Fréttablaðið - 20.12.2005, Blaðsíða 16

16 20. desember 2005 ÞRIÐJUDAGUR
UMHVERFISMÁL Bæjarstjórar
Stykkishólms, Grundarfjarðar og
Snæfellsbæjar undirrituðu nýlega
samning sem gengur út á að hvetja
og styðja fólk til að taka upp vist-
vænan lífsstíl. Nokkur önnur
sveitarfélög, þar á meðal Reykja-
vík, hafa undirritað svipaðan
samning.
Samningurinn byggir á alþjóð-
legu verkefni sem ber heitið Vist-
vernd í verki og á uppruna sinn í
Bandaríkjunum. Auk Bandaríkj-
anna og nokkurra Evrópulanda
er Suður-Kórea líka þátttakandi
í verkefninu. Kannanir sýna
að þátttaka í verkefninu skilar
góðum árangri í umhverfisvernd
og stuðlar að bættri umhverfis-
meðvitund meðal þátttakenda.
Hér á landi hafa um 560 heimili
tekið þátt í verkefninu. Sveitarfé-
lögin sem hafa staðið sig best eru
Hvítársíða, en helmingur íbúanna
tók þátt, og Hveragerði þar sem níu
prósent íbúa hafa tekið þátt. Þátt-
taka á höfuðborgarsvæðinu hefur
ekki verið góð og segir Bryndís
Þórisdóttir, verkefnisstjóri verk-
efnisins að óskandi væri að fleiri
myndu taka við sér og taka upp
vistvænni lífsstíl. - sk
Þorláksmessuskatan
komin
Verð frá:399.-
Saltfiskur m/beini, sá eini sanni
Stór humar, risarækjur, hörpuskel
Fiskbúðin Hafrún Fiskbúðin Vör Fiskbúðin Árbjörg
Skipholti 70 Höfðabakka 1 Hringbraut 119
Sími 5530003 Sími 5875070 Sími 5525070
SNÆFELLSNES Sveitarfélögin á Snæ-
fellsnesi eru þátttakendur í verkefni
sem hvetur til vistvæns lífsstíls.
ÁSTRALSKAR STRANDIR Búast má við mik-
illi löggæslu á baðströndum borgarinnar
Sydney eftir kynþáttaóeirðir í síðustu viku.
SYDNEY, AP Ástralskir lögreglu-
menn telja sig hafa náð tökum á
kynþáttaóeirðum sem geisað hafa
á baðströndum við borgina Sydney.
Hvetur lögregla fólk nú til þess að
fara aftur niður að sjó, en tilmæl-
um um að forðast strandirnar var
beint til íbúa um helgina.
Gríðarlegur viðbúnaður er í
borginni vegna óeirðanna, en um
tvö þúsund lögregluþjónar taka
þátt í aðgerðum vegna þessa.
Fimm þúsund manns mótmæltu
ofbeldinu í Sydney á sunnudag,
og hvöttu til einingar milli hvítra
íbúa landsins og landsmanna af
öðrum uppruna. ■
Óeirðir í Sydney að baki:
Ástralir hvattir
til strandferða
PARÍS, AP Innanríkisráðherra
Frakklands, Nicolas Sarkozy,
hefur lýst því yfir að neyðar-
ástand vegna uppþota í landinu
verði áfram í gildi, að minnsta
kosti fram í febrúar.
Frönsk stjórnvöld hafa einkum
áhyggjur af hátíðahöldum ára-
mótanna, en bifreiðabrunar hafa
til þessa sett mark sitt á þau í
sumum borga landsins.
Neyðarástandi var lýst yfir
þann 9. nóvember vegna verstu
borgaralegu óeirða í landinu ára-
tugum saman. ■
Frönsk stjórnvöld:
Neyðarástand
fram í febrúar
Bæjarstjórar á Snæfellsnesi undirrita samning um vistvernd í verki:
Hvattir til að taka upp vistvænni lífsstíl
ALLT Á KAFI Í SNJÓ Ferðamenn fara um
á sleðum dregnum af hestum í sumum
þorpunum í svissnesku Ölpunum um
þessar mundir. Ríflega einn metri af snjó
féll á þessum slóðum um helgina.
FRÉTTABLAÐIÐ/AP