Réttur - 02.05.1950, Síða 44

124
RÉTTUR
mikið af bifreiðum, sem ýmist verða framleiddar innan-
lands eða fluttar inn. Landbúnaðinum verður séð fyrir meiri
tilbúnum áburði en fyrir stríðið. Og 8—10.000 þorp munu
fá rafmagn á þessum sex árum.
2) Ríkisvaldið mun gera allt, sem unnt er, til að útbreiða tækni
og tæknimeðferð í landbúnaðinum og hlynna að og berjast
fyrir framleiðslu á úrvals-sáðkorni og aukinni þróun kvik-
fjárræktar. Það mun þannig róa að því öllum árum, að tekn-
ar verði upp nýtízku kynbótaaðferðir í akuryrkju og kvik-
fjárrækt og betri högun um jarðvegsræktun.
3) Ríkisbúin, sem ráða yfir h. u. b. 10% ræktunarlandsins, verða
gerð að sósíaliskum fyrirmyndarbúum.
4) Ríkið mun láta fátækum bændum og meðalbændum í té alla
aðstoð, sem völ er á, til að vernda þá gegn arðráni auðvalds-
aflanna.
5) Samyrkjufélög eða -bú munu rísa upp í sveitunum smám
saman og af frjálsum vilja. Þau tákna hærra stig sveita-
búskapar og munu hafa síaukin áhrif á landbúnaðarfram-
leiðsluna.
Vaxandi velmegun vinnandi fólks.
Bætt lífsskilyrði allrar alþýðu eru helzti þátturinn í þvi að
leggja undirstöðu sósíalismans.
Mikilvægasta verkefni áætlunarinnar er að ákveða sem hag-
felldast hlutfall milli framleiðslu á neyzluvarningi og vörum og
tækjum, sem ætlaðar eru til aukningar atvinnuveganna.
Þetta hlutfall á, eins og áætlunin kveður að orði, „að tryggja
samhliða sem mestan hraða í þróun atvinnulífsins og sem skjót-
astan vöxt velmegunar og menningar vinnandi lýðs.“ Einmitt
þannig er hlutfall þetta ákveðið í áætluninni. Lífskjör vinnandi
fólks munu að meðaltali verða 50—60% betri í lok 6 ára-áætlun-
arinnar en þau voru 1949, eða um tvöfalt betri en þau voru fyrir
stríð.
Samfara þessum bættu lífskjörum koma svo úrbætur í hús-
næðismálum, með því að reistar verða um 520.000 nýjar íbúðir.