila okkar leik. Við
áttum aldrei möguleika,“ bætti
hann við.
Ljóst er að hinn mexíkóski
þjálfari Osasuna, Javier Aguirre,
hefur unnið þrekvirki með liðið
í ár. Sjálfur segir hann að vel-
gengni liðsins felist í ferskleika
og góðu formi leikmanna liðsins,
sem fæst með því skiptikerfi sem
Aguirre hefur stuðst við í haust.
Osasuna hefur aldrei stillt upp
sama liðinu tvo leiki í röð, aðeins
tveir leikmenn hafa spilað 700
mínútur í fyrstu 11 leikjunum og
að meðaltali hefur Aguirre gert
sex breytingar á sínu liði eftir
hvern leik. Meira að segja hafa
markmenn liðsins verið að skipta
leikjunum á milli sín. „Með þessu
móti er enginn byrjunarmaður í
liðinu, en jafnframt enginn vara-
maður heldur,“ segir Cesar Cru-
chaga, einn leikmanna liðsins.
Helsta stjarna liðsins, ef
stjörnu má kalla, er serbneski
framherjinn Savo Milosevic.
Hann hefur komið víða við á
sínum ferli en kveðst aldrei hafa
upplifað aðra eins samstöðu og
hjá Osasuna. „Viljinn er ótrúleg-
ur hér. Leikmenn líta á sig sem
bardagamenn. Við gefumst aldrei
upp,“ segir hann.
Á meðan leikmenn liðsins hafa
verið að setja markið hærra í kjöl-
far árangurins í ár er Aguirre
sjálfur með fæturna á jörðinni.
Leikmenn stefna á Evrópusæti en
þjálfarinn stefnir fyrst og fremst
á að forðast fall. „Við þurfum átján
stig til viðbótar til að vera öruggir.
Byrjum á að ná þeim stigafjölda
- sjáum svo til með framhaldið,“
segir hann.
vignir@frettabladid.is
Stöðugar breytingar eru
lykillinn að árangri
Spútniklið spænsku úrvalsdeildarinnar í ár, Osasuna, er ekkert að gefa eftir
og hefur sett stefnuna á Evrópusæti. Lykillinn að hinu góða gengi er stöðugar
mannabreytingar, að sögn þjálfara liðsins.
JAVIER AGUIRRE Engu máli skiptir hvernig
lið hans stóð sig í síðasta leik, alltaf mun
hann gera 4-6 breytingar á liðinu fyrir
næsta leik - til að halda leikmönnum fersk-
um og óþreyttum. Eftir fyrstu sex leikina
á tímabilinu höfðu allir í leikmannahópi
liðsins komið við sögu í deildinni.
FRÉTTBLAÐIÐ/AFP
BESTIR Leikmenn Osasuna hafa haft ærna ástæðu til þess að fagna í ár, enda trónir liðið á
toppi spænsku úrvalsdeildarinnar eftir fyrstu ellefu leiki tímabilsins.
FÓTBOLTI Jose Mourinho, hinn mál-
glaði knattspyrnustjóri Chelsea,
kveðst hvorki skilja upp né niður
í þeim ávana sem Rafael Benit-
ez hafi tileinkað sér að kaupa
leikmenn á allra síðustu stundu.
Benitez reyndi allt hvað hann gat
til að fá Michael Owen til Liver-
pool á síðustu dögum leikmann-
amarkaðarins í haust og segir
Mourinho að svona örvænting sé
aldrei til góðs.
„Ég skil ekki hvernig hægt er
að vaða í svona örvæntingarfull
kaup. Liverpool er nær alltaf á
síðustu stundu með að ganga frá
samningum við sína leikmenn og
það bitnar á liðinu,“ segir Mour-
inho, sem um leið gerir sér grein
fyrir því að hann sjálfur sé í
sérstakri stöðu hjá Chelsea. „Ég
geri mér fyllilega grein fyrir því
að fjárhagslegur styrkur Chel-
sea kemur félaginu í forgang hjá
flestum leikmönnum,“ segir Mour-
inho. - vig
Jose Mourinho um Liverpool:
Þetta er bara
örvænting
RAFAEL BENITEZ Örvæntingarfullur kaupa-
héðinn að mati Jose Mourinho.