Fréttablaðið - 20.12.2005, Síða 8

8 20. desember 2005 ÞRIÐJUDAGUR
STJÓRNMÁL Dagur B. Eggertsson,
borgarfulltrúi óháðra á Reykja-
víkurlistanum, hefur gengið til
liðs við Samfylkinguna og hefur
ákveðið að bjóða sig fram í efsta
sæti framboðslista flokksins fyrir
borgarstjórnarkosningarnar í
vor.
Auk Dags stefna Steinunn Val-
dís Óskarsdóttir borgarstjóri og
Stefán Jón Hafstein borgarfull-
trúi einnig á forystusæti listans.
Dagur sagði í fjölmiðlum þegar
Reykjavíkurlistinn liðaðist í sund-
ur að hann hygðist draga sig í
hlé og tilkynnti það í fjölmiðlum.
Hann vísar nú til mikillar sókn-
ar Sjálfstæðisflokksins og próf-
kjörsins í byrjun nóvember. „Í
þessu tugmilljóna prófkjöri Sjálf-
stæðisflokksins voru engar hug-
myndir nema kannski eyjabyggð,
en svo var henni slegið á frest í 50
ár. Það er í þessari stöðu, þegar
stefnir í óverðskuldaðan stórsig-
ur Sjálfstæðisflokksins, sem ég
á erfitt með að sitja þegjandi hjá
með hendur í skauti og hef þess-
vegna ákveðið að ganga til liðs
við Samfylkinguna og leita eftir
forystu í prófkjöri.“
Dagur segir að ekki blasi við
nú að R-lista flokkarnir vinni
saman. Verkefnið sé að vinna
að öflugu framboði Samfylking-
arinnar, sem hann telur að geti
verið 35 til 40 prósenta flokkur
í höfuðborginni. „Síðan verðum
við að sjá hver úrslitin verða að
öðru leyti. Ef meirihutinn heldur
verður það eðlilega fyrsta val í
stjórnarmynstri.“
Dagur kveðst með framboði
sínu ekki lýsa vantrausti á aðra
frambjóðendur og kallar sem
flesta til liðs við Samfylkingar-
listann.
Dagur leggur áherslu á fjöl-
breytt framboð húsnæðis og tug-
milljarða króna uppbyggingu í
miðborginni að tónlistar- og ráð-
stefnuhúsi meðtöldu. Hann vill
leggja vegi í stokka frekar en að
byggja mislæg gatnamót. Öskju-
hlíðargöng og Sundabraut leggur
hann áherslu á. Hann vill útrýma
launamun kynjanna hjá borginni á
næstu fimm árum og laða atvinnu-
greinar í örum vexti til borgar-
innar og nefnir í því sambandi
ferðaþjónstu, fjármálastarfsemi
og þekkingarstarfsemi.
Dagur leggur auk þess áherslu
á að dyr grunnskólanna verði opn-
aðar fyrir íþróttafélögum og tón-
listarskólum og leitað verði leiða
til að þessi þjónusta nái til allra
barna og um leið þurfi foreldrar
ekki að verja eftirmiðdeginum
í akstur. Þá vill Dagur að áhrif
foreldra verði aukin í skólastarfi
og í tilraunaskyni verði komið á
foreldrastjórnum í fimm grunn-
skólum. johannh@frettabladid.is
DAGUR B. EGGERTSSON „Það er í þessari stöðu, þegar stefnir í óverðskuldaðan stórsigur
Sjálfstæðisflokksins, sem ég á erfitt með að sitja þegjandi hjá með hendur í skauti.“
Dagur stefnir
á efsta sætið
Dagur B. Eggertsson vill leiða framboðslista Samfylk-
ingarinnar í Reykjavík og býður sig fram gegn Stein-
unni Valdísi Óskarsdóttur og Stefáni Jóni Hafstein.
SKIPT_um væntingar
F
í
t
o
n
/
S
Í
A
Sævarhöf›a 2 Sími 525 8000 www.ih.is Opi›: Mánudaga – föstudaga kl. 9:00-18:00 og laugardaga kl. 12:00-16:00
Micra
Ver› 1.360.000,-
Nagladekk, 6 diska geislaspilari, lyklalaus,
sjálfvirkar rú›uflurrkur.
MICRA
NISSAN
SÆTUST!
beinskiptur
Micra
Ver› 1.490.000,-
sjálfskiptur
SVEITARSTJÓRNARMÁL Met
hefur verið slegið í útgáfu
byggingarleyfa í Hveragerðisbæ
á þessu ári.
Á árinu hafa alls verið veitt
byggingarleyfi fyrir 102 íbúðum,
34 íbúðum í einbýli, 45 íbúðum í
rað- eða parhúsum og 23 íbúðum
í fjölbýli. Á vef bæjarfélagsins
kemur fram að í sögu þess hafi
aldrei verið veitt byggingarleyfi
fyrir jafn mörgum nýbyggingum
og á árinu.
Stærð samþykkts íbúðar-
húsnæðis nemur 16.400 fermetr-
um og 59.500 rúmmetrum. Þá
var veitt leyfi fyrir samtals 670
fermetrum af athafnahúsnæði
og byggingarleyfi veitt fyrir
tveimur nýjum hesthúsum, sam-
tals 600 fermetrum. Fram kemur
að aukinn áhugi sé fyrir lóðum af
því tagi í bæjarfélaginu. - óká
Hveragerðisbær:
Aldrei fleiri
byggingaleyfi
VEISTU SVARIÐ
1 Hversu mörgum prósentum meiri er talið að jólaverslunin verði í ár?
2 Hverjir þrír hlutu titilinn fólk ársins 2005 hjá tímaritinu Time?
3 Hvaða bók Steinunnar Sigurðardóttur er á leið á erlendan
markað?
SVÖRIN ERU AÐ BLAÐSÍÐU 62
ANKARA, AP Dómsmálaráðherra
Tyrklands, Cemil Cicek, gagnrýndi
Evrópusambandið í gær fyrir að
þrýsta á um að dómsmál gegn
rithöfundinum Orhan Pamuk
verði látið niður falla. Hann gaf þó
til kynna að svo gæti farið.
Pamuk er ákærður fyrir að
móðga land sitt og þjóð með
ummælum í svissnesku dagblaði
og kom mál hans fyrir dóm á
föstudag. Dómurinn kvaðst
hins vegar þurfa á staðfestingu
dómsmálaráðuneytisins að halda
áður en lengra væri haldið, og
afgreiðslu málsins var því frestað.
Málið hefur reynst eins konar
prófsteinn samskipta Tyrklands
og Evrópusambandsins, sem
krefst þess að Tyrkir geri sitt til
verndar tjáningarfrelsinu. Hins
vegar hafa stjórnvöld einnig þurft
að glíma við þjóðernissinna, sem
ummæli Pamuk reittu til reiði.
Ummælin tóku til tveggja
viðkvæmustu atburða í
sögu Tyrkja síðastliðna öld,
fjöldamorðs Tyrkja á Armenum
í fyrri heimsstyrjöldinni og
átök nýlega við kúrdíska
aðskilnaðarsinna. ■
Dómsmálaráðherra Tyrklands um málaferlin yfir rithöfundinum Orhan Pamuk:
Evrópusambandið gagnrýnt
RITHÖFUNDURINN ORHAN PAMUK
Málaferli vegna ummæla hans um voru
rædd á fundi ríkisstjórnar Tyrklands í gær.
VEÐURSPÁ „Það var bara að færast
mikil spenna í málið rétt í þessu,“
segir Sigurður Þ. Ragnarsson, veð-
urfræðingur NFS, um jólaveðrið.
„Það er tvísýnt með rauð jól hér
í borginni. Nýjustu spár benda til
þess það
snjói hér í
Reykjavík
á Þorláks-
m e s s u
en óvíst
er hvort
hlýnandi
veður á
aðfanga-
dag nái
að bræða
sjóinn af
sér eða hvort bærinn hangi hvít-
ur fram yfir sex. Þetta verður
þó enginn jólasnjór sem fellur
hægt og þekur.“ Sigurður segir
að Vestfirðir séu nokkuð öruggir
um snjó en fólk á suðvesturhorn-
inu verði að bíða og vona. „Hiti á
aðfangadag verður þrjú til fjögur
stig í borginni og um og yfir frost-
mark á landinu öllu.“ Veðrið verði
milt, vætulítið og lítill vindur. „Í
raun óttalega kraftlaust veður.
Hugsanlega nokkuð bjart yfir.“
Þegar líður á jólin gæti kólnað
og úrkoma aukist. „Það getur
ýmislegt gerst í framhaldinu. Á
annan í jólum ætti að hafa kólnað
aðeins með aukinni úrkomu. Það
verður slyddukennt, en gæti þó
fært borgina í smá jólabúning.
Annars gætu hvít jól hæglega farið
að verða alger spariviðburður sem
hendir bara á 10 ára fresti ef við
höldum áfram að fara svona með
plánetuna okkar,“ segir Sigurður
að lokum. „En það er nú kannski
meira heimspeki en spá.“ - dac
Spenna færist í jólaveðurspána:
Tvísýnt með hvít jól
SIGURÐUR Þ. RAGNARSSON
Veðurfréttamaður NFS segir
möguleika á hvítum jólum
STJÓRNMÁL Vilhjálmur Þ. Vilhjálms-
son, oddviti Sjálfstæðisflokksins
fyrir borgarstjórnarkosningarn-
ar, segist ekki skilja orð Dags B.
Eggertssonar um að það stefni í
óverðskuldaðan sigur Sjálfstæðis-
flokksins í borginni í vor eins og
staðan sé nú.
„Ég held að stefni fyrst og
fremst í átök innan Samfylking-
arinnar. Ef Sjálfstæðisflokkur-
inn vinnur borgina í vor verður
það verðskuldað. Svo virðist sem
hann treysti hvorki núverandi
borgarstjóra né Stefáni Jóni
Hafstein og hann sé maðurinn til
að vinna verkin fyrir Samfylk-
inguna. - jh
Oddviti sjálfstæðismanna:
Átök innan
Samfylkingar