Réttur - 02.05.1950, Page 51

RÉTTUR
131
þess efnis.‘ Alþjóða Rauði krossinn var beðinn að annast
heimflutning þeirra 'barna sem í hlut áttu.
Alþjóðanefnd Rauða krossins og Bandalag Rauða kross
félaganna sendu aðalritara Sameinuðu þjóðanna skýrslu,
dagsetta 5. október 1949, þar sem skýrt var frá árangri
þeirra varðandi framkvæmdir á samþykkt allsherjar-
þingsins, 27. nóv. 1948. Borizt höfðu óskir um heimsend-
ingu 6239 barna (talan er nú 8000) og allt væri gert til að
hafa uppi á dvalarstað þeirra. Heimsóttar hefðu verið
dvalarbúðir grískra barna í Búlgaríu og Júgóslavíu. Um
börnin í Botengrad (í Búlgaríu) segir svo í skýrslunni:
,Flest af börnunum á þessum stað voru af því landsvæði
sem ,lýðræðisherimir‘ höfðu á sínu valdi, og ættingjar
þeirra sem eru þar enn — og flestir hermenn sjálfir —
óska þess ekki að börn sín verði send heim ennþá*.
Þar sem skýrslan fjallar um viðurgerning og aðbúnað
barnanna í Júgóslavíu segir svo: ,Miklar breytingar voru
gerðar (á byggingunum) til þess að tryggja fullkomnasta
heilbrigðisástand og nákvæmasta hreinlæti. Allsnægtir
matar voru soðnar í fyrirmyndar eldhúsum og framreidd-
ar í rúmgóðum borðsölum........ Heilsufar barnanna er
framúrskarandi gott‘. Skýrslan tekur fram að bæði Tékkó-
slóvakía og Júgóslavía hafi fallizt á í meginatriðum að
flytja heim þau börn sem foreldrarnir sjálfir eða nánustu
ættingjar óska, og bent er á að í Tékkóslóvakíu hafi í raun
og veru hafst uppi á 138 börnum sem þannig var ástatt um.
f skýrslunni segir að grísk börn dveljist nú í þessum
Austur-Evrópu löndum: 2000 í Búlgaríu; 3500 í Tékkó-
slóvakíu; 3000 í Ungverjalandi; 500 í Póllandi; 6500 í
Rúmeníu; 11000 í Júgóslavíu — eða samtals 26500. Þetta
er ekki í miklu ósamræmi við tölu grísku stjórnarinnar,
28000, ef tillit er tekið til þeirra erfiðleika sem eru um
öflun nákvæmra upplýsinga bæði frá Grikklandi og
Alþýðulýðveldunum.
Heimflutningur grískra barna sem foreldrarnir krefjast