Réttur - 01.06.1943, Side 54

130
RÉTTUR
stunda, kost á að fylgjast með samningunum. Var verðið svo lágt,
að ekki mátti tæpara standa, að öll síldarútgerð legðist niður í
sumar. Er þetta í fullu samræmi við framkomu þessa ráðherra í
fisksölumálunum, sem nú skal að vikið.
NÝI FISKSÖLUSAMNINGURINN
1. júlí var fisksölusamningurinn endurnýjaður til næstu áramóta.
Er hann óbreyttur að öðru leyti en því, að verð fyrir óverkaðan
saltfisk hækkar um 8V2 af hundraði, en saltfiskur er nú að heita
má enginn í landinu.
Svo óviðunandi sem samningur þessi var, þegar hann var undir-
ritaður í fyrra sumar, er hann þó miklu verri nú. Síðan hafa út-
gerðarvörur hækkað gífurlega í verði, sumar um 50—100% og
ófyrirsjáanlegt hvað þær geta hækkað enn, á því tímabili, sem samn-
ingurinn verður í gildi.
Enginn málsvari sjómanna, útvegsmanna eða verkalýðssamtak-
anna var kvaddur til við þessa samningsgerð. Sósíalistaflokkurinn
hafði þar heldur engan fulltrúa. Allar kröfur þeirra aðila, sem hlut
eiga að máli um að fá að fylgjast með samningunum, voru virtar
að vettugi. Þó er afkoma, ekki aðeins þeirra þúsunda fiskimanna,
sem við þessi kjör eiga að búa, heldur og allrar launþegastéttar-
innar, undir þessum samningi komin.
Sá ráðherra, sem nú hefur farið með þessa samningsgerð fyrir
íslands hönd, með aðstoð manna, sem eru sama sinnis og hann,
hefur dyggilega fetað í fótspor fyrirrennara síns, Ólafs Thors. Þetta
framferði Vilhjálms Þórs og manna lians er engin tilviljun. / þessu
ejni haja þeir andstœðra hagsmuna að gœta við fiskimennina og
allan almenning. Því verri, sem samningurinn er, því betra frá
sjónarmiði stóratvinnurekenda og fulltrúa þeirra. Lágt fiskverð og
yfirvofandi stöðvun bátaútgerðarinnar er bezta „röksemdin“ fyrir
kröfunni um almenna lækkun á kaupi verkamanna. Enda hafa allar
tillögur ríkisstjórnarinnar um stórfelldar, lögboðnar kauplækkanir
verið „rökstuddar“ með því, að samræma þyrfti allt „kauplag og
verðlag“ í landinu við fisksölusamninginn.