Réttur - 01.06.1943, Blaðsíða 23

Sverrir Kristjánsson:
Alþjóðasamband kommúnista
i
Laugardaginn 22. maí 1943 var eftirfarandi ályktun birt i
Pravda, aðalmálgagni Kommúnistaflokks Sovétríkjanna, og út-
varpað frá Moskva:
,.Tillaga utn að leggja niður Alþjóðasamband kommúnista.
Alþjóðasamband kommúnista var stofnað árið 1919, er allur
þorri hinna gömlu verkalýðsflokka, sem starfað höfðu fyrir hina
fyrri heimsstyrjöld, höfðu beðið pólitískan ósigur. Sögulegt lilut-
verk Alþjóðasambands kommúnista var í því fólgið að forða kenn-
ingum Marxismans frá spillingu og rangfærslum tækifærissinna í
verkalýðshreyfingunni. Það var í annan stað sögulegt hlutverk Al-
þjóðasambandsins í mörgum löndum að vinna að eflingu forustu-
sveitar verkamanna og skapa með þeim sanna verkalýðsflokka,
hjálpa þeim til að vígbúa verkalýðinn til varnar efnahagslegum og
pólitískum hagsmunum hans og til baráttu gegn fasisma og styrj-
öld þeirri, sem fasisminn undirbjó, og til aðstoðar Sovétríkjunum,
sem var fremsta varnarvirkið gegn fasismanum.
Frá upphafi sýndi Alþjóðasamband kommúnista fram á, hvert
var eðli „Andkommúníska sátlmálans“, að hann var vopn í hendi
nazista til styrjaldarviðbúnaðar. Löngu áður en styrjöldin skall á,
ijóstaði Alþjóðasambandið án afláts upp um hina sviksamlegu
undirróðursstarfsemi nazista í lönduin utan Þýzkalands; nazistar
reyndu að dylja þessa starfsemi með því að æpa upp um svokallaða
íhlutun Alþjóðasambands kommúnista í innanlandsmál þessara
ríkja.
En löngu fyrir styrjöldina varð það æ ljósar, að hagur ýmissa
landa bæði inn á við og út á við var orðinn svo margþættur, að