Fréttablaðið - 17.11.2005, Síða 81

FIMMTUDAGUR 17. nóvember 2005 57
P &
Ó
internet.is/po
FÓTBOLTI „Þetta eru kannski ein-
hver viðbrigði fyrir leikmennina
en þetta er það sem ég þekki af
reynslu minni sem þjálfari síðustu
ár. Þetta er álag sem vissulega
jafnast á við það sem er í Noregi
en það er ekki hægt að geyma sig
á bak við það að þeir séu atvinnu-
menn en við ekki. Það þarf þá
bara að leggja aðeins meira á sig,“
segir Teitur Þórðarson, þjálfari
KR, sem lætur sína menn æfa átta
sinnum í viku - sem er álag sem
hefur tæpast þekkst hér á landi á
þessum árstíma. „Það er fullt af
mönnum hérna sem dreymir um
að komast út í atvinnumennskuna
og ég ætla að hjálpa þeim til þess.
Þetta er liður í því,“ segir Teitur.
Leikmenn KR eiga frí um
helgar en þurfa að vera mættir
á lyftingaæfingu strax kl. 6.30 á
mánudagsmorgnum. Morgunæf-
ingar eru einnig á þriðjudögum og
fimmtudögum en síðan eru bolta-
æfingar síðdegis alla virka daga
sem eru að lágmarki níutíu mín-
útna langar í hvert skipti.
Á þriðjudagsmorgnum bíður
leikmannanna klukkustundar-
langt útihlaup þar sem hlaupnir
eru á bilinu 12-14 kílómetrar í
hvert skipti en á fimmtudags-
morgnum eru lyftingar, rétt eins
og á mánudögum.
Samkvæmt óvísindalegri
könnun Fréttablaðsins er þetta
helmingi meira æfingaálag en hjá
öðrum félögum í efstu deild, en
flest eru þau að æfa 4-5 sinnum í
viku þar sem hlaup og fótbolti eru
í fyrirrúmi. „Þetta var kannski
erfitt í byrjun en þetta venst fljótt
og mér finnst hugarfar leikmanna
til fyrirmyndar,“ segir Teitur,
sem áætlar að halda þessu álagi
fram í miðjan febrúar, en þá er
fyrirhugað að liðið fari í æfinga-
ferð erlendis. Upp frá henni munu
áherslurnar á æfingum síðan
breytast.
Bjarnólfur Lárusson, einn af
leikmönnum KR, segir að slíkt
æfingaálag sé af hinu góða og
að leikmenn séu almennt mjög
ánægðir með störf Teits.
„Þetta er nú líklega mesta
æfingaálag sem ég hef lent í hér
á Íslandi en það er lítið mál að
vakna aðeins fyrr þrisvar í viku,“
segir Bjarnólfur. „Teitur er gríð-
arlega fær þjálfari sem ætlar að
koma okkur í mjög gott ástand
fyrir næsta tímabil og ef hann
telur að þetta sé ein aðferðin til
þess þá er það hið besta mál. Við
leikmennirnir treystum honum
fullkomnlega.“
vignir@frettabladid.is
KR æfir átta sinnum í viku
Teitur Þórðarson byrjar með látum í starfi sínu sem þjálfari KR og lætur læri-
sveina sína æfa á við atvinnumannalið á Norðurlöndunum.
HARÐSTJÓRI Teitur lætur lærisveina sína æfa mjög grimmt og ætlar sér að vera með það
lið sem er í besta forminu á næstu leiktíð. FRÉTTABLAÐIÐ/VALLI
FÓTBOLTI Steven Gerrard, hinn
magnaði fyrirliði Liverpool, hefur
greint frá því hvernig hann efað-
ist um það í æsku hvort hann gæti
nokkurn tímann orðið atvinnu-
maður í knattspyrnu. Gerrard
segist hafa verið seinþroska og
smávaxnari en flestir jafnaldrar
sínir og það hafi bitnað stórlega á
sjálfstrausti hans.
„Ég var alltaf lítill og hafði allt-
af áhyggjur af því að ég hefði ekki
líkamsburði til að ná sem lengst í
boltanum. Ég átti mjög erfitt upp
yngri flokkana, var mikið meidd-
ur og þegar ég tók vaxtarkipp var
ég alltaf að drepast í hnjánum og í
bakinu. Það voru dagar sem ég fór
heim, lagðist í rúmið og var við
það að gefast upp,“ sagði Gerrard
og bætti því við að það hefðu verið
faðir hans og bróðir sem héldu
honum við efnið.
„Eldri bróðir minn vissi að
ég hefði góða möguleika á að ná
langt í fótbolta. Hann hvatti mig
áfram.“ Þá kveðst Gerrard hafa
verið slakur námsmaður. „Nám
var aldrei mín sterkasta hlið svo
að án fótbolta hefði ég líklega átt í
erfiðleikum.“ - vig
Steven Gerrard:
Efaðist um
eigin getu
STEVEN GERRARD Einn besti leikmaður
heims í dag efaðist um eigin getu fyrir
rúmum áratug.
FÓTBOLTI Jose Mourinho, stjóri
Chelsea, segir að koma Michaels
Owen til Newcastle hafi reynst
félaginu gríðarlega vel og telur
hann að félagið og leikmaðurinn
séu í raun sniðin hvort að öðru.
„Owen var eftirsóttasti leik-
maðurinn og Newcastle var liðið
sem ætlaði að kaupa einhver stór
nöfn. Newcastle vantaði marka-
skorara, fékk Owen og vegna þess
að hann kom náði félagið að sann-
færa Luque um að koma líka,“
segir Mourinho.
Jose Mourinho:
Koma Owens
gerði mikið
Í STUÐI Michael Owen hefur verið duglegur
að skora að undanförnu.
FÓTBOLTI Franski miðjumaðurinn
Lassana Diarra segir af og frá
að hann sé ósáttur með lífið hjá
Chelsea en hann kom til félagsins í
sumar og hefur nánast engin tæki-
færi fengið. Hinn tuttugu ára gamli
Diarra þykir einn allra efnilegasti
leikmaður Frakka en hann spilar í
svipaðri stöðu og Patrick Vieira og
Claude Makelele og hefur Diarra
einmitt sagt að sá síðarnefndi sé
hans helsta fyrirmynd.
„Stjórinn hefur sagt mér að
hann hafi mikla trú á mér og að
ég eigi ekki að missa dampinn. Ég
hef lagt mjög hart að mér síðan ég
kom hingað og ætla einfaldlega að
bíða eftir mínu tækifæri,“ segir
Diarra. - vig
Lassana Diarra hjá Chelsea:
Ánægður að
hafa komið