Fréttablaðið - 20.12.2005, Blaðsíða 81

20. desember 2005 ÞRIÐJUDAGUR46
Óttarr Proppé tónlistarmaður og
bóksali:
„Besta bókin er Small Crimes in
an Age of Abundance eftir Matt-
hew Kneale. Ég þekki fáa höfunda
jafn flinka við að blanda saman
alvarlegum málefnum og absúr-
dískri kímni. í þessum smásög-
um segir Kneale frá yfirsjónum
hins vestræna meðaljóns. Sögu-
persónur valda ómældum skaða
með smávægilegum yfirsjón-
um sínum og glæpum sem þær
framkvæma gjarnan bara til að
gera sér lífið örlítið léttara eða
skemmtilegra. Frábær gagnrýni
á „ég á rétt á“ hugsunarháttinn og
um leið á köflum sprenghlægileg
skemmtilesning.“
Maríanna Clara Lúthersdóttir
leikkona:
„Nú er úr vöndu að ráða – held samt
að ég nefni af erlendum bókum
Shadow of the Wind eftir Carlos
Ruiz Zafón – ótrúlega spennandi
og áhrifarík bók sem maður týnir
sér gjörsamlega í og svo líka Case
Histories eftir Kate Atkinson sem
er spennusaga á yfirborðinu en
fléttar svo saman sögum margra
ólíkra persóna á magnaðan hátt. Af
Íslenskum bókum held ég að Yosoy
eftir Guðrúnu Evu Mínervudóttur
standi upp úr af þeim sem ég er
búin að lesa.“
Þórunn Valdimarsdóttir rithöf-
undur:
„Ég á erfitt með að nefna eitthvað
sem er nýkomið út en ég hef nýlokið
við að lesa A Brief History of Time
eftir snillinginn Stephen W. Haw-
king og sú bók opnar nýjar víddir
varðandi hugsunina á bak við það
úr hverju heimurinn er og af hverju
hann er eins og raun ber vitni. Haw-
king gerir hinum almenna manni
kleift að skilja flókna hluti með því
að skýra þá út á ofur einfaldan hátt.
Að mínu mati frábær bók.“
Haukur Ingvarsson ljóðskáld:
„Ég hef fylgst með ljóðum sem Bragi
Ólafsson hefur birt á Bjartsvefnum
undir yfirskriftinni „Fjórar línur og
titill“; fyrir skömmu heyrði ég hann
líka lesa upp syrpu af þeim – þar er
eitthvað á ferðinni. Bækur höfunda
sem komu á bókmenntahátíð sitja í
mér t.d. Dauðinn og mörgæsin eftir
Kúrkov. Af nýju íslenskum skáld-
verkunum, sem ég hef lesið, myndi
ég nefna bækur Gyrðis Elíassonar,
Þorsteins frá Hamri og Jóns Kalm-
ans – allt góðar bækur. Bók Guðrún-
ar Evu hyggst ég eiga til góða því
ég hef heyrt því fleygt að hún sé sú
besta sem komi út fyrir jólin.“
Margrét Sverrisdóttir alþingismað-
ur:
„Ég get hiklaust mælt með bókum
Jóns Kalmans Stefánssonar og held
að ég hafi einmitt verið að lesa bók-
ina Birtan á fjöllunum eftir hann í
upphafi þessa árs. Ég hef líka lesið
Skurðir í rigningu og Ýmislegt um
risafurur og tímann og mæli með
þessum bókum í jólapakka (enda
eru þær ódýrari sem eldri eru!).
Svo er alltaf gaman að lesa Þórar-
in Eldjárn, Vigdísi Gríms og Sjón
(þegar og ef bækurnar hans eru
með söguþræði). Lesum íslenskt!
Ég vil líka mæla með afþrey-
ingarbókmenntum þegar jólin
nálgast. Snemma á þessu ári las ég
allar bækurnar um kvenspæjarann
Mma Ramotswe (The No.1 Ladies
Detective Agency) eftir Alexander
McCall Smith og hafði mjög gaman
af þeim. Þær hafa allar verið
íslenskaðar.
Fyrir þá sem setja ekki fyrir
sig að hafa bækur á ensku og vilja
„detta í það“ í bóklestri yfir jólin,
mæli ég eindregið með bókinni,
The Murder Artist eftir John Case.
Þetta er svo krassandi spennusaga
að ég gat alls ekki lagt hana frá
mér. Hún segir frá Alex Callahan
sem er fréttamaður hjá virtu dag-
blaði. Hann er fráskilinn og sér
tvíburasyni sína, sex ára, sjaldan.
En svo eiga þeir að vera hjá honum
í mánuð og það er þá sem hann fer
með þá í skemmtigarð sem er allur
í anda endurreisnartímabilsins.
Á skemmtuninni hverfa tvíbur-
arnir eins og jörðin hafi gleypt þá
og örvæntingarfull leit föðurins
hefst.“
Katrín Júlíusdóttir þingmaður:
„Fyrsta sem kemur upp í hugann
er skýrslan hans Stefáns Ólafsson-
ar „Örorka og velferð á Íslandi og
í öðrum vestrænum löndum“ sem
kom út nú í desember. Þetta rit hefur
svo sannarlega komið umræðunni
um stöðu öryrkja í okkar samfélagi
uppúr „nei – jú, víst“ hjólförunum
þó einstaka stjórnmálamenn hafi
stokkið í vörn. Skýrslan á skilið tit-
ilinn bók ársins og er okkur öllum
holl lesning til að auka skilning
okkar á þeim þröngu aðstæðum
sem þúsundir einstaklinga í okkar
samfélagi búa við. Það er rosalega
mikið af girnilegum nýútkomnum
bókum núna og verða jólin vel nýtt
til lesturs þetta árið. En af þeim
sem ég hef lesið hingað til stendur
líka „Móðir í hjáverkum“ í þýð-
ingu Oddnýjar Sturludóttur uppúr,
hún skilur ýmislegt eftir sig og ég
fann bæði þægilegar og óþægileg-
ar samsvaranir við eigin upplifun
sem móðir á vinnumarkaði í henni.
Er líka búin að lesa Djöflatertuna
eftir Þóru Sigurðardóttur og Mörtu
Maríu Jónasdóttur og veltist um af
hlátri!“
Bryndís Loftsdóttir vörustjóri
íslenskra bóka hjá Eymundsson:
„Besta erlenda bókin sem ég las
á árinu er tvímælalausn bók Bill
Bryson, A Short History of Nearly
Everything. Bill Bryson er í miklu
uppáhaldi hjá mér enda rosalega
fyndinn og gáfulegur penni. Ég
held svei mér þá að Ástralíubókin
hans hafi líka verið besta bókin sem
ég las í fyrra. Mæli fullkomlega
með öllum bókunum hans.
Í augnablikinu er ég að lesa
Yosoy eftir Guðrúnu Evu Mínervu-
dóttur. Guðrún Eva er einn af bestu
höfundum Íslands og hefur því
miður ekki fengið þá athygli sem
hún verðskuldar. Af þeim bókum
íslenskra höfunda sem ég hef lesið
í ár þá er þetta sú áhugaverðasta,
frjóasti höfundurinn að mínu mati.
Hallgrímur er líka með sína allra
bestu bók þetta árið, Rokland.
Af þýddum bókum þá verð
ég að taka undir val starfsfólks
bókaverslana á bókunum þremur,
Skugga vindsins, Flugdrekara-
hlauparanum og Næturvaktinni
– þarna vantar þó Moby Dick sem
auðvitað ætti að styðja við stofn
trésins á öllum alvöru heimilum.
Sú bók sem ég hef hins vegar lesið
oftast að undanförnu – svona 80
sinnum, er Risaeðlutíminn eftir
Ingibjörgu Briem og Maribel Gonz-
alez Sigurjóns. Bókin er í algjöru
uppáhaldi hjá syni mínum sem er
tæplega þriggja ára, vígeðlan hefur
skotið jólasveininum ref fyrir rass
og á alla hans aðdáun þessa dag-
ana. Mér er gjarnan skipað í hlut-
verk kambeðlumömmunnar sem
bjargar syni sínum úr klóm vígeðlu
með halanum. Frábær bók og flott-
ar teikningar!“
Egill Helgason fjölmiðlamaður:
„Moby Dick eftir Hermann Mel-
ville. Það geta voða fáar skáldsögur
keppt við þessa. Þetta er það sem
má kalla undursamlega bók – hún
er ótrúlega stór, mikil og víðfeðm
– ég stend alveg við það sem haft
er eftir mér á bókarkápu að þetta
sé mesta skáldsaga sem hefur verið
skrifuð. Melville naut þess hins
vegar ekki að hafa skrifað svona
stórkostlega bók; hann dó snauður,
beiskur og drykkfelldur, hafandi
misst fjölskyldu sína. Það er mjög
raunaleg saga. En þetta er bók sem
hægt er að lesa aftur og aftur full af
stórbrotnum og mátulega óræðum
táknum, miklum örlögum – fyrir
utan lýsingar á þessari horfnu
atvinnugrein, hvalveiðum, sem
skapaði svo mikinn auð á 19. öld,
blóði drifinn en um leið heillandi.“
Sigríður Albertsdóttir bókmennta-
gagnrýnandi DV:
„Á þessari stundu hef ég ekki lesið
nema brot af því sem mig langar
til að lesa en af því sem komið er
mæli ég hiklaust með Sólskinshesti
Steinunnar Sigurðardóttur en texti
hennar er fallegur og ljóðrænn
eins og vænta má. Steinunn Ólína
Þorsteinsdóttir á einstaklega vel
heppnað byrjendaverk en í bók
hennar er að finna afar fallega lýs-
ingu á samskiptum mæðgna svo
eitthvað sé nefnt. Ég var einnig
ánægð með Stefnuljós Hermanns
Stefánssonar og Tími nornarinnar
eftir Árna Þórarinsson uppfyllir
öll helstu skilyrði góðs krimma.
Ekki má gleyma Slepptu mér aldrei
eftir Kazuo Ishiguro í þýðingu Elísu
Bjargar Þorsteinsdóttur en það
er ógleymanleg saga, afar sár en
líka fögur þrátt fyrir kaldranlegan
veruleikann sem þar birtist.“
Eiríkur Guðmundsson bókmennta-
fræðingur
„Bók ársins er Tu rostro manana
1 (Fiebre y lanza) eftir spænska
rithöfundinn Javier Marías. Hún
kom á þessi ári út í enskri þýðingu
Margaret Jull Costa Your Face
Tomorrow 1 (Fever and Spear).
Þegar bókinni lýkur getur lesand-
inn ekki endursagt hana. Hann veit
ekki hvað hann var að lesa. Rödd
höfundarins þagnar og lesandinn
situr eftir, hann skilur ekki leng-
ur það sem hann skildi fáeinum
augnablikum fyrr, þegar hann hélt
á bókinni og las, líklega um nótt.
Bókin hefur breytt lesandanum í
svefngengil. Hann veit ekki hvort
bókin tilheyrir draumi en telur sig
þó hafa verið vakandi allan tímann.
Línur brjótast gegnum mókið eftir
að lestrinum líkur. Ég er minn eigin
hiti og sársauki, tíminn er snjór
á öxlum þínum. Tímar okkar eru
helgaðir hinu heimskulega og því
augljósa.
„Flettu blaðsíðunni, flettu blað-
síðunni, ég vil ekki sjá hrylling þinn
eða sársauka. Flettu blaðsíðunni og
bjargaðu eigin skinni.“ Ekki hafa
mig fyrir þessu.“
Páll Stefánsson ljósmyndari
„China eftir Játvarð Burttynsky.
Bók sem kom mér mest á óvart
á árinu. Stílhreinar stórformats-
myndir af þeirri umbyltingu sem
Kína er að ganga í gegnum. 300
milljónir Kínverja hafa á undan-
förnum árum flutt úr sveit í þessar
nýju megapólís borgir sem spretta
eins og gorkúlur út um allt alþýðu-
lýðveldið. Myndir af fólki, eins og
maurar á verksmiðjugólfum. Rusl,
fallegt rusl, skýjaklúfar og enn
fleira fólk. Falleg og fagmannlega
unnin ljósmyndabók í stóru broti.
Besta bókin árið 2005.“
BESTU BÆKUR ÁRSINS
Bækur eru fólki ofarlega í huga síðustu dagana fyrir jól enda kaupa Íslendingar
ógrynnin öll af bókum á þessum endaspretti jólabókavertíðarinnar. Fréttablað-
ið fékk fólk úr ýmsum áttum til þess að tilnefna bestu bók ársins að eigin mati
og þá kom ýmislegt fróðlegt í ljós og það eru alls ekki eingöngu jólabókaflóðs-
bækur sem komast á blað.
Tilkynning frá Kirkjugörðum
Reykjavíkurprófastsdæma
Jólaþjónusta starfsfólks
Jól í görðunum
Á jólum kemur fjöldi fólks í Fossvogskirkju-
garð, Gufuneskirkjugarð og Hólavallagarð
við Suðurgötu til þess að huga að leiðum
ástvina sinna. Við munum leitast við að leið-
beina ykkur eftir bestu getu. Hægt er að
nálgast upplýsingar um staðsetningu leiða á
vefnum gardur.is
Þjónustusímar
585 2700 og 585 2770
Aðalskrifstofan í Fossvogi, sími 585 2700 og
skrifstofan í Gufunesi, sími 585 2770, eru
opnar á Þorláksmessu og aðfangadag frá
kl. 9.00 til kl.15.00.
Þar veitum við upplýsingar, gefum leiðbein-
ingar um aðhlynningu leiða og afhendum
ratkort ef þörf krefur.
Þjónusta á Þorláksmessu
og aðfangadag
Á Þorláksmessu og aðfangadag, milli
kl. 10.00 og 15.00, verður Fossvogskirkja
opin fyrir þá sem vilja staldra við í dagsins
önn. Starfsmenn Kirkjugarðanna verða á vett-
vangi í görðunum báða þessa daga og taka á
móti ykkur og leiðbeina frá kl. 9.00 til 15.00.
Gleðilega jólahátíð
Kirkjugarðar
Reykjavíkurprófastsdæma
www.kirkjugardar.is